Aktualitet

Pasuria dhe figura ‘djeg’ gjyqtarin e Kushtetueses/ KPA e shkarkon, Muçi: S’iki, nuk njoh vendimin! (VD)

  • Meta: Disa palaço ambasadorë duan të na përdhosin, zgjidhja refendumi
  • Muçi: Jam betuar tek Meta, s’jam më prokuror, vettingu për mua, mbaroi!
  • Vettingu e shkarkoi edhe si gjyqtar, relatori Sokol Çomo i parapriu Besnik Muçit
  • Presidenca: ZERO SURPRIZË nga vettingu i Partisë
  • Balla: Si mund të jesh anëtar i Kushtetuese kur je shkarkuar nga Vettingu?
  • SHËNIM-FAKTET/ Ngërçi me Besnik Muçin, heshtja e tij dhe KLP
  • KPA djeg Besnik Muçin, anëtarin e parë të Gjykatës Kushtetuese. Pasuria dhe kontakti me një person të dënuar, ishin arsyet pse KPA mori për bazë pretendimet e Komisionerit Publik. Pas vendimit, Muçi u shpreh se nuk e njeh vendimin e KPA dhe se Vettingu për të duhet të kishte ndaluar. Vendimi i KPA, i paankimueshëm në Shqipëri. Ngërç sërish në Gjykatën Kushtetuese.
    Përditësuar:

    TIRANË- Gjykata Kushtetuese rihyn në një ngërç edhe më të madh, pas shkarkimit sot nga Kolegji i Posaçëm i Apelimit për gjyqtarin e emëruar nga presidenti Ilir Meta, Besnik Muçi. Në një seancë e cila është shtyrë për disa herë, KPA vendosi shkarkimin e Muçit, për shkak të problemeve me pasurinë e tij, por edhe ankesave për pastërtinë e figurës.

    Sipas vendimit të KPA, Muçi ka cënuar besimin e publikut tek sistemi i Drejtësisë, dhe nuk mund të vijojë më tej detyrën.  “Trupi gjykues çmon se subjekti i rivlerësimit është në kushtet e deklarimit të pamjaftueshëm të pasurisë. Nuk mund të gëzojë besimin e publikut për të qëndruar në detyrë. Ka kryer deklarim të pasaktë dhe të pamjaftueshëm të pasurisë së tij dhe personave të lidhur me të”, u shpreh trupa gjykuese.

    Në përfundim të seancës, Muçi i surpizoi mediat, kur pasi doli nga ambientet e KPA, ai tha se nuk e njeh vendimin e Kolegjit të Posaçëm të Apelimit, pasi sipas tij Vettingu për të duhet të kishte ndaluar që në momentin kur presidenti Ilir Meta e dekretoi si pjesë e Gjykatës Kushtetuese. Muçi sqaroi se ky pretendim i tij bazohet në nenin 130 të Kushtetutës, i ndryshuar në vitin 2016. “Që në momentin që unë kam bërë betimin, kam humbur statusin e prokurorit, Kolegji s’ka patur më kompetencë të më hetonte. …me ndryshimet e fundit të vitit 2016 të Kushtetutës”-tha Muçi.

    Pas këtij prononcimi, Muçi hipi në automjetin e Gjykatës Kushtetuese duke sfiduar kështu vendimin e formës së prerë nga KPA, që nuk mund të ankimohet në asnjë institucion shqiptar, përveçe gjykatës së të drejtave të njeriut në Strasburg.

    Arsyet pse Besnik Muçi nuk denoncoi më herët se Vettingu për të kishte mbaruar, ai nuk i ndau me mediat, por vendimi i sotëm i KPA, fut sërish në ngërç ngritjen e institucionit më të rëndësishëm të drejtësisë në Shqipëri, që për funksionimin e tij duhen 6 anëtarë.

    NJOFTIMI I PLOTË:

    Për më shumë bëhu pjesë e grupit më viral në Facebook, Dosja.al

    Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Ardian Hajdari  relator, Albana Shtylla, Natasha Mulaj, Rezarta Schuetz anëtarë, shpalli sot vendimin për çështjen (JR) nr. 33/2018, datë 12.11.2018, që i përket ankimit të paraqitur nga Komisioneri Publik, kundër vendimit nr. 58, datë 01.08.2018, të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Besnik Muçi.

    Në përfundim të gjykimit, bazuar në nenin 66, pika 1, shkronja “b” e ligjit nr. 84/2016 “Për rivlerësimin kalimtar të gjyqtarëve e prokurorëve në Republikën e Shqipërisë”, trupi gjykues, në mënyrë unanime, vendosi:

    Ndryshimin e vendimit nr. 58, datë 01.08.2018, të Komisionit të Pavarur të Kualifikimit dhe shkarkimin nga detyra të subjektit të rivlerësimit Besnik Muçi, prokuror në momentin e fillimit të procesit të rivlerësimit, gjyqtar i Gjykatës Kushtetuese në momentin e shpalljes së këtij vendimi.

    Ky vendim është përfundimtar dhe ka efekt të menjëhershëm.

    U shpall sot, më datë 21.11.2019, ora 11:00, në Tiranë.

    (F.g;a.b/dosja.al)

    • 12:35

      Shkarkimi i Muçit, Braçe: Ky është një super mësim, Meta zgjodhi më të papërshtatshmin

      Zv.kryeministri Erion Braçe ka reagaur lidhur me shkarkimin e anëtarit të Gjykatës Kushtetuese, Besnik Muçit nga Komisioni i Posaçëm i Apelimit për shkak të pasurisë. Me anë të një postimi në rrjetet sociale, Braçe shkruan se e gjithë situata e krijuar me shkarkimin e Muçit vjen për shkak të vendimit të presidentit Ilir Meta për ta emëruar pa kaluar ende Vettingun.

      “Ky është një super mësim për cilindo që ka firmë e vulë në procesin e ndërtimit të Drejtësisë së Re. Duhet të zëmë mend të gjithë, të gjithë, tani! Jo më vonë, tani! Çdo vonese pengon Drejtësinë e Re! Boll më me shtetin ku presidenti është edhe kryetari i partisë! Meta zgjodhi më të papërshtatshmin. Duhet të zëmë mend të gjithë, të gjithë, tani! Jo më vonë, tani!,”-shkruan ndër të tjera Braçe.

      Postimi i plotë: 

       

      View this post on Instagram

       

      SA KEQ! SA KEQ! Por ky eshte #RULEOFLAW! Besnik Muci u emerua gjyqtar ne #GjykatenKushtetuese nga #PresidentiiRepublikes, pa kaluar #Vettingun!!!! Deklarata se per anetarin e #GjykatesKushtetuese nuk ka nevoje per #Vetting, eshte e kote, permban nje genjeshter te madhe! Sot, institucioni me i larte i Vettingut rrezoi Besnik Mucin! Tani, per vakancen ne #GjykatenKushtetuese, nis cdo gje nga e para! Presidenti kishte tre kandidatura per te emeruar gjyqtarin e #GjykatesKushtetuese, por zgjodhi me te papershtatshmin, ate qe ishte ende nen #Vetting, nuk e kishte kaluar ate. Ndaluni pak e mendoni; Dy gjyqtaret e zgjedhura nga Kuvendi kane kaluar qarte Vettingun, Arta Vorpsi e zgjedhur gjyqtare nga mekanizmi kushtetues zhbllokues, ka kaluar Vettingun; Mbi to nuk ka asnje kontestim per pasurine, lidhjet me krimin e aftesine profesionale. Zero! Ky eshte nje super mesim per cilindo qe ka firme e vule ne procesin e ndertimit te #DrejtesiseseRe. Duhet te zeme mend te gjithe, te gjithe, tani! Jo me vone, tani! Cdo vonese pengon #DrejtesineeRe! #DREJTESIAERE KALON NGA #RULEOFLAW, PASTERTIA, AFTESIA, PAVARESIA POLITIKE. Kjo eshte #ReformaNeDrejtesi! Ky eshte shteti ligjor dhe i se drejtes ku pushtet jane te ndara qarte! Boll me me shtetin ku presidenti eshte edhe kryetari i partise! Boll me me shtetin ku politikani i opozites, anetari i kryesise se partise, eshte edhe anetar i Gjykates Kushtetuese! Boll me me refuzimin e politikaneve per te hequr dore nga beteja per te emeruar prokuroret e gjykatesit e tyre! Boll me me betejen e perhershme per te shmangur Vettingun dhe emeruar ne Drejtesine e Re prokurore e gjykates qe nuk kalojne Vettingun! Ndarja e pushteteve eshte thelbi i shtetit kushtetues, Heqja perfundimtare dore nga sundimi i politikaneve mbi Drejtesine eshte thelbi i Reformes ne Drejtesi. Ja vlen beteja per to! Deejtesia e Re duhet te jete garanci per te gjithe, jo imunitet per politikanet, familjet, klientet e bizneset e tyre! #BARAZIPARALIGJIT TANI!

      A post shared by Erion Brace (@erionbrace) on

    • 12:27

      VIDEO/ Vettingu e shkarkoi edhe si gjyqtar, relatori Sokol Çomo i parapriu Besnik Muçit, çfarë tha KPA në shpalljen e vendimit

      Trupa gjykuese e Kolegjit të Posaçëm të Apelimit, duket se ka qenë tejet e qartë kur u shpreh se shkarkimi i Besnik Muçit është kryer jo vetëm si prokuror, por edhe si gjyqtar i Gjykatës Kushtetuese. Megjithëse Besnik Muçi tha se nuk e njeh vendimin e KPA, me pretendimin se bazuar në nenin 130 të Kushtetutës, Vettingu për të ka përfunduar dhe se ai si gjyqtar i Kushtetueses nuk preket, relatori Sokol Çomo i ka paraprirë kësaj deklarate.

      Në shpalljen e vendimit nga KPA, Çomo u shpreh: Për këto arsye trupa gjykuese, bazuar në nenin 66, pika 1, shkronja b, e ligjit 84 të vitit 2016 për rivlerësimit e gjyqtarëve dhe prokurorëve vendosi, ndryshimin e vendimit numër 58, datë, 1.8.2018 të KPK, dhe shkarkimit nga detyra të subjektit të rivlerësimit, Besnik Muçi, prokuror në momentin e fillimit të procesit të rivlerësimit, dhe gjyqtar i gjykatës Kushtetuese në momentin e shpalljes së këtij vendimi. Ky vendim është përfundimtar dhe ka efekt të menjëhershëm.

       

      Por ku u bazua Besnik Muçi në mbrojtjen e tij?

      Besnik Muçi përmendi nenin 130 të Kushtetutës, ndryshuar me ligjin nr.76/2016, datë 22.7.2016 në të cilin thuhet:

      Qenia gjyqtar i Gjykatës Kushtetuese nuk pajtohet me asnjë
      veprimtari tjetër politike, shtetërore, si dhe me veprimtari profesionale që ushtrohen kundrejt pagesës, me përjashtim të atyre të mësimdhënies, akademike dhe shkencore, sipas ligjit.

      Por ngërçi në përfundimin e statusit të prokurorit për Muçin qëndron në faktin, se Këshilli i Lartë i Prokurorisë, siç tha edhe vetë Muçi, nuk e ka njoftuar përfundimin e këtij statusi.

      Kjo përplasje, KLP-KPA dhe Gjykatë Kushtetuese, të cilës i zbret edhe një anëtar, të vetmen zgjidhje ligjore mund t’a gjejë në Strasburg, pasi vendimet e KPA në Shqipëri nuk mund të ankimohen.

    • 12:06

      Balla: Si mund të jesh anëtar i Kushtetuese kur je shkarkuar nga Vettingu?

      Taulant Balla, kreu i Grupit Parlamentar të PS-së

      Kreu i Grupit Parlamentar të Partisë Socialiste, Taulant Balla, ka reaguar pas vendimit të KPA për shkarkimin e gjyqtarit të Gjykatës Kushtetuese, Besnik Muçin.

      Në një reagim për mediat, Balla u shpreh se Partia Socialiste kurrë nuk komenton vendimet e vetting-ut, pasi sipas tij ato vendime duhet vetëm të zbatohet. Më tej, Balla u shpreh se nuk mund të qëndrojë askush në detyrë kur është shkarkuar nga Komisioni i Posaçëm të Apelimit.

      “Se pari asnjë përfaqësues i PS, nuk ka komentuar dhe nuk komenton kurrë vendimet e dy niveleve të Vetting-ut. Vendimet e komisionit të vlerësimit janë të autoriteteve kusthetuese dhe nuk mund të kenë asnjëlloj atakim politik. Polivia boll ka mbajtur peng reformën në drejtësi dhe politikanët duhet të heshtin me procesin e pastrimit të drejtësisë. Në këtë kontekst dua të them që ne nuk i komentojnë vendimet e Vettingut, ato janë të zbatueshme. Ne e dimë që vendimi i KPK të pezullon nga detyra dhe kur ku vend është marrë nga KPA është i detyrueshëm për tu zbatuar. Si mund të jesh gjyqtar kur je i shkarkuar nga vetting-u, por kjo është çështje u takon institucioneve”, u shpreh ndër të tjera Balla.

    • 12:06

      “Turp! Turp! Turp!”, shkarkimi i Besnik Muçit, Presidenca: ZERO SURPRIZË nga vettingu i Partisë

      Tedi Blushi, Zëdhënësi i Presidentit

      Pas vendimit të Komisionit të Pasaçëm të Apelimit për të shkarkuar anëtarin e Gjykatës Kushtetuese, Besnik Muçin, ka ardhur një reagim nga Presidenca.

      Zëdhënësi i Presidenit, Tedi Blushi, në një reagim në Facebook, shkruan se nuk ka asnjë surprizë nga KPA, që e cilëson si Vetting-u i partisë.

      ZERO SURPRIZË nga vettingu i Partisë. Pas dështimit të rrëmbimit flagrant të Gjykatës Kushtetuese, rikthehet skenari për bllokimin e këtij institucioni nga të njëjtët aktorë që e bllokuan për tre vjet. TURP! TURP! TURP!“, shkruan Blushi.

    • 12:06

      Besnik Muç: Vettingu për mua kishte mbaruar, s'jam prokuror

       Anëtari i Gjykatës Kushtetuese, Besnik Muçi, nuk e njeh vendimin e Kolegjit të Posaçëm të Apelimit, për t’a shkarkuar atë nga detyra si prokuror. Muçi doli para gazetarëve, pasi u njoh me vendimin ku shpjegoi edhe arsyet e shkarkimit të tij nga KPA. “Vendimi i KPA, nuk afekton vendin tim si anëtar i GJK. S’mund të më prekë vendin tim në GJK, që do të thotë neni 130 i Kushtetutës. Që në momentin që unë kam bërë betimin, kam humbur statusin e prokurorit, Kolegji s’ka patur më kompetencë të më hetonte. …me ndryshimet e fundit të vitit 2016 të Kushtetutës. Nga momenti që presidenti më dekretoi njoftoi KLP për dekretin tim dhe betimin tim.“-tha Muçi, duke thënë se Vettingu për të duhet të kishte pushuar.

       

       

      Ai e quajti një mosveprim kriminal, atë të kryetarit të Këshillit të Lartë të Prokurorisë, Genti Ibrahimi, që pas lirimit të vendit të tij si prokuror KPA-në, se Muçi ishte tashmë anëtar i Gjykatës Kushtetuese me një status tjetër. “Zoti Ibrahimi, me mosveprim kriminal nuk ka njoftuar asnjë anëtar tjetër, edhe pse ka pasur detyrimin ligjor. Janë veprime të institucioneve kushtetuesve. Ky vendim nuk ka efekt!”-tha Muçi. 

      I pyetur nga gazetarët, nëse do të rikthehet në punë pranë Gjykatës Kushtetuese, Muçi, tha sërish se “vendimi nuk ka efekt”, duke mos-sqaruar ngërçin që tashmë edhe shtohet me mosnjohjen e vendimit të KPA.

      Më tej, anëtari i betuar tek presidenti Ilir Meta, foli edhe për shkaqet pse KPA e shkarkoi, dhe tha se bëhet fjalë për një shumë të papërfillshme parash. “Më lejoni t’ju sqaroj qytetarëve shqiptarë se shkaku kryesor është diferenca e deklarimit në 4 vite për 6 milionë lekë të vjetra, të llogaritura sipas KPK dhe të pranuara me KPA, në kundërshtim me të dhënat e deklaruara.”-tha ai.

      Muçi e quajti mosdeklarimin e tokës së bashkëshortes së tij, si një “detaj”, duke ia faturuar shkarkimin “këmbënguljes së admirueshme të Komisionerit Publik”.

      “Shkaku i dytë i ankimimit është mosdeklarimi i tokës bujqësore që gruaja ime mori në vitin 1991. Ligji e parashtron qartë që është një pasuri me burim të ligjshëm, dhe KPA e mori si shkak për vendimin që mori. Shkaku tjetër i vendimit është pasuria e ndërtuar në 1985, kur gruaja ime ka qenë fëmijë. Për 400 mijë lekë të vjetra, me këmbëngulje të admirueshme nga Komisioneri, KPA e mori si shkak. Tjetër shkak, ishte huatë e marra nga familja ime, 3 mijë euro xhaxhai, 500 mijë lekë babai dhe motra. Provova që familja ime kishte të ardhura të tjera, por Komisioneri Publik kishte një këmbëngulje të admirueshme. Shkak tjetër ankimimi ishte se motra dhe burri nuk provojnë burimin për 6 mln. Unë dorëzova dokumentin e sjellë nga Anglia, ku burri i motrës sime provon që në 2005 ka paguar 17 mijë paundë taksa atje.”-tha Muçi. 

      Besnik Muçi, sqaroi edhe pretendimin pse KPA e shkarkoi si një “subjekt që cënon besueshmërinë e publikut tek drejtësia”. Muçi tha se biznesmeni Armand Lilo dhe ai kanë patur një marrëdhënie shoqërore, nisur nga zona nga vijnë të dy, dhe më tej shtoi se Lilo është shpallur i pafajshëm.

      “Unë s’di ç’të provoj më shumë. Lidhur me personin, që ky A.L, kam patur një marrëdhënie shoqërore, i dënuar në shkallë të parë për moskallëzim krimi. Kuptojeni vetë, çfarë cënimi të publikut mund të bëj unë si prokuror kur unë kam marrëdhënie me dikë që vij nga një zonëSe kam njohje me dikë që është dënuar dhe më pas ka marrë pafajësi. Këto ishin shkaqet për të cilat ky kolegj i nderuar më shkarkoi. KPA pavarësisht se kishte verifikim nga KPK, kërkoi sërish hetim dhe asgjë e re nuk doli. Por kjo është shkelje e ligjit, pak a shumë.”-u shpreh Muçi.

      Vendimin e KPA dhe insistimin e Komisionerit Publik, Muçi e arsyetoi me renditjen e një mëkati të vetëm që e ndau edhe me mediat.

      Mëkati i vetëm që kam bërë, për ata zotërinj që janë marrë me mua, nga SHBA e institucionet e tjera të nderuara, i vetmi mëkat ishte se aplikova për anëtar të GJK. Mëkatin tjetër e bëri Dvorani që më listoi në vend të tretë. Mëkatin e katërt e bëri Meta që më emëroi anëtar të GJK. Ku qëndron problemi im në këtë situatë. Çfarë mund të bëjë një prokuror karriere që beson tek drejtësia, duke respektuar në mënyrë rigoroze procedurat dhe ligjin.”-tha Muçi.

    Shto Koment