Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
•Kreu i KQZ, Ilirjan Celibashi ka dhënë disa detaje në lidhje me zgjedhjet në Kukës me datë 24 shtator. •Celibashi tregoi edhe se përse s’do realizohet votimi elektronik, ndonëse zgjedhjet po zhvillohen vetëm në një qark. •Zgjedhjet për kryebashkiakun e Kukësit do të kushtojnë 25 457 496 lekë. •Celibashi tha se s’do të marrin para nga buxheti i shtetit, por do i përballojë KQZ. •Celibashi u ka bërë thirrje partive politike që të fillojnë nga puna për Reformën Zgjedhore. •Celibashi tha duhet të dëgjohet edhe zëri i KQZ dhe aktorëve të tjerë jashtë politikës dhe nuk duhet partitë politike të gjithë të drejtën në procesin e administrimit të zgjedhjeve. •Do të jenë 74 qendra votimi dhe një prej tyre do të jenë në institucionin e paraburgimit. •Celibashi deklaroi po ashtu se në 37 QV, katër anëtarë i përkasin Partisë Socialiste, dy anëtarë Partisë Demokratike dhe një anëtar Partisë së Lirisë. •Celibashi bëri të ditur se deri tani janë 9 QV që të plotësuara me 7 anëtarë, pjesa tjetër është me 6 anëtarë.
3 artikuj për këtë temë.
TIRANË-Kryekomisoneri Ilirjan Celibashi në deklaratën e tij për mediat iu ka bërë thirrje partive politike që të fillojnë nga puna për Reformën Zgjedhore.
Celibashi tha se është e nevojshme të dëgjohet edhe zëri i KQZ dhe aktorëve të tjerë jashtë politikës dhe nuk duhet që partitë politike të kenë të gjithë të drejtën në procesin e administrimit të zgjedhjeve.
“Të fillojë dhe të përfundojë sa më shpejt reforma zgjedhore. Pol shqiptare të kuptojë që ka ardhur koha që reforma zgjedhore të jetë vërtetë serioze në kuptimin e asaj se ca duhet të reformohet te sistemi i zgjedhjeve, jo vetëm si mënyra e përkthimit të votave në mandateve, po ka nevojë sistemi i administrimit dhe menaxhimit të modernizohet dhe të ketë më shumë qartësi, transparencë. Ka nevojë të dëgjohet zëri i KQZ, por edhe aktorëve të tjerë jashtë politikë. Do duhet që të mos kenë vetëm partitë politike të gjithë të drejtën në procesin e administrimit të zgjedhjeve në nivelet e dyta dhe treta. Kjo është domosdoshmëri, shpresoj të ndryshojë në të ardhmen”, tha Celibashi.
TIRANË- Kryekomisioneri, Ilirjan Celibashi u pyet ditën e sotme nga gazetarët, për mundësinë që pajisjet e votimit elektronik që u përdorën në zgjedhjet e kaluara në Elbasan, Kamëz dhe Vorë, të përdoren dhe në bashkinë e Kukësit. Celibashi tha se koha nuk është e mjaftueshme për të përgatitur këtë proces, ndërsa shtoi se është eksperimentuar mjaft.
"E para koha nuk ishte e përshtatshëm për ta përgatitur procesin, nga pikëpamja e arsyetimit, mendoj që kemi eksperimentuar mjaftueshëm deri tani në një lloj mënyrë në lidhje me votimin elektronik, dhe në këtë moment zgjerimi s’do kishte shumë sens, pasi tej faktit që s’kishim kohë, s’do siguronte ndonjë avantazh. Duke mos qenë shumë i sigurt se sa vullnet ka nga partitë dhe sa janë mundësitë financiare, s’do kishte logjike ta shtrinim në një njësi ku më pas s’do të zhvillohej në zgjedhjet e tjera", tha Celibashi.
TIRANË- Të dielën do të zhvillohen zgjedhjet e pjesshme në Kukës të cilat do të kushtojnë 25.5 milionë lekë. Kjo shifër u bë publike nga kreu i KQZ–së Ilirian Celibashi në një konferencë për median. Ai bëri të ditur se do të jenë 74 qendra votimi dhe një prej tyre do të jenë në institucionin e paraburgimit.
FJALA E CELIBASHIT:
Janë paraqitur vetëm 2 kandidatë, Emri Vata i 'Bashkë Fitojmë', Albert Halilaj nga Partia Socialiste.
Janë 74 qendra votimi ku do të votohet
KZAZ do të përbëhen:
Në 37 QV 4 anëtarë i përkasin PS, 2 anëtarë PD dhe 1 PL
Në 37 QV përbërja do të jetë: 3 anëtarë PS, 3 anëtarë PD dhe 1 PL
Jemi në pritje të propozimeve shtesë të PD për komisionet, ka sjellë deri më tani 20 propozime, kemi miratuar 9 presim edhe 11 të tjera. Do ti kushtojnë 25 milionë buxhetit të shtetit, të cilat nuk janë para të kërkuara shtesë, por në një menaxhim të buxhetit që ne kemi bërë, thamë se nuk ishte e nevojshme që të kemi buxhet shtesë.
Mbajtja e zgjedhjeve në Kukës vjen pas dorëheqjes së Safet Gjicit më 16 qershor. Gjici u largua nga posti i kryebashkiakut pas publikimit në media të një videoje intime të tij me Alma K. në zyrën e Bashkisë. Pas publikimit të pamjeve, Prokuroria e Posaçme nisi hetimet ndaj ish-kryebashkiakut. Ai u arrestua më 24 qershor, i akuzuar për korrupsion./Dosja.al
