Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Këshilli i Ambasadorëve Shqiptarë me anë të një letre publike i ka kërkuar sot Presidentit të Shteteve të Bashkuara, Donald Trump-it, zgjidhjen e konfliktit mes Kosovës dhe Serbisë. Në një letër dërguar Trump-it dhe disa prej funskionarëve të lartë në Shtëpinë e Bardhë, Këshilli i Ambasadorëve shprehet se mbështet procesin e dialogut mes Kosovës e Serbisë dhe shpresojnë që të kthehet paqja dhe se do ketë ketë një marrëveshje përfundimtare me njohjen të dy vendeve.
Këshilli i Ambasadorëve Shqiptarë beson se rezultati i dialogut të lehtësuar nga BE-ja do të jetë në përputhje me parimet e miratuara për zgjidhjen e statusit përfundimtar të Kosovës, të mishëruar dhe në Dokumentet e Grupit të Kontaktit, i cili ka monitoruar dhe mbikëqyrur politikën ndërkombëtare në Kosovë, si dhe me Propozimin Gjithëpërfshirës për Zgjidhjen e Statusit të Kosovës, ose siç njihet ndryshe “ Plani Ahtisari”. “Tanimë kemi dhe disa rezultate premtuese falë marrëveshjeve të kohëve të fundit mbi transportin ajror dhe hekurudhor, falë ndërmjetësimit të të Dërguarit Tuaj Special, Ambasadorit Richard Grenell“, shtohet në letër.
LETRA E PLOTË
I nderuar, Zoti Donald J. Trump; President i Shteteve të Bashkuara, Shtëpia e Bardhë, 1600 Pennsylvania Avenue NË, Ëashington, DC 20500
Në vëmendje të: Sekretarit të Shtetit Michael R. Pompeo, Departamenti Amerikan i Shtetit. Senatorit James Risch, Kryetar i Komitetit të Senatit për Marrëdhëniet me Jashtë. Senatorit Robert Menendez, Antar i Lartë i Komitetit të Senatit për Marrëdhënie me Jashtë. Senatorit Ron Johnson, Kryetar i Komitetit të Senatit mbi Sigurinë e Brendshme dhe Çështjet Qeveritare dhe Kryetar i Nënkomitetit për Europën dhe Sigurinë Rajonale, Kongresmenit Eliot Engel, Kryetar i Komitetit të Dhomës së Përfaqësuesve për Çështjet e Jashtme. Kongresmenit Michael McCaul, Antar i Lartë i Komitetit të Dhomës së Përfaqësuesve mbi Çështjet e Jashtme. Ambassadorit Richard A. Grenell, I Dërguar Special i Presidentit për Negociatat e Paqes midis Serbisë dhe Kosovës. I nderuar Zoti President, Këshilli i Ambasadorëve Shqiptarë dëshiron ta shfrytëzojë këtë mundësi për t’ju falenderuar përzemërsisht, Juve dhe SHBA-ve, për mbështetjen e vazhdueshme që u keni dhënë Shqiptarëve në Ballkan. Pak javë më parë, më 17 Shkurt, Kosova festoi 12 Vjetorin e Shpalljes së Pavarësisë. Ashtu siç jeni shprehur dhe në Letrën Tuaj të urimit drejtuar Presidentit të Republikës së Kosovës, lidhjet e fuqishme ndërmjet SHBA-ve dhe Kosovës janë farkëtuar përmes një angazhimi të përbashkët për zhvillimin e Kosovës, si shtet sovran, i pavarur, multi-etnik dhe demokratik. Populli i Kosovës luftoi pothuajse një shekull për liri dhe pavarësi. Më në fund, këto objektiva u realizuan me vendosmëri dhe me mbështetjen e domosdoshme të miqve dhe aleatëve tanë perendimorë, dhe, në radhë të pare, të SHBA-ve.
Mbështetja vazhdueshme e SHBA-ve ndaj aspiratave legjitime të popullit të Kosovës ka qenë vërtetë thelbësore. Ajo çimentoi më tej miqësinë ndërmjet Amerikanëve dhe Shqiptarëve, e cila ka ekzistuar qysh nga fundi i Luftës së I Botërore. Administrata e Presidentit Ëilson mbrojti të drejtën e Shqipërisë për të qenë shtet i pavarur. Populli shqiptar do të mbetet përjetë mirënjohës dhe është krenar që është kombi më pro-amerikan në Evropën Juglindore. Si shteti i pavarur, Republika e Kosovës ka bërë përparime të mëdha në rrugën e saj për ndërtimin e institucioneve demokratike funksionale dhe për një demokraci dinamike, ku të sundojnë liritë njerëzore dhe shteti i të drejtës. Sot, pakicat etnike në Kosovë gëzojnë të drejta individuale dhe kolektive të pakrahasueshme, në përputhje me standardet më të larta ndërkombëtare. Në një rajon me probleme akute mbi – dhe ndërshtetërore, gjendja në Kosovë është e qëndrueshme dhe nuk përbën kurrfarë kërcënimi për paqen dhe sigurinë rajonale. Republika e Kosovës është gur themeli për stabilitetin dhe sigurinë në këtë pjesë të Evropës.
I nderuar Zoti President, Na lejoni të përfitojmë nga ky rast për të rikujtuar se Kosova e shpalli pavarësinë pas një procesi të gjatë dhe gjithëpërfshirës me negociata të kryesuara nga OKB, të bashkërenduara ngushtë me komunitetin ndërkombëtar me në krye SHBA-të. Në Opinionin e tij Këshillimor më 2010, Gjykata Ndërkombëtare e Drejtësisë pohoi se shpallja e pavarësisë së Kosovës ishte në përputhje të plotë me të drejtën ndërkombëtare. Dialogu për normalizimin e marrëdhënieve ndërmjet Kosovës dhe Serbisë, i lehtësuar nga BE-ja ofron një dritare mundësie për të dy vendet, që më në fund të kthejnë një faqe të re. Këshilli i Ambasadorëve Shqiptarë e mbështet këtë proces, duke shpresuar se ai do të përfundojë me njohjen e ndërsjelltë diplomatike, si dy shtete fqinj, të pavarur dhe sovrane. Gjithashtu, Këshilli i Ambasadorëve Shqiptarë mirëpret përkushtimin e Administratës Tuaj për përparim në këtë dialog të lehtësuar nga BE-ja. Tanimë kemi dhe disa rezultate premtuese falë marrëveshjeve të kohëve të fundit mbi transportin ajror dhe hekurudhor, falë ndërmjetësimit të të Dërguarit Tuaj Special, Ambasadorit Richard Grenell. Këshilli i Ambasadorëve Shqiptarë beson fuqimisht se rezultati i dialogut të lehtësuar nga BE-ja do të jetë në përputhje me parimet e miratuara për zgjidhjen e statusit përfundimtar të Kosovës, të mishëruar dhe në Dokumentat e Grupit të Kontaktit, i cili ka monitoruar dhe mbikqyrur politikën ndërkombëtare në Kosovë, si dhe me Propozimin Gjithëpërfshirës për Zgjidhjen e Statusit të Kosovës, ose siç njihet ndryshe “Plani Ahtisaari”
Këto parime udhërrëfyese sigurojnë integritetin territorial të Republikës së Kosovës, brenda kufijve të saj të njohur ndërkombëtarisht dhe mbrojtjen e karakterit të saj multi-etnik. Përqasjet alternative mbi bazën e nocionit të ri-përcaktimit ose ndryshimit të vijave kufitare sipas parimeve etnike mund të minojnë stabilitetin e Kosovës dhe vendeve të tjera multi-etnike në Evropën Juglindore. Është përgjegjësia e të gjithë aktorëve të përfshirë që të garantojnë respektimin e këtyre parimeve gjatë gjithë këtij procesi. Ato janë me rëndësi kritike për paqen, stabilitetin dhe perspektivën afat-gjatë europiane të Rajonit tonë.
I dashur Zoti President, Me rastin e urimeve për Kosovën, për ditën e saj të pavarsisë, Këshilli i Ambasadorëve Shqiptarë shpreh mirënjohjen e tij më të thellë të gjithë atyre që me sakrifica të panumurta e kthyen në një realitet të bukur ëndrën për një Kosovë të lirë e të pavarur. Kjo mirënjohje është gjithashtu dhe për të gjithë miqtë ndërkombëtarë të Kosovës, në veçanti, SHBA-ve dhe lidershipin Tuaj, që keni mbështetur dhe vazhdoni të mbështetni forcimin e pandërprerë të shtetit më të ri në Europë. Së fundi, Ju lutemi, Zoti President, pranoni sigurimet e konsideratës tonë më të lartë! Me respekt, Këshilli i Ambasadorëve Shqiptarë.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Deputeti Lefter Maliqi ka bërë sot një gafë të pafalshme. Teksa ka mbajtur sot një konferencë për mediat nga Kryesia e Kuvendit, Maliqi ka ngatërru...
TIRANË- Bashkëkryetari i Komisionit të Reformës Zgjedhore, Damian Gjiknuri ka reaguar pas propozimeve të reja të bëra nga Lulzim Basha në një takim me të r...
TIRANË- Deputeti i opozitës Kostaq Papa me fjalimin e tij është bërë njeriu më i komentuar në rrjet. Me gabime të shumta në të folur, me një gjuhë seksiste...
DURRËS– Ministrja e Shëndetësisë dhe e Mbrojtjes Sociale, Ogerta Manastirliu ka inspektuar sot Portin e Durrësit, ku deklaroi se duhet të rritet vigjilenca...
TIRANË– Kryetari i Partisë Demokratike, Lulzim Basha, në një takim të sotëm është shprehur se Shqipëria ka nevojë për një ndryshim radikal të sistemtit zgj...
Tiranë- Deputeti Lefter Maliqi ka deklaruar ditën e sotme se Edi Rama ka shkatërruar Shqipërinë. Deputeti u bëri thirrje ndërkombëtarëve që të distancohen nga a...
TIRANË- Presidenti Ilir Meta po zhvillon një konferencë për shtyp për të sqaruar, lidhur me letrën që i ka dërguar në Bruksel, kreut të KE-së. I pyetur nës...
TIRANË– Presidenti Ilir Meta ka parashikuar se rruga e Shqipërisë për çeljen e negociateve është bërë akoma më e vështirë për shkak të skandaleve.Gj...
TIRANË- Presidenti Ilir Meta gjatë konferencës me gazetarët tha se letrën nuk e dërgoi që të bllokojë integrimin e Shqipërisë, por që të sqarojë KE, lidhu...
