Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Temperaturat e larta dhe era që fryn ka bërë që prej ditësh disa zona të vendit të jenë nën pushtetin e flakëve dhe zjarrit.• Në Vlorë që prej 25 korrikut vijon të jetë aktiv zjarri që përfshiu fushën e mbetjeve në Vlorë. • Si pasojë e djegies së mbetjeve, tymi ka "pushtuar" të gjithë qytetin, duke krijuar shqetësime tek pushuesit dhe vendasit. • Megjithëse në ndihmë të mjeteve të bashkisë kanë shkuar dhe forcat e ushtrisë por shuarja e flakëve nuk është bërë e mundur. • Në Shëngjin një zjarr që ka përfshirë një masiv pyjor në malin e Rrencit pranë porti po merr përmasa gjigande. • Raportohet se nga zjarri po rrezikohen dhe banesat. • Deputeti demokrat Agron Gjekmarkaj postoi një video nga zjarri në rrjetet sociale ku shkruante se tymi dhe flakët kanë rrethuar Shëngjinin. • Ai bënte thirrje për ndërhyrje urgjente, pse jo dhe me helikopter dhe nga ajri. • Më herët sot Ministria e Mbrojtjes ka njoftuar sot se sipas të dhënave nga Qendra Kombëtare Operacionale e Emergjencave Civile, gjatë 24 orëve të fundit janë raportuar 23 vatra zjarri nga të cilat 19 janë shuar. • Gjithashtu lajmëroi se mbeten aktive vatrat e zjarrit në vendgrumbullimin e mbetjeve në Vlorë, sic e raportuam më sipër, në fshatrat Malecaj dhe Torovicë të bashkisë Lezhë, si dhe në fshatin Kameras në Durrës. • Një vatër e re zjarri është aktivizuar në qarkun e Kukësit, në vendin e quajtur Fierza e Qemës, në fshatin Kishaj të bashkisë Has. • Ekipet e shërbimit zjarrfikës të bashkisë Has, bashkë me punonjësit e shërbimit pyjor, janë nisur drejt vendit të ngjarjes për të luftuar flakët. • Ndërkohë, në dy vatrat e tjera aktive, në Zogaj të Tropojës dhe Letaj të Hasit, po punohet për izolimin e tyre. • Në vendngjarje, janë angazhuar rreth 200 forca, prej të cilave 100 i përkasin ushtarëve Komando, ndërsa pjesa tjetër janë zjarrfikës dhe punonjës të tjerë. • Në fshatin Peraj të Hasit, pranë kufirit me Gjakovën, zjarri ka shpërthyer disa mina luftarake, prezenca e të cilave mendohet të jetë që prej luftës në Kosovë në vitin 1999.
8 artikuj për këtë temë.
KONISPOL- Zjarri i përmasave të mëdha i cili nisi ditën e djeshme në Konispol vijon të jetë ende aktiv edhe ditën e sotme. Nga flakët është përfshirë mali i Saraqindit duke përfshirë zonën e Shalës- Dishat – Markat.
Bëhet me dije se në vendngjarje ndodhen shërbimet zjarrfikëse si dhe banorë të Konispolit. Mësohet se për shkak të terrenit të vështirë për shuarjen e flakëve është vepruar me mjete rrethanore.
Flakët masive kanë rrezikuar ullishtet dhe banesat aty pranë. Ndërkohë zjarri dyshohet të jetë i qëllimshëm.
SHËNGJIN- Vijon aktive vatra e zjarrit në malin e Rrencit në Shëngjin. Flakët po përhapen me shpejtësi për shkak të erës që fryn, ndërsa kanë zbritur deri në zonën shumë pranë portit.
Sipas raportimeve edhe nga banorët zjarri po rrezikon edhe disa banesat pranë. Zjarrfikëset ndodhen në vendngjarje dhe po punojnë për shuarjen e flakëve, ndërsa kanë kërkuar edhe përforcime të tjera.
MIRDITË- Një zjarr masiv raportohet se ka rënë në Kodër Rrëshen. Raportohet se flakët kanë djegur dy banesa, ndërsa kanë rrezikuar edhe të tjera.
Gjithashtu është djegur edhe një sipërfaqe e madhe vreshtari. Në terren janë 3 mjete zjarrfikëse të cilët po luftojnë për vënien nqn kontroll të zjarrit dhe shuarjen e flakëve.
KUKËS- Një tjetër vatër zjarri është aktivizuar në qarkun e Kukësit. Gjatë pasdites, zjarri u shfaq në vendin e quajtur Fierza e Qemës, në fshatin Kishaj të bashkisë Has.
Zjarri ka përfshirë masivin pyjor të këtij fshati, në një terren të vështirë dhe të largët nga rrugët automobilistike. Ekipet e shërbimit zjarrfikës të bashkisë Has, bashkë me punonjësit e shërbimit pyjor, janë nisur drejt vendit të ngjarjes për të luftuar flakët. Ndërkohë, në dy vatrat e tjera aktive, në Zogaj të Tropojës dhe Letaj të Hasit, po punohet për izolimin e tyre.
Sipas burimeve në vendngjarje, janë angazhuar rreth 200 forca, prej të cilave 100 i përkasin ushtarëve Komando, ndërsa pjesa tjetër janë zjarrfikës dhe punonjës të tjerë. Në fshatin Peraj të Hasit, pranë kufirit me Gjakovën, zjarri ka shpërthyer disa mina luftarake, prezenca e të cilave mendohet të jetë që prej luftës në Kosovë në vitin 1999.
Për shkak të kësaj situate, punonjësit e shërbimeve zjarrfikëse kanë ndërprerë punën, duke ia lënë vendin forcave ushtarake që do të monitorojnë situatën në mënyrë të specializuar. Vatrat e zjarrit po ndikohen nga temperaturat e larta, thatësira dhe erërat e forta të zonës.
Për momentin bëhet me dije se vatrat e zjarrit nuk rrezikojnë banesat e fshatrave përreth.
SHËNGJIN- Një zjarri i përmasave masive ka përfshirë malin në afërsi të portit të Shëngjinit. Flakët janë përhapur për shkak të erës, ndërsa rrezikohen dhe banesat e pallatet pranë portit dhe plazhit.
Deputeti i PD-së, Agron Gjekmarkaj ka postuar një video nga zjarri në Shëngjin dhe shkruan se zjarri në malin e Rrencit po merr përmasa më të mëdha. Ai thotë se flakët dhe tymi janë kudo rreth qytetit, ndërsa bën thirrje për ndërhyrje urgjente nga ajri.
POSTIMI I GJEKMARKAJ:
Urgjente ndërhyrja
Zjarri në Malin e Rrencit e të Shengjinit po merr përmasa të mëdha. Flakët dhe tymi janë kudo rreth qytetit si rrezik real i çastit por edhe pak më afatgjatë për shendetin! Deri tani përpjekjet për ta shuar kanë qënë modeste. Duhet ndërhyrje urgjente jo vetëm nga pushteti lokal por nga qeveria qendrore me çdo mjet, mundësisht me helikopter nga ajri.
Nuk ka më kohë për propagandë. Mosveprimi po shndërrohet në krim mjedisor, në rrezik për jetën e pronat në kulmin e sezonit turistik. I bëj thirrje Kryeministrit Edi Rama, ministrit të Mbrojtjes Niko Peleshi ti përgjigjen apelit për të nderhyrë ushtria dhe çdo institucion që mund të jetë i dobishëm. Nuk duhen fjalë dhe mbi të gjitha jo genjeshtra por lëvizje menjëherë e Qeverisë dhe Shtetit nëse kemi ënde të tilla në të vertetë e jo në spote propogande.
Shtëllungat e tymit kanë zëvëndësuar retë, ndërsa gjitha këta ditë zjarret kanë djegë hektar të shumtë pyjesh në Torovicë dhe Mirditë! Banorët po thithin tym. Zjarri nuk po djeg vetëm pemë e shkurre por edhe seriozitetin e Emergjencave Civile dhe gadishmerinë për të reaguar. Nesër do jetë vonë. Sonte duhet bërë diçka. Pasojat merren me mend!
SHËNGJIN- Një vatër zjarri është shfaqur ditën e sotme në afërsi të portit të Shëngjinit. Mësohet se flakët kanë përfshirë masivin pyjor dhe se janë duke u përhapur për shkak të erës së fortë.
Mbi port ndodhen edhe disa banesa të cilat janë të rrezikuara nga flakët. Shërbimi zjarrfikës ndodhet në vendngjarje për të bërë të mundur shuarjen e flakëve dhe mbajtjen nën kontroll të situatës.
TIRANË- Ministria e Mbrojtjes ka njoftuar sot se sipas të dhënave nga Qendra Kombëtare Operacionale e Emergjencave Civile, gjatë 24 orëve të fundit janë raportuar 23 vatra zjarri nga të cilat 19 janë shuar. Ndërkohë mbeten aktive vatrat e zjarrit në vendgrumbullimin e mbetjeve në Vlorë, në fshatrat Malecaj dhe Torovicë të bashkisë Lezhë dhe Torovicë, si dhe në fshatin Kameras, Bashkia Durrës. Gjithashtu Agjencia Kombëtare e Mbrojtjes Civile dhe FA do të vijojnë të jenë në ndihmë të komunitetit në bashkëpunim me pushtetin vendor.
Njoftimi:
Situata nga zjarret në vend/ Sipas të dhënave nga Qendra Kombëtare Operacionale e Emergjencave Civile gjatë 24 orëve të fundit janë raportuar 23 vatra zjarri, nga të cilat është bërë i mundur izolimi i 19 vatrave. Sot mbeten aktive vatrat në: Vendgrumbullimin e mbetjeve të Bashkisë Vlorë për të cilin janë angazhuar kapacitetet në nivel qarku të mbështetura nga kapacitete të pushtetit qëndror dhe subjekte private. Vatra e zjarrit në fshatin Malecaj të bashkisë Lezhë, i cili ditën e sotme vijon me intesitet të ulët. Gjatë mbrëmjes së kaluar është bërë e mundur shmangia e rrezikut të kalimit të zjarrit në lagjet Shqut dhe Ish Kampi të këtij fshati. Po në këtë bashki zjarri në fshatin Torovicë është drejt shuarjes përfundimtare. Po vijojnë operacionin strukturat e pushtetit vendor të mbështetura nga FA.
Është aktive vatra e zjarrit në fshatin Kameras, Bashkia Durrës për të cilin janë angazhuar ditën e djeshme kapacitetet e qarkut Durrës dhe Tiranë duke bërë të mundur shmangien e rrezikut për kalimin e zjarrit në sipërfaqe me pyll dhe ullinj shekullore. Sot janë angazhuar shërbimi zjarrfikës dhe forca vullnetare. Zjarri në fshatin Zogaj, bashkia Tropojë për të cilin ditën e djeshme kanë punuar Forcat e Armatosura, strukturat vendore të mbështetura nga një Helikopter I KFOR. Vijojnë edhe ditën e sotme operacionin për vënien nën kontroll të zjarrit dhe shuarjen e tij. Situata në bashkitë e qarqeve të tjera të vendit ditën e sotme paraqitet relativisht e qetë. Agjencia Kombëtare e Mbrojtjes Civile dhe FA do të vijojnë të jenë në ndihmë të komunitetit në bashkëpunim me pushtetin vendor.
VLORË- Një vatër zjarri në Vlorë në fushën e mbetjeve vijon të jetë ende aktive, që prej 25 korrikut. Si pasojë e djegies së mbetjeve, tymi ka "pushtuar" të gjithë qytetin, duke krijuar shqetësime tek pushuesit. Megjithëse në ndihmë të mjeteve të bashkisë kanë shkuar dhe forcat e ushtrisë por shuarja e flakëve nuk është bërë e mundur.
Edhe sot situata në fushën e mbetjeve vijon të mbetet e njëjtë, ndërsa tymi përhapet në gjithë qytetin. Flakët kanë përshkuar pothuajse të gjithë fushën e mbetjeve urbane, e cila ndodhet në zonë të banuar, në lagjen 24 Maji, e njohur si ish-Fusha e Aviacionit. Ndërkohë tymi është shqetësues jo vetëm për ata që kanë banesat pranë, por për të gjithë qytetarët e Vlorës.
