Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Legjenda e futbollit shqiptar, Panajot Pano, i ashtuquajturi ‘Futbollisti i Shekullit’ ndërroi jetë 9 vite më parë duke lënë pas emrin e tij dhe të gjithë historinë e madhe.
Futbollisti ende sillet ndërmend me nostalgji nga shumë sportdashës, ku madje në nder të tij organizohet dhe kupa ‘’Panajot Pano’’ mes gazetarëve sportiv.
Rrespekti për Panajot Panon mblodhi sot shumë njerëz në Mak Albania Hotel, në një përkujtimore për futbollistin që shkëlqeu me bluzën e Partizanit.
Nëse do ishte ftuar e gjithë Shqipëria, të gjithë do të vinin.
Në këtë takim bënin pjesë shumë figura të larta e të njohura të futbollit dhe jo vetëm.
Një nga pjesëmarrësit, Përparim Kabo tha se Pano kishte dhënë gjithçka për flamurin kuqezi dhe sygjeroi të recitonin himnin kombëtar në nder të tij.
Pano është mes nesh, ndaj ju ftojmë të përcjellim himnin kombëtar. Panajoti dha gjithçka për flamurin kuqezi.
Një ide interesante u hodh nga Vladimir Hajdari, i cili shprehu dëshirën e tij që stadiumi kombëtar ti vihej emra e legjendës së Partizanit, një ide e cila dukej se gjeti mbështetjen e të gjithë të pranishmëve.
Të gjithë fjalimet e mbajtura në nder të Panajot Panos.
Është një ditë e veçantë për mua dhe për ju, si miq të babait dhe të familjes. Një nga ditët më emocionuese për mua. Shoh njerëz që ndoshta nuk i njoh, por kanë duartrokitur babanë tim. Hera e parë që jam kaq i emocionuar. Bravo profesor Kabo për organizimin. Një falënderim për presidentin Gazment Demi. Falënderim i veçantë për Bamir Topin. Falënderim i veçantë për gjithë miqtë e tij, për personat në panel, për Sabah Bizin që e kishte si vëlla. Faleminderit të gjithëve nga zemra.
E adhuroja Panon. Mbaj mend që i shënoi gol Sulejman Maliqatit dhe më pas bëri një gjest. Nuk e kisha menduar se do luaja me të kurrë. Ato katër vite te Partizani me të ishin më të mrekullueshmit në karrierën time. Rrallë kam parë lojtarë si ai, edhe jashtë janë habitur nga mënyra si luante. Mbetet futbollist i madh dhe mik i madh i imi. Pano duhet kujtuar vazhdimisht.
Ju falënderoj nga zemra për ftesën. Dëgjova konsiderata për dekorimin e Panajotit. Nëse nuk do e kisha bërë, do ikja me një brengë të madhe nga presidenca. Jam shprehur besimplotë, se me shumë se Panajoti u gëzuan miqtë e tij atë ditë. Ishte gëzim i madh, jo i shtirur. Tifozët e dy ekipeve pas ndeshjeve ngacmoheshin, kurse Panajoti shoqërohej me lojtarët kundërshtarë. E kisha të vazhdueshëm komunikimin me të. Një njeri aq i madh, më i madhi i futbollit shqiptar, por që ishte shumë modest. Në tribuna i takonte të qëndronte, por ai nuk qëndronte aty. Legjendat lartësohen me kalimin e kohës.
Panon e kam shoqëruar edhe unë gjatë karrierës. Duke qenë lojtar i madh e shikoja me sy tjetër. Më dilte edhe në ëndërr. Kur zgjohesh duheshin disa orë të vinte në stërvitje. Kur i thoshin Loro Boriçit ‘a është Pano nga më të mëdhenjtë’, ai na thoshte ‘po’. Ne na bëhej zemra mal.
E kam njohur në vitet 1961-1962. Dinamos i duheshin përforcime dhe morëm Panon. Luajtëm në kampionatin Ballkanik. Mundëm Dinamon e Bukureshtit 3-2 dhe thoshin që nuk është lojtar i formuar në Shqipëri, por në Perëndim. Më pas luajtëm natën në Sofie dhe nuk orientoheshim prej dritave. Pjesën e dytë u ambientuam dhe arritëm të shënonim dy gola. Me Fenerbahcen, presidenti Muslim Beu nguli këmbë ta blinte. Asokohe nuk e dinim çfarë ishte shitblerja. Vitet ’60 ishin një “bum” për futbollin shqiptar. Asokohe luajtëm në Europian dhe Greqia nuk pranoi të luante me ne dhe morëm 6 pikë në tavolinë. Dolëm në vendin e 80-të në Europë. Panajoti, po të luante në kohën e sotme, do luante me klube si Juventus e Barcelona. Ishte njeri shumë miqësor me të gjithë.
Jam mes miqsh në një ditë të jashtëzakonshme. Secili ka kujtimet e veta me të dhe mund të flasim për ditë të tëra. Ai nuk bëri histori, është historia e futbollit shqiptar. Panajoti do një kapitull të veçantë, pasi është nga ata djem që ishte prezent në çdo rrugicë e çdo vend të Tiranës. Ishte nga ata për të cilët flitej me muaj. Më kujtohet kur erdhi te Partizani. Pati një incident. Iku në mes të natës dhe zgjidhi problemin. Babai më tha: Panajot Pano është aset kombëtar. Ashtu ishte dhe ashtu duhet të mbetet. Ai ka kontribuar edhe në mendimin filozofik të njerëzve. Ai ishte sportist i madh dhe njeri i shkëlqyer. La një ikonë të veten dhe që asnjë nuk arrin dot ta pikturojë. Ai është si piktura e Monalizës, i papërsëritshëm. Familja Fagu ju ka një perlë në shtëpinë tonë (i drejtohet Ledios).
Mendova se nuk do kishte njerëz, nisur nga fakti që ishte e diel dhe nga orari i zgjedhur, por më keni befasuar. Shpresoj që Panajoti të jetë një shembull për lojtarët e mi. Këtu nuk mungojnë as tifozë e politikanë.
“Në atë kohë ndeshjet bëheshin të dielën, në 13:00 shkonim në stadium dhe flitej për futboll deri kur të niste ndeshja. Prisnim deri në 17:00 dhe nuk kishte sherre si sot. Prisnim atëherë nga Pano të na jepte fitoret. Takoheshim rrugëve dhe kjo është arsyeja pse ishim miq me lojtarët. Krenoheshim kur i takonim. Ishte njeri dhe futbollist i madh.
“Duhet të jemi të privilegjuar që jemi këtu. Gjithë Shqipëria do vinte po të ftohej. 7 marsi 1939 është ditë më fat për futbollin tonë. Ishte një talent që sot mijëra skautë nuk e gjejnë dot. Ai ishte talent dhe u rrit, duke u bërë futbollist i madh. Aty i dolën në pah edhe cilësitë e tjera. Duhet ta lartësojmë emrin e tij dhe të rritim breza me shembullin e tij. Ata përballë duhet të bëhen si Pano dhe do t’u dalin në pah cilësitë e tyre. E kam njohur në vitet e fundit të jetës dhe ndihem me fat.
Kam luajtur 8 vite me Panajotin. Si lojtar është e kotë të flasësh, e njihte gjithë bota. Komentet e shumta janë të kota”.
Po përkujtojmë krye yllin e futbollit shqiptar. Është një takim shumë solemn, që na emocionon. Kam edhe unë kujtime me të. Kur isha te të rinjtë, me profesor Bejkush Birçen, shkoja në klub gjatë kohës së sezonit. Kisha mundësinë të ushqehesha mirë dhe të mësoja për provimet. Në ato mbrëmje e takoja dhe ishte shumë i dashur. Atij i bënin përshtypje librat që mbaja. Vinte e më pyeste shpesh. Dua t’ju them që ishte shumë i dashur. Të bënte përshtypje thjeshtësia e tij dhe sot përulem para kujtimit të tij. Ia kemi borxh një histori.
B.N/dosja.al
Tirana është boshatisur për ditët e pushimit. Cilën nga ritet e shenjta po ndiqni:
Liverpool ka arritur të marrë tre pikëshin kundër Burnley me jo pak vuajtje në shtëpinë e tyre, ku ndeshja u nda me rezultatin përfundimtar 4-2.‘Reds’ e nisën t...
Ousmane Dembele mund të mos jetë pjesë e ekipit të Barcelonës në ndeshjen e dytë me Lyon për një vend në çerekfinalet e Champions League si pasojë e një ...
Nesër mbahet takimi mes Federatës Shqiptare të Futbollit dhe qeverisë shqiptare, takim i cili po pritet me mjaft interes nga të gjitha palët, si pasojë e proble...
Pas dhunës së ushtruar ndaj arbitrit Eldorian Hamiti nga tifozët dhe zyrtarët e klubit të Kamzës në ndeshjen e fundjavës së kaluar me Laçin (lexo këtu), ...
Pas vendimit të Shoqatës së Arbitrabe për të bojkotuar kampionatin shqiptar(lexo këtu) si pasojë e dhunës në ndeshjen Kamza-Laçi kundër arbitrit Eldorian...
Futbollisti i kombëtares shqiptare, Ermir Lenjani është duke kaluar nëpër një formë të mrekullueshme me Sionin në Superligën e Zvicrës.Mbrojtësi i majtë ka shkë...
Javët e fundit nëpër mediat europiane u përfol se Juventusi po mendonte për të sjellë teknkun spanjoll, Pep Guardiola në rradhët e ekipit të tyre për të ndryshu...
Mario Ballotelli ka gjetur rehatinë në ekipin e Marseille-s, ku vet futbollisti italian ka konfirmuar se dëshiron të firmosë një kontratë të re që të qëndrojë n...
Mediat italiane raportojnë se gjiganti Italian, Juventus është duke u përgatitur ta transferojë Sergio Ramosin e Real Madridit, pasi nënshkroi një kontratë 4 v...
Qendërmbrojtësi i Barcelonës, Gerard Pique po luan aq mirë sa gjithmonë, duke vendosur autoritetin në linjën e mbrojtjes për blaugranët, por shoku i ekipit braz...
