TIRANË– Raporti i Organizatës për Bashkëpunim Ekonomik dhe Zhvillim (OECD) lidhur me largimin e shqiptarëve nga vendi, ka trazuar ujrat në politikën shqiptare. Në raportin e vitit 2020, OECD konstatoi se Shqipëria renditej e katërta në botë për rritjen në normën e emigracionit të personave me aftësi të larta në punë, të dhëna këto që kanë alarmuar presidentin e vendit, Ilir Metën.
Menjëherë pas publikimit të lajmit me të dhënat zyrtare, ai e ka cilësuar raportin si një rekord të zi për vendin, duke bërë fajtore për largimin e ‘ajkës’ se vendit qeverinë. Sipas Metës, zgjedhjet parlamentare që ai i cilëson si ‘referendumi i 25 prillit’, do të jenë vendimtare për të ardhmen e Shqipërisë, duke bërë thirrje për bashkim. Në fund, kreu i shtetit u kërkoi qytetarëve që të marrin në dorë fatet e tyre në mënyrë që të mos largohen nga vendi por ta ndërtojnë në Shqipëri të ardhmen e tyre.
Nuk vonoi shumë dhe deklaratës së presidenti iu përgjigj edhe vetë kryeministri Edi Rama, i cili u shpreh se të dhënat ishin të vjetra dhe se ‘tema’ e largimit të shqiptarëve po përdorej nga kundërshtarët e tij politikë kundër qeverisë. Duke u shfajsuar për largimin e shqiptarëve, Rama shtoi se as të tjerë para tij, nuk e kishin ndaluar fenomenin e emigracionit, duke mos harruar për të bërë edhe njëherë thirrje kundër Lëvizjes Socialiste për Intregim.
Në debat mes Metës dhe Ramës, u përfshi edhe kryedemokrati Lulzim Basha. Numri një i Partisë Demokratike shkroi se kreu i qeverisë mundohet që të fajësojë të tjerët për dështimet e tij, duke bërë edhe ai apelin e tij politik në fund të deklaratës. Si kandidat i ardhshëm për kryeministër, Basha shtoi se për ecjen para të vendit, e vetmja rrugë është largimi i tij me votë.
Por çfarë përmbante artikulli i publikuar që ‘nxehu’ politikën shqiptare?
Ditën e sotme, Organizata për Bashkëpunim Ekonomik dhe Zhvillim (OECD) në një raport të vitit 2020 konstatoi se Shqipëria renditej e katërta në botë për rritjen në normën e emigracionit të personave me aftësi të larta në punë për periudhën 2000/2001 deri në 2015/2016.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryetari i Partisë Demokratike, Lulzim Basha i është përgjigjur kryeministrit Edi Rama pasi ky e fundit e cilësoi “të vjetër”, raportin e OECD, ku ...
TIRANË– Ish-ministri i Jashtëm, Ditmir Bushati ka analizuar çështjen e detit mes Shqipërisë dhe Greqisë, që prej kohës së komunizimit në Shqipëri dh...
TIRANË– Kryeministri Edi Rama e ka cilësuar si të ‘vjetër’ raportin e publikuar nga Organizata për Bashkëpunim Ekonomik dhe Zhvillim, e cila vuri alarmin l...
TIRANË– Presidenti Ilir Meta ka komentuar lajmin lidhur me largimin nga Shqipëria të “intelektualëve” për një të ardhme më të mirë jashtë vendit. Me anë të...
TIRANË– Olta Xhaçka i ka dorëzuar detyrën e Ministrisë së Mbrojtjes Niko Peleshit. Ceremonia i zhvillua në orën 10:00 në ambientet para Ministrisë s...
TIRANË–Ministrja Olta Xhaçka i ka dorëzuar detyrën e Ministrisë së Mbrojtjes Niko Peleshit. Gjatë fjalës së saj Xhaçka iu drejtua Peleshit në...
TIRANË– Gazetari Blendi Fevziu e pyeti ditën e djeshme Presidentin Ilir Meta sesa është pasuria e tij dhe si e ka marrëdhënien me paranë.Meta e ka konsider...
TIRANË– Kryeministri dhe Ministri i i jashtëm, Edi Rama, së bashku me Ministrin në detyrë për Evropën dhe Punët e Jashtme, Gent Cakaj, i dorëzuan sot...
TIRANË– Kryetari i Partisë Demokratike Lulzim Basha sërish ka nisur mëngjesin me një postim që lidhet me qeverinë. Ditën e sotme Basha ka shpërndarë në pro...