Zbardhjet vrasja e Martin Çeços, e vrau ishi i të dashurës. 3 të arrestuar

Foto ilustruese

KORÇË- Martin Çeço, 26-vjeçari që u gjet i pajetë dy ditë më parë në rezervuarin e Kolanecit në Maliq është vrarë. Tre persona, Bleti Angjo, Valter Mollaj dhe Edlir Mollaj, dyshohet se e kanë mbytur me litar dhe më pas e kanë hedhur trupin në rezervuar. Alarmi për zhdukjen e të riut u dha prej datës 12 qershor, kur Çeço nuk ishte kthyer në shtëpi, ndërsa pas tre ditësh, pra më datë 15 qershor babai ka bërë denoncimin për zhdukjen e të birit.

Fillimisht kërkimet nisën nga rezervuari i fshatit, ku u gjetën edhe shapkat e tij, nga ku më pas u nxorr edhe trupi. Duke marrë shkas nga vendi ku u gjet trupi i të riut të pajetë, u dyshuar për vetëvrasje, por pas ekspertizës mjekoligjore është konstatuar se Çeço kishte shenja në fyt.

Në pranga për këtë ngjarje kanë rënë Bleti Angjo, Valter Mollaj dhe Edlir Mollaj, ku dy të fundit janë kushërinj. Ndaj tyre rëndon akuza për veprën penale "Vrasja me paramendim", kryer në bashkëpunim.

Autorët e dyshuar e kanë marrë Çeçon dhe e kanë çuar në rezervuar, ku më pas e kanë vrarë me litar dhe e hodhën trupin në ujë për ta inskenuar si vetëvrasje. E gjitha si pasojë e një femre. Shkak i vrasjes dyshohet se është konflikti për të dashurën e Martinit (kjo e fundit e mitur). Para se të lidhej me Martin Çeçon vajza ka pasur një lidhje me Bleti Angjon, njërin prej vrasësve, e me lidhjen e re duket se ka shqetësuar ishin aq sa prej kohësh kërcënonte Martinin. Ky i fundit ka shkëmbyer fjalë në telefon, duke i pohuar se tashmë vajza i përket atij, duke e paralajmëruar që të mos e shqetësonte. Por kjo situatë, është përshkallëzuar duke nisur një konflikt mes djemve.

Ata e kanë lënë të takohen diku tjetër dhe që pas këtij takimi, që sipas policisë ishte bërë më 12 qershor 2022, ditë kur edhe familjarët kanë humbur gjurmët, ndërsa ishte dëshmia e vajzës mendohet se çoi në arrestimin e Edlir dhe Valter Mollaj dhe ishit të saj. Deri më tani, mendohet se i riu fillimisht është mbytur me litar dhe më pas trupi i pajetë është hedhur në rezervuarin e Kolanecit, duke krijuar bindjen se i riu ishte mbytur vetë.

Martin Çeço

KORÇË- Pas asaj që ishte inskenuar të dukej si vetëvrasje në të vërtetë ishte një vrasje e mirëfilltë, të paktën kështu lënë të kuptosh të gjitha shenjat e para. 26-vjeçari Martin Çeço është mbytur me litar dhe më pas është hedhur në rezervuarin e Kolanecit në Maliq. Autorët për ta bërë që të dukej si vetëvrasje kishin lënë dhe shapkat e viktimës anës rezervuarit.

Po ashtu, autorët dyshohet se e kanë nxjerrë nga shtëpia 26 vjeçarin rreth orës 23:00. Kjo ka qenë dhe arsyeja që ai ka qënë i veshur si në shtëpi më tuta, bluzë dhe shapka.

"U dokumentua se tre shtetasit e arrestuar, në bashkëpunim me njëri-tjetrin, më datë 12.06.2022, kanë marrë viktimën M. Ç., në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit,"-informon sot policia e Korçës

Ndërkohë burimet bëjnë me dije se pas këtij krimi fshihet një lidhje dashurie që 26-vjeçari kishte me një vajzë me të cilën komunikonte vazhdimisht. Autorët i kanë kërkuar të riut që të ndërpriste bisedën me të renë por ai nuk ka pranuar. Më pas, edhe babai i tij kishte marrë vesh se çfarë po ndodhte, e po ashtu i ka kërkuar të birit që të ndërpriste bisedën me vajzën. E mesa duket këmbëngulja e tij për të vazhduar historinë i ka kushtuar jetën. 

Martin Çeço

MALIQ- Pas zbardhjes së autorëve të vrasjes së Martin Çeços në Maliq, e motra e tij ka thënë se 26-vjeçari prej disa ditësh ishte kërcënuar nga personat që e ekzekutuan.

“Unë jetoj në Greqi. Vëllai më ka marrë në telefon 3 dite para se të zhdukej. Qante dhe më thoshte që ishte i mërzitur sepse e kërcënonin disa persona. Por nuk më tregonte se me kë kishte konflikt dhe cilët ishin personat që e  kërcënonin”.- tha ajo.

Në një intervistë për Top Channel lidhur me motivet e ngjarjes, ajo tha se ajo dhe familja ishin në dijeni të lidhjes së dashurisë që i vëllai kishte me një vajzë.

“Ishim në dijeni të lidhjes me një vajze por nuk e njihnim. Edhe babait i kishte treguar që e kërcënonin disa persona, por arsyet dhe emrat e tyre nuk na i tregonte. Vëllai jetonte vetëm me babanë. Ky i fundit është në gjendje të rëndë psikologjike në spitalin e Korçë”.- shtoi ajo.

Ndërkohë, një prej fqinjëve, Ditke Dokolli tregon se viktima dhe i ati punonin së bashku dhe nuk kishin konflikte.

“Jetonin me djerse dhe mezi nxirrnin bukën nga toka dhe shitja e druve. Martini ishte tip i mbyllur dhe nuk i binte në qafë njeriu. Jemi të tronditur nga kjo që ka ndodhur”,- thotë ajo.

26-vjeçari Martin Çeço, i cili ishte zhdukur që nga 15 qershori është gjetur i pajetë në rezervuarin e Kolanecit. Ishte babai i të riut ai që dha alarmin për zhdukjen e të birit. N. Ç., 67 vjeç, banues në fshatin Kolanec, Maliq tha se i biri është larguar nga shtëpia që nga mbrëmja e 15 qershorit.

Autorët e dyshuar të vrasjes janë identifikuar Bleti Angjo, 38 vjeç; Valter Mollaj, 43 vjeç dhe Edlir Mollaj, 35 vjeç. Krimi dyshohet se ka nisur për motive banale, lidhur me një vajzë 18-vjeçare me të cilën viktima ka pasur një romancë.