Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Shefja e re e diplomacisë së Bashkimit Evropian, Kaja Kallas, ka mirëpritur sot në Bruksel kryeministrin e Kosovës, Albin Kurti, dhe presidentin e Serbisë, Aleksandar Vuçiç. • Kallas gjithashtu ka zhvilluar takime të ndara me kreun e Kosovës dhe Serbisë me të cilët ka biseduar për dialogun për normalizimin e raporteve mes dy vendeve, për sulmin në Banjskë dhe shpërthimin në kanalin e Ibër-Lepencit në Zubin Potok. • Gjithashtu Kurti tha se në takim u diskutuan çështjet e progresit të Kosovës sa i përket integrimeve evropiane, por edhe raportet me fqinjin verior. • Po ashtu Kurti bën me dije se i ka kërkuar Kallas, që Serbia të dorëzojë terroristin Milan Radoiçiç tek autoritetet e Kosovës, si organizatorin e sulmit në Banjskë më 24 shtator të vitit të kaluar. • Ndërsa Vuçiç ka bërë me dije se me Kallas ka zhvilluar një bisedë të hapur dhe të vështirë. • Ai se Kallas foli për domosdoshmërinë e dialogut me Kosovën, zgjidhjen e rastit të Banjskës dhe vendosjen e sanksioneve ndaj Federatës Ruse. • Gjithashtu Vuçiç thotë se është përgjigjur në përputhje me politikën dhe interesat e Serbisë.
3 artikuj për këtë temë.
BRUKSEL- Presidenti i Serbisë, Aleksandër Vuçiç ka zbardhur bisedat që u zhvilluan në takimin e sotëm në Bruksel me shefen e re të diplomacisë së Bashkimit Evropian, Kaja Kallas.
Përmes një postimi në Instagram, Vuçiç ka bërë me dije se me Kallas ka zhvilluar një bisedë të “hapur dhe të vështirë”.
Vuçiç tha se Kallas foli për domosdoshmërinë e dialogut me Kosovën, “zgjidhjen e rastit të Banjskës dhe vendosjen e sanksioneve ndaj Federatës Ruse”. Ai thekson se është përgjigjur në përputhje më interesat e Serbisë.
“Unë u përgjigja në përputhje me politikën dhe interesat e Serbisë”, tha Vuçiç.
Nga ana tjetër, përmes një postimi në platformën X, Kallas tha se në takimet e ndara me Albin Kurtin dhe Alleksandar Vuçiç ka kërkuar që përgjegjësit e sulmit terrorist në “Ibër-Lepenc” të dalin para drejtësisë.
Takimet e shefes së re të diplomacisë së BE-së, Kaja Kallas me krerët e Kosovës dhe Serbisë, mbahen disa ditë pas një shpërthimi në një kanal të ujit në Zubin Potok të Kosovës.
Në lidhje me shpërthimin, Kosova ka deklaruar si fajtor kryesor Beogradin, por ky i fundit ka mohuar përfshirjen dhe ka thënë se do të hetojë këtë rast. Kallas, që nisi mandatin e saj pesëvjeçar më 1 dhjetor, do të ndërmjetësojë procesin e dialogut, që ka nisur më 2011.
BRUKSEL- Kryeministri i Kosovës, Albin Kurti ka zbardhur detaje nga takimi me shefen e re të diplomacisë së Bashkimit Evropian, Kaja Kallas.
Kurti tha se në takim u diskutuan çështjet e progresit të Kosovës sa i përket integrimeve evropiane, por edhe raportet me fqinjin verior.
Gjithashtu, Kurti bën me dije se i ka kërkuar Kallas, që Serbia të dorëzojë terroristin Milan Radoiçiç tek autoritetet e Kosovës, si organizatorin e sulmit në Banjskë më 24 shtator të vitit të kaluar.
Për herë të parë në cilësinë e shefes së politikës së jashtme të Bashkimit Evropian, Kaja Kallas, mirëpriti sot në Bruksel kryeministrin e Kosovës, Albin Kurti, dhe presidentin e Serbisë, Aleksandër Vuçiç.
“Në takim diskutuam çështjet e progresit të Kosovës sa i përket integrimeve evropiane, por edhe raportet me fqinjin tonë verior. Theksova se kemi pasur rritje ekonomike dhe progres demokratik të paparë në Kosovën e pavarur dhe njëkohësisht kemi menaxhuar sfidat më të rënda të sigurisë, kërcënimet më serioze të cilat rezultuan me vrasjen e rreshterit Afrim Bunjaku.
Kryekrimineli i bandës që kreu sulmin në Banjskë, mbahet i lirë dhe mbështetet nga Serbia. Ne kërkuam, si në çdo takim tjetër, dorëzimin e Radoiçiçit tek autoritetet e Kosovës pasi Prokuroria tani ka aktakuzë prej 160 faqësh dhe grupin e tij prej mbi 40 personave”, ka thënë Kurti.
KOSOVË- Kryeministri i Kosovës, Albin Kurti pritet të zhvillojë sot takimin e parë me shefen e re të diplomacisë evropiane, Kaja Kallas, që kur ajo ka marrë detyrën. Takimi do zhvillohet në margjinat e darkës së punës të cilën presidenti i ri i Këshillit Evropian Antonio Kosta do të zhvillojë sot me liderët e Ballkanit Perëndimor. Ditën e nesërme rreth orës 09:30, Kosta do të takojë edhe presidenten e Kosovës Vjosa Osmani.
Ndërkohë takimet e ndara të Kallas me Kurtin dhe Vuçiç u konfirmuan edhe nga zëdhënësja e BE-së për politikë të jashtme, Anita Hipper. Kjo e fundit në një konferencë për media ditën e djeshme iu është përgjigjur pyetjeve lidhur me sulmin në kanalin e Ibër-Lepencit më 29 dhjetor dhe për të ardhmen e dialogut Kosovë-Serbi.
Ajo përsëriti qëndrimin që BE-ja shprehu një ditë pas sulmit në Zubin Potok, duke e cilësuar sulmin si terrorist ndaj infrastrukturës kritike të Kosovës dhe ftoi të gjithë që të bashkëpunojnë me autoritetet e Kosovës për të zbuluar kryesit e sulmit dhe që ata të përballen me drejtësinë.
Lidhur me takimet që do të zhvillojë Kallas në Bruksel, Hipper ka sqaruar se ato nuk do të jenë në kuadër të dialogut. Kallas tani pasi ka marrë mandatin duhet të vendosë se si të vazhdohet me procesin e dialogut, i cili ka nisur më 2011.
Kurti dhe Vuçiç në Bruksel do të zhvillojnë edhe takime të ndara me presidentin e ri të Këshillit Evropian, Antonio Kosta. Më vonë ata do të marrin pjesë në një darkë joformale që Kosta do të organizojë me të gjithë udhëheqësit e rajonit të Ballkanit Perëndimor.
