Aktualitet

As Sherrniku dhe as Martinaj, drejt Xhulio Prelës qëlloi me armë një person i tretë, po punohet për arrestimin e tij

21 Dhjetor 2020, 16:34 Nga DOSJA
As Sherrniku dhe as Martinaj, drejt Xhulio Prelës qëlloi me armë

TIRANËDosja.al ka mësuar se është shpallur në kërkim një person i tretë për vrasjen e efektivit të Forcave të Ndërhyrjes së Shpejtë, Xhulio Prela. Mësohet se personi që ka qëlluar me armë zjarri drejt Prelës, në orët e para të mëngjesit të datës 5 dhjetor, është një tjetër person.

Burime nga grupi hetimor, kanë bërë me dije për Dosja.al se ai që ka shkrepur armën nuk është as Nikoll Sherrniku, 21-vjeçari që u arrestua dy ditë më parë dhe as Brilant Martinaj, i cili do të vetëdorëzohet këtë javë. Gjithsesi, identiteti i përsonit të tretë të përfshirë në këtë krim nuk është bërë ende me dije.

Për momentin, drejtësia shqiptare po punon për lokalizimin dhe arrestimin e tij. Nga ana tjetër, Sherrniku është lënë sot në burg. Ai ka deklaruar para togave të zeza se nuk ka lidhje me ngjarjes dhe se  mëngjesin e krimit të rëndë ka qenë në shtëpi. Sherrniku ka mohuar edhe njohjen me të shpallurin në kërkim, Brilant Martinaj. 

Ky i fundit, gjithashtu pretendon se është i pafajshëm dhe se po akuzohet vetëm për faktin se ka kaluar në atë zonë, në të njëjtën orë me kohën kur ka ndodhur krimi i rëndë. 

Efektivi Prela, ishte duke u kthyer për në banesën e tij, pasi kishte çuar një të afërm në Shkodër kur u vra, ngjarje që sipas Policisë ka ardhur pas një sherri për shkaqe banale me autorët, si dritat e gjata të makinës.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet

Sondazh

Poll