Politike

Meta mbledh Këshillin e Sigurisë Kombëtare, i pranishëm dhe Rama, Arta Marku e Ardi Veliu (FOTO+VD)

Lajmi është bërë i ditur nga vet zyra e shtypit të Presidenit të Republikës, ku shkruan se Ilir Meta po drejton mbledhjen e Këshillit të Sigurisë.

TIRANË- Presidenti Ilir Meta ka mbledhur sot Këshillin e Sigurisë Kombëtare, ku është diskutuar rreth situatës pas tërmetit të 26 nëntorit.

Mbledhja ka qenë me dyer të mbyllura dhe pa praninë e medias, por nga Presidenca janë bërë publike disa foto, ku shihet se i pranishëm ka qenë dhe Kryeministri Edi Rama, i cili gjatë gjithë kohës ka që ndruar me kokë ulur dhe nuk ka parë në sy Metën.

Ende nuk dihen detaje se cilat kanë qenë pikat konkrete që janë diskutuar dhe vendimet që janë marrë. 

 

Mbledhja e Këshillit të Sigurisë Kombëtare ishte paralajmëruar nga Presidenti Meta që javën e kaluar, ndërsa vetëm dje nga Zëdhënësi Tedi Blushi u konfirmua se takimi do bëhej sot. 

Ndërkohë siç shihet dhe nga pamjet të pranishëm në këtë mbledhje kan qenë edhe kryeprokurorja Arta Marku, kreu i Policisë së Shtetit, Ardi Veliu, dhe kreu i Emergjencave Civile, Haki Çako. Por vihet re mungesa e Bledi Çuçit, të ngarkuarit me punë për menaxhimin e situatës pas tërmetit. 

Mbledhja e Këshillit të Sigurisë Kombëtare vjen 6 ditë pas tërmetit shkatërrues ku vdiqën 51 persona dhe 913 të tjetër mbetën të plagosur. Toka vijon të dridhet ndërsa viktimat u përcollën për në banesën e fundit. Mbi 400 efektivë të Forcave të Armatosura u angazhuan që në orët e para të ngjarjes së 26 nëntorit, ku shpëtuan më shumë se 50 perona nën rrënoja. Tashmë ka nisur puna për idenftifikimin e dëmeve dhe paralelisht po mblidhen fonde.

(A.B. Dosja.al)

  • 10:35

    Meta: Diskutuam për koordimin me të gjitha institucionet

    Presidenti Ilir Meta, pas mbledhjes së Këshillit të Sigurisë Kombëtar, ka treguar se çfarë ka diskutuar me kabinetin qeveritar dhe me drejtuesit e institucioneve më të rëndësishme në vend. Në një reagim në Facebook, Meta shkruan se në mbledhje është diskutuar për një koordinim të mirë mes institucioneve.

    Më tej Kreu i Shtetit shprehet se kanë shprehur mbështetjen për prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës pas kësaj katastrofe natyrore.

    Mbledhja e Këshillit të Sigurisë Kombëtare

    REAGIM I PLOTË

    Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë. E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës. Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm.

Shto Koment