Vrasja e shqiptares nga burri në Itali/ Shkak u bë XHELOZIA, gruaja kërkoi ndihmë nga djali, dëshmitë: Zenepe jetoi me frikë

Banesa

ITALI-Zenepe Uruçi, shqiptarja e cila u vra një ditë më parë nga bashkëshorti i saj në Itali, ka jetuar me frikë ditët e fundit. Një mike e shqiptares, ka treguar për mediat italiane se viktima i ka treguar se burri është xheloz, e se në shtëpi kanë pasur herë pas here zënka.

“Kohët e fundit ajo ka jetuar në frikë dhe kjo duket. Kur folëm për situatën e saj, ajo shpërtheu në lot nja dy herë. Ajo më tha 'sa më pak të jem në shtëpi aq më mirë është se atje ka një grindje të vazhdueshme'. Por burri i saj ishte xheloz dhe nuk donte që ajo të shkonte në punë, edhe nëse për të ishte një hapësirë ​​qetësie që e ndihmonte të shkëputej.

Rreth një vit më parë ka qenë një periudhë që e kemi parë me sy të nxirë për disa ditë. Asnjëherë nuk më ka pranuar e as nuk ka rrëfyer asgjë, por edhe atëherë dyshimi se ato shenja nuk kanë qenë të rastësishme ka qenë i fortë. Situata ishte përkeqësuar tash e një vit. Tensioni ishte aty dhe Zenepe ishte shpesh nervoze. Vetëm me punë, fëmijë dhe sidomos nipër e mbesa mundi të gjente pak qetësi. Burri ka probleme nga më të ndryshmet. Një situatë shumë e trishtë dhe fatkeqësisht epilogu ishte më i keqi i mundshëm. Ajo ishte e mirë, e ëmbël, e përzemërt. E gatshme për të ndihmuar të gjithë, por ndoshta ishte ajo që kishte më shumë nevojë se kushdo tjetër”.

Shqiptarja mori plagë të shumta me thikë, në pjesën e sipërme të trupit, në qafë, gjoks dhe shpinë.

Bashkëshorti i saj, Xhafer Uruci, u arrestua mbrëmjen e djeshme nga policia për vrasje dhe u dërgua në burg me akuzën e vrasjes së rëndë me dashje.

Të dy ishin martuar kur ishin të vegjël në Shqipëri, por jetonin prej vitesh në Terni. Viktima, punonte në një treg peshku në zonë./Dosja.al

Zenepe Uruçi

ITALI- Mediat italiane kanë zbardhur detaje nga vrasja e 56-vjeçares shqiptare, Zenepe Uruçi, e cila u masakrua me thikë nga bashkëshorti i saj, Xhafer Uruçi. Sipas mediave italiane, 56-vjeçarja i ka dërguar një mesazh zanor të birit, të cilit i ka kërkuar ndihmë. Ajo i ka treguar se i shoqi po e vriste.

“Babi po më vret”, mësohet t’i ketë thënë ajo djalit të saj, i cili ka lajmëruar policinë. Gjithçka ndodhi një ditë më parë rreth orës 15:00. Autori i krimit është vënë në pranga.

Shkak për ngjarjen, siç është raportuar deri tani, është bërë xhelozia e shqiptarit.

Zenepe Uruçi dhe Xhafer Uruçi

ITALI- Gruaja që po shikoni në foto është 56-vjeçarja shqiptare që u vra një ditë më parë nga bashkëshorti i saj në Itali. Mediat italiane e kanë identifikuar si Zenepe Uruçi. 56-vjeçarja ka tentuar t’i kërkojë ndihmë djalit të saj para se të qëllohej për vdekje nga bashkëshorti i saj, Xhafer Uruçi, 62 vjeç, i cili e masakroi me thikë.

“Babi po më vret”, mësohet t’i ketë thënë ajo djalit të saj, i cili ka lajmëruar policinë. Gjithçka ndodhi një ditë më parë rreth orës 15:00. Autori i krimit është vënë në pranga.