Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
• Zjarri në Malin e Çikës vijon të jetë aktiv prej tre ditësh. Pasditen e sotme, tymi është përhapur thuajse në të gjithë Palasën e Dhërmiun dhe pushuesit kanë nisur të largohen. • Mali i Çikës pesë ditë nën flakë, dy avionët grekë nuk arrijnë të shuajnë zjarrin, largohen pushuesit • Zjarrfikësit e Himarës janë në zonën e fshatit Dhërmi ku po luftojnë flakët, ndërsa punonjësit e ADZM janë përqendruar në fshatin e Palasës. • FA nuk ka ndërhyrë, ndërsa nga ajri nuk duket se helikopterët do të dalin në qiell për shuarjen e zjarreve. • Në malin e Cikës janë djegur hektarë të tërë me shkurre dhe pemë. Zjarre të tjera active dhe mjaft problematike janë në Pyllin e Sodës, Fushë Krujë e Memaliaj.
8 artikuj për këtë temë.
VLORË- Beteja e Malit të Çikës ka kapur në ditën e pestë. Autoritetet kërkuan ndihmën e fqinjëve dhe Greqia dërgoi menjëherë dy avionë, të cilët pas betejës së gjatë s'arritën t'i neutralizonin dot flakët që të ndihmuara dhe nga era e fortë përhapeshin edhe më tej në terren, duke e çuar në 70 ha sipërfaqen e djegur.
Forcat e ushtrisë dhe zjarrfikësve për shkak edhe të terenit të vështirë e kishin të pa mundur ndërhyrjen direkrte pavarsisht përpjekjeve të shumta ndërkohë mësohet se avionët nga Greqia do të rikthehen sërish në një betejë të dytë me zjarrin që duket i 'pandalshëm' e që deri tani ka shkatërruar mbi 70 ha pyje dhe shkurre.
Zjarri i rënë në “Palikonjë” në Malin e Çikës vijon të jetë aktiv prej pesë ditësh dhe dje nisi operacioni për shuarjen e flakëve, me angazhimin e forcave të ushtrisë dhe zjarrfikësve lokalë. Po ashtu, 20 ushtarë janë në gatishmëri në ndonjë përkeqësim të situatës.
Gjithashtu zjarri është riaktivizuar edhe në kodrat e Vajkanit në Fier. Flakët kanë shpërthyer në një sipërfaqe të mbjellë me ullinjë dhe pisha, ndërsa në terren kanë shkuar edhe efektivët e repartit zjarrfikës të Fierit dhe mjetet zjarrfikëse. Sot pritet të ketë një tjetër ndërhyrje nga ajri, ndërkohë zjarri vazhdon të përhapet dhe të djegë sipërfaqe të tëra me pyje, bredh dhe shkurre.
VLORË- Zjarri në malin e Çikës po përparon. Një operacion masiv është organizuar në terren për shuarjen e tij, ku aktualisht 90 ushtarë kanë mbërritur në Dhërmi për zjarret që kanë "përpirë" deri më tani 70 hektarë deri tani në gropat e Çikës. Prefekti Flamur Mamaj ka deklaruar se po presin që të mbërrijë helikopteri.
“Presim helikopterin. E vështirë për të ndërhyrë në këmbë. Rrezik për jetën e punonjësve,”- tha Mamaj.
Situata në Malin e Çikës është kthyer në problematike sepse flakët kanë nisur që dy ditë më parë, e ende nuk janë shuar.
TIRANË- Vendet e Ballkanit po luftojnë me zjarret që kanë 'pushtuar' gjithë zonën deri më tani. Zjarret kanë shkatërruar toka, pyje, shtëpi dhe akomodime turistike në Greqi dhe Turqi, Shqipëri si dhe në Kroaci.
Shqipëria prej më shumë se trë ditësh ndodhet 'nën pushtetin' e flakëve. Kjo pasi në Malin e Çikës në Vlorë vatrat e zjarrit që janë ndezur janë përhapur dhe më tej me ndihmen e erës si dhe të terrenit të thyer. Në vendin tonë vatra aktive ka në disa zona, si në Fushë Krujë, në Dhërmi, në Memaliaj si dhe në Malin e Sodës.
Zjarret kanë vazhduar të shpërthejnë në rajonet jugore dhe jugperëndimore të Turqisë që nga java e kaluar. Zjarrfikësit luftuan një zjarr në pyll që shpërtheu pranë qytetit turistik Datca në Turqinë jugperëndimore, ku takohen detet Egje dhe Mesdhe ditën e sotme. Nëntë helikopterë, pesë avionë dhe disa automjete të tjera zjarrfikëse u dërguan në rajon, tha në një deklaratë zyra e guvernatorit të provincës Mugla, duke shtuar se zjarri po përhapet për shkak të erërave të forta. Imazhet televizive treguan tymin që dilte nga pemët dhe helikopterët që shuanin ujin mbi flakët ndërsa ai përhapej nëpër pyjet në zonën turistike.
Në Greqi, zjarret kanë djegur gjithçka në rrugën e tyre nga Varibobi në veri të Athinës përmes Kos, Evia, Heraklion, Mani, Rodos dhe Messinia. Njerëzit evakuuan shtëpitë e tyre dhe zjarrfikësit po luftojnë me flakët edhe gjatë natës. Zjarret në Greqi kanë shkatërruar toka pyjore, shtëpi, akomodime turistike dhe fabrika. Në Greqiu dy persona ekuipazh të një helikopteri humbën jetën ditën e sotme, pasi ky i fundit u rrëzua teksa po shuante zjarret në zonën e Agios Minas.
Në Kosovë nuk ka pasur vatra zjarri të mëdha këtë vot, por vetëm në disa zona ku kanë qenë të aksesueshme nga zjarrfikësit, të cilët kanë bërë të mundur fikjen e tyre. Në disa nga qytetet ku ka pasur vatra zjarri në Kosovë janë Peja, Prizreni si dhe Fushë Kosova. E njëjtë është situata dhe në Maqedoninë e Veriut dhe në Malin e Zi, ku fatmirësisht nuk ka pasur vatra zjarri të mëdha dhe të rreizikshme.
Ndërkohë që ndryshe është situata në Kroaci, pasi mjë zjarr i madh shpërtheu midis Vodice dhe Shibenikut. Nga ky zjarr janë shkrumbuar të paktën 10 banesa qytetarët, ndërkohë që dëmet materiale në ndërtesa dhe në toka bujqësore janë trë shumta. Në zjarrin pranë Zatonit janë angazhuar gjithsej 210 zjarrfikës me 54 automjete. Forca shtesë mbërritën nga Qarku Primorje-Gorski Kotar me 22 zjarrfikës dhe 6 automjete, Qarku Lika-Senj me 13 zjarrfikës dhe 5 automjete dhe nga Qarku Split-Dalmaci me 9 zjarrfikës dhe 4 automjete.
TIRANË- Presidenti Ilir Meta i ka bërë thirrje qeverisë që të shtojë fondet për mbrojtjen nga zjarret, kur për të tretën ditë flakët po përpijnë malin e Çikës dhe po rrezikojnë Dhërmiun e Palasën. Në një postim në Facebook, Meta shkruan se qeveria pol ë në mëshirë të fatit pasuritë publike dhe nuk shton asnjë cent për mbrojtjen e tyre. Kreu i Shtetit u bën thirrje të gjitha institucioneve përgjegjëse qendrore dhe vendore, Ministrisë së Mbrojtjes dhe Agjencisë së Mbrojtjes Civile të ngrihen në këmbë, të marrin në dorë situatën dhe të reagojnë me urgjencë.
Postimi i plotë:
TË NDËRPRITEN URGJENTISHT PAGESAT FIKTIVE PËR INCENERATORËT DHE TË SHTOHET FONDI PËR MBROJTJEN NGA ZJARRET! Për tre ditë me rradhë vatrat e zjarrit në Malin e Çikës në Vlorë po shkatërrojnë hektarë pyje, pasuri publike. Siç dëshmon dhe kjo foto e fundit, flakët po përparojnë me shpejtësi drejt fshatit turistik të Dhërmiut, të tejmbushur me turistë, duke kërcënuar gjithashtu Kondraqin dhe Borshin. Për fat të keq, Qeveria që paguan çdo ditë mijëra euro për mafien e inceneratorëve, vijon të mos shpenzojë as 1 cent për të shtuar fondin për mbrojtjen nga zjarret.
Lënia në mëshirë të fatit të pasurisë natyrore dhe moskokëçarja përballë kërcënimit serioz të shëndetit, jetës dhe pronës së qytetarëve është tronditëse! I bëj thirrje të gjitha institucioneve përgjegjëse qendrore dhe vendore, Ministrisë së Mbrojtjes dhe Agjencisë së Mbrojtjes Civile të ngrihen në këmbë, të marrin në dorë situatën dhe të reagojnë me urgjencë! E konsideroj kriminale mosnxjerrjen e mësimeve nga e kaluara dhe mosveprimin në kohë në lidhje me zjarret!
Zjarri në Malin e Çikës vijon të jetë aktiv prej tre ditësh. Pasditen e sotme, tymi është përhapur thuajse në të gjithë Palasën e Dhërmiun dhe pushuesit kanë nisur të largohen. Zjarrfikësit e Himarës janë në zonën e fshatit Dhërmi ku po luftojnë flakët, ndërsa punonjësit e ADZM janë përqendruar në fshatin e Palasës. FA nuk ka ndërhyrë, ndërsa nga ajri nuk duket se helikopterët do të dalin në qiell për shuarjen e zjarreve. Zjarre të tjera active dhe mjaft problematike janë në Pyllin e Sodës, Fushë Krujë e Memaliaj.
DHËRMI- Pamjet e mëposhtme janë nga zjarri që ka 'pushtuar' Dhërmiun. Siç shihet, flakët janë përhapur me shpejtësi, ndërkohë që tymi ka mbuluar gjithë zonën.
Zjarri në Malin e Çikës ka avancuar për shkak të erës së fortë dhe ka mbërritur deri në Dhërmi. Ndërkohë që nuk ka ende një njoftim për ngjarjen në fjalë, apo një angazhim të Forcave Ajrore për shuarjen e zjarrit.
FUSHË KRUJË- Një zjarr ka rënë pasditen e sotme në Fushë-Krujë. Mësohet se zjarri është ndezur pranë fabrikës së Çimentos në Zallë.
Ende nuk dihet shkaku i zjarrit, ndërkohë që dyshohet se është vënë nga barinjtë e zonës. Në vendngjarje kanë mberritur autoritetet zjarrfikëse, të cilat po punojnë për shuarjen e zjarrit.
VLORË- Një zjarr masiv ka përfshirë një nga zonat në Dhërmi dhe ka bërë që e gjithë zona të ‘mbytet’ nga tymi. Nga videot e siguruara nga Dosja.al nuk arrihet të dallohet as deti dhe as qielli nga tymi i madh që ka pushtuar zonën.
Ende nuk dihet se ku ka rënë zjarri saktësisht, në cilën zonë dhe cilat janë dëmet që ka shkaktuar. Nuk ka një njoftim për ngjarjen në fjalë, apo një angazhim të Forcave Ajrore për shuarjen e zjarrit.
Një tjetër zjarr është aktivizuar në Memaliaj e Fushë Krujë këtë pasdite.
MEMALIAJ- Një zjarr ka rënë ditën e sotme në Memaliaj. Mësohet se deri tani janë djegur 2 hektarë tokë bujqësore, ndërkohë që zjarri po vijon të digjet.
Ende nuk dihet shkaku i rënies së zjarrit, apo nëse është i qëllimshëm. Në vendngjarje ka shkuar zjarrfikësja si dhe me ndihmen e banorëve po bëhet i mundur izolimi i zjarrit.
