Tritol dyqanit të 58-vjeçarit në Durrës, 31-vjeçari nga Burreli shpallet në kërkim

Shperthimi ne Durres

TIRANË- Dardan Kadiu, është 31-vjeçari i cili dyshohet se vendosi sasinë e tritolit në biznesin e Shaban Agës në Durrës. I riu banues në Burrel, së bashku me disa persona të tjerë hodhën një sasi të vogël lëndë plasëse duke shkaktuar dëme materiale. 

Dyshohet se ngjarja ka lidhje me borxh në Angli. Kadiu dhe djali i Agës, janë konfliktuar në Angli pasi ky i fundit i kishte marrë një sasi parash borxh. Aludohet se i riu nga Burreli kërkoi nga familja Aga paratë që iu morën borxh mirëpo nuk mori asnjë përgjigje. 

Grupi hetimor nën drejtimin e Prokurorisë, po punojnë për dokumentimin ligjor të autorësisë së kësaj ngjarjeje.

Momenti i shperthimit

DURRËS- Ky është momenti, kur një automjet kalon në orën 03:11 të mëngjesit të sotëm dhe hedh nga dritarja e pasagjerit lëndën eksplozive në derën e dyqanit të 58-vjeçarit Shaban Aga në Durrës. Shpërthimi ndodhi në orën 03:11 minuta në lagjen 17/1 rruga “Shenjtoret” në fasadën e dyqanit të 58-vjeçarit Aga. Nga sulmi ka pasur vetwm dwme materiale. Vetë Aga ka deklaruar për mediat se ky është rasti i 5-të që i ndodh një sulm nga persona të cilët nuk i njeh. Ai ka mohuar të ketë konflikte me njeri dhe kërkon nga shteti që të zbardhë ngjarjen. 

Në momentin kur ndodhi shpërthimi, 58-vjeçari ka qënë vetëm në banesë, pasi gruaja nuk ishte aty ndërsa djemtë i ka jashtë shtetit. Ai kërkon ndihmë nga shteti në të kundërt ka paralajmëruar se do të marrë masa vetë.

Shaban Aga

DURRËS- Shaban Aga, pronari i biznesit i cili shpërtheu pas sasisë së tritolit, ka dhënë dëshminë e tij për mediat. 58-vjeçari, pranon se ka pasur konflikte me 31-vjeçarin nga Burreli, të cilin policia e ka shpallur në kërkim si një nga autorët e vendosjes së tritolit. Mirëpo, biznesmeni i cili jeton dhe vepron në zonën e Kënetës, ka deklaruar se kjo nuk është hera e parë që i bëjnë sulme të tilla. Sipas Agës, prej 5 vitesh, ai kërcënohet me armë e tritol. Aga ka treguar se dy herë i kanë hedhur mjetit të tij benzinë, dy herë i kanë gjuajtur me armë e rasti i pestë ishte tritoli në biznes. Ai kërkon zbardhje të çështjes, në të kundërt paralajmëron se do të marrë masa vetë. 

RRËFIMI I SHABAN AGËS:

U bënë 5 herë që vijnë te shtëpia. Dy herë kanë ardhur i kanë hedhur makinës benzinë, dy herë të tjera kanë gjuajtur me armë,  mbrëmë kanë ardhur kanë hedhur tritol. Unë s’kam konflikt me njeri. Pyesni gjithë zonën, gjithë lagjen.  Policia bën punën e vet, ai personi me mua nuk ka pasur asnjë konflikt. Ai personi mua më ka thënë dy llafe, dhe ato që ka thënë, i ka thënë në polici. Ky muhabet ka pak a shumë 6 muaj. Kaq di. Dyshimet i ka vetë policia, ta zbardhin këtë çështje. Unë jam në shtëpinë time, në punën time, në hallin tim.

Policia të bëjë punën, unë për vete s’i kam borxh askujt. Mbrëmë në shtëpi isha. Shpërthimi ishte shumë i fortë, unë për fat isha vetëm në shtëpi, gruan nuk e kisha aty, çunat i kam jashtë. Vetëm drejtësi, të zbardhet sa më parë kjo çështje. Ose do marr masat e mia, nuk do rri me duar në xhepa.

DURRËS- Këto janë pamjet nga kamerat e sigurisë të momentit kur autori/ët, hedhin lëndën plasëse në biznesin e Shaban Agës në Durrës, e më pas largohen me mjetin e tyre. Në foto shihet mjeti tip 'Benz', i cili ul shpejtësinë në momentin kur ndodhet pranë biznesit, hedh lëndën plasëse e më pas largohet me shpejetësi. Pas disa sekondash, dëgjohet shpërthimi i tritolit, i cili fatmirësisht la pas vetëm dëme materiale. 

Policia ka nisur kërkimet për një 31-vjeçar nga Burreli i cili dyshohet se është autori i ngjarjes, për shkak të konflikteve që ka pasur në të shkuarën me pronarin e biznesit, 58-vjeçarin, Shaban Aga. 

Tritoli

DURRËS- Biznesit të Shaban Agës, në zonën e Kënetës në Durrës iu është vendosur lëndë plasëse. Fatmirësisht nga shpërthimi nuk ka pasur të lënduar, vetëm dëme materiale. Familjarët janë shprehur për mediat se ngjarja po përsëritet për herë të pestë e se janë të tmerruar për atë që po iu ndodh. 

“Na hodhën tritol, na tmerruan. Është e pesta herë që na ndodh”, janë shprehur familjarët.

Policia ka njoftuar se po vijon puna për kapjen e autorëve të ngjarjes. Forcat blu kanë sqaruar se autor i ngjarjes dyshohet të jetë një 31-vjeçar nga Burreli pasi ka konflikte me pronarin. Bashkë me të riun, në këtë ngjarje morën pjesë edhe persona të tjerë. 

Policia durres

DURRËS- Shpërthimi me lëndë plasëse në biznesin në Durrës ka ndodhur për shkak të konflikteve të mëparshme të pronarit. Policia sqaron se ngjarja ka ndodhur rreth orës 03:10, në lagjen 17/1, rruga 'Shenjtorët'. Në fasadën e dyqanit të personit me inicialet SH.A, 58-vjeç, i riu me inicialet D.K, nga Burreli bashkë me disa persona të tjerë i vendosën sasi të vogël lëndë plasëse. Nga shpërthimi ka pasur vetëm dëme materiale, ndërkohë që policia sqaron se shkak janë bërë konfliktet e mëparshme të pronarit me 31-vjeçarin nga Burreli. Grupi hetimor nën drejtimin e Prokurorisë, po punojnë për dokumentimin ligjor të autorësisë së kësaj ngjarjeje.

NJOFTIMI I POLICISË:

Rreth orës 03.10, në lagjen 17/1 rruga “Shenjtoret”, në fasadën e dyqanit të shtetasit Sh.A, 58 vjeç, dyshohet se shtetasi D.K, 31 vjec, banues në Burrel, në bashkëpunim me persona të tjerë ende të paidentifikuar, kanë hedhur një sasi të vogël lëndë plasëse, duke shkaktuar vetëm dëme materiale. Dyshohet se ngjarja ka ndodhur si pasojë e një konfikti të mëparshëm mes shtetasit Sh.A dhe D.K.Grupi hetimor nën drejtimin e Prokurorisë, po punojnë për dokumentimin ligjor të autorësisë së kësaj ngjarjeje.

Foto ilustruese

DURRËS- Shpërthim në një biznes në Durrës. Ngjarja ka ndodhur në orët e para të mëngjesit, në ambientet e jashtme të biznesit. Raportohet se në fasadën e një dyqani ka shpërthyer lënda plasëse. Nuk dihet më shumë detaje nga ngjarja e rëndë. Pritet që në orët në vijim policia të dalë me një njoftim zyrtar.