Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Vitin që shkoi doli në pension. Në Shqipëri ishte mjek,por dhe këtu ia doli. U bë ndihmës mjek. Nga që rrogën e pati të mirë pensioni i del dhe i tepron. Kështu i thotë,Gjergjit,çunit me të cilin banon,se Fredi ka ikur me punë në Atlanta. Eshte i martuar e me dy fëmijë. Ndérsa Gjergji ka veç një gocë. Mjalti i mjaltit të mjaltit,e quan Raqi.
Keto ditë po kërkonin një shtëpi më të madhe. Gjetën disa kaq të bukura sa të vinte e të hyje atë çast. Por ajo e djeshme i pëlqeu më shumë. Jo se ishte pranë oqeanit,jo se ishte më e madhe dhe me dritë ngado. Por se dhoma e ndenjes kishte një vetratë me xham në mes. Hapej kur organizoje festa dhe mbyllej e bëhej dy dhoma kur ishin ditë të zakonshme. Sa e pa këtë vetratë,Raqi u çel në fytyrë. Fredi e pa që i pëlqeu dhe e pyeti:
-Ta blemë?
Nuk i ktheu përgjigje çunit se mendja i shkoi fluturimthi në Korçën e tij. Atëhere kur ishte kérthi,afër 60 vjet para…
* * * * * *
Atë mëngjes dimri,kur jashtë kishte borë dhe qe acar,e çoi shpejt nëna nga gjumi.
-Do shkojmë te shtëpia jonë sot,-ia kujtoi ajo.
U çua vrik dhe veshi në çast tutat kaki. Do iknin nga banesa e dajës. Qëndruan atje disa vjet deri sa pardje iu dhanë një banesë te rruga kryesore e qytetit. Ia shtetëzuan një të pasuri,tha babai dhe tani atje do banonim 6 familje.
-Nxitoni,se mos na ngelet ne ndonjë dhomë e vogël,-tha babai.
Raqi kapi dorën e gjyshes dhe po ecte linkthi pas të rriturve. Arritën shpejt. Te shtëpia me dy kate pa një pllakë:”Bulevard Republika”.
-Kjo është,-i tha mamaja.
Hynë te një oborr i vogël mbushur plot me njerëz. Të shkallët,në krye qe një tullac i imët që kur fliste nxirrte stérkala.
-Familja Nino!
-Këtu,-dhe ngritën dorën nja gjashtë persona.
I mori me vete tullaci e pas pak ata po shihni turmën nga parmakët e verandës te kati i dytë.
-Këtë dhomë doja,-tha babai i Raqit.-Ka një wc atje. Ne të tjerët do dhjesim te ky qenefi jashtë,-e tregoi një kolibe te cepi i oborrit.
Pastaj u rregulluan të tjerët e në fund babai me Ethemin,kështu quhej burri i familjes tjetër me pesë fëmijë. Tullaci i mori bashkë e i ngjti lart. Te korridori i madh ishin dy dyer druri të larta e të skalitura. Hyni,u tha tullaci. Te dera e parë hyri familja e Ethemit. Te tjetra hyri familja e Raqit dhe për çudi u bashkuam në një dhomë. Dyert të nxirrnin te e njëjta dhomë. U panë me çudi. Do jetonin bashkë 13 veta? Mos qe shaka? Por tullaci shkoi te kreu i murit dhe terhoqi zvarrë disa dyer të mëdhaja të ngjitura me njëra tjetrën. Nga mesi e lart ato ishin me xham me lule,plot ngjyra. Rrëshqitën mbi dysheme e kur takuan murin tjetér bëri krak një shul që u ngul pérdhe. Dhoma u nda në mes. Babait i ra dhoma me një dritare,Ethemit ajo me një ballkon. Tullaci ngeli matanë dhe tregoi se poshte ishte një kuzhinë e përbashkët,nevojtorja qe jashtë dhe kaq.
-Ta gëzoni shtëpinë,-uroi dhe iku si era.
Nëna gati të qante. Gjyshja donte te pyeste,por babai ia beri me shenjë,kujdes se na dëgjojnë. Matanë Ethemi seç bënte me ca tenxhere e dëgjoheshin të qara fëmije.
Nisën një jetë që asnjë ëndërr nuk ta servir. Nata e parë pa gjumë. Sa dëgjohej një teshtimë këtej,shëndet thoshin nga dhoma tjetër. Babai i Raqit gërhiste paq,por Ethemi qe kampion. Një djalë i tij fliste në gjumë dhe u tmerruam kur një natë bertiste,vrije,mbyte!
Ditë pas ditë nisën njohjet. Te kuzhina u miqësuan gratë dhe filluan recetat e ushqimeve. Shtroheshim në tavolinë e na vinte zëri nga matanë:
-Doni ca turshi? Na i sollën nga Skrapari.
Babai ua kthente:
-Do pini ndonjë gotë me ne?
Dhe ajo dhomë me vetratë na u duk pas ca kohësh si një ndarje koti. Tani dinim se si i kishin hallet. Mësonim kur ishin sëmurë,kur nuk iu delte rroga,kur blinin ndonjë palë këpucë a pantallona. Fëmijët i bënin detyrat me pyetje e pérgjigje pér tabelën e shumëzimit,recitonin e korrigjonin njeri tjetrin. Dhe nëpër vite e hapën disa herë vetratën. Kur djali i madh i Ethemit shkoi ushtar,kur babai i Raqit mbaroi universitetin me korrespodencë dhe kur Raqi u operua nga apandeciti. U dukej sikur ishin një familje,vec dalloheshin nga mbiemri. Sa herë ishin në sebepe e vaki të rriturit hapej muri dhe dukej sikur shtëpia ishte plot,nuk mungonte kush. Shkuan vite e një ditë babai i tha Raqit se do iknin në pallat,andej nga stadiumi. Nëna u gëzua,por babai i kafshoi buzë. Kujdes se do merziten ata matanë,donte të thoshte. Kur edhi dita të largoheshim i mbyti ngashërimi të dy palët. Nuk ndaheshin,ashtu si nusja që qan kur braktis shtëpinë e babait.
Në pallat kishin dy dhoma e një kuzhinë. Djemtë,se u bë me dy,i vuri te një dhomë. Por ata ndenjën pa gjumë. Iu dukej sikur ishin në pyll. Nuk flinin dot me aq qetësi. Gjyshja gati u sëmur se donte muhabet dhe natën. Nënës i mungonte Hajrija,gruaja e urtë dhe e qetë e Ethemit. Në mëngjes do iknin vrap te shtëpia e vjetër,por te dera erdhi komplet familja e Ethemit.
-Të rrimë ca ditë ketej,të mesohemi,-thanë ata.
E sërish u mbush plot ajo banesë,me jetë,me njerëz,me lumturi.
Këto kujtonte Raqi dhe një vetratë e thjeshtë e detyroi të blinte një shtëpi të tërë. Se ajo vetratë zmadhon hapësirën,por dhe shton miq e shokë. Shton gaz e hare. Të shton jetë,i tha vetes.
-Do e blemë,bir. Qysh nesër,sa të dalë dielli…
1 vit nga zgjedhjet e 25 prillit si e shikoni gjendjen e vendit:
Tiranë- Sjellja e vjetër e atyre që ishin te ndrojtur për ta nxjerrë në pazar bamirësinë që u kishte lindur në zemër, pothuajse është varrosur bashkë me viktima...
KOSOVË- Dëmi që i është shkaktuar kredibilitetit amerikan dhe autoritetit moral në Kosovë, kudo përgjatë Ballkanit, dhe në relacionin me Gjermaninë dhe Fra...
Nga Flutura AçkaTek kërkoja mbrëmë nëpër internet televizionet shqiptare, që të enjteve në mbrëmje në pikun e shikueshmërisë, “therin” shoshoqin për shik...
Nga Agustin Kola-trajnerSot kryeministri Edi Rama deklaroi se nuk kishte ndërmend te zgjeronte paketën e ndihmës ekonomike duke përfshire ne te klubet e futboll...
TIRANË- Një deklaratë naive e kryeministrit Edi Rama, ka hapur sërish një debat politik në Shqipëri. Dosja.al ngriti dje e para pyetjen, se a e ka shkelur ...
TIRANË- Qazim Ismaili pa dashjen e tij sot është bërë personazhi kryesor mediatik. Me kostumin kundër COVID-19, Ismaili pret që nesër të nisë punën në spit...
TIRANE- Një njoftim i Agjencisë së Prokurimeve Publike ka shqetësuar dje shumë media pranë Partisë Demokratike, për një tender për “qeleshe”. Njoftimi për tende...
TIRANË- Kryeministri Edi Rama ka krijuar tashmë një traditë me shpëndarjen e shprehjeve dhe video-mesazheve frymëzuese në rrjetet sociale. Përditë, Rama nd...
TIRANË- Sot u bënë plot 20 ditë nga regjistrimi zyrtar i një pacienti pozitiv me COVID-19. Natyrisht aludohet që virusi ka hyrë ditë më parë në Shqipëri as...
