Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Disa vatra zjarri janë aktivizuar në disa zona të vendit, shumica prej tyre në jug. • Një zjarr i madh është raportuar fillimisht në pyllin e Sodës në Vlorë dhe si pasojë e erërave të forta flakët po përhapen në zonë me shpejtësi. • Dyshohet se zjarri është ndezur nga disa persona që jetojnë në zonë. • Edhe pranë fshatit Gllavë në Bashkinë e Memaliajt zjarri dyshohet se është vendosur nga gjahtarë të paligjshëm të zonës dhe ka marrë përmasa të rrezikshme. • Zjarri ka përfshirë një masiv me pisha pranë një zone të banuar, ku është dëmtuar edhe rrjeti i shpërndarjes së energjisë elektrike. • Si pasojë disa fshatra janë në errësirë totale. • Ndërkohë një tjetër vatër masive zjarri raportohet në Hambar të Fierit. • Nga flakët rrezikohen rreth 60 hektarë sipërfaqe me bimësi dhe plep, ku deri tani janë djegur 25 hektarë. • Banesat përreth gjithashtu po rrezikohen, ndërsa në vendngjarje ndodhen 3 zjarrfikëse dhe po punojnë për shuarjen e zjarrit. • Flakët kanë përfshirë një tokë me shkurre edhe në Orikum dhe për shkak të erërave të forta janë përhapur në kodrat e qytetit. • Zjarrfikësit kanë mbërritur në vendngjarje dhe po punojnë për fikjen e zjarrit, të cilët po ndihmohen edhe nga banorët e zonës.
4 artikuj për këtë temë.
ORIKUM- Vatra e tretë e zjarrit është raportuar në jug të vendit, kësaj radhe në Orikum. Mësohet se flakët kanë përfshirë një tokë me shkurre dhe për shkak të erërave të forta janë përhapur në kodrat e qytetit.
Zjarrfikësit kanë mbërritur në vendngjarje dhe po punojnë për fikjen e zjarrit, të cilët po ndihmohen edhe nga banorët e zonës.
Ndërkohë një vatër aktive vijon në pyllin e Sodës, në Memaliaj dhe në Fier.
FIER- Një vatër masive zjarri raportohet në Hambar të Fierit. Nga flakët rrezikohen rreth 60 hektarë sipërfaqe me bimësi dhe plep, ku deri tani janë djegur 25 hektarë.
Mësohet se zjarri ka marrë përmasa të mëdha ku përhapja e flakëve po favorizohet nga era e forë e fortë që fryn.
Banesat përreth gjithashtu po rrezikohen, ndërsa në vendngjarje ndodhen 3 zjarrfikëse dhe po punojnë për shuarjen e zjarrit.
MEMALIAJ- Një tjetër vatër aktive zjarri raportohet nga jugu i vendit. Pranë fshatit Gllavë në Bashkinë e Memaliajt një zjarr që dyshohet se është vendosur nga gjahtarë të paligjshëm të zonës ka marrë përmasa të rrezikshme.
Zjarri ka përfshirë një masiv me pisha pranë një zone të banuar, ku është dëmtuar edhe rrjeti i shpërndarjes së energjisë elektrike. Si pasojë disa fshatra janë në errësirë totale.
Banorët janë shprehur se nuk ndërhyjnë dot vetë dhe presin mbërritjen e zjarrfikësve nga Tepelena e Gjirokastra.
VLORË- Një zjarr i madh ka përfshirë pyllin e Sodës në Vlorë dhe si pasojë e erërave të forta flakët po përhapen në zonë.
Në vendngjarje janë nisur forcat zjarrfikëse dhe autobotët me ujë, të cilët po punojnë për shuarjen e flakëve. Dyshohet se zjarri është ndezur nga disa persona që jetojnë në zonë.
Policia ndodhet në vendngjarje, ndërsa për momentin nuk rrezikohen biznese apo banesa pranë.
