Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Mijëra studentë shqiptarë u mblodhën pasditen e kësaj të hëne në qendër të Shkupit, duke kërkuar të drejtën e dhënies së provimit të Jurisprudencës në gjuhën shqipe. • Protesta nisi në orën 16:30 dhe për për rreth dy orë, 'Ura e Gurit' u 'pushtua' me pankarta të ndryshme në duar, ku shkruhej “Ligj në letër, diskriminim në praktikë”, “Gjykata politike e Maqedonisë së Veriut”, “Respekto Ligjin për Gjuhët”, “Gjykata destabilizuese”, “Politika ka korruptuar Gjykatën Kushtetuese“, “Përgjegjësi” dhe “Ligji për gjuhët është i qartë”. • Protestuesit kërkuan jo vetëm dorëheqjen e Ministrit të Drejtësisë, Igor Fillkov, i cili ka kundërshtuar kërkesën e studentëve për zhvillimin e provimit në gjuhën shqipe, por edhe të kryeministrit Hristjan Mickoski. • Thirrjet për dorëheqje u shtuan ndërsa protestuesit rrethuan godinën e Ministrisë së Drejtësisë. Protesta u shoqërua me masa sigurie, teksa forca të shtuara policie u raportuan pranë protestës. • Organizatorët e saj raportuan se tre studentë nga Tirana ishin arrestuar kur një autobuz me studentë nga Shqipëria ishte ndaluar dhe shoqëruar drejt Kumanovës. • Megjithatë, në protestë kishte shumë qytetarë shqiptarë nga shumë treva shqipfolëse, përfshirë Tetovën, Strugën dhe Kosovën. • Nga ana tjetër qeveria dhe partitë shqiptare në pushtet, intensifikuan përpjekjet para protestës për të ulur tensionet. • Izet Mexhitit dhe Bilall Kasamit, dy kryetarët e partisë VLEN patën një takim dy orë para protestës, me kryeministrin Mickoski. • Në një postim në rrjete sociale, partia VLEN e Izet Mexhitit dhe Bilall Kasamit premtoi se provimet e jurisprudencës do të mbahen në gjuhën shqipe. • Veç të tjerash, kanë deklaruar, se se po punohet për një zgjidhje konkrete dhe afatgjatë
10 artikuj për këtë temë.
SHKUP- Protesta e studentëve shqiptarë për gjuhën shqipe në Maqedoninë e Veriut është mbyllur. Ata falenderuan të gjithë studentët të cilët erdhën nga Tirana dhe Prishtina në mbështetje të tyre, ndërsa theksuan se i gjithë Shkupi u dridh sot nga tubimi i tyre paqësor.
“Mos zvarrisni e hapni plagë të reja për të harruar të vjetra. Ne jemi gati. Sot u dridh i gjithë Shkupi. Heshtja nuk është opsion, le ta dëgjojë çdo institucion”, shprehen ata.
Studentët shqiptarë në Maqedoninë e Veriut u mblodhën në sheshet dhe rrugët kryesore të Shkupit për të protestuar për gjuhën shqipe, ndërsa kërkuan që provimi i jurisprudencës të mundësohet edhe në gjuhën shqipe. Në thirrjet e tyre, ata kërkuan dorëheqjen e kryeministrit të vendit, Hristijan Mickoski dhe ministrit të Drejtësisë, Igor Filkov./Dosja.al
SHKUP- Tre studentë shqiptarë, të cilët merrnin pjesë në protestën për gjuhën shqipe janë arrestuar nga policia në Shkup. Oganizatori i protestës së studentëve në Maqedoninë e Veriut, Mevlan Ademi ka deklaruar se studentët e ardhur nga Tirana po dërgohen me dhunë në Kumanovë, ndërsa theksoi se protesta e studentëve shqiptarë në RMV është paqësore.
Ademi theksoi se protesta e studentëve po provokohet, ndërsa ftoi të gjithë protestuesit të ngrenë lart flamurin shqiptar.
“Herën e fundit u ankuan për flamurin shqiptar, ju lutem sot ta ngrini sa më lart flamurin shqiptar. Ne vijmë të protestojmë në mënyrë paqësore. Studentët shqiptarë nga Tirana po dërgohen me dhunë në Kumanovë, ndërkohë që protesta po mbahet në Shkup. Ne po dalim të protestojmë në mënyrë paqësore, por po provokohemi gjatë rrugës.
Polici, edhe ju duhet të na mbroni. Së bashku shqiptarë, bijtë e shqiponjës, në një kauzë të pandarë, përjetësisht jemi krenarë”, u shpreh organizatori Mevlan Ademi.
Studentët shqiptarë në Maqedoninë e Veriut janë mbledhur në sheshet dhe rrugët kryesore të Shkupit për të protestuar për gjuhën shqipe, ndërsa kanë kërkuar që provimi i jurisprudencës të mundësohet edhe në gjuhën shqipe./Dosja.al
SHKUP- Studentët shqiptarë në Shkup të Maqedonisë së Veriut po vijojnë të protestojnë për gjuhën shqipe. Tubimit i janë bashkuar edhe ata nga Kosova e Shqipëria, por këta të fundit janë ndaluar nga policia dhe janë kontrolluar një nga një. Në thirrjet e tyre, ata kërkojnë dorëheqjen e kryeministrit të vendit, Hristijan Mickoski dhe ministrit të Drejtësisë, Igor Filkov.
Me thirrje “Gjuha shqipe nuk negociohet”, “Gjuha shqipe amanet”, dhe “Fillkov dorëheqje”, studentët protestat i nisën nga Ura e Gurit duke marshuar drejt Ministrisë së Drejtësisë.
Me pankarta “Ligj në letër, diskriminim në praktikë”, “Gjykata politike e Maqedonisë së Veriut”, “Respekto Ligjin për Gjuhët”, “Gjykata destabilizuese”, “Politika ka korruptuar Gjykatën Kushtetuese“, “Përgjegjësi”, “Mos ma përktheni të ardhmen”, “Kjo gjuhë ka dëshmorë pas vetes” dhe “Ligji për gjuhët është i qartë”, studentët kërkojnë që institucionet të respektojnë ligjin e gjuhëve./Dosja.al
SHKUP- Tre studentë shqiptarë janë arrestuar në protestën e oragnizuar nga studentët shqiptarë në Maqedoninë e Veriut, e cila po zhvillohet këtë pasdite në Shkup. Studentët shqiptarë në Maqedonin e Veriut janë mbledhur në sheshet dhe rrugët kryesore të Shkupit për të protestuar për gjuhën shqipe, ndërsa kanë kërkuar që provimi i jurisprudencës të mundësohet edhe në gjuhën shqipe.
Në mbështetje të tyre, studentët nga Kosova dhe Shqipëria i janë bashkuar protestës së tyre. Ata kanë deklaruar se mbështetja e tyre do të jetë e vazhdueshme për studentët shqiptarë në RMV dhe janë bashkuar protestës së tyre për t'i ndihmuar ata të fitojnë të drejtat e tyre./Dosja.al
SHKUP- Studentët shqiptarë në Maqedoninë e Veriut janë mbledhur në sheshet dhe rrugët kryesore të Shkupit për të protestuar për gjuhën shqipe. Ata kanë kërkuar që provimi i jurisprudencës të mundësohet edhe në gjuhën shqipe. Studentët shqiptarë thonë se kjo është një e drejtë kushtetuese, ndërsa e cilësojnë edhe si një të drejtë për të garantuar barazinë qytetare.
Në mbështetje të tyre, studentët nga Kosova dhe Shqipëria janë nisur drejt Shkupit, për t'ju bashkuar protestës së tyre. Ata kanë deklaruar se mbështetja e tyre do të jetë e vazhdueshme për studentët shqiptarë në RMV dhe se janë bashkuar protestës së tyre për t'i ndihmuar ata të fitojnë të drejtat e tyre.
“Studentët në Maqedoninë e Veriut nuk janë vetëm ne jemi këtu për t’i ndihmuar. Ne jemi për të treguar se mbështetja jonë është e vazhdueshme dhe nuk do të ndalemi këtu”, thonë ata./Dosja.al
SHKUP- Studentët shqiptarë në Maqedoninë e Veriut po protestojnë ditën e sotme në Shkup, për gjuhën shqipe. Protestës së tyre i janë bashkuar edhe studentët nga Shqipëria dhe Kosova. Në shesh janë dëgjuar studentët teksa thërrasin “UÇK, UÇK, UÇK”.
Ata kanë kërkuar që provimi i jurisprudencës të mundësohet edhe në gjuhën shqipe. Studentët shqiptarë thonë se kjo është një e drejtë kushtetuese, ndërsa e cilësojnë edhe si një të drejtë për të garantuar barazinë qytetare./Dosja.al
MAQEDONIA E VERIUT- Studentët shqiptarë në Maqedoninë e Veriut kanë vendosur pankarta në Gjykatën Kushtetuese, jashtë ambienteve të insitucionit. Përmes protestës së tyre dhe mesazheve të shkruara në pankarta ata kërkojnë që provimet profesionale të zhvillohen në gjuhën shqipe.
Studentët shqiptarë thonë se kjo është një e drejtë kushtetuese, ndërsa e cilësojnë edhe si një të drejtë për të garantuar barazinë qytetare.
“Ligji për gjuhët është i qartë – përgjegjësi”, shkruhet në një njërën prej pankartave të studentëve./Dosja.al
SHKUP- Studentët shqiptarë në Maqedoninë e Veriut kanë nisur organizimin për protestën e thirrur për Gjuhë Shqipe. Ata kanë kërkuar që provimi i jurisprudencës të mundësohet edhe në gjuhën shqipe. Siç shihet edhe në pamje, në terren janë edhe forcat të shtuara policore.
“Ligji për gjuhët është i qartë – përgjegjësi”, shkruhet në një njërën prej pankartave të studentëve.
Ndërkohë, njëri nga organizatorët e protestës së studentëve shqiptarë në Maqedoninë e Veriut, Mevlan Ademi, ka reaguar ashpër përmes një postimi në Facebook, duke thënë se disa shqiptarë janë ndaluar në një pikë kufitare dhe duke kërkuar lirimin e menjëhershëm të tyre. Ademi paralajmëroi se nëse nuk ka reagim të shpejtë nga institucionet, organizatorët do të marshojnë drejt Ministrisë së Punëve të Brendshme.
“Lëshoni menjëherë vëllezërit tanë shqiptarë të ndaluar në pikën kufitare! Kërkojmë veprim të menjëhershëm dhe lejim të hyrjes së tyre pa vonesë. Nëse nuk ka ndërhyrje të shpejtë dhe zgjidhje urgjente, ne do të jemi të detyruar të marshojmë drejt Ministrisë së Punëve të Brendshme!”, ka shkruar Ademi./Dosja.al
MAQEDONIA E VERIUT- Kryeministri i Maqedonia e Veriut, Hristijan Mickoski, ka zhvilluar ditën e sotme një takim me bashkëkryetarët e koalicionit VLEN, Bilal Kasami dhe Izet Mexhiti. Bëhet me dije, se në fokus të takimit ishte çështja e përdorimit të gjuhëve gjatë zhvillimit të provimit të jurisprudencës.
Gjatë diskutimeve u theksua se vetëm përmes një qasjeje të përbashkët, të mençur dhe dinjitoze mund të arrihen zgjidhje që forcojnë besimin e ndërsjellë dhe kontribuojnë në përparimin e vendit.
Siç raportohet, ata ranë dakord se arsimi dhe dija janë baza e çdo shteti modern dhe funksional, ndërsa institucionet po punojnë për gjetjen e një zgjidhjeje që do të jetë në përputhje me Kushtetutën dhe Ligjin për Përdorimin e Gjuhëve. Sipas tyre, synimi është garantimi i sigurisë juridike dhe funksionalitetit institucional në lidhje me këtë çështje./Dosja.al
KOSOVË- Qendra Kombëtare për Menaxhim Kufitar e Kosovës, ka njoftuar se sistemi i regjistrimit të hyrje/daljeve në Republikën e Maqedonisë së Veriut ka rënë dhe me këtë rast Policia e RMV kanë ndalur qarkullimin, hyrje/daljet e personave, makinave dhe autobusëve. Sipas njoftimit, për momentin janë krijuar kolona të gjata për shkak të ndërprerjes së qarkullimit.
“Ju rekomandojmë që të shfrytëzoni PKK Stançiq-Bellanovc apo PKK Glloboqicë. Për çdo ndryshim do t’u njoftojmë me kohë”, thuhet në njoftim.
Duke filluar sot nga ora 16:30 në Shkup do të organizohet protestë nga studentët shqiptarë për garantimin e përdorimit të gjuhës shqipe./Dosja.al
