Politike

Marrin zyrtarisht detyrën dy ministrat e rinj/ Xhaçka kritikon indirekt Cakajn: Unë s’do të shpik rrotën por radhët nëp

5 Janar 2021, 11:25 Nga DOSJA
Marrin zyrtarisht detyrën dy ministrat e rinj/ Xhaçka kritikon

TIRANË– Olta Xhaçka dhe Niko Peleshi kanë marrë sot zyrtarisht detyrën e re. Në një ceremoni të thjeshtë, që në orën 08:00 të mëngjesit, shefi i qeverisë, Edi Rama, njëherazi edhe ish-ministër i Jashtëm, i dorëzoi detyrën Olta Xhaçkës, e cila u shpreh optimiste për detyrën e re dhe të vështirë që iu caktua. Por, Xhaçka nuk e la pa kritikuar indirekt Cakajn kur fjala e saj ceku problematikat e institucionit që drejtohet prej saj. Edhe pse e pranoi që nuk do të kishte nevojë për të nisur punë nga e para, sërish nuk la pa përmendur skenat dhe pamjet nga radhët në ambasadat shqiptare në Greqi, të cilat sipas saj nuk do të përsëriten, duke premtuar edhe reformim të konsullatave. 

Ndërsa kryeministri Edi Rama, gjatë fjalës së tij, shtoi se për shkak të kufizimit të të drejtave në ushtrimin e detyrës në krye të OSBE-së mund të shkaktonte keqkuptime tek partnerët e huaj, duke shtuar se ndjehej i lehtësuar që tashmë detyrën ia kishte deleguar ish-ministres së Mbrojtjes. I pranishëm në këtë takim ishte edhe ish-ministri i deleguar Gent Cakaj, i cili tha se do të vijonte angazhimet e tij në Shqipëri, por nuk dha detaje se me çfarë do të merrej. 

Me të mbaruar tek Ministria e Jashtme, ministres së re iu desh të shkonte sërish tek Ministria e Mbrojtjes, aty ku në orën 10:00 e priste kolegu socialist, Niko Peleshi për të marrë detyrën. Ceremonia e kalimit të detyrës u zhvilluapërballë ambienteve të Ministrisë së Mbrojtjes dhe të pranishëm ishin Forcat e Armatosura dhe zyrtarë të Ministrisë. Xhaçka nisi fjalën e saj duke iu drejtuar Peleshit me fjalën ‘mik’ e duke i thënë se në këtë post nuk ka qetësi pasi nuk ka aspak kohë. Ndërsa Niko Peleshi në fjalën e parë si Ministër i Mbrojtjes u shpreh se një rëndësi të vecantë do t’i kushtojë edukimit të Forcave të Armatosura. Ai tha se baza e Kuçovës është një ngjarje me rëndësi të veçantë, që do të kërkojë angazhim maksimal. 

(F.G/DOSJA.AL)

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama emerohen ministrat e rinj gent cakaj ndryshimet ne kabinet niko peleshi olta xhacka edi rama emerohen ministrat e rinj gent cakaj ndryshimet ne kabinet niko peleshi olta xhacka

Sondazh

Poll

Politike 5 Janar 2021, 11:20

TIRANË– Raporti i Organizatës për Bashkëpunim Ekonomik dhe Zhvillim (OECD) lidhur me largimin e shqiptarëve nga vendi, ka trazuar ujrat në politikën shqipt...

Politike 5 Janar 2021, 08:21

TIRANË– Olta Xhacka i ka kaluar detyrën si Ministre e Mbrojtjes Niko Peleshit. Ceremonia e kalimit të detyrës u zhvillua në orën 10:00 përballë ambienteve ...

MË SHUMË