SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
TIRANË– Një ditë pasi prezantoi draft-propozimin me kriteret për zgjedhjen e Presidentit të Republikës, Enkelejd Alibeaj është refuzuar nga deputetët e Partisë Demokratike që i përkasin Komisionit të Rithemelimit dhe Ervin Salianji. Fillimisht, Alibeaj zhvilloi një mbledhje në një nga sallat e Kuvendit ku kishte thirrur anëtarët e kryesisë së Grupit të PD-së, por të vetmit që i shkuan ishin deputetët Oriola Pampuri e Arbi Agalliu. Ndërsa më pas zhvilloi një takim në selinë e Partisë Demokratike, ku pretendoi se kishte kuorumin e plotësuar me 22 deputetë që sipas tij kishin marrë pjesë fizikisht dhe online. Por në fakt, në mbledhje i shkuan vetëm 21 deputetë dhe dy prej tyre, Salianji e Ferdinand Xhaferraj dolën nga salla para përfundimit të diskutimeve. Salianji e konsideroi një dështim edhe mbledhjen e grupit parlamentar, ndërsa Xhaferaj nga ana tjetër thotë se kanë rënë dakort që të mos bëhen pjesë e ‘farsës’ së Ramës.
Pavarësisht zërave kundër, pas përfundimit të mbledhjes, në një prononcim për mediat jashtë selisë blu, Alibeaj tha mbledhja ishte e suksesshme dhe me kuorumin e nevojshëm, ndërsa shtoi se kushti për presidentin e ri ishte një dhe i panegociueshëm; kreu i ri i shtetit duhet të ishte anti-komunist. Por preferoi që të mos jepte emra, ndërsa shtoi se nuk duhej të përflitej më as emri i Visar Zhitit. Sipas Alibeajt, sot drafti u miratua nga 22 deputetë, duke theksuar se do t’u shpërndahet edhe të tjerëve. Përfshirë edhe aleatëve.
Por me kriteret e vendosura në draft nuk është dakord Salianji. Ai, po ashtu për mediat tha se presidenti nuk është një pozicion për të pasur një azil luksi, e se për këtë post duhet të ketë kandidatë që vijnë nga politika. Si shembull, ai mori Italinë ku aktualisht Sergio Mattarella shërben në mandatin e dytë. Ndërsa në lidhje me draftin e nxjerrë, deputeti i PD-së tha se ai është një dokument që i shërben vetëm kryeministrit Edi Rama dhe se nuk mund të përfaqësojë mendimin e të gjithë demokratëve. Ndërkohë, reagimet vijuan në rrjetet sociale nga ana e Rithemelimit.
Kryetari i Këshillit Kombëtar të PD-së Edi Paloka e Enno Bozdo e konsiderojnë draftin e Alibeajt si propozim të vetë kryeministrit Edi Ramës. Deputetët Alibeaj, Pampuri e Agalliu, sipas tyre, nuk përfaqësojnë PD-në. Mesila Doda ka rënë pjesërisht dakord me disa nga konceptet e draftit mirëpo nuk përjashton kriterin se presidenti duhet të jetë nga politika. Ndërsa deputeti i Partisë Demokratike Tritan Shehu dhe Luçiano Boçi e konsiderojnë dokumentin një tallje me demokratët draftin dhe legjitimim të procesit të kryeministrit Edi Rama. Të gjitha komenteve të fundit u është përgjigjur Gazment Bardhi, i cili tha se anëtarët e Rithemelimit janë thjesht xhelozë për kolegët e tyre, madje akuzoi njërin pa përmendur emër se ka marrë një vilë luksoze.
Reagime për draftin e PD ka pasur edhe nga maxhoranca. Taulant Balla, kreu i grupit parlamentar të PS-së, u shpreh se fakti që Opozita kërkon të propozojë katër kandidatura është e përshtatshme për Avokatin e Popullit dhe jo për rastin e Presidentit, pasi kufizohet pala që ai përfaqëson.
Deputetët prezentë
Kreshnik Collaku; Zheni Gjergji; Bledjon Nallbati; Dashnor Sula; Arbi Agalliu; Gazment Bardhi; Dhurata Cupi; Saimir Korreshi; Eralda Bano; Merita Bakiu; Ferdinand Xheferri; Kastriot Piroli; Ilda Dhori; Lefter Geshtenja; Lindita Metaliaj; Flamur Hoxha; Seladin Jakupllari; Enkelejd Alibeaj; Emilja Koliqi; Orjola Pampuri; Andia Ulliri.
Munguan në mbledhje
Lulzim Basha, Ervin Salianji, Jorida Tabaku, Agron Gjekmarkaj, Grida Duma, Alfred Rrushaj, Flutura Acka, Xhelal Mziu, Tomorr Alizoti, Ramadan Lika, Fation Veizaj, Helidon Bushati, Greta Bardeli, Zef Hila, Ina Zhupa, Kasem Mahmutaj
Deputetet e Rithemelimit që mungojnë
Flamur Noka, Edi Paloka, Tritan Shehu, Albana Vokshi, Luciano Boçi, Edmond Spaho, Luan Baçi, Agron Shehaj, Sorina Koti, Oerd Bylykbashi, Isuf Cela, Bujar Leskaj, Belind Kelliçi, Sali Berisha, Elda Hoti
Çfarë përmban drafti i propozuar nga Albeaj?
Enkelejd Alibeaj ka përgatitur një draft me kriteret e zgjedhjes së Presidentit të Republikës së Shqipërisë ku thuhet se Opozita kërkon të propozojë katër kandidatë për President që pritet t’i zgjedhë nga fusha të ndryshme e sipas kritereve të përcaktuara. Gjithashtu, Alibeaj ka listuar kushtet që duhet të përmbushë personi që do t’i zërë karrigen Kreut të Shtetit actual, Ilir Meta. Konkretisht kërkohet që Presidenti të mos jetë angazhuar në politikë pesë vitet e fundit. Gjatë përvojës profesionale të tij, duhet të ketë dëshmuar publikisht aftësi të spikatura të integritetit, të ketë dëshmuar aftësi për të vendosur në situata të vështira dhe aftësi për të përballur presionin apo ndikimin e papërshtatshëm politik.
Gjatë periudhës 29.11.1944 – 02.07.1991 duhet që të mos ketë qenë dhe të mos jetë bashkëpunëtor, informator ose agjent i ndonjë shërbimi sekret, hetues, prokuror, gjyqtar në procese politike, denoncues apo dëshmitar i akuzës në proceset politike të posaҁme. Kandidati për President të Republikës duhet të bëjë transparencë të plotë dhe të dokumentuar të të gjitha të ardhurave dhe ligjshmërisë së pasurisë, si dhe të pagimit të të gjitha detyrimeve tatimore, bazuar në dokumentacionin zyrtar të institucioneve shtetërore përgjegjëse. Duhet të plotësojë kushtet e pastërtisë së figurës në drejtim të dekriminalizimit dhe duhet të ketë një përvojë në punën e tij për të paktën 15 vjet, ku të ketë dëshmuar integritet moral dhe profesional të lartë. Sigurisht duhet të përmbushë edhe kushtet e tjera të vendosura në Kushtetutë, të ketë jetuar 10 vitet e fundit në Shqipëri si dhe të jetë mbi 40 vjeç. Ky draft pritet të diskutohet nesër në selinë blu, në orën 14:00. Alibeaj ka ftuar të gjithë deputetët që të marrin pjesë në mbledhjen e grupit parlamentar.
ZHVILLIMET ORË PAS ORE:
Ende kryetar grupi? Alibeaj: Nuk më kanë shkarkuar askush, deputetëve u jap komoditet
Visar Zhiti për president? Përgjigjet Alibeaj: S’lejoj të lakohen emra, ai ka vuajtur shumë
Drafti për presidentin e ri, Alibeaj: Sot e kanë miratuar 22 deputetë
Kushti për presidentin, Alibeaj: Jo vetëm ai, por gjithë familjen ta ketë anti-komuniste
Mbledhja e PD për presidentin e ri, Alibeaj jep lajmin: Dakord të marrim pjesë në proces
Presidenti/ Bardhi: Xhelozët na quajnë të shitur, duan ta propozojnë vetë
Mbledhja e grupit në PD, Ferdinand Xhaferaj del i pari
Mbledhja e grupit për presidentin, Salianji: Dështoi! U përpoqa t’i bëja palët bashkë…
VD-Drafti i Alibeajt, Balla: I përshtatshëm për Avokatin e Popullit, privon maxhorancën
Drafti i Alibeajt për Presidentin, Mesila Doda: Ka koncepte që i bashkëndajmë
Drafti i Alibeajt, Shehu: Tallje me demokratët, letër për në kosh
Zbulohen dy KANDIDATURAT për president që Alibeaj do të paraqesë sot në mbledhjen e grupit
Drafti/ Garo: Kriteret për presidentin i ka shpallur Rama, Alibeaj i shfaq si të opozitës
VD-Mbledhja e Alibeajt: Kulisat nuk caktojnë axhendën e Opozitës
Salianji kundër draftit të Alibeaj:Presidenti s’është azil luksi, s’kishte mbledhje kryesie
Drafti i Alibeajt për Presidentin/ Paloka: Lojë e turpshme, deputetët viktima naive…
(a.b;f.m/dosja.al)
Aksidenti i rëndë në Tiranë, si mund të shmangen ngjarje të tilla?
TIRANË– Kreu i Policisë Rrugore, Altin Qato u ka bërë thirrje qytetarëve që të respektojnë rregullat kur ecin në rrugë. Në një prononcim në AbcNeës, ...
TIRANË– 6 persona janë infektuar nga pandemia e koronavirusit në Shqipëri. Ministria e Shëndetësisë ka bërë me dije se gjatë 24 orëve të fundit, nuk ka asn...
TIRANË- Në foton e mëposhtme shfaqen çifti Vilma dhe Arjan Konomi, të cilët pozojnë ndërsa në karrocë kanë foshenjën 3-muajshme. Ka qenë kushëriri i...
TIRANË– Deputeti i Partisë Demokratike Gazment Bardhi ka denoncuar një nga anëtarët e PD-së, por që është ojesë e Komisionit të Rithemelimit. Në një ...
TIRANË– Deputeti i Partisë Demokratike Gazment Bardhi nuk ka preferuar të thotë emër kur është pyetur për kolegun anonim që denoncoi sot në rrjetet s...
TIRANË– Foshnja 3 muajshe, që u aksidentua një ditë më parë nga Ajas Sulejmani në Rrugën e Kavajës ka dalë nga spitali. Ndërsa, prindërit e bebes jan...
TIRANË– Eduart Haxhia, 28 vjeç, banues në Paskuqan është vënë në pranga pasi ishte shpallur në kërkim. Në njoftimin e policisë bëhet me dije s...
TIRANË– Këshilli i Lartë i Prokurorisë ka emëruar tre prokurorë në detyrën e Drejtuesëve të zyrave të Prokurorive të ndryshme. Konkretisht në mbledhj...
TIRANË– Kryeministri Edi Rama është nisur drejt Brukselit. Që pas mbërritjes së tij, mbrëmjen e sotme, Rama do të zhvillojë edhe një takim me Përfaqë...
TIRANË– Këtë javë temperaturat do të shënojnë pikun me anti-ciklonin afrikan. Masa ajrore, do të mbërrijë nga Mauritania dhe brenda pak ditësh do të...