Aktualitet

4 ditë të humbura, dy adoleshentet tregojnë PRAPASKENAT: Ikëm se prindërit s’po silleshin mirë

5 Janar 2021, 12:25 Nga DOSJA
4 ditë të humbura, dy adoleshentet tregojnë PRAPASKENAT:

TIRANË– Zbardhen detajet e para nga dëshmia që dy adoleshentet e zhdukura prej katër ditësh kanë dhënë para efektivëve të Policisë. Burime për Dosja.al bëjnë me dije se të miturat në praninë e një psikologeje kanë pretenduar se ishin larguar me dëshirë nga banesa e tyre, ditën e parë të Vitit të Ri.

Sipas dëshmisë së dhënë, ato janë shprehur se kishin vendosur që të largoheshin bashkë nga banesa pasi prindërit e tyre nuk silleshin mirë me ta. Para efektivëve, ato kanë këmbëngulur se nuk ka pasur persona të tjerë që i kanë detyruar që të largohen nga familja.

Lajmi për zhdukjen e tyre u dha dy ditë më parë, edhe pse të miturat ishin larguar nga banesa që më 1 janar. Para se të zhdukeshin, ato dolën nga banesa me pretekstin se po shkonin në shtëpitë e njëra-tjetrës për të uruar një vit të mbarë. Por me të dalë nga banesa, fikën telefonat dhe u zhdukën.

Me vete, dy të miturat kishin kartat e identitetit dhe një sasi parash. E ëma e njërës prej tyre, pretendonte se vajzat ishin mashtruar, ndërsa shtonte se e bija vuante nga astma dhe duhej që të kthehej për të marrë mjekimin e nevojshëm. Hetuesit kishin nisur punën për ‘gjurmimin’ e tabulateve të tyre telefonike, mirëpo nuk dihet nëse ka qënë ky ‘detaji’ që i ka rikthyer të miturat pranë familjes.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet zhduken dy te miturat zhduken dy te miturat

Sondazh

Poll