Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
KOSOVË-Qeveria e re e Kosovës, ka zhvilluar ditën e sotme, mbledhjen e parë. Kryeministri Albin Kurti ka publikuar në Facebook, fjalimin e plotë që ka mbajtur në mbledhjen e qeverisë.
Kurti ka folur në lidhje me planet e qeverisë, ku ka treguar se prioriteti është menaxhimi i i pandemisë, për shkak të shifrave të larta të infektimeve.
Po ashtu,ndër të tjera ai ka thënë se duhet të punojë si ekip për të ecur përpara dhe se pret nga ministrat realizimin e planeve.
“Fjala ime e plotë në mbledhjen ceremoniale të Qeverisë së Republikës së Kosovë.
Të nderuar zëvëndëskryeministra Bislimi, Gërvalla dhe Rexhepi, Të nderuar ministra të kabinetit qeverisës,Kjo është mbledhja e parë e Qeverisë së Republikës së Kosovës të zgjedhur mbrëmë, që mbahet më datë 23 mars 2021, mbledhje ceremoniale e cila shënon fillimin tonë të mbarë të punës së kësaj qeverie, e cila u votua dje, bazuar në vullnetin e popullit të shprehur në zgjedhjet e parakohshme, të lira e demokratike të 14 shkurtit. Të nderuar anëtarë të kabinetit qeveritar, Së pari, urime për mandatet që keni marrë secili. Ju dëshiroj suksese dhe punë të mbarë. Po e fillojmë këtë mbledhje ceremoniale të qeverisë në një kohë të shqetësimeve të mëdha për qytetarët e si rezultat edhe i pritjeve të mëdha për punën e këtij kabineti tonë. Jemi ende në një krizë shëndetësore dhe ekonomike. Deri sot kemi mbi 83 mijë persona të infektuar dhe 1,776 të vdekur deri dje zyrtarisht. Vetëm në 24 orët e fundit kishim 827 raste të reja dhe 16 të vdekur. Këto nuk janë thjesht numra dhe statistika por janë jetë njerëzish, janë familjarë, vëllezër e motra, prindër e gjyshër të cilët do të mungojnë në tavolinat e ushqimit në secilën shtëpi.
Andaj duhet të veprojmë me urgjencë që të ulim rastet e dhe të eleminojmë vdekjet e reja si rezutat i virusit Covid-19, por duhet të ketë plane të zbatueshme të cilat marrin parasysh shëndetin fizik dhe mendor të qytetarëve si dhe shëndetin e ekonomisë së vendit tonë. Balancimi i këtyre duhet të bëhet përmes një plani që duhet të hartohet me urgjencë nga ministria e shëndetësisë, e ekonomisë dhe ministrive tjera. Kërkohet punë konkrete dhe rezultate sa më të shpejta. Këtu do të punojmë si ekip, por rezultateti i këtij kabineti varet nga puna e secilit nga ju dhe ekipit që ju ndërtoni. Ju takon juve që problemet që janë brenda ministrisë tuaj t’i ktheni në projekte për zgjidhje. Nga zyra ime do të ketë bashkëpunim në çdo kohë por do të ketë edhe veprim. Qytetarët presin punë dhe angazhim, përfaqësim të dinjitetshëm dhe udhëheqje përmes shembullit.
Në ditët në vazhdim pres që secili nga ju të vini me propozime për vendime konkrete të cilat i kemi identifikuar me vite e të cilat kërkojnë zgjidhje. Unë besoj në dijen dhe kapacitetet tuaja, por tash është koha që ju ta dëshmoni para qytetarëve se në pozitat që jeni vendosur, që jemi vendosur, jemi meritor. Sfidat janë të mëdha. Përtej veprimeve urgjente në menaxhimin e pandemisë, duhet të veprojmë shpejt që të ndalim humbjet financiare nga kompanitë publike por edhe të ndalim recesionin ekonomik duke ndihmuar sektorin privat që të shpëtojmë vendet e punës dhe prodhimin. Në ndërmarrjet publike duhet të ketë auditime dhe vlerësim të performancës. Aty ku gjejmë shkelje të ligjit dhe performancë të dobët duhet të veprojmë shpejt në kthimin e ligjshmërisë por edhe në vendosjen e një menaxhmenti i cili ka aftësinë dhe vullnetin dhe vizionin që të kthejë ndërmarrjet publike në mbështetës të ekonomisë. Pres që në tavolinën time të vij urgjent si plani për menaxhimin të pandemisë po ashtu edhe plani për ringjalljen ekonomike. Le të punojmë me nder dhe përgjegjësi. Të udhëhiqemi nga parimet më të mira, nga zotimet tona dhe nga interesat e qytetarëve, Të kërkojmë ndihmë dhe bashkëpunim nga të gjithë, dhe le t’i përvjelim mëngët e të fillojmë punët e mëdha që na presin neve dhe angazhimin e përditshëm që pritet prej nesh. Urime dhe suksese të gjithëve dhe secilit. Na priftë e mbara. Ju faleminderit,”-ka shkruar Kurti.
Postimi i plotë:
Fjala ime e plotë në mbledhjen ceremoniale të Qeverisë së Republikës së Kosovë.
Të nderuar zëvëndëskryeministra…
Posted by Albin Kurti on E martë, 23 Mars 2021
(k.a/dosja.al)
Rama është propozuar për president nga disa deputetë socialiste, mendoni se:
GREQI– I arratisuri nga Mafia, Mario Giulio Calderone u arrestua dje në mëngjes në Greqi, pranë qytetit të Larissa. Ai është një anëtar i shquar i familje...
KOSOVË-Albin Kurti është shpallur zyrtarisht kryeministri i Kosovës. Kuvendi i Kosovës, votoj ditën e djeshme me 67 vota pro dhe 30 kundër për qeverinë e K...
SUEDI– Gjykata e Stokholmit ka dënuar me burgim të përjetshëm 37-vjeçarin nga Prizreni, Adriatik Hadrin, për vrasjen e prindërve të tij. Ai duhet t...
KOSOVË-Sfida kryesore e qeverisë Kurti, duhet të jetë përballja me pandeminë dhe rimëkëmbjen ekonomike.Sipas Telegraf, Jeta Krasniqi nga Instituti Demokrat...
KOSOVË– Gjatë seancës së djeshme për votimin e Qeverisë Kurti, në një moment vëmendja u kthye edhe te familja e Albin Kurtit, saktësisht te vajza e t...
SHBA- Kompania gjigande farmaceutike ‘Pfizer Inc’ planifikon të prekë teknologjinë mRNA për të bërë vaksina të reja për viruse të tjera pas suksesit të Covid-19...
BRITANI– Ka ekzistuar një kohë, tani shumë larg, e gabimeve, madje të mëdha të Boris Johnson. Dhe ishte një kohë, kur numri në Britani të Madhe, midis vde...
RUSI- Rusia dhe Kina kanë hedhur poshtë akuzat se po përdorin vaksinat e koronavirusit për të projektuar ndikimin e tyre në të gjithë botën.Duke folur para gaze...
KOSOVË-Kryeministri Albin Kurti në mbledhjen e parë të Qeverisë ka folur për planin e menaxhimit të pandemisë dhe rimëkëmbjes ekonomike.Sipas telegraf, Kur...
BRITANI– Freddie, foka që rrëmbeu zemrat e londinezëve që kur u vendosën pranë Hammersmith Bridge muajin e kaluar, ka ngordhur pasi një sulm nga qeni e la...
