Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Një ngjarje tronditëse ka ndodhur pasditen e sotme në Peqin. • Fillimisht në media u bë e ditur se një gardian kishte mbetur i vdekur, si pasojë e një përplasje me armë nga një i dënuar, por rezultoi se konflikti nisi mes të dënuarve. •Në përplasje janë përfshirë Sokol Mjacaj, Indrit Shaqen dhe Arben Lleshi. • Nga përplasja ka mbetuar Arben Lleshi i vrarë ndërsa Ilir Xhakja ndodhet i plagosur. • Dyshohet se armën e krimit Mjacaj e ka marrë me dron nga jashtë. • Ndërkohë që pas vrasjes, ai është futur në zonën e kuzhinës dhe ka marrë peng anëtarë të stafit. • Por pas disa minutas, Mjacaj ëhstë vetëdorëzuar në polici dhe aktualisht po merret në pyetje. • Ende nuk dihet shkaku i ngjarjes, por një pistë është që Mjacaj është paguar për të vrarë Lleshin.
13 artikuj për këtë temë.
TIRANË- Një përplasje në burgun e Peqinit pasditen e sotme me armë zjarri, përfundoi me një person të vdekur dhe një të plagosur. Pas ngjarjes ka reaguar ministri i Drejtësisë, Ulsi Manja, i cili ka urdhëruar që të të gjitha burgjet të kalojnë në sigurinë më të lartë. Vetë ministri është nisur në drejtim të burgut të Peqinit.
“Asnjë tolerancë! Do të zbatoj me rigorizitet ligjin. Mesazhi im është i prerë: Të dënuarit që cënojnë sigurinë e institucionit apo që vazhdojnë aktivitetin kriminal do të përballen me pasojat, menjëherë në regjimin e posaçëm 41/b, pavarësisht emrit apo veprës për të cilën janë dënuar!”- ka deklaruar ai.
Kujtojmë se më herët, Manja kishte urdhëruar për vendosjen e Sokol Mjacajt, një prej të dënuarve të përfshirë në ngjarje në regjimin 41 bis. Sokol Mjacaj, i dënuar me burgim të përjetshëm për vrasjen e dy turistëve çek në fshatin Prekalë të Shkodrës, pritej të izolohej në regjimin 41 bis.
PEQIN-Sokol Mjacaj, është vetëdorëzuar, i dënuari i cili dyshohet se qëlloi dy të dënuar të tjerë në burgun e sigurisë së lartë të Peqinit. Mjacaj ka pranuar të flas me hetuesit dhe ka dorëzuar armën e dyshuar për krimin.
Sipas burimeve Mjacaj ka tentuar të marrë peng disa punonjës të kuzhinës, por nuk ka arritur dhe është izoluar.
Sokol Mjaçaj, i cili vuan dënimin me burgim të përjetshëm në burgun e sigurisë së lartë IEVP “Peqin”, ka qëlluar me armë zjarri ndaj të burgosurve Indrit Shaqja dhe Arben Lleshi këtë të premte.
Mjaçaj është konfliktuar me dy të dënuar të tjerë, Arben Lleshin dhe Indrit Shaqjen. Lleshi nuk mundi t’i mbijetojë plagëve të marra, ndërsa Shaqja është jashtë rrezikut për jetën.
Ndërkohë, i dënuari për vrasjen e dy të turistëve çekë mbajti peng nën kërcënimin e armës punonjësit e kuzhinës në institucionin e heqjes së lirisë, të cilët u liruan pas disa orësh me ndërhyrjen e forcave të shumta policore dhe Renea, që kanë vënë nën kontroll situatën.
PEQIN- I vrari në burgun e Peqinit ditën e sotme ka mbetur Arben Lleshi. Lleshi është ekstraduar nga Britania, pasi aty ka vrarë dhe më pas i ka djegur kuformën e shokut të tij. Agim Hoxha u gjet i shkrumbuar në makinën e tij në Britaninë e Madhe. Ekspertiza tregoi se 29-vjeçari ishte vrarë në një tjetër vend, më pas ishte vendosur në makinën e tij dhe i ishte vënë flaka për të zhdukur trupin. Ai jetonte dhe punonte prej vitesh në Londër bashkë me Arben Lleshin, një miqësi e kultivuar që në vendlindje, por që u prish më vonë.
Mediat britanike shkruanin në atë kohë se dyshja kishin pasur konflikte për pazaret e drogës në të cilët ishin përfshirë dhe aktivizuar në Londër. Autoritetet britanike vunë në pranga Arben dhe Afrim Lleshin. Ky i dyti u akuzua për çorientim të autoriteteve pasi deklaronte se në kohën që ishte vrarë Agimi, Arbeni ndodhej me të. Por presioni bëri që Arben Lleshaj të pranonte krimin e kryer, megjithëse refuzoi ta kishte djegur trupin brenda në makinë.
Lleshaj është dënuar me 32 vite burg dhe në vitin 2016 u ekstradua drejt Shqipërisë për të shlyer 28 vitet e mbetura. Por, ndërkohë që Lleshaj kishte marrë dënimin nga drejtësia, familja Hoxha s’e fali! Kështu nisi dhe hakmarrja. Në vitin 2013 u vra Xhavit Lleshi. Më 15 maj të vitit 2016 u vra Hajredin Lleshi, vëllai i Xhavitit, në fshatin e lindjes në Burrel.
Goditjet nga familja Hoxha vijuan dhe një vit më vonë. Në vitin 2017 u rrëmbye Artan Lleshi, djali i Hajredinit, të cilin e morën me një makinë në Burrel dhe e sollën në Kamëz. Në Kamëz ai u pa për herë të fundit nga kamerat e sigurisë së një lokali dhe që nga ajo nuk dihet se çfraë ka ndodhur me të.
Deri në vitin 2017, drejtësia e kishte bërë punën e saj, por edhe familja Hoxha gjithashtu. Djemtë e familjes Lleshi ishin ‘shuar’, por Klevisi po rritej. Mbi shpatullat e djalit që ishte ende një fëmijë rëndonte barra për të vënë drejtësi, për të marrë hak për babain e xhaxhain e vrarë dhe kushëririn e zhdukur. Por Burreli është i vogël, zërat përhapen shpejt dhe planet e Klevisit kishin mbërritur në veshin e fisit Hoxha gjithashtu. Kështu, kur Klevisi s’kishte mbushur ende 22 vjeç dhe sapo kishte nisur të bënte përplasjet e para për të fituar terren, u zhduk dhe mbetjet kockore të tijat, janë gjetur vetëm 2 vite më vonë.
PEQIN- Një ngjarje tronditëse ka ndodhur pasditen e sotme në burgun e Peqinit ku janë konfliktuar tre të burgosur me dënim të përjetshëm. Gjatë konfliktit ka pasur edhe të shtëna me armë zjarri nga Sokol Mjacaj, ku një prej tyre ka mbetur i vdekur, dhe një është plagosur.
Ndërkohë, mësohet se në vendngjarje ka mbërritur Prokurori i Elbasanit, Drejtori i Përgjithshem i Burgjeve, Drejtori i Përgjithshëm i Policisë se Shtetit. Gjithashtu edhe Forcat Operacionale te Drejtorisë se Përgjithshme te Burgjeve dhe forcat Renea për të situatën nën kontroll.
Sipas informacioneve autori është izoluar dhe ka nisur hetimi i ngjarjes nga Prokuroria e Elbasanit. Ndonëse ka edhe raportime se autori ka marrë peng një nga punonjësit e kuzhinës.
NJOFTIMI:
Informacion shtese!
Ne vendngjarje jane Prokurori i Elbasanit, Drejtori i Përgjithshem i Burgjeve, Drejtori i Përgjithshëm i Policisë se Shtetit, Forcat Operacionale te Drejtorisë se Përgjithshme te Burgjeve, Forcat Renea. Situata është teresisht nen kontroll, autori eshte izoluar dhe po hetohet ngjarja. Hetimin e ka marre ne dore Prokuroria e Elbasanit!
PEQIN- Situata kaotike e krijuar në sot në burgun e Peqinit ende nuk është vënë nën kontroll nga policia. I dënuari Sokol Mjacaj me një armë të futur me dron në burg, ka vrarë Arben Lleshin dhe ka plagosur një të dënuar tjetër.
Ndërkohë që dyshohet se pas ngjarjes, Mjacaj me armë, ka kërcënuar dhe marrë peng stafin e kuzhinës. Kjo është arsyeja se përse policia ende nuk ka vënë nën kontroll ende ngjarjen. Ndërkohë që në njoftimin e saj, Drejtoria e Përgjithshme e Burgjeve, thekson se kjo nuk është e vërtetë.
Ende nuk dihet se si është situata e qartë, po fakti që ende autori nuk është vënë nën kontroll, vë në dyshim vërtetësinë e njoftimit të drejtorisë së Burgjeve.
PEQIN- Një ngjarje e rëndë ka ndodhur ditën e sotme në burgun e Peqinit, ku një i burgosur ka vrarë një të dënuar dhe ka plagosur një të dënuar tjetër. Dyshohet se ngjarja e rëndë ka ndodhur në zonën e ajrimit.
Sokol Mjacaj me një armë fillimisht është përplasur me dy të dënuarit, ndërkohë që më pas ka qëlluar me armë. Por ajo që bie në sy është se si është futur arma në burgun e Peqinit, që është institucion i Sigurisë së Lartë. Dyshohet se arma është futur me dron në burg.
Ende nuk dihet se si kjo armë u ka shpëtuar gardianëve të burgut, duke qënë se ky burg konsiderohet si Burg i Sigurisë së Lartë.
PEQIN- Nga përplasja me armë ditën e sotme në burgun e Peqinit, dyshohet se ka një të vrarë. Dyshohet se Sokol Mjacaj ka vrarë me një armë të futur nga jashtë, Arben Lleshin. Informacioni është ende i paqartë, ndërkohë që i plagosur ka mbetur Indrit Shaqja.
Sokol Mjaçaj është i dënuar përjetë për vrasjen e dy turistëve çekë, Michal Svatos dhe Anna Kusinova, më 3 korrik 2015 në fshatin Prekal të Dukagjinit. Mjacaj i grabiti e më pas i ekzekutoi me armë zjarri në automjetin e tyre./Dosja.al
PEQIN- Një nga të dënuarit në burgun e Peqinit ka telefonuar gazetaren Anila Hoxha, pas përplasjes ditën e sotme mes të burgosurve në Peqin. Top Channel shkruan se gjatë komunikimit me gazetaren, ai ka treguar versionin e tij të ngjarjes, ndërsa thotë se Lleshi është në gjendje të rëndë shëndetësore.
“Armën e kishte të fshehur diku. Qëlloi Arben Lleshin dhe Indrit Shaqja. Dimë që Indriti është i plagosur më lehtë, ndërsa Arben dëgjuam që e kishte kapur plumbi në qafë. Unë jam i sigurt që Mjaçaj është i paguar, ai kishte kohë që donte të vinte këtu. Është i paguar për të kryer këtë krim. Te sektori këtu ka një dy tre ditë, nuk ka shkuar akoma në 41 biss. Janë shokët e qelisë. Tani ai ka marrë peng disa familjarë, është në ambientet e takimit”, tha një nga të dënuarit.
Sokol Mjaçaj është i dënuar përjetë për vrasjen e dy turistëve çekë, Michal Svatos dhe Anna Kusinova, më 3 korrik 2015 në fshatin Prekal të Dukagjinit. Mjacaj i grabiti e më pas i ekzekutoi me armë zjarri në automjetin e tyre./Dosja.al
PEQIN- Drejtoria e Përgjithshme e Burgjeve ka reaguar lidhur me situatën e ndodhur para pak minutash në burgun e Peqinit.
Sipas njoftimit në burgun e Peqinit ka pasur një konflikt mes tre të dënuarve me burgim të përjetshëm. Për pasojë dy prej tyre kanë mbetur të plagosur. Gjithashtu sqarohet se asnjë gardian apo punonjës policor nuk ka mbetur i plagosur nga konflikti.
“Për shkak të një konflikti mes tre të dënuarve me burgim të përjetshëm kanë mbetur të plagosur dy prej dhe ndërkohë situata po menaxhohet! Ju sqarojmë që s’ka asnjë gardian, staf policor dhe civil të lënduar“, njofton Drejtoria e Burgjeve.
Ende nuk ka asnjë informacion se nga e kanë siguruar armë të burgosurit.
PEQIN- Sokol Mjacaj, është i dënuar me burgim të përjetshëm për vrasjen e dy turistëve çekë, Michael Svatos 27 vjeç dhe Anna Kosinova 36 vjeçe me qëllim grabitjen e mjetit të tyre fuoristradë. Vrasja e rëndë ka ndodhur në korrik të vitit 2015, në zonën e Dukagjinit, në Shkodër.
Ndërsa ditën e sotme, ky person ka trazuar burgun e Peqinit, pasi është konfliktuar me të burgosur të tjerë. Pak më herët u raportua se ministri i Drejtësisë, Ulsi Manja kishte urdhëruar transferimin e tij në regjimin e posaçëm 41-bis.
Kush ishte Sokol Mjacaj, i braktisur nga familja e tij?
Familja Mjacaj e kishte braktisur djalin e tyre të madh, pasi Sokol Mjacaj i mori jetën fëmijës 13 vjeç, Agim Leraj. Vrasja e të miturit nga Mjacaj solli tronditjen e parë për familjen e Fran e Tone Mjacajt, që jetonin në fshatin Lotaj të Dukagjinit.
Djali i parë i tyre, ende pa mbushur 15 vjeç, u burgos për vrasje në bashkëpunim, pasi i mori jetën shokut të tij të shkollës për një varëse floriri.
Vetë Sokoli e mohoi gjithmonë faktin se kishte marrë pjesë në krim. Pas daljes nga burgu Sokol Mjacaj nuk gjeti asnjëherë dhe nuk dha mbështetje për familjarët e tij, prindërit, motrën dhe vëllain më të vogël.
Atyre iu desh të mësonin se djali i madh ishte arrestuar sërish për vjedhje në 2014, ndonëse emri i ishte përfolur dhe për sulmin me armë ndaj helikopterit të Policisë që patrullonte për drogë mbi Dukagjin.
Gati një vit burg bëri sërish Sokol Mjacaj, duke përfunduar në izolim në qelitë e Kavajës, por as aty nuk u vizitua nga familjarët e tij.
Kur Sokol Mjacaj la qelinë e burgut në prill të viti 2015, familja nuk e ka pranuar, ndërsa ai endej sa në një zonë në tjetrën të Dukagjinit, duke kërkuar mënyra sesi të grumbullonte para.
Kjo deri mbrëmjen e 4 korrikut, kur plani i tij për t’u bërë me makinë dështoi, duke lënë dy viktima pas.
Michael Svatos, 27 vjeç dhe Ana Kosinova, 36 vjeçe, mbetën të vrarë nga sulmi i grabitësit që u kërkonte t’i dorëzonin paratë dhe makinën “Nissan” me targa çeke.
Prej asaj mbrëmjeje, Sokol Mjacaj ka lëvizur në disa fshatra, gjithmonë duke zbritur nga Prekali, ku ndodhi krimi, drejt afërsisë me Shkodrën. Streha e fundit ishte fshati Grudë e Re, ku siç mësohet nga burime të Policisë, ai e njihte mirë se disa të afërm të tij jetonin aty.
Por edhe ata nuk e kishin afruar të riun, sidomos pasi ai ra në burg për herë të dytë. I riu ra në pranga pas negociatave me policinë.
Vrasja e dy turistëve çek në korrik të 2015
Michael Svatos, 27 vjeç dhe Ana Kosinova, 36 vjeçe, mbetën të vrarë nga sulmi i grabitësit mbrëmjen e 4 korrik të vitit 2015. I riu u kërkonte t’i dorëzonin paratë dhe makinën “Nissan” me targa çeke.
Autori u kap pas negociatave me policinë, ndërkohe që ishte futur në një banesë në Grudë.
“Hyra me forcë në makinën e çekëve. Doja t’u merrja makinën, por ata nuk kuptonin ose bënin sikur nuk kuptonin. Kur djali tentoi të më merrte armën e qëllova. Fillimisht atë e më pas gruan”, ka deklaruar 27-vjeçari pas arrestimit.
Ndërsa gjatë seancave gjyqësore i kërkoi mëshirë trupit gjykues: “Unë doja vetëm t’i grabisja, nuk kisha qëllim t’i vrisja. Djalin e vrava pasi donte të më merrte armën, kurse vajzën e kapi plumbi në kohën që makina po rrokullisej.”
Vulosja e burgimit të përjetshëm
Në Dhjetor 2022, Gjykata Kushtetuese hodhi poshtë kërkesën e tij për të përfituar gjykim të shkurtuar.
Si gjykata e shkallës së parë Shkodër, ashtu edhe nga Apeli, e kishin hedhur poshtë këtë kërkesë të tij, ndaj në tetorin e 2022, ai çoi çështjen në Kushtetuese me pretendimin se i ishte cënuar e drejta për një proces të rregullt ligjor.
Sokol Mjacaj pretendonte se kjo është nje e drejtë ligjore e tij dhe duhet të përftonte prej saj. Por Kushtetuesja vendosi të mos e shqyrtonte cështjen ne seancë plenare, duke shuar shpresat e Mjacaj, për të shpëtuar nga burgimi i pëjetshëm.
Gjykata vendosi se cështja nuk mund të zgjidhej me aktet që ndodheshin në dosje, por ishte e nevojshme të shqyrtoheshin provat gjatë një procesi të zakonshëm.
Nëse pranohej kërkesa e tij, ai mund të synonte rrëzimin e dënimit me burgim të përjetshëm, pasi pranimi i gjykimit të shkurtuar, do i mundësonte uljen e një të tretës së dënimit.
PEQIN- Tre të dënuar me burgim të përjetshëm, Sokol Mjacaj, Indrit Shaqja dhe Arben Lleshi janë përfshirë në një konflikt me njëri-tjetrin. Sherri mes tyre ka nisur në ambientet e ajrimit.
Ndërkohë, Ministria e Drejtësisë ka urdhëruar vendosjen e tij në regjimin e posaçëm “41 bis”. Ministri i Drejtësisë, Ulsi Manja u shpreh se do të zbatojë me rigorozitet ligjin për vendosjen në regjimin e posaçëm (41/b) për të gjithë ata të paraburgosur dhe të dënuar që cenojnë rendin dhe sigurinë, apo që vazhdojnë aktivitetin kriminal brenda i IEVP-ve.
Sokol Mjaçaj është i dënuar përjetë për vrasjen e dy turistëve çekë, Michal Svatos dhe Anna Kusinova, më 3 korrik 2015 në fshatin Prekal të Dukagjinit. Mjacaj i grabiti e më pas i ekzekutoi me armë zjarri në automjetin e tyre./Dosja.al
TIRANË- Sokol Mjacaj, është i burgosuri që është konfliktuar me disa të dënuar. Më pas me armë ka mbajtur peng punonjësit e kuzhinës. Raportohet se brenda burgut të Peqinit ka një kryengritje të të dënuarve.
Ministri i Drejtësisë, kishte firmosur për të vendosur në regjimin e posaçëm, i njohur si 41 bis, të dënuarin Sokol Mjacaj, i cili vuan dënimin me burgim të përjetshëm në burgun e sigurisë së lartë IEVP “Peqin”.
Sokol Mjaçaj është dënuar nga gjykata si autor i vrasjes së dy turistëve çekë, Michael Svatos 27 vjeç dhe Anna Kosinova 36 vjeçe me qëllim grabitjen e mjetit të tyre fuoristradë. Ngjarje kjo e ndodhur në korrik të vitit 2015, në zonën e Dukagjinit, në Shkodër./Dosja.al
TIRANË- Një konflikt fizik ka ndodhur sot në burgun e Peqinit. Raportohet se i dënuari me burgim të përjetshëm, Sokol Mjacaj është konfliktuar me dy të burgosur, ndërsa të plagosur kanë mbetur dy pre tyre.
Mjacaj nën kërcënimin e armës ka mbajtur peng punonjësit e kuzhinës, në burgun e Peqinit. Ajo që mbetet e paqartë se si Mjacaj është armatosur./Dosja.al
