Art&Argëtim

Lleshaj uron Kadarenë për ditëlindje, zbulon bisedën e fundit mes tyre: Të çon nëpër tema të mëdha, Shqipëria mbetet

28 Janar 2021, 12:00 Nga DOSJA
Lleshaj uron Kadarenë për ditëlindje, zbulon bisedën e

TIRANË– Ish-ministri i Brendshëm Sandër Lleshaj, ka uruar shkrimtarin e madh shqiptar Ismail Kadare, në 85 vjetorin e lindjes së tij. Me anë të një postimi të gjatë të bërë në ‘Facebook’ Lleshaj shkruan se Kadare nuk do perceptojë ndonjëherë realisht kufirin midis tyre.

“Kam bindjen se Kadare as nuk e ka ndonjë përkufizim për jetën e përtejme, për arsyen e rrallë se, paralelisht me jetën e përtejme krejt si të tjerët, ai e di mirë se do të vijojë të ketë edhe jetën e këtejme, ndryshe nga shumica e të tjerëve. I sigurtë për të këtejmen ai e sheh krejt i qetë, deri me mospërfillje atë tjetrën. Madje, mua më duket si ai as nuk do ta perceptojë ndonjëherë realisht kufirin midis tyre”, shkruan ndër të tjera Llehsaj.

Ish-ministri tregon se e ka takuar pak ditë më parë Kadarenë me të cilin bisedoi për tema të mëdha ku Shqipëria mbetet kryetema.

“Kadarenë e takova përpara disa ditësh. Ishte një ndër ato ditët vërtet të ftohta të këtij dimri, e cila megjithatë nuk na pengoi për një shëtitje përgjatë detit plot dallgë. Më pas, pranë zjarrit, shijova privilegjin e një bisedë të rrallë, që si përherë të çon nëpër tema të mëdha, ku Shqipëria mbetet kryetema”, vijon Lleshaj.

Shkrimi i plotë:

I PASKAJSHMI KADAREKadarenë e takova përpara disa ditësh. Ishte një ndër ato ditët vërtet të ftohta të këtij dimri, e cila megjithatë nuk na pengoi për një shëtitje përgjatë detit plot dallgë. Më pas, pranë zjarrit, shijova privilegjin e një bisedë të rrallë, që si përherë të çon nëpër tema të mëdha, ku Shqipëria mbetet kryetema.

Në jetën e tij, Kadare ka qenë përherë sfidues dhe jo rrallëherë shpërfillës. Në këtë stinën e epërme të jetës, ai duket se sfidën dhe shpërfilljen tashmë i rezervon kryesisht për kohën.

I plotësuar si rrallëkush që prek majat; sovran mbi një korpus veprash, për të cilat tashmë ai e ka të vështirë të ketë edhe inventarin e plotë për shkak të botimeve të panumërta në gjuhë e vende të ndryshme; i qartë për skajet e jetës biologike por edhe për paskajshmërinë e jetës së tij letrare ai është sot më i qetë se kurrë.

Ndryshe nga shumë njerëz të tjerë të moshës së tij, që nxitojnë të mbyllin punët e pakryera, të shkruajnë kujtimet e pashkruara apo të njohin çaste të panjohura nën trysninë e kohës së pamjaftueshme, Kadare mbretëron universin e veprës së tij krejt larg këtyre shqetësimeve.

Kryerja e punëve deri në përkryerje bën që ai sot ta shohë me qetësi kohën që ka kaluar dhe atë që vjen. Kam përshtypjen se ai është krejt shpërfillës ndaj asaj që vjen dhe, deri diku, duket sikur argëtohet me vitet që shkojnë, duke i konsideruar ato më shumë si trofe të fituara se sa si kohë e shkuar.

Kam bindjen se Kadare as nuk e ka ndonjë përkufizim për jetën e përtejme, për arsyen e rrallë se, paralelisht me jetën e përtejme krejt si të tjerët, ai e di mirë se do të vijojë të ketë edhe jetën e këtejme, ndryshe nga shumica e të tjerëve. I sigurtë për të këtejmen ai e sheh krejt i qetë, deri me mospërfillje atë tjetrën.Madje, mua më duket si ai as nuk do ta perceptojë ndonjëherë realisht kufirin midis tyre.GËZUAR DITËLINDJEN MJESHTËR!

Sot, gjeniu i letrave shqipe Ismail Kadare feston sot 85-vjetorin e lindjes. Kadare është një nga shkrimtarët më të mëdhenj të letërsisë shqipe. Kadare është padyshim figura kryesore e letërsisë shqiptare, dhe vepra e tij është përkthyer në mbi 45 gjuhë të botës. Në nder të 85-vjetorit të shkrimtarit Ismail Kadare është zhvilluar edhe veprimtaria shkencore me temë “Ismail Kadare, shkrimtar shqiptar në letërsinë botërore”.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

kulture kulture 85-vjetori i ismail kadare ditelindja e ismail kadare sander lleshaj 85-vjetori i ismail kadare ditelindja e ismail kadare sander lleshaj

Sondazh

Poll

Art&Argëtim 28 Janar 2021, 11:51

TIRANE- Në 85-vjetorin e shkrimtarit të madh, Ismail Kadare, del nga shtypi edhe libri më i ri për të, “Kohë për rrëfim” nën logon e botimeve “Onufri”. Kadare v...

Art&Argëtim 28 Janar 2021, 11:16

TIRANË– Kryeministri Edi Rama ka zgjedhur të urojë sot gjigantin e letërsisë shqipe Ismail Kadare, në 85-vjetorin e tij të lindjes. Në një status në rrjete...