Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Kryeministri Edi Rama ka marrë pjesë sot në panelin me temë “Zgjerimi i BE-së” në Mynih. • Rama gjatë fjalës së tij u shpreh se procesi i integrimit duhet të përshpejtohet. • Rama u shpreh se BE ka ndryshuar sa i takon qëndrimit kundrejt Shqipërisë dhe sa i takon ritimit të përafrimit me Ballkanin Perëndimor. • Ai shtoi se procesi po ndryshon shumë ngadalë dhe shumë pak. • Rama gjithashtu tha se për këtë proces do të bënte dy seriale në Netflix ku sipas tij njëri serial do të jetë për BE duke thënë se do ishte pacienti me 27 mjekë dhe jo 28 mjekë pasi Britania u largua. • Ndërsa SHBA do ishte shfaqja me një sherif. • Kryeministri tha se ka ardhur koha që BE të bëjë një ndarje të qartë se proces i bazuar në meritë duhet të jetë për një gjë, të drejtën e votës në Këshillin Europian. • Ai tha se bazuar në meritë nuk mund të nënkuptojë sjelljen e të gjitha vendeve në tregun e përbashkët. • Sipas tij BE ka më shumë nevojë për ne, sesa ne kemi nevojë për të. • Kryeministri theksoi se Evropa duhet të mendojë në dy drejtime të jetë e fuqishme ushtarakisht, por edhe e fuqishme ekonomikisht. • Rama shtoi se BE duhet të dalë nga këto kriza duhet të bashkohet si Evropë. • Sipas tij Amerika pa Evropën është thjesht një ishull ndërsa Evropa pa Amerikën është gadishull. • Ai foli edhe në lidhje me rikthimin e presidentit amerikan, Donald Trump në Shtëpinë e Bardhë. • Rama u shpreh se zgjedhja e Trump si presidenti i SHBA është akti më bujar i Zotit, kundrejt BE për ti dhënë një shans Europës të zgjohet. • Rama tha se se është dakord që vlerat që i bëjnë bashkë shtete anëtarët duhet të mbeten të tilla, por nuk duhet të kenë kushtëzime për të pasur miq.
5 artikuj për këtë temë.
MYNIH- Kryeministri Edi Rama i pranishëm në panelin me temë “Zgjerimi i BE-së” në Mynih foli edhe në lidhje me rikthimin e presidentit amerikan, Donald Trump në Shtëpinë e Bardhë. Rama gjatë fjalës së tij u shpreh se zgjedhja e Trump si presidenti i SHBA është akti më bujar i Zotit.
Ai shtoi se kundrejt BE-së zgjedhja e Trump është një shans që Evropa të zgjohet. Rama tha se se është dakord që vlerat që i bëjnë bashkë shtete anëtarët duhet të mbeten të tilla, por nuk duhet të kenë kushtëzime për të pasur miq.
"Zgjedhja e Trump është akti më bujar i Zotit, kundrejt BE për ti dhënë një shans Europës të zgjohet dhe Europa duhet së pari të mos jetë kaq vetërefrente. Jam dakord që vlerat që i bëjnë bashkë shtete anëtarët duhet të mbeten të tilla, por nuk duhet të jenë kushtëzime për të pasur miq.
Ne duhet të mësojmë të jemi miq me të tjerët edhe pse ta mund të kenë vlera të ndryshme, mendime të ndryshme se si duhet bërë jeta. Europa duhet të mendojë si për fuqinë edhe për konkurrueshmërinë, nëse s’jemi të aftë të konkurrojmë ekonomikisht, nuk do jemi të aftë të bëjmë asgjë tjetër," tha Rama.
MYNIH- Kryeministri Edi Rama i pranishëm në panelin me temë “Zgjerimi i BE-së” në Mynih u shpreh se BE ka më shumë nevojë për ne, sesa ne kemi nevojë për të. Kryeministri u shpreh se nëse përgjigjia për të pasur më shumë investime dhe më shumë fuqi ushtarake është të shndërrohemi në një kontinent injoranca, atëherë më mirë të vijë dikush e të na pushtojë.
Ai theksoi se Evropa duhet të mendojë në dy drejtime, e fuqishme ushtarakisht, por edhe e fuqishme ekonomikisht. Rama shtoi se BE duhet të dalë nga këto kriza duhet të bashkohet si Evropë. Sipas tij Amerika pa Evropën është thjesht një ishull ndërsa Evropa pa Amerikën është gadishull.
"Nëse përgjigjia për të pasur më shumë investime, për të pasur më shumë fuqi ushtarake është të shndërrohemi në një kontinent injorenca, atëherë më mirë të na vijë të na pushtojë dikush. Shqipëria ka qenë gati që të pushtohet nga amerikanet dhe evropianët, por problemi është se asnjëri nuk do të na pushtojë.
Edhe po të na pushtojë i çojmë në Mal të Zi që të argëtohen me ca diell. Evropa duhet të mendojë në dy drejtime, e fuqishme ushtarakisht, por edhe e fuqishme ekonomikisht. Kam njohur dy BE, atë që njohin të gjithë, BE e udhëheqësve dhe debateve, por edhe një BE tjetër që funksionin si orë zvicerane 24 orë në 7 ditë. 40 mijë njerëz që prodhojnë kushedi sesa rregullore. BE ka më shumë nevojë për ne, sesa në kemi nevojë për BE. Nëse BE duhet të dalë nga këto kriza duhet të bashkohet si Evropë. Amerika pa Evropën është thjesht një ishull, Evropa pa Amerikën është gadishull. Ai ishull dhe ky gadishull duhet të jenë bashkë," tha Rama.
MYNIH- Kryeministri Edi Rama i pranishëm në panelin me temë “Zgjerimi i BE-së” në Mynih u shpreh se ka ardhur koha të bëjnë një ndarje të qartë se proces i bazuar në meritë duhet të jetë për një gjë, të drejtën e votës në Këshillin Europian. Ai tha se bazuar në meritë nuk mund të nënkuptojë sjelljen e të gjitha vendeve në tregun e përbashkët.
Rama theksoi se Evropa duhet të ndryshojë. Ai shtoi se në një raport Mario Draghi tha se Evropa duhet të ndryshojë. Kryeministri tha se ka kaq shumë rregullore, kaq shumë bisedime dhe pak veprime. Sipas tij ideja është e një përfarimi më i shpejtë i vendeve të Ballkanit Perëndimor në BE.
"Mund të flasim gjithë ditën për procesin me meritë, por ka ardhur koha të bëjmë një ndarje të qartë, proces i bazuar në meritë duhet të jetë për një gjë, të drejtën e votës në Këshillin Europin, bazuar në meritë nuk mund të nënkuptojë sjelljen e të gjitha vendeve në tregun e përbashkët. Mendoj që kjo tashmë mund të përshpejtohet tërësish, mund të jetë diçka që lidhet shumë më tepër me sjelljen e asaj pjese të Europës që nuk është në BE shumë më pranë, në mënyra të ndryshme se si e mendon kontinentin.
Ajo çfarë është jashtë BE, nuk mund të jetë një hapësirë që mund ta marrë kushdo, por vetëm BE. Ballkani Perëndimor duket si tek Parku i Europës, një vend ku mund të ndodhin shumë gjëra shumë kanë ndodhur në Poloni, Sllovaki apo Republikën Çeke, që i ndihmuan këto vende të ecin me një shpejtësi mbresëlënëse. Duhet të ndryshojë Europa, nuk e them vetëm unë, e thotë Mario Draghi. Nxori një raport të fortë që Europa duhet të ndryshojë.
Ka shumë njerëz që ndihen sikur diçka ka shkuar shumë keq, është mundësi e jashtë për tu zgjua, për të nisur vrapin, për të marrë atë çfarë ka humbur gjatë këtyre viteve, me kaq shumë rregullore, kaq shumë bisedime dhe kaq pak veprim, Ideja është e një përfarimi më të shpejtë të vendeve të Ballkanit Perëndimor në BE”, tha Rama.
MYNIH- Kryeministri Edi Rama i pranishëm në panelin me temë “Zgjerimi i BE-së” në Mynih u shpreh se procesi i integrimit duhet të përshpejtohet. Rama u shpreh se kur nisi procesi ishte me flokë te zinj. Sipas tij BE BE duhet të ndajnë mendjen për atë ç’po ndodh.
Rama tha se BE ka ndryshuar sa i takon qëndrimit kundrejt Shqipërisë dhe sa i takon ritimit të përafrimit me Ballkanin Perëndimor. Ai shtoi se procesi po ndryshon shumë ngadalë dhe shumë pak. Ai gjithashtu tha se për këtë proces do të bënte dy seriale në Netfilx. Sipas tij njëri serial do të jetë për BE duke thënë se do ishte pacienti me 27 mjekë dhe jo 28 mjekë pasi Britania u largua. Ndërsa SHBA do ishte shfaqja me një sherif.
"Kur e nisa këtë proces isha me flokë të zeza. Për këtë proces Netflix mund të bëjë dy seriale, një për BE dhe njëri për SHBA. Ai për BE do ishte pacienti me 27 mjekë, ishin 28 por njëri u çmend dhe u largua. SHBA do ishte shfaqja me një sherif. Unë e shoh nga ajo pjesë jashtë BE. Është një shumë e mirë që ka ndodhur se Europa duhej të shkundej në një mënyrë të tillë që të humbte gjumin për ca kohë.
Për t’ju kthyer pyetjes suaj mendoj që BE duhet të ndajmë mendjen për atë ç’po ndodh sepse ka ndryshuar sa i takon qëndrimit kundrejt nesh dhe sa i takon ritimit të përafrimit me Ballkanin Perëndimor. Ndryshon shumë ngadalë dhe shumë pak. Mund të flasim gjithë ditën për procesin bazuar në meritë, duhet të jetë për të drejtën e votës në Këshillin Europian,” u shpreh Rama.
MYNIH- Komisionerja e Bashkimit Evropian për zgjerimin, Marta Kos në fjalën e saj nga panelin “Zgjerimi i BE-së” në Konferencën e Sigurisë në Mynih, u shpreh se Vetëm BE mund t’i sjellë vendet kandidate në Union, jo SHBA. Kos u shpreh se Von der Leyen ka bërë një deklaratë për përshpejtimin e vendeve në Europë.
Ajo theksoi se duhet sikur ka një përshpejtim për vendet si Ukraina që është në luftë, por Kos tha se po punojnë me Bosnje Hercegovinën, Serbinë dhe Kosovën që janë në proces. Kos tha se duhet të përshpejtojnë procesin për pjesën teknike si me rastin e Malit të Zi që duhet mbyllur procesi brenda 2026-2027.
"Sot kemi një situatë specifike, kemi forca të jashtme që duan të zgjerohen. Ja pse forcat e tjera duan të bëhen pjesë e Bashkimit Europian. Nëse shkojmë te rrënjët, pse BE u krijua? Për prioritet, paqe dhe siguria. Prandaj, ka një arsye pse vendet duan të bëhen pjesë e BE dhe jo pjesë e SHBA. Ka një pjesë të vendeve nga Veriu i Europës dhe duan të marrin pjesë.
Von der Leyen ka bërë një deklaratë për përshpejtimin e vendeve në Europë. Duket sikur ka një përshpejtim për vendet si Ukraina që është në luftë, pasi po punojmë tre më shumë, apo Bosnje Hercegovina, Serbia apo Kosova që janë në proces. Ne na duhet të përshpejtojmë procesin për pjesën teknike si me rastin e Malit të Zi që duhet mbyllur procesi brenda 2026-2027. Duhet të flasim me shtetet anëtare për atë çfarë mund të bëjmë," tha Kos.
