Trau tek Parku i Karavastasë, banorët përplasen me Policinë. Ministria: Bileta vetëm për turistët. Braçe: Gënjen

Auron Tare

TIRANË- Aktivisti Auron Tare ka komentuar përplasjet e banorëve të Divjakës, të cilët kundërshtuan vendosjen e pagesës për hyrjen brenda parkut. Në një shkrim në rrjete sociale, Tare thotë se është fyese që banorëve lokalë t’u kërkohet pagesë, e për paralelizim me rastin e Parkut të Butrintit. 

"E para Parku Kombetar i Divjakes eshte nje aset i rendesishem lokal. Per kete arsye miratimi i banoreve per cdo akt qe kryhet ne kete zone eshte tejet i rendesishem. Si person qe ka punuar per te krijuar nje Park Kombetar, sot shume te sukseshem, e di nga pervoja e gjate se cdo veprim arrogant i ardhur nga “qendra” kushdo qofte ajo nuk mund te kete jetegjatesi ne terren. Banoret lokale jane kyci i suksesit te cdo veprimi dhe “modernizimi” ne te tilla zona. Si pjese e pejsazhit historik te ketij parku eshte fyese qe banoreve lokale ti kerkohet pagese per tu futur ne nje zone qe historikisht ka qene pjese e habitat te tyre. pra jam 100% me banoret te cilet refuzojne te paguajne ate “takse” per te hyre ne nje habitat qe ju perket atyre.

Por te kthehemi tek ceshtje per te cilet banoret protestojne, a duhet te kete nje pagese per te hyre ne zonen Park Kombetar. Si personi qe kam futur konceptin e pageses ne Parkun Kombetar te BUtrintit them qe PO. Nje pagese eshte me se e detyrueshme per cdo vizitor qe kerkon te vizitoje kete zone. Por si zgjidhet ky konflikt midis atyre qe e konsiderojne veten pjese te habitatit te Parkut dhe institucionit qe ka detyrim ligjor ti mirmbaje ato?,"-shkruan ai.

Postimi i Auron Tares:

Per nje Stiker! Si Mund te shmanget nje perplasje e pa dobishme me Banoret e Parkut Kombetar te Divjakes.

Nga Bostoni i zyte dhe me shi po shikoja sot pamje te perplasjeve te banoreve me policine per nje ceshtje qe ne thelb eshte e drejte nga te dyja palet “nderluftuese” banoret lokale dhe institucioni qe ruan dhe mbron Parkun Kombetar. E para Parku Kombetar i Divjakes eshte nje aset i rendesishem lokal. Per kete arsye miratimi i banoreve per cdo akt qe kryhet ne kete zone eshte tejet i rendesishem.

Si person qe ka punuar per te krijuar nje Park Kombetar, sot shume te sukseshem, e di nga pervoja e gjate se cdo veprim arrogant i ardhur nga “qendra” kushdo qofte ajo nuk mund te kete jetegjatesi ne terren. Banoret lokale jane kyci i suksesit te cdo veprimi dhe “modernizimi” ne te tilla zona. Si pjese e pejsazhit historik te ketij parku eshte fyese qe banoreve lokale ti kerkohet pagese per tu futur ne nje zone qe historikisht ka qene pjese e habitat te tyre. pra jam 100% me banoret te cilet refuzojne te paguajne ate “takse” per te hyre ne nje habitat qe ju perket atyre.

Por te kthehemi tek ceshtje per te cilet banoret protestojne, a duhet te kete nje pagese per te hyre ne zonen Park Kombetar. Si personi qe kam futur konceptin e pageses ne Parkun Kombetar te BUtrintit them qe PO. Nje pagese eshte me se e detyrueshme per cdo vizitor qe kerkon te vizitoje kete zone. Por si zgjidhet ky konflikt midis atyre qe e konsiderojne veten pjese te habitatit te Parkut dhe institucionit qe ka detyrim ligjor ti mirmbaje ato?

Pervoja ime ne Butrint

Ideja e nje pagese per te hyre ne Park u diskutua ne nje takim te gjere me banoret lokal. U prezantua ideja si dhe projektet konkrete qe do te financoheshin me kete tarife te mbledhur nga hyrja ne Park. U degjuan te gjitha mendimet e banoreve te cilet me te drejte kundershtonin mendimin se per te kaluar ne nje zone ku me vite kishin hyre pa asnje pengese tashme duhet te paguani. Kishin shume te drejte. Por edhe ne kishim te drejte, fluksi ne rritje i turisteve duhej kontrolluar si dhe duheshin gjeneruar te ardhura per projekte me interes lokal.

Zgjidhja u gjet me nje kosto shume te ulet dhe pa asnje perplasje civile apo qefmbetje. Parku i Butrintit prodhoi nje seri “stikers” per te gjitha automjetet e banoreve te zones si dhe nje “stiker” te vecante per cdo banor. Ne kete menyre te gjithe banoret e zones hynin dhe dilnin pa asnje problem ne territorin e Parkut. Nderkohe nje tarife modeste u vendos per te gjitha makinat qe futeshin ne Parkun e Butrinti per te vizituar Qendren Arkeologjike. Ne fund te cdo sezoni turistik, Parku i Butrintit shperndante nje fletepalosje ku nder te tjera tregonte shifrat e vizitoreve ne Park, te ardhurat nga makinat qe futeshin ne Park dhe projektet e vogla qe financoheshin nga ky fond. Ne kete menyre jo vetem nuk pati asnje lloj problemi me banoret por ata shikonin me syte e tyre se kjo tarife po perdorej per permiresimin e nevojave te tyre ne territorin e Parkut.

Mund te them psh financimin e lerave te ujit per bagetite, krijimin e shtigjeve turistike ne Park. urat prej druri ne kanalet kulluese, gardhet per te mbrojtur ullishtet nga bagetite etj . Shpresoj se kushdo qe i lexon keto rradhe dhe eshte banor i zonave prane BUtrintit i mban mend keto punera te vogla por shume te rendesishme. I gjithe ky shpjegim per te thene se nuk ka arsye te krijohen perplasje me banoret per nje ceshtje te tille kur fare mire ata mund te jene mbeshtetesit me te forte te kauzave te mbrotjes se Parqeve. Fund i fundit kush i mbron keto Parqe banoret lokale apo burokrati i rradhes qe ulet ne ate karrike ku shpesh nuk e ka idene se per cfare eshte ulur aty?

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative. Pas protestës, Ministria ka bërë me dije se tarifa do vendoset vetëm për turistët.

Rruga

DIVJAKË- Deputeti i Partisë Socialiste Erion Braçe i është përgjigjur sërish Ministrisë së Turizmit, e cila tha se trau i vendosur në hyrje të Parkut të Karavastasë do të jetë me pagesë vetëm për turistët. Në një postim në Facebook, Braçe ka nxjerrë video nga zona dhe thotë se e vetmja mundësi për të shkuar në plazhin e Divjakës është rruga Divjakë- Plazhi i Divjakës dhe rrjedhimisht ky tra nuk prek vetëm turistët, por edhe vendasit. Braçe shton se Bashkia e Divjakës nuk ka asnjë kontroll mbi këtë rrugë dhe se këtë kompetencë e ka vetëm ARRSH-ja.

Postimi i Braçes:

PERSERI PER TRAUN NE RRUGEN KOMBETARE. ROTONDA E CERMES (autostrade)-DIVJAKE-PLAZHI I DIVJAKES; I lutem Ministrise se Turizmit TE MOS GENJEJE! Shiheni videon; Eshte e qarte se rruga DIVJAKE-PLAZHI I DIVJAKES, eshte e vetmja mundesi per te shkuar ne PLAZHIN E DIVJAKES, e vetmja; nese turistet e ministrise se Turizmit na tregojne nje rruge tjeter qe te con ne PLAZHIN E DIVJAKES, atehere do kene plotesisht te drejte. Ne ane tjeter, VENDIMI 600 i vitit 2021 i KESHILLIT TE MINISTRAVE, na tregon inventarin e rrugeve kombetare, ku edhe me koordinata percaktohen qarte: Rruga CERME-DIVJAKE, rruga DIVJAKE-PLAZHI I DIVJAKES! Letrat tregojne genjeshtaret! Genjeshtaret duhet te kene turp! E dyta, GENJESHTRAT E COPAVE NGA PD, jane edhe me te trasha; Qarte: BASHKIA DIVJAKE NUK KA ASNJE PUSHTET MBI RRUGEN DIVJAKE-PLAZHI I DIVJAKES; kete pushtet e ka ARRSH! Ndaj BASHKIA DIVJAKE NUK KA DHENE ASNJE LEJE PER NDERTIMIN E CDO TRAU, KIOSKE APO BARRIERE TJETER NE RRUGE! Thene kete, i lutem edhe COPAVE TE PD, TE MOS GENJEJNE!

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative.

protesta ne Divjakë

DIVJAKË- Ministria e Turizmit dhe Mjedisit ka reagur pas protestës kundër vendosjes së traut në Parkun e Divjakës që u zhvillua nga banorët ditën e sotme. Sipas njoftimit zyrtar, bileta do të jetë 50 lekë dhe aplikohet vetëm për turistët. Poashtu në njoftim theksohet se vendosja e traut do të ofrojë aksesin e kontrolluar në park, përveç sigurimit të të ardhurave që do të ndihmojnë në menaxhimin efektiv e të qëndrueshëm. Sipas ministrisë, rruga ku do të vendoset sistemi i kontrollit është një rrugë që të jep akses vetëm në park dhe nuk të lidh me asnjë aks tjetër rrugor. Në përfundim të njoftimin, Ministria thekson se rruga është nën administrim nga ARRSH, e cila ka dhënë tashmë lejen për instalim.

NJOFTIMI I POLICISË:

Gjatë viteve të fundit fluksi i turistëve në Parkun Kombëtar Divjakë-Karavasta ka ardhur në rritje, duke sjellë nevojën për vendosjen e një sistemi elektronik biletarie, i cili do të bëjë të mundur hyrjen e vizitorëve dhe mjeteve nëpërmjet aksesit të kontrolluar.

Aksesi i kontrolluar në park, përveç sigurimit të të ardhurave, do të ndihmojë edhe në menaxhimin efektiv e të qendrueshëm në këtë zonë të mbrojtur mjedisore. Vendosja e kontaktit të drejtëpërdrejtë i të gjithë vizitorëve me stafin e parkut, do të ndihmojë këta të fundit për të orientuar fluksin turistik dhe sjelljen e vizitorëve në përputhje me zonimin dhe rregullat e parkut, si dhe do të bëhet i mundur përcaktimi i saktë i numrit të vizitorëve dhe turistëve, regjistrimi i mjeteve motorike dhe gjenerimi i të ardhurave.

Rruga ku vendoset sistemi i kontrollit është një rrugë që të jep akses vetëm në park dhe nuk të lidh me asnjë aks tjetër rrugor. Ajo është nën administrim nga ARRSH, e cila ka dhënë tashmë lejen për instalim.

Investimi po kryhet në kuadër të projektit “Rritja e qendrueshmërisë financiare të sistemit të zonave të mbrojtura në Shqipëri”, mundësuar nga UNDP.

Bëhet fjalë për një biletë modeste në vlerën 50 lekë, për të rritur shërbimet dhe mirëmbajtur parkun. Kjo biletë do aplikohet vetëm për turistët dhe prej saj përjashtohen banorët e zonës.

Kudo në botë, parqet kombëtare duhen mirëmbajtur në mënyrë të veçantë për shkak të frekuentimit të lartë nga turistët. Ne kemi disa raste në Shqipëri ku kjo praktikë është aplikuar si në Dajt, në Syrin e Kaltër, Kune Vain Lezhë dhe nuk ka pasur asnjë problem.

Për më tepër që banorët përjashtohen nga tarifa, e cila për turistët është simbolike, por e mjaftueshme për ta pastruar, mirëmbajtur dhe investuar në zonë, çka do të sjellë më shumë vizitorë e më shumë të ardhura për zonën dhe banorët.

Në mbështetje të VKM-së nr. 1156, datë 24.12.2020 “Për përcaktimin e të ardhurave të gjeneruara nga tarifat që paguhen në zonat e mbrojtura, të masës dhe kritereve të përdorimit të tyre”, do të bëhet edhe caktimi i vlerës së tarifës për hyrjen në park nëpërmjet këtij sistemi elektronik.

Referuar ligjit nr. 81/2017 “Për zonat e mbrojtura”, neni 56, pika 2, citohet se: “Ministria, AKZM-ja dhe pushteti lokal nxitin dhe përkrahin nisma, projekte, programe e veprimtari, që synojnë përmirësimin e treguesve ekologjikë e natyrorë të një zone të mbrojtur mjedisore ose që ndikojnë pozitivisht në to”.

Përcaktimi i vendeve të aksesit të kontrolluar në parqet e menaxhuara, për përmirësimin e treguesve ekologjikë e natyrorë të një zone të mbrojtur mjedisore bëhet me urdhër të ministrit përgjegjës për mjedisin. Është përgjegjësi e drejtpërdrejtë e Agjencisë Kombëtare të Zonave të Mbrojtura që të sigurojë ruajtje në ekosistemet e mbrojtura natyrore dhe për të garantuar përmbushjen e funksioneve mjedisore, ekonomike, sociale e kulturore, në interes të të gjithë shoqërisë.

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative./ Dosja.al

Sali Berisha

TIRANË- Kreu i Partisë Demokratike Sali Berisha ka reaguar lidhur me protestën kundër vendosjes së traut në hyrje të Parkut të Divjakës që u zhvillua sot nga banorët e zonës. Berisha ka përshëndetur revoltën e qytetarëve të cilët sot u përplasën edhe me policinë duke thyer traun elektronik, që është vendosur nga Ministria e Turizmit me një taksë për të kaluar apo për të hyrë në zonë. 

Kreu i opozitës ka treguar momentin kur banorët kanë bërë rezistencë në protestë ndaj forcave të policisë përmes një videoje në rrjetin social facebook. Videon Berisha e shoqëron me shkrimin inkurajues dhe mbështetës nga ana e tij: Banorët e Divjakës ia bëjnë fora! Nderim protestuesve guximtarë të Divjakës, që përmbysën traun e mafies shtetërore të Edi Ramës në rrugën e tyre kombëtare!

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative./ Dosja.al

pankarta nga protesta e Divjakes

DIVJAKË- "Mos luani atë që s'e preku as gjermani", "Fëmijët tanë duan oksigjenin", "Boll na vodhët ku nuk privatozhet", "Dje kënetën sot pyllin nesër çfarë do na merrni shtëpitë...?", "Mjaft blozë keni hedhur na lini pak oksigjen",  ishin këto disa nga pankartat që mbanin sot në duar banorët e Divjakës, të cilët protestuan për të 4-tën ditë radhazi kundër vendosjes së traut në hyrje të Parkut të Divjakës. Protesta e sotme u shoqërua me tensione, për shkak të ndërhyrjes së forcave policore, por qytetarët bënë sërish rezistencë duke shkatërruar traun elektronik që ishte rrethuar nga shiriti i kuq, pasi ishte në proces ndërtimi. 

Banorët kanë bërë thirrje se protesta nuk do të ndalet derisa të anulohet vendimi për vendosjen e taksës nga Ministria Turizmit dhe Mjedisit, ku thuhej se çdo person që hyn dhe del do të duhet që të paguajë 50 lekë për vizitor, ndërkohë për automjetet është vendosur një tarifë prej 150 lekësh të reja.

Në protestën e sotme qytetarët nuk kanë qenë vetëm, pasi në krye të protestës, ishte kreu i PD-së Lushnjë Eduart Sharka dhe deputetja e zonës, Ilda Dhori. Edhe socialisti Erion Braçe ka dalë publikisht kundër vendosjes së traut, por sot për arsye që nuk dihet, nuk ka qenë pjesë e tubimit të qytetarëve./ Dosja.al

Eduart Sharka

DIVJAKË- Kryetari i PD-së në Lushnjë Eduart Sharka tha se ai është përballë qytetarëve për të mbrojtur të drejtat e tyre të ligjshme. Ndërsa tha se Erion Braçe, i cili gjithashtu ka dalë krahë banorëve në protestën kundër traut të Divjakës, nuk është konkret në mbështetjen e tyre në këtë çështje, pasi në fund të ditës ngre dorën dhe voton këto vendime të paligjshme të qeverisë. 

"Dëgjova që më përmendi në një moment, Zoti Braçe. Ai nuk mund të bashkohet me mua sepse jemi dy alternativa krejt të ndryshme. Ato që kam thënë unë para tre vjetësh dhe kam dalë më fermerët për të drejtat e tyre të ligjshme madje kam cuar dhe një projketligj që i takonte zotit Brace të paguante ai e ka mandatin. Ka deleguar vullnetin e qytetarëve të bashkëpunojë me projektligj të drejtat e fermerëve. Ai mjaftohet vetëm duke folur. Në tv dhe pastaj ngre dorën dhe voton këto vendime të paligjshme të qeverisë. Ndërsa unë jam alternativë tjetër, unë dal ballë qytetarëv për të mbrojtur të drejtat e ligjshme të tyre", tha Sharka. 

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative./ Dosja.al

Erion Braçe

TIRANË- Deputeti i Partisë Socialiste, Erion Braçe ka akuzuar me emër ministren e Mjedisit, Mirela Kumbaro për vendosjen e traut në parkun e Karavastasë. Në një prononcim për mediat, Braçe tha se zyrtarë nga Ministria kanë marrë në telefon Bashkinë dhe i kanë kërcënuar se do të "fluturojnë" po të pengojnë vendosjen e traut. Edhe pse nuk ishte pjesë e protestës, socialisti tha se vendosja e traut ishte e paligjshme e se për këtë gjë duhet të mbante përgjegjësi edhe Autoriteti Rrugor Shqiptar (ARRSH), që nuk ka marrë parasysh shkeljen e Kodit Rrugor. 

"Komenti im është e paarsyeshme është që të vijnë në Divjakë e të bëjnë skena të tilla. Divjaka është një vend i qetë. Qytetarët nuk janë aty por janë në punë. Do të ishte e natyrshme që e gjithë kjo situatë të zgjidhej në një mënyrë ligjore. Vendosja e një trau me pagesë është e paligjshme. Në territorin e bashkisë Divjakë ka disa rrugë Kombëtare. Nuk ka rrugë tjetër që të nxjerr në bregdet. Nga Velipoja deri në Sarandë, për të shkuar tek deti nuk paguhet asnjë qindrarkë. Kjo që bën Ministria në bashkëpunim me ARRSH është vendosja e një takse për të kaluar në rrugë dhe për të shkuar në det. është një pozicion që cënon edhe sigurinë rrugore. Në gjykimin tim vendosja e pagesës në një aks kombëtar është e paligjshme. Unë do të ndërmarr çdolloj nisme për të goditur këtë paligjshmëri. S'kam asnjë komunikim me Ministrinë e Mjedisit. Nga ajo ministri buron e gjithë ajo arrogancë. Zyrtarët e Bashkisë Divjakë janë kërcënuar se do "fluturojnë" nëse pengojnë vendosjen e traut. Bashkia e ka pezulluar vendosjen e traut. Për vendosjen e kioskës duhet marrë leje nga Bashkia e Divjakës. Bashkia ka gjithë të drejtën legjitime që të kontrollojë objektet që do ndërtohen. Çdo bëhen paratë e grumbulluara nga kalimi në rrugë? Parku është mbrojtur nga njerëzit dhe këtë duhet ta dëgjojë mirë ajo ministrja e Mjedisit dhe shumë të tjerë. Trau është vendosur m'u në mes të rrugës dhe jo të parkut. është e vetmja rrugë për të dalë në bregdet. Më thoni për të shkuar në det, pse duhet që të paguaj para unë? Bëhet fjalë për një rrugë kombëtare. Ministri ka një pikë turistike mu në mes të parkut. Pse nuk merr para nga ajo pika?,"- u shpreh Braçe në një prononcim për ReportTv. 

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative.

Pamje nga protesta

TIRANË- Gazetari investigativ, Artan Hoxha ka komentuar protestën dhe përplasjen në parkun e Divjakës. Me anë të një postimi në rrjetin e tij social Facebook, Artan Hoxha ka ndarë edhe pamje nga protesta e zhvilluar. 

"Proteste e banoreve të Divjakes… 17 nentor 2022. Mos ju duket shaka edhe 1997-ta nga Lushnja filloi…,"-shkruan në rrjetet e tij sociale, Artan Hoxha.

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative.

Eduart Sharksa

DIVJAKË- Kryetari i Partisë Demokratike në Lushnje Eduart Sharka tha nga protesta e banorëve të Divjakës për vendosjen e traut se nëse pushteti sovran nuk dëgjon,e vetmja zgjidhje është mosbindja civile. Sipas tij kërkesa e banorëve nuk është marrë në konsideratë dhe për këtë arsye protesta e tyre do të vijojë deri në anulimin e vendimit për vendosjen e "kolibes" siç e quan ai traun elektronik, e cila prek interesat e qytetarëve pasi ata duhet të paguajnë për të hyrë dhe për të dalë nga nga Parku. 

"Qytetërat e e Divjakës janë të vendosur për një mosbindje civile për këtë tra që vendoset në rrugën kombëtare dhe kërkon pagesë për cdo qytetar. Urojmë të anulohet urdhri që është pasens, kemi të bëjmë me një rrugë kombëtare cdo qytet fshat plazh dhe të kërkojë pagesë për të hyrë në atë vend është pa kuptim. E kanë ruajtur qytetarët e Divjakës në 97 dhe tani ju kërkon pagesë në këtë vend që ia ka dhënë zoti dhe është pronë e gjithë qytetarve të Shqiprisë. Në momentin që nuk ka reagim nga instancat për të marrë argumentin e qyttetrëve atëherë ngelet mosbindja civile. Ëshët një rrugë e ngushtë që nuk pranon të ketë ndërtesë siç kanë venë këtë koliben preken interesat e qytetrëve", tha Sharka. 

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative./ Dosja.al

Pamje nga protesta

DIVJAKË- Banorët e Divjakës kanë dalë përsëri në proteste sot kundër vendosjes së traut në parkun e Karavastasë. Rreth orës 11.00, qytetarë janë mbledhur dhe janë përplasur me forcat e Policisë së Shtetit, madje në një moment kanë hequr nga rruga kabinën e traut. Për vendosjen e traut, banorët shprehën se janë të indinjuar për shkak se sipas tyre kjo lëvizje është e jashtëligjshme.

ÇFARË DËGJOHET NË VIDEO: 

Polici: Ej, pse i acaron gjërat o vëlla? Ejjj.
Qytetarët: Shtyje, shtyje. Ec, ec.
Një person: I mbytët njerëzit. O çuna hajdeni ta shqyejmë, ta nxjerrim jashtë

Ilda Dhori

DIVJAKË- Deputetja Ilda Dhori ka qenë e pranishme sot në protestën e banorëve në Divjakë të cilët kundërshtojnë vendosjen e traut elektronik në hyrje të Parkut të Divjakës. Ajo tha se kjo çështje do të ndiqet në rrugë ligjore nëse nuk anulohet dhe se nuk do të tolerohet. Sipas saj Parku ka gjeneruar vit për vit të ardhura dhe se vendimi nga Ministrja e Turizmit është i paprecedentë. Poashtu deputetja demokrate tha se protesta do të vazhdojë. 

"Do jemi këtu çdo ditë. Policët ishin duke mbrojtur dicka të paligjshme. Parku ka gjeneruar vit për vit të ardhura. Do ndiqet në rrugë ligjore se Edi Rama ka bërë një ligj bazuar në kundërshtimin e një ligji. Do të ndjekim paralelisht në rrugë gjyqësore. Po indinjon qytetarët dhe nuk do të tolerohet. Deri në këto momente nuk kemi asnjë person të shoqëruar nuk kuptoj kush mund të urdhërojë për të mbrojtur një staturë metalike një shëmtirë metalike që e ka vendin te skrapi", tha deputetja demokrate. 

Banorët e Divjakës janë kundër vendosjes së traut në parkun e Karavastasë, duke i detyruar të paguajnë para për të kaluar rrugën. Çdo vizitor detyrohet të paguajë 50 lekë të reja ndërkohë për automjetet është vendosur një tarifë prej 150 lekësh të reja. Kundër traut është edhe socialisti, Erion Braçe. Vendimi është marrë nga Ministria e Kulturës dhe Turizmit, ndërsa qytetarët janë zotuar që ta dërgojnë vendimin në Gjykatë Administrative./ Dosja.al

Foto nga protesta

DIVJAKË- Është përshkallëzuar protesta e banorëve të Divjakës, ku i pranishëm është edhe kryetari i PD-së në Lushnjë Eduart Sharka. Policia është përplasur me banorët duke i shtyrë që të mos kalojnë zonën e rrethuar me shirit ku do të kryen punimet për vendosjen e traut. Siç shihet edhe në foto, e pranishme në protestë është edhe deputetja e PD-së Ilda Dhora. 

Sot është dita e katërt që banorët e zonës protestojnë kundër vendimit që qeveria ka parashikuar, për të vendosur traun në hyrje të Parkut të Divjakës, ku qytetarët do të lejohen të kalojnë apo dalin nga zona vetëm kundrejt një takse. 

Protesta ka nisur pa probleme, por si duket ndërhyrja e policisë ka bërë që situata të agravojë dhe të dyja palët të përplasen. Banorët shprehen të indidnjuar se vendimi është i jashtëligjshëm, ndërsa bëjnë thirrje që të bashkohen edhe qytetarë të tjerë. Të pranishëm në këtë protestë janë edhe Eduard Sharka, kreu i Sindikatës së Fermerëve, njëkohësisht kryetar i PD Lushnje dhe deputetja e Partisë Demokratike Ilda Dhora e cila më herët ka denoncuar këtë rast dhe problematikë të qytetarëve, të cilët kundërshotojnë me çdo kusht taksën që parashikohet të vendoset me vendim qeverie në hyrje të Parkut të Divjakës./Dosja.al

Qytetarët e Divjakës në protestë

DIVJAKË- Banorët e Divjakës kanë dalë sërish në protestë kundër vendosjes së traut në hyrje të parkut kombëtar Divjakë-Karavasta ku u duhet të paguajnë taksë, saherë që duhet të dalin apo hyjnë në këtë zonë. Kjo është dita e katërt që banorët e zonës bëjnë thirrje që autoritetet të tërhiqen nga ky vendim. Mësohet se edhe ditën e sotme punimet për vendosjen e traut janë ndërprerë për shkak të protestës së banorëve. Këta të fundit shprehen të indidnjuar se vendimi është i jashtëligjshëm, ndërsa bëjnë thirrje që të bashkohen edhe qytetarë të tjerë. 

"Do na marrin shpirtin, do na marrin edhe nga shtëpia do na nxjerrin hajdeni bashkohuni të gjithë këtu", tha një banor. 

"A ka popull këtu, a s'ka popull çfarë është kjo kështu, edhe ajrin do të na marrin këta ne?"

Qeveria parashikohet të vendosë traun ku banorët do t'u duhet të paguajnë taksë saherë dalin nga zona. Për këtë arsye ata paralajmërojnë se do mblidhen sërish në protestë të enjten. Denoncimi për këtë problematikë është bërë nga deputetja e PD-së Ilda Dhora ndërsa vendimin për vendosjen e traut e ka kundërshtuar dhe deputeti i zonës Erion Braçe./ Dosja.al