Politike

Përplasja për anëtarët e Kushtetueses, draft-opinioni i ‘Venecias’: Presidenti s’mund të shkarkohet. SHBA: Palët të mos publikojnë raportin

  • Balla: E kemi dhe ne, por s’e publikojmë për të ruajtur konfidencialitetin
  • Ambasada e SHBA: Palët të dëgjojnë ‘Venecian’, të ruhet konfidencialiteti
  • Sipas burime të Dosja.al, bëhet me dije se në opinionin paraprak konstatohet se mënyra e veprimit të Këshillit të Emërimeve në Drejtësi është e dyshimtë dhe se ligji për ndryshimin e betimit tek Presidenti është antikushtetues.
    Featured image of article: Përplasja për anëtarët e Kushtetueses, draft-opinioni i ‘Venecias’: Presidenti s’mund të shkarkohet. SHBA: Palët të mos publikojnë raportin Ilir Meta dhe Komisioni i Venecias

    TIRANË- Komisioni i Venecias edhe pse nuk ka një raport final për çështjen e emërimit të anëtarëve në Gjykatën Kushtetuese, duket se ka krijuar opinionin se kush ka të drejtë në përplasjen Presidencë-Kuvend. Sipas burime të Dosja.al, bëhet me dije se në opinionin paraprak konstatohet se mënyra e veprimit të Këshillit të Emërimeve në Drejtësi është e dyshimtë dhe se ligji për ndryshimin e betimit tek Presidenti është antikushtetues.

    Më tej po të njëjtat burime bëjnë me dije se Meta ka vepruar sipas Kushtetutës me emërimin e anëtarëve në Gjykatën Kushtetuese dhe nuk e ka shkelur atë. Po ashtu bëhet me dije sipas raportit paraprak të ‘Venecias’, Presidenti nuk mund të shkarkohet pasi kërkesa e Kuvendit nuk është e bazuar. Kuvendi dhe Presidenti Ilir Meta do të njihen në fundjavë me dokumentin e hartuar nga zyrtarët e Komisionit, të cilët pritet t’i japin zgjidhje debatit për Kushtetuesen mes Kreut të Shtetit dhe mazhorancës.

    Dokumenti i Venecias

    Nga ana tjetër sot Komisioni i Venecias u ka vendosur palëve disa afate para publikimit të opinionit. Sipas Komisionit të Venecias, mësohet se data 13 mars është afati për autoritetet që të dorëzojnë komentet e tyre përfundimtare për çështjen e emërimit të anëtarëve në Gjykatën Kushtetuese. Pas publikimit të disa pjesëve të këtij drafti ka ardhur një reagim nga Sekretari i Përgjithshëm i PS, Taulant Balla, i cili në një reagim shkroi se dokumenti ishte dërguar dhe deputetëve në Kuvend, por u ishte kërkuar nga ‘Venecia’ që të ruanit konfindencialitetin. 

    Po ashtu një reagim ka ardhur dhe nga Ambasada e SHBA, ku në një deklaratë për media u është kërkuar palëve që të dëgjojnë Komisionin e Venecias dhe të mos publikojnë pjesë nga raporti. Po ashtu SHBA, ka mirërpritur dhe deklaratën e Metës, që kërkoi sot hapjen e negociatave. 

    PËRPLASJA PËR KUSHTETUESEN

    Për më shumë bëhu pjesë e grupit më viral në Facebook, Dosja.al

    Prej shumë muajsh Gjykata Kushtetuese është futur në ngërç, për shkak të mënyrës së emërimit të një prej anëtarëve të saj. Presidenti ka zgjedhur Marsida Xhaferllafin si anëtare, ndërkohë që Këshilli i Emërimeve në Drejtësi dhe maxhoranca njohin Arta Vorpsin. KED dhe maxhoranca shprehen se Vorpsi është anëtare e ligjshme, pasi Presidenti zgjedhjen e Xhaferllarit e ka bërë jashtë afateve dhe emri i anëtares ishte publikuar në fletoren zyrtare.

    Pas përplasjeve mes Presidentit dhe maxhorancës, kjo e fundit vendosi që këtë çështje ta shtonte në objektin e hetimit të Komisionit Parlamentar Hetimor për Presidendit dhe ta dërgonte në Komisionin e Venecias. Po ashtu, PS vendosi të ndryshojë dhe ligjin për betimin e gjyqtarëve e prokurorëve, duke shmangur procedurën e betimit tek Presidenti.

    Meta këtë ligj e ka quajtur antikushtetues dhe e ka kthyer në Kuvend. Po ashtu Presidenti ka bërë një kallëzim penal për kreun e KED, Ardian Dvoranin, ministren e Drejtësisë, Etilda Gjonajn dhe dy zyrtarë të tjerë. Meta po ashtu ka nisur dhe një fushatë, kundër asaj që ai e quan “grushti i shtetit”, duke zhvilluar dhe një manifestim në 2 mars. Kreu i Shtetit ka publikuar disa dokumente kanë dalë nga zyrat e atyre që i quan rilindas dhe për të kanë shkelur Kushtetutën. Meta akuzon maxhorancën se kërkon të kapë Gjykatën Kushtetuese, ndërsa PS shprehet se Presidenti po shkel Kushtetutën.

    (A.B. Dosja.al)

    Shto Koment