E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
• Rei Meta, autori i vrasjes me grushte të Armando Meshaut në Vlorë një ditë më parë, ka pohuar ngjarjen në Policinë e Shtetit, duke u shprehur se ngjarja ka qenë aksidentale. • Sipas tij, nuk ka pasur qëllim që ta vrarë 55-vjeçarin, por vetëm ta ndëshkonte pasi ai e kishte sharë në ambientin ku edhe ishin. • Ndërkohë veç të dyshuarit kryesor lidhur me ngjarjen, 10 persona janë shoqëruar në Polici, pasi besohet se kanë dijeni për gjithë çfarë ka ndodhur. • Deri më tani, i prangosuri pretendon se shkak për sherrin janë bërë ofendimet e viktimës, por një nga pistat e hetimit, është se djali i anëtares së KLP-së, Nurihan Meta, dyshohet se është sekser pronash dhe sherri mund të jetë përshkallëzuar për premtimin e pambajtur të një apartamenti mes palëve. • Viktima kishte dalë nga një zyrë noterie afër Gjykatës së Vlorës dhe ka hyrë brenda një qendre interneti për të printuar disa dokumente. • Aty ka shkuar edhe punonjësi i Doganave, Rei Meta, i cili fillimisht ka replikuar me viktimën për konflikin që kishin për një pronë dhe më pas e ka goditur me dy grushte që kanë rezultuar fatale për 55-vjeçarin. • I riu e ka qëlluar me një grusht në fytyrë dhe një në pjesën e pasme të kokës Armando Meshaun, i cili ka rënë në tokë dhe autori më pas është larguar nga vendngjarja. • Burime nga Policia e Vlorës konfirmojnë se Rei Meta ndërhynte shpeshherë si sekser për pronat në Vlorë. Gjithnjë sipas informacioneve, ai premtonte dhe mbante përgjegjësi në emër të së ëmës, Nurihan Meta, e cila është anëtare e Këshillit të Lartë të Prokurorisë.
7 artikuj për këtë temë.
VLORË- Dalin pamjet e rënda të vrasjes së Armando Meshaut, dje në Vlorë. "BoldNews" ka publikuar pamjet e vrasjes së regjistruar mesditën e djeshme, rreth orës 11:45, në ambientet e një kancelarie në lagjen “Hajro Cakërri” në Vlorë, ku humbi jetën 55-vjeçari, i cili u qëllua me grusht nga Rei Meta.
Siç shihet dhe nga pamjet, Armand Meshau ndodhet i ulur para një kompjuteri në momentin kur nis debati me autorin 33-vjeçar, Rei Meta. Në një moment Armando Meshau çohet dhe godet me grusht Rei Metën. Më pas, ky i fundit e godet disa herë rresht me grushte në fytyrë dhe pas koke, goditje që kanë rezultuar fatale për 55-vjeçare.
Fillimisht, Meshau bie në karrike dhe duket që e ka të vështirë të mbajë kokën lart, derisa në një moment "këputet" dhe bie në kokë. Një djalë i afrohet t’i japë ndihmë, por viktima ka ndërruar jetë në vend për shkak të goditjeve. Pas ngjarjes, autori u largua nga vendi i ngjarjes, por u kap po dje. Gjatë rrëfimit të tij në Komisariatin e Vlorës, Rei Meta ka thënë para policisë, se shkak për sherrin është bërë një shumë parash, që Armando Meshau ia kishte për të dhënë.
TIRANE- Detaje të reja janë mësuar në lidhje me ngjarjen e ndodhur të martën në lagjen “Hajri Çakërri” të Vlorës, ku si pasojë e një konflikti fizik mes dy personave, mbeti i vdekur Armando Meshau. Sherri për pronën në Vlorë i mori jetën 55-vjeçarit Armando Meshau. Sipas informacioneve, theksohet se viktima dhe autori Rei Meta kanë dalë nga një qendër noterie dhe më pas janë futur në qendrën e internetit, që dyshohet se do të printonin dokumentet. Më tej bisedimet kanë agravuar. Sipas deklaratave të autorit, viktima e ka ofenduar dhe më pas Rei Meta e ka goditur me grushte.
“Edhe viktima edhe autori së bashku kanë ecur në afërsi të gjykatës dhe kanë hyrë ne qendrën e internetit. Viktima i ka thënë se duhet të printonin një material, pasi kanë hyrë brenda kanë folur dhe debatuar për vendin dhe pjesën e printimit të dokumentit. Duket se viktima nuk kishte dokumentin me vete dhe këtu ka nisur konflikti. Në momentin që kanë qenë duke folur, viktima ka ngritur zërin dhe autori i është kundërpërgjigjur; ‘mos më ngri zërin’ dhe më pas situata ka agravuar. Duket se USB apo ndoshta dokumenti mungonte, dhe kjo ka sjellë.... Kanë mbërritur nga një zyrë noteri në këtë qendër dhe viktima i ka thënë autorit se nëpërmjet USB do t’i mundësonte dokumentin”, raportoi ndër të tjera gazetari për “News 24”.
Mësohet se Meta ka deklaruar në polici se nuk ka pasur motiv për ta vrarë 55-vjeçarin, teksa në qendrën e internetit janë takuar rastësisht, pasi të dy do të printonin disa dokumente. Sipas tij, vdekja e Meshaut ishte aksidentale. Policia ka pyetur dëshmitarë okularë të ngjarjes, por edhe të afërm të viktimës dhe autorit të ngjarjes. Hetimet janë përqendruar kryesisht për të vërtetuar dhe mbi ato që ka deklaruar 33-vjeçari Meta, nëse sherri nisi për shkak të një mosmarrëveshje për pronësinë e një apartamenti të një pallati të ndërtuar nga viktima. Autori është djali i anëtares së Këshillit të Lartë të Prokurorisë, Nurihan Seiti.
TIRANE- Partia Demokratike ka kërkuar largimin e anëtares së KLP-së, Nurihan Meta, djali i të cilës një ditë më parë i mori jetën biznesmenit të ndërtimit, Armando Meshau. PD kërkon largimin e anëtares së Këshillit të Lartë Gjyqësor, nën argumentin se mund të pengojë hetimin për zbardhjen e ngjarjes. Sipas kësaj force politike, çdo ditë që Nurihan Meta do të mbajë detyrën e anëtares së KLP-së, do të përbëjë një cënim të rëndë të integritetit të KLP-së, si dhe pengesë për hetimin dhe zbardhjen e shpejtë të kësaj ngjarje kriminale.
Rei Meta, 33-vjeç, pretendon se nuk donte ta vriste ndërtuesin Armando Meshau, të cilin e goditi dy herë me grusht në fytyrë. Në dëshminë e tij, ai ka rrëfyer edhe konfliktin e hershëm që ka patur me Armandon, që sipas tij ka lindur për një tokë që viktima kishte blerë, por që vetë Meta kishte hyrë garant për një person të tretë për ta blerë, duke pranuar se po kryente rolin e një sekseri.
Deklarata
Për shkak të dhunës të ushtruar nga shtetasi Rei Meta, djali i anëtares së Këshillit të Lartë të Prokurorisë, Nurihan Meta, humbi jetën shtetasi Armando Meshau; si dhe faktet e bëra publike nga hetimet paraprake, të cilat dëshmojnë se djali i anëtares së KLP-së vepronte si sekser duke përdorur emrin dhe prestigjin e postit të së ëmës, kërkojnë një hetim të thelluar jo vetëm të krimit të kryer nga Rei Meta, por edhe të këtyre akuzave publike që sot rëndojnë mbi znj. Nurihan Meta. Prandaj, në respekt të ligjit dhe për shkak të detyrës të lartë që mbulon, Partia Demokratike i bën thirrje znj. Nurihan Meta të japë dorëheqjen për t’i hapur rrugën drejtësisë.
Çdo ditë që zj.Nurihan Meta mban detyrën e anëtares së KLP-së, përbën një cënim të rëndë të integritetit të KLP-së, si edhe bëhet pengesë për hetimin dhe zbardhjen e shpejtë dhe të plotë nga ana e prokurorisë, të kësaj ngjarje kriminale. Prokuroria nuk mund të jetë nën presion për shkak të konfliktit të interesit që rëndon mbi të nga ana e anëtarëvë të KLP-së. Partia Demokratike mbështet prokurorinë për një hetim të gjithëanshëm të kësaj ngjarje të rëndë në të cilën humbi jetën z. Armando Meshau, dhe në këto orë të trishta, ne shprehim ngushëllimet tona për familjen e të ndjerit.
VLORË- Dalin pamje të tjera, disa momente para vrasjes së Armando Meshau. JOQ ALBANIA ka siguruar një pamje ekskluzive nga sherri me një viktimë në Vlorë, ditën e djeshme. Siç shihet edhe nga fotoja, Rei Meta, djali i anëtares së KLP-së qëndron përballë me inxhinierin Armando Meshau (Meto). Bëhet me dije se ata janë takuar rastësisht në qendrën e internetit, ku inxhinieri, po printonte disa letra.
Pas një debati me fjalë dhe sharjesh, Rei Meta ka goditur me grushta inxhinierin dhe ky ka rënë në tokë. Mësohet se shkak për vdekjen, mund të jetë bërë përplasja e kokës. Sipas burimeve, i riu e ka goditur me dy grushte inxhinierin, i cili gjeti vdekjen në vendngjarje.
VLORË- Ish-kryeministri, Sali Berisha ka reaguar për ngjarjen në Vlorë.
“Krim i shëmtuar! Rei Meta djali i anëtares së KLP, Nurihan Meta sekser i merr jetën inxhinierit Armando Meshau. Miq, sot në Vlorë 33 vjeçari Rei Meta, një sekser gjobvënës me emër, në një akt të shëmtuar kriminal i mori jetën me grushte në një kancelari në Vlorë, inxhinierit Armando Meshau. Ky sekser që i kishte premtuar inxhinierit se do ti zgjidhte nëpërmjet nënës se tij një çeshtje pronësie kundrejt shpërblimit me një apartament. Vrasësi është djali i anëtares së KLP Nurihan Meta dhe përfaqëson sojin e kriminelëve të pushtetit për të cilët ligji nuk ekziston.Shpreh ngushëllimet më të ndjera familjes Meshau dhe dënoj me ashpërsinë më të madhe këtë akt kriminal të shëmtuar dhe kërkoj dënimin më të rreptë të vrasësit.”, shkruan Berisha.
VLORË- Autori i vrasjes së 55-vjeçarit Armando Meshau, Rei Meta, djali i anëtares së KLPS në dëshminë e tij ka treguar versionin e ngjarjes.
Sipas burimeve të policisë Meta ka thënë se nuk ka pasur motiv për ta vrarë teksa në qendrën e internetit janë takuar rastësisht sipas tij pasi të dy do të printonin disa dokumente.
Meta ka rrëfyer gjithashtu se viktima, Armando Meshau, e ka sharë i pari dhe e ka goditur ai kur konflikti është përshkallzuar. Meta gjithashtu ka treguar se ka goditur për vetëmbrojtje teksa pretendon se 55-vjecari e ka humbur jetën nga përplasja me tokën, ose ndonjë orendi të internet kafesë, në momentin kur është rrëzuar përtokë si rrjedhojë e grushtave. Sipas tij vdekja e 55-vjecarit pretendohet të jetë aksidentale.
Në anën tjetër burimet e policisë së Vlorës konfirmojnë se Rei Mete fuste shpesh herë sekser për pronat në Vlorë. Sipas tyre ai mbante përgjegjësi në emër të së ëmës. Mete kërkonte që për lejet e pronave që jepeshin, apo zgjidhjen e marrëveshjeve të mbante dhe ai përfitime.
VLORË- Detaje të reja janë zbardhur nga ngjarja e rëndë në Vlorë, ku një ditë më parë djali i anëtares së Këshillit të Lartë të Prokurorisë, Rei Meta goditi për vdekje me grushte 55-vjeçarin, Armando Meshau.
Mësohet se viktima kishte dalë nga një zyrë noterie afër Gjykatës së Vlorës dhe ka hyrë brenda një qendre internet për të printuar disa dokumente. Aty ka shkuar edhe punonjësi i Doganave, 33-vjeçari Rei Meta, i cili fillimisht ka debatuar me viktimën për konflikin që kishin për një pronë dhe më pas e ka goditur me 2 grushte që kanë rezultuar fatale për 55-vjeçarin.
Ndërkohë sipas dëshmisë së punëtorit të qendrës së internetit për News.24, nuk ka pasur përleshje mes tyre.
“Nuk ka pasur përleshje mes tyre. Ishin vetëm dy goditje”,-tha punonjësi i qendrës së internetit.
33-vkeçari e ka qëlluar me një grusht në fytyrë dhe një në pjesën e pasme të kokës Armando Meshaun, i cili ka rënë në tokë, dhe Rei Meta më pas është larguar nga vendngjarja.
