Aktualitet

Falsifikimi i dokumenteve, Gjykata pushon çështjen për Bashën dhe dy zyrtarët e PD. Ristani: Vendim i drejtë. Halimi: U rrëzuan gjuetitë e shtrigave

  • Balla: Kush mendon se u mbyll e ka gabim, KLP dhe KLGJ të hetojnë
  • Gjykata e Tiranës ka pushuar çështjen për Lulzim Bashën dhe dy zyrtarët e tjerë të PD që akuzoheshin për “falsifikim të dokumenteve”. Gjyqtari Lazer Sallaku, ka vendosur të pushojë çështjen, duke rrëzuar kërkesën e Prokurorisë. Partia Demokratike e ka njohur këtë vendim duke thënë se u vendos drejtësi. Ristani pas lehtësimit nga akuza tha se e gjithë çështja ishte e montuar politikisht. Avokati i Bashës, Eduart Halimi, u shpreh se u rrëznuan gjyetitë e shtrigave. Basha nuk ishte i pranishëm në seancë duke u përfaqësuar nga avokatët e tij.
    Featured image of article: Falsifikimi i dokumenteve, Gjykata pushon çështjen për Bashën dhe dy zyrtarët e PD. Ristani: Vendim i drejtë. Halimi: U rrëzuan gjuetitë e shtrigave Arben Ristani dhe Lulzim Basha

    TIRANË- Gjykata e Tiranës ka marrë sot vendimin për çështjen kundër Lulzim Bashës dhe dy zyrtarë të tjerë, Arben Ristani dhe Ilir Dervishin. Të tre zyrtarët e PD tashmë nuk do të kenë asnjë akuzë, pasi gjykata ka pushuar çështjen e “falsifikimit të dokumenteve”. 

    Gjyqtari i çështjes Lazer Sallaku, i caktuar me short si gjyqtar paraprak, duhet të vendoste për dërgimin e dosjes në gjyq, kthimin e saj për rihetim apo pushimin e saj. Duke dëgjuar për më shumë se 2 orë argumentat dhe faktet nga të dyja palët, Sallaku vendosi për pushimin e çështjes për mungesë provash. 

    I pranishëm në seancë nga të pandehurit ka qënë vetëm ish-sekretari i Përgjithshëm, Arben Ristani, ndërsa kryedemokrati Lulzim Basha dhe Ilir Dervishi zgjodhën që të përfaqësoheshin nga avokatët. Duke rikthyer edhe njëherë në skenë Eduart Halimin, i cili dikur ka qënë deputet i PD-së por që dha dorëheqjen nga mandati për t’ju përkushtuar karrierës së tij si jurist. 

    Më herët Lulzim Basha ka qenë nën hetim nga Prokuroria e Tiranës për “pastrim parash”, por kjo akuzë ka rënë, pasi Prokuroria çështjen në Gjykatë e dërgoi vetëm me akuzën e “falsikimit të dokumenteve”, për shkak se nuk kishin deklaruar të gjitha shpenzimet e pushatës në formularët e KQZ-së . Në bazë të Kodit Penal, nëse vepra penale e falsifikimit të vulave dhe formularëve do të provohej ata do dënoheheshin deri në 7 vite burgim. 

    Për më shumë bëhu pjesë e grupit më viral në Facebook, Dosja.al

    HISTORIA E LOBIMIT

    Hetimet për lobimin e bërë nga PD nisën pas ardhjes së dy letërporosive nga SHBA dhe Skocia, ku PD pretendohet se ka paguar 525 mijë dollarë tek kompania Stotington Strategies, ndërsa kompania Biniatta Trade 150 mijë dollar. Më 14 nëntor të 2017, “Stonington Strategies” raportoi në Departamentin e Drejtësisë pagesat e bëra nga PD, të cilat nuk janë deklaruar në raportin financiar që është depozituar në KQZ në zgjedhjet e vitit 2017.

    Partia Socialiste, ndërkohë e ka akuzuar PD dhe kryetarin Lulzim Basha se janë të lidhur me rusët, pasi, kompania Biniatta Trade, është pjesë e një zinxhiri kompanish që janë të regjistruara në Belizë, një vend i njohur si parajsë fiskale. Gjithashtu, kjo kompani ka si pronarë dy shtetas rusë, Evgeny Sheremetyev dhe Kostantin Ferulev, që sipas hulumtimit të “Mother Jones” zotërojnë 75 për qind të aksioneve të “Biniatta Trade”.

    (F.G. K.M. A.B. E.K/dosja.al)

    • 20:40

      Pushimi çështjes për Bashën/ Braçe: S’është i barabartë para ligjit, u shpëtua nga sistemi i vjetër që ndërtoi vetë

      Lulzim Basha dhe Erjon Braçe

      Zv. kryeministri Erion Braçe ka reaguar pas vendimit të Gjykatës së Tiranës për pushimin e çëshjtes ndaj Lulzim Bashës dhe dy zyrtarëve të tjerë të PD. Në nje postim në rrjetet sociale, Braçe shprehet se Basha Kurre nuk eshte trajtuar si i barabarte para ligjit. “Te kujt janë 670 000 dollaret e paguar e te deklaruar ne amerikeLobisti ne marredhenie me PD e Lulzim Bashen, thote qe jane te PD dhe kompanise qe ka vepruar per llogari te saj. Lulzim Basha nuk thote asgje! Madje nuk thote as qe lobisti i tij genjen nen betim”, shkruan Braçe në Instagram”. Më tej, Zv. kryeministri Braçe thotë se  vendimi i sotëm për Braçen nuk duhet ngatërruar, pasi është nga sistemi i vjetër dhe jo drejtësia e re.

      Postimi i plotë i Erjon Braçes:

      Kurre nuk eshte trajtuar si i barabarte para ligjit! Ky vend ka dy standarde:

      Njeri per qytetaret dhe cilindo tjeter qe nuk ka prokuroret e gjykatesit e tij; Tjetri per Lulzim Bashen qe ka gjithnje prokuroret, gjykatesit, avokatet e tij, te cilet kane emeruar prokuroret e gjykatesit qe as hetojne e as gjykojne vec nje politikan-Lulzim Bashen. Kush e ngaterron kete duke e treguar si produkt i #ReformaneDrejtesi, gabon! Ky eshte ende sistemi i vjeter i padrejte, i pandershem, politik e banal qe ka ndertuar Lulzim Basha me ministrin e tij te drejtesise. Kesaj rradhe eshte edhe me e qarte, por edhe me e turpshme; Nje lobist amerikan, ne maredhenie ligjore e publike me PD, materializuar me firma te tij e te Lulzim Bashes,ka deklaruar ne cdo zyre ligjore te SHBA se ka marre prej PD permes nje kompanie ne maredhenie me te, 670 000 DOLLARE!Ne zyrat ligjore te Shqiperise, Lulzim Basha as qe i ka deklaruar ato!Pyetja qe priste pergjigje nga prokurore e gjykates bashke, mbetet e thjeshte:TE KUJT JANE 670 000 DOLLARET E PAGUAR E TE DEKLARUAR NE AMERIKE?Lobisti ne marredhenie me PD e Lulzim Bashen, thote qe jane te PD dhe kompanise qe ka vepruar per llogari te saj. Lulzim Basha nuk thote asgje! Madje nuk thote as qe lobisti i tij genjen nen betim! Kete duhet te zbardhte prokuroria e te gjykonte gjykata. Por Lulzim Basha nuk gjykohet kurre! Ka gjithnje gjykatesit e prokuroret qe i garantojne imunitet, mungesen e nje gjyqi per te! Ky eshte SISTEMI i tij, i tyre dhe eshte ende ne kembe!

    • 19:32

      “Rilindja s’duhet të marrë peng drejtësinë”/ Paloka i përgjigjet Ballës: Të japë llogari për tenderat që merr nga qeveria miku i tij trafikant

      Taulant Balla dhe Edi Paloka

      Nënkryetari i Partisë Demokratike, Edi Paloka I është përgjigjur deklaratave të Ballës, i cili u shpreh se pushimi i çështjes së Lulzim Bashës, ishte gabim dhe se prokuroria duhet të hetojë. Përmes një reagimi në Facebook, Paloka shkruan se Taulant Balla duhet të dalë para drejtësisë dhe të jap llogari për tenderat që merr nga qeveria miku i tij trafikant. Sipas Palokës, Rilindja nuk duhet të marrë peng drejtësinë, pavarësisht shantazheve dhe presioneve te gjithanshme për ta përdorur atë politikisht.

      REAGIMI I PLOTË I EDI PALOKËS-

      Shpifja e rradhes , me te cilen Rama , ndersente me te shpifurin e shpifesve, ndaj Bashes dhe PD , shkoi ne kosh bashke me te tjerat.Per fat te mire “rilindja” nuk mund te marre peng  te gjithe drejtesine  , pavarsisht shantazheve dhe presioneve te gjithaneshme per ta perdorur ate politikisht , sic ka bere ne jo pak raste te tjera.Sidoqofte drejtesia do te vendoset vetem atehere kur raca e taulanteve te “rilindjes” te jape llogari jo thjesht per shpifje , po per krimet e kryera.Tao Yaris duhet te dale para nje drejtesie te pakapur e te jape llogari per tenderat qe merr nga qeveria miku i tij trafikant . Trafikanti per te cilin qeveria e Ramballeve eshte e gateshme te zhvendose dhe Lanen e te shkatrroje shtepite dhe jeten e qindra familjeve !Taulant yaris duhet te dale te tregoj lidhjet me krimin, shitblerjen e votave, korrupsionin galopant me tendera dhe koncesione qe po varferojne cdo dite shqiptaret.PD e provoi dhe ne kete rast , qe me asnje fabrikim per shantazh nuk do te na e mbyllin dot gojen.Ne do te luftojme deri ne fund dhe shume shpejte drejtesia do te vendoset per te gjithe.

    • 17:39

      Balla: Kush mendon se u mbyll e ka gabim, KLP dhe KLGJ të hetojnë. U bënë dy vjet kërkime dhe gjykata i rrëzoi për dy orë

      Taulant Balla, ka reaguar pas vendimin të Gjykatës së Tiranës për pushimin e çëshjtes ndaj Lulzim Bashës dhe dy zyrtarëve të tjerë të PD. Në një reagim në Facebook, teska ka publikuar dhe një dokument (Kontrata Muzin-Basha), Balla shkruan se kush mendon se kjo çëshjte është mbyllur e ka shumë gabim. Më tej në reagimin e tij, nurmi dy i PS shton se Këshilli i Lartë i Gjyqësorit dhe Këshilli i Lartë i Prokurorisë duhet të hetojnë gabimet procedurale me dashje, që çuan në këtë teatër të turpshëm, ku prokuroria hetoi 2 vite dhe gjykata e mbylli për 2 orë.

      Dokumenti i publikuar nga Balla

      “Kush mendon se kjo dosje e rëndë me të pandehur kryesor Lulzim Bashën, mund të mbyllet kështu pa u hetuar aspak në themel, pa u marrë në pyetje të gjithë personat e përfshirë, e ka shumë gabim. Kjo nuk është një çështje vetëm e drejtësisë shqiptare. Nxitimi i stimuluar i ndonjë prokurori dhe gjyqtari që nuk e ka kaluar procesin e vettingut dhe që zbaton parimin “kap çfar të kapësh”, shfaqën sot këtë teatër të turpshëm për sytë e shqiptarëve dhe jo vetëm. Këshilli i Lartë i Gjyqësorit dhe Këshilli i Lartë i Prokurorisë duhet të hetojnë gabimet procedurale me dashje, që çuan në këtë teatër të turpshëm, ku prokuroria hetoi 2 vite dhe gjykata e mbylli për 2 orë. Apelimi i këtij vendimi absurd dhe rikthimi i çështjes për hetim të plotë duke dhënë edhe garancitë nga Gjykata për marrjen në pyetje të përfituesit të parave Nik Muzin, janë hapat e vetëm për të hedhur dritë e për të bërë drejtësi në këtë dosje të rëndë”, shkruan Balla.

    • 16:55

      Avokati i Bashës: U rrëzuan gjuetitë e shtrigave, gjykata mori një vendim të drejtë

      Avokati i Lulzim Bashës, Eduart Halimi, ka folur pas vendimit të Gjykatës së Tiranës për pushimin e çështjes  për kreun e Partisë Demokratike dhe dy zyrtarët e tjerë, të cilët akuzoheshin nga Prokuroria për falsifikim të dokumenteve.

       Në një deklaratë për mediat, Halimi ka thënë se gjykata sot ka marrë një vendim të drejtë dhe për të janë rrëzuar të gjitha gjuetitë e shtrigave të prokurorisë që janë bërë këto dy vitet e fundit.

      Vendimi i Gjykatës ishte një vendim drejtësie, u provua se ishte një akuza e stisur dhe PD nuk ishte fare pjesë e kësja dosje dhe vepra penale nuk ekzistojnë dhe faktet nuk ekzistojnë. Ne jemi avokatët dhe mund të themi se u rrëzuan të gjitha gjuetitë e shtrigave që janë mbajtur në tërritorin e prokurorisë për më shumë se 2 vite. Fakti nuk ekziston”, u shpreh Halimi.

    • 16:48

      Ristani flet pas vendimit të Gjykatës: Akuzat ishin politike, u vendos drejtësi

      Gjykata e Tiranës në seancën paraprake ka pushuar çështjen për kreun e Partisë Demokratike, Lulzim Basha dhe dy zyrtarët e tjerë të PD. Në një deklaratë për mediat në përfundim të seancës, ish-Skeretari i Përgjithshëm i Partisë Demokratike, Arben Ristani, u shpreh se e gjithë çështja ishte e montuar politikisht.

      Gjykata ka pushuar çëshjten, pasi fakti nuk ekziston. Por është shumë interesante për të kuptuar se si veprojnë institucionet kur janë të frustruara nga politika. Prokuroria është bërë një institucion i çorganizuar. U kuptua që ishte një çështje politike, por gjithmonë edhe pse ka presione sërish ka sërish njerëz që zbatojnë ligjin”, u shpreh Ristani.

      Ndërkohë i pyetur se pse kishte zgjedhur që të ishte i pranishëm në gjykatë, ku dy funksionarët e tjerë nuk ishin të pranishëm, Ristani u përgjigj kështu: Erdha për të pasrë sallën e gjyqit nga ana të pandehurit, pasi e kam parë si gjyqtar dhe si avokat.

    • 13:48

      Lulzim Basha nuk shkon në gjykatë, përfaqësohet nga avokatët

      Kryetari i Partisë Demokratike Lulzim Basha nuk do të shkojë sot në Gjykatë, ku do të zhvillohet seanca e parë për akuzën e falsifikimit të formularëve, për kontratën e lobimit me “Biniatta Trade”.

      Avokatët e Lulzim Bashës

      Burime për Dosja.al bëjnë me dije se Basha do të përfaqësohet sot në gjykatë nga avokatët, Ivi Kaso dhe Eduart Halimi.

    Shto Koment