Bota

Lufta për të marrë vaksinën… Kanadaja hyn në skemën e COVAX, i vetmi vend i G7 që do të furnizohet me dozat e prog

4 Shkurt 2021, 10:38 Nga DOSJA
Lufta për të marrë vaksinën… Kanadaja hyn në

KANADA– Kanadaja kaa vendosur të marrë një ngarkesë të konsiderueshme të vaksinave gjatë muajve të ardhshëm përmes COVAX, platforma e krijuar për të maksimizuar furnizimin me vaksina për vendet e varfra, pavarësisht se ka rezervuar sasitë më të mëdha për person në botë, nga marrëveshjet që ka me kompanitë që prodhojnë vaksina.

Covax, një mekanizëm për të shpërndarë doza Covid-19 në të gjithë botën, synon të japë rreth 330 milion doza të vaksinave Oxford / AstraZeneca dhe Pfizer / BioNTech në 145 vende deri në Qershor, vëllime që thotë se do të jenë të mjaftueshme për të mbuluar një mesatare prej 3.3 % e popullsisë së secilit vend.

Kanadaja ka të drejtë të marrë vaksina sipas skemës Covax, në të cilën blerjet paraprake nga kombet e pasura përdoren për të nënshkruar zhvillimin e vaksinave dhe për të subvencionuar doza për vendet e varfëra. Vendi ka kontribuar me rreth 345 milion dollarë, gjysma e të cilave kalojnë për dozat që do të m,amrrë vetë vendin.

Por, Kanadaja gjithashtu ka udhëhequr botën në marrëveshje të drejtpërdrejta me kompani farmaceutike për të siguruar furnizimin e saj, duke rezervuar mjaftueshëm për të mbuluar afërsisht 9.6 doza për person, sipas analizës së Guardian.

Kanadaja vendosi të marrë 1,903,200 doza të vaksinës AstraZeneca përmes Covax, që përfaqëson rreth 5% të popullsisë së saj, mbi mesataren që do të marrin vendet e tjera Në të kundërt, shumë nga vendet që u janë caktuar dozat e vaksinave Covid-19 në listën e së Mërkurës nuk kanë bërë marrëveshje të furnizimit direkt dhe nuk kanë asnjë burim tjetër vaksinimesh përveç Covax.

Të Mërkurën, shefi ekzekutiv i Gavi, një nga organizatat që po ndihmon në administrimin e Covax, u pyet nëse ishte e dobishme që shumë vende të pasura të mos vendosnin të merrnin vaksina nga grupi i parë që do të shpërndahej. “Sigurisht që ndihmon”, tha Seth Berkley, CEO i Gavi. “Kjo do të thotë se ka më shumë doza në dispozicion për të tjerët.”

Furnizimi përmes Covax  i cili nuk është përfundimtar dhe i nënshtrohet vonesave të prodhimit dhe logjistikës, përfaqëson një rritje për gjashtë milion doza që Kanada tashmë priste nga Pfizer dhe Moderna para fundit të Marsit.

(d.a;f.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota koronavirusi ne kanada koronavirusi ne kanada

Sondazh

Poll

MË SHUMË