Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Greqi- Mediet greke i kanë kushtuar sërish vëmendje situatës politike në Shqipëri në një kohë kur pritet dhe vendimi i Këshillit të Europës për çeljen e negociatave por përshkruan dhe marrëdhëniet Shqipëri-Greqi dhe qëndrimin e shtetit fqinj për integrimin e Shqipërisë.
E përditshmja greke, macropolis.gr ka bërë një analizë të gjatë përsa i përket situatës dhe qëndrimit të Greqisë ndaj çeljes së negocatave për Shqipërinë dhe Maqedoninë e Veriut.
“Nuk është hera e parë që Shqipëria po përballet me një krizë politike dhe institucionale. Por kësaj radhe, ajo përputhet me një moment kritik për Ballkanin Perëndimor dhe për perspektivat e tyre evropiane”, shkruan media greke. Sipas saj asnjëra palë nuk duket e gatshme të tërhiqet, në një kohë që BE dhe SHBA u kanë kërkuar të gjejnë një mënyrë për të lehtësuar tensionin përmes dialogut. E duke folur për rolin e Greqisë në këtë sfond, ajo shkruan se Greqia ka shmangur çdo lloj lëvizjeje që do të shihej si një përpjekje për të ndërhyrë në çështjet e brendshme të Shqipërisë.
Po pse është e shqetësuar Athina për këto zhvillime në Shqipëri?
Sipas macropolis.gr ka një sërë arsyesh. Së pari, qeveria greke e konsideron Edi Ramën një njeri me të cilin mund të flasë dhe të paktën të ketë mirëkuptim për çështjet që kanë të bëjnë me marrëdhëniet dypalëshe.
Dy ish-ministrat e jashtëm të vendeve, Nikos Kotzias dhe Ditmir Bushati, mundën të arrijnë një marrëveshje në parim për disa çështje të pazgjidhura. Por kjo nuk u mbyll për shkak të mungesës së vullnetit politik në të dyja anët dhe kryesisht për shkak të frikës në Athinë se pas Marrëveshjes së Prespës nuk kishte mbështetje të mjaftueshme për të nënshkruar marrëveshjen me Tiranën.
Alexis Tsipras gjithashtu ka zhvilluar bisedime të shpeshta me homologun e tij shqiptar dhe në fakt gjatë takimit të tyre të fundit në kuadër të Samitit të Dubrovnikut në prill arritën të bien dakord mbi çështjen që lidhet me pronat e pakicës greke në Shqipëri. Megjithatë, kjo çështje është ende në pritje.
Perspektiva e BE-së dhe qëndrimi i Greqisë për çeljen e negociatave
Shqipëria duket të jetë e destinuar të mos marrë një datë për të çelur negociatat e anëtarësimit me BE në Këshillin e ardhshëm të Evropës, në qershor. E ardhmja e saj evropiane po bëhet gjithnjë e më e turbullt që kur qeveria e Ramës është akuzuar për korrupsion.
Athina zyrtare ka shqetësimin se kriza politike në Tiranë nuk do të ndihmojë në zgjidhjen përfundimtare të kësaj çështje, e cila për Greqinë shihet si një parakusht i madh për shpresat e Shqipërisë për në BE.
Në një intervistë televizive në fillim të kësaj jave, Ministri i Jashtëm Giorgos Katrougalos përdori shembullin e Marrëveshjes së Prespës për të dalluar dy vendet që synojnë BE dhe për të theksuar nevojën e rezolutave mbi çështjet në pritje. Ai tha se “me Marrëveshjen e Prespes ne kemi nxjerrë Maqedoninë e Veriut nga ekuacioni i paqëndrueshmërisë. Zhvillimet e fundit në Shqipëri tregojnë se sa e rëndësishme është kjo për stabilitetin në rajon dhe për interesat tona kombëtare”.
Ende nuk është e sigurt nëse qeveria aktuale greke do të kishte dhënë mbështetjen e saj të plotë ndaj Shqipërisë në Këshillin e ardhshëm të BE. Më 30 maj, Athina paralajmëroi gjithashtu Tiranën duke nënvizuar se “Greqia po punon drejt përmirësimit të marrëdhënieve dypalëshe me Shqipërinë dhe mbështet kursin e saj të pranimit në Bashkimin Evropian, në kushtet e vetëkuptueshme që vlen për të gjitha vendet për anëtarësim, që ajo të plotësojë të gjitha kushtet përkatëse. Siç bëhet e qartë edhe në raportin përkatës të Komisionit Evropian, respektimi i të drejtave të minoritetit etnik grek lidhet drejtpërdrejt me perspektivën evropiane të Shqipërisë dhe përbën një pjesë integrale të 5 prioriteteve kyçe për fillimin e negociatave të pranimit me BE, përmbushjen e i cili do të shqyrtohet ekskluzivisht nga Këshilli Evropian”.
Macropolis.gr shkruan se është e sigurt që Këshilli i ardhshëm i Evropës nuk do të japë pëlqimin e tij, sidomos pas dështimit të Bundestagut gjerman për të marrë ndonjë vendim për të mbështetur një datë për çeljen e negociatave me këto dy vende, si dhe duke pasur parasysh skepticizmin e disa vendeve anëtare të BE, vendimi ndoshta do të merret në vjeshtë.
Partia Demokracia e Re
Greqia do të shkojë në zgjedhje dhe me shumë gjasa vendimi për këto dy vende do të jepet në vjeshtë. Macropolis.gr shkruan se partia kryesore opozitare e Greqisë e ka të qartë qëndrimin për Shqipërisë. Disa muaj më parë ministri i jashtëm në hije i Demokracisë së Re, Giorgos Koumoutsakos tha se partisë së tij nuk do i pëlqente që Shqipëria të ishte një hap më pranë anëtarësimit në BE. Duke folur për një radio në Greqi ai ka thënë se Maqedonia e Veriut dhe Shqipëria duhet të shqyrtohen veç e veç dhe jo si një “paketë”.
Por edhe pse diplomatët grekë janë pro dhe kundër çeljes së negociatave ata besojnë se një zvarritje e procesit integrues të Shqipërisë nuk është në përfitim të Greqisë, pasi do të dëmtonte “stabilitetin e vendit fqinj dhe interesat kombëtare”.
Burimi: macropolis.gr
Dosja.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Kryeministri Edi Rama ka bërë shaka në takimin që zhvilloi me qytetarët në njësinë 11 në Tiranë ku shoqërohej edhe nga kryebashkiaku Veliaj.Ai u tr...
TIRANË- Edi Rama nga takimi me qytetarët në Tiranë, ka folur për thirrjen në Prokurori të Lulzim Bashës në lidhje me kontratat e lobimit.Rama tha se ajo ko...
TIRANË- Edi Rama, ka zhvilluar një takim me banorët e njësisë 11 në Tiranë, ku ka folur për problemet e zonës.Një banorë e pyeti në lidhje me shkarkimin e ...
TIRANË- Kryeministri Edi Rama ka shfrytëzuar një takim me banorë dhe funksionar të Njësisë 11 në Tiranë për të dhënë disa deklarata politike. Krah Erion Ve...
TIRANË– Kryeministri Edi Rama e ka nisur mëngjesin e sotëm me një kafe turke. Këtë gjë Rama e ka ndarë me të gjithë ndjekësit e tij në Instagram. Kryeminis...
LIBRAZHD– 7 persona janë arrestuar ndërsa 16 të tjerë janë proceduar pasi një ditë më parë kanë organizuar një protestë për t’i bllokuar rrugën eskortës së krye...
Tiranë- Ditën e djeshme parlamenti miratoi rezolutën për shkarkimin e Metës me 100 vota pro. Por PS bashkë me opozitën e re kanë marrë një hap tjetër, pasi jan...
Zëdhënësja e Komisionit Europian Maja Koçijançiç thotë se Komisioni është shprehur përmes progresraportit lidhur me hapjen e negociatave të...
Analisti Mark Marku është përplasur ashpër me ministren e Drejtësisë, Etilda Gjonaj.Kjo e fundit u pyet nga drejtuesi i emisionit Opinion, pse “dosja 339” nuk ë...
PRRENJAS- Kryetarja e Bashkisë së Prrenjasit, Miranda Rira, ka reaguar pas takimit elektoral të kryeministrit Edi Rama, të mbajtur në qytetin e drejtuar prej sa...
