Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
TIRANË- 26 shkurt 2020. Nexhmija, e veja e ish-diktatorit Enver Hoxha u nda nga jeta në moshën 99-vjeçare. Figura e saj ka qenë shumë e kontestuar por roli i saj në regjimin e diktaturës një mister që tanimë me largimin e saj nga jeta nuk do të zbuluohet kurrë.
Vështirë është që të zbulosh se cili ka lënë roli i saj krah Hoxhës, edhe kur dëshmitë rreth figurës së saj kanë qënë kontradiktore. Kush më mirë e njeh Nexhmijen se fëmijët e saj? Për shkrimin e sotëm në rubrikën “Dikur” do vendosim përballë njëra-tjetrës intervistat e nuseve të saj, Liljanës dhe Teutës, të cilat dëshmojë versione kontradiktore lidhur me rolin e Nexhmijes në punët e shtetit socialist të asokohe.
Në dy intervista tek emisioni “Opinion”, nusja e Sokolit, Liljana Hoxha ka folur gjithë urrejtje për vjehrrën e saj, duke nxjerrë edhe foto ekskluzive që tregonin rolin e Nexhimijes dhe pushtetin që ajo fitoi pasi diktatori iu dorëzua sëmundjes, që i mori të folurën dhe këmbët.
“Nexhmija ka qënë kontrollori i gjithçkaje, kondicionuesi i gjithçkaje në emër të Enverit. Nuk do bëni këtë se kështu tha Enveri. Ne e takonim ai nuk na thoshte gjë. Nëse do të duhej që unë diçka do të doja ta bëja me patjetër, e i thosha unë këtë do ta bëj do t’i them babit, se Nexhmija kishte dhënë që nuk do Enveri, ajo menjëherë dredhonte dhe thoshte më lër t’ja them unë. Dhe pastaj vinte e thoshte dakord është Enveri”-shprehej Liljana.
Nëse Nexhmija kishte kontroll dhe pushtet së paku mbi familjen gjatë kohës kur Enveri ishte mirë, ç’ndodhi kur u ai u sëmur? Si komunikonte ai me Byronë e Partisë? Kush ia thoshte dyshimet për armiqtë e popullit? Si i thuheshin informacionet? Sipas Liljanës, gjithçka filtrohej nga Nexhmija dhe Ramiz Alia, aleanca e të dyve u forcua gjatë kohës kur Hoxha ishte në momentet më të vështira shëndetësore.
“Deri në vitin ’73 ka qënë një grua intelektuale dhe BASTA. Me sëmundjen e Enver Hoxhës u bë e fuqishme si korriere apo transmetuese. Nuk mund ta thotë askush se çfarë ajo bënte gjatë transmetimit. Është telefoni i lidhur me Komitetin Qëndror. Nuk po flet me familjen, as me punën është telefoni special. Kjo foto vërteton se me izolimin e Enver Hoxhës ajo të paktën bëhet transmetuese. Më pas bëhet edhe filtër. Informacioni çoi në tufëzimin.”
Mirëpo akuzat Liljana nuk i ka ndalur vetëm në spektrin e gjerë në drejtimin e vendit, por ka kaluar edhe në akuza personale se e veja e ish-diktatorit kishte “dënuar me vrasje” edhe vëllain dhe motën e saj: Nexhmije Hoxha nuk më ka dashur kurrë. Më ka bërë keq. Më ka vrarë vëllanë e motrën. Ka vrarë gjithë shqiptarët. Unë atë grua e kam frikë. Le të jetë Enver Hoxha në krye. Ajo nuk është e keqe me mua por është grua e tmerrshme. Nuk ka të dytë si ajo. S’ka qënë e devotshme, por në dukje po. Ka qënë kontroll dhe jo devotshmëri.
Çdo gjë që kemi dëgjuar për jetën brenda mureve të familjes përmbyset nga nusja e Ilirit, Teuta Hoxha, person që jetoi deri në momentet e fundit të Nexhmijes me një kulm me të. Në intervistën e saj në “Debat”, Teuta nuk i kursen lavdet për vjehrrën e saj. Ajo e përshkruan atë një grua të mrekullueshme, e cila kishte prioritet vetëm dhe vetëm familjen, e cila mbahej larg nga bashkëshorti diktator. Për herë të parë, Teuta përmend edhe tre vijat e kuqe që Enveri kishte hequr për gruan e tij, në të cilat ajo nuk do të ndërhynte.
“Në e pyesnim ndonjëherë për ndonjë gjë dhe Nexhmija thoshte nuk e di, sepse Enveri nuk ka folur kurrë për probleme të ministrisë së Brendshme, Mbrojtjes dhe asaj të Jashtme me të. Nuk më tregon thoshte. Nuk i ka diskutuar kurrë asnjëherë me të. I vinin radiogramet nga ministria e Jashtme në shtëpi. Jo që i lexonte vetë, i digjte me dorën e tij. As për t’i djegur nuk ia jepte Nexhmije Hoxhës, vetëm sepse i quante sekret shtetëror. Unë e quaj fat që kam jetuar gjithë jetën në një çati me Nexhmijë Hoxhën. Është grua e jashtëzakonshme. Gjithë jetën e saj, është një grua e kulturuar dhe gjithmonë e prokupuar për familjen. Është e afërt me ne. Nga ajo grua ke ç’të mësosh shumë gjëra,”-rrëfen Teuta.
Teuta shkon edhe më tej duke mohuar edhe rolin e përçueses së mesazheve të Nexhmijes në ndihmë të bashkëshortit të saj. Sipas saj, fjalët e të kunatës me të cilën ndau vite të tëra jetë ishin ‘llafe pazari’, të cilat do t’i sheshonte vetëm koha.
“Janë fjalë pazari dhe koha po i shoshit këto gjëra. Është kot të ngulmosh për t’i mbushur mendjen njerëzve.”
Po Nexhmija thoshte?
“Për mua tabu ishin, e kisha marrë vesh ose më kishte lënë Enveri të kuptoja, çështjet e Këshillit të Mbrojtjes dhe Sigurimit dhe gjithë politika tjetër, ajo e Jashtme nuk kishte problem. Janë legjenda. Çpifje! Mua kot më përfshijnë!”
Mohoi çdo gjë. Me zë e me figurë, në një intervistë në vitin 2016, Nexhmija doli e larë duke hedhur poshtë çdo akuzë ndaj saj. Se si qëndron e vërteta nuk do ta mësojmë kurrë! A ka pasur gisht Nexhmija në ndërrimin e fatit të vendit, duke filtruar dhe duke i keqtrasmetuar informacionet që i vinin bashkëshortit të saj?
Përgjigjen e mori nga pas edhe në botën tjetër…
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– ‘Zogu i Tiranës’ ka qenë për një kohë të gjatë temë diskutimi dhe në faqet e para të mediave rozë për shkak të arrestimit të tij, për veprën penal...
TIRANË -Reperi njohur Arkimend Lushaj, kohët e fundit ka qenë në qendër të vëmendjes pas rubrikës gazmore “Si ta bëjmë mizën balenë” me moderatoren Roza La...
TIRANË– Reperja e njohur Loredana Zefi, së fundmi ka marrë një vendim të papritur për shkak të përhapjes në masë të koronavirusit. Nëpërmjet një postimi në...
TIRANË– Duke nisur nga Jeff Bezzos, themeluesi i Amazon, Bill Gates, Mark Zuckerberg e shumë emra të tjerë të njerëzve më të pasur në botë janë renditur ...
RUSI– Kur festat e ditëtlindjeve me ndohen gjithmonë si momentet më të bukura për këdo, ndodh që të kthehen edhe në momentin më të trishtë, siç është ed...
TIRANË– Përhapja e koronavirusit në 50 vende të botës jashtë territorit të Kinës, edhe në Italinë dhe Greqinë fqinje ka krijuar shumë frikë edhe vendin to...
Memorie.al publikon historinë e panjohur të professor, Fejzi Dikës, poetit dhe përkthyesit të famshëm i cili në periudhën e Monarkisë së Zogut ishte diplomuar p...
TIRANË – Partia Socialiste po zhvillon ditën e dytë të Kongresit në Pallatin e Kongreseve. Fotografët e pranishëm kanë shkrepur poza të socialsitëve para s...
Në grupin e kombësive të Lindjes, ekziston një vend i vogël, i cili, i rrethuar nga fqinjë të fuqishëm, kërcënohet se do të humbasë pavarësinë e tij : është ish...
ITALI– Sherr mes prezantueses së njohur Barbara d’Urso dhe kritikut të artit Vittorio Sgarbi gjatë emisionit “Non è la D’Urso”. Shkak i sherrit u bë një s...
