Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Finalizohet operacioni i Prokurorisë së Posaçme kundër Korrupsionit dhe Krimit të Organizuar. • Janë lëshuar 21 urdhër-arreste këtë të martë ndaj një grupi të strukturuar kriminal, i dyshuar për trafik droge. Por vetëm 20 janë ekzekutuar, ndërsa një person është shpallur në kërkim ndërkombëtar. • Dosja hetimore që çoi në finalizimin e operacionit të SPAK në bashkëpunim me autoritetet italiane, përkatësisht me prokurorinë e Firences dhe Eurojust. • Prokurori i çështjes, Vladimir Mara dha detaje nga operacioni në një konferencë për mediat. • Sipas tij, droga e llojeve të ndryshme vinte nga jashtë vendit: kanabisi nga Siria, heroina nga Turqia dhe kokaina nga vendet e Amerikës Latine. • Droga pasi vinte në Shqipëri, kishte për synim që të dërgohej në vendet e Bashkimit Europian. • Kryesori i grupi është Endrit Bakiu, ndërsa pjesa e tjetër kanë pasur rolin e transportuesit dhe shpërndarësit e lëndës narkotike.
6 artikuj për këtë temë.
TIRANË- Pjesëtarët e një grupi kriminal të shkatëruar tashmë në Shqipëri që merreshin me trafik të lëndëve narkotike nuk janë emra të panjohur për policinë. SPAK gjatë operacionit të sotëm “Coast to coast” ka arrestuar 20 persona, ndërkohë që 1 është shpallur në kërkim.
Por nga këta 20 persona, 7 prej tyre nuk e kanë herën e parë që arrestohen për trafik të lëndëve narkotike. Kjo pasi janë arrestuar gjatë viteve të fundit. Fillimisht është arrestuar në vitin 2021 në Durrës Endrit Bakiu, i cili u kap me me 77 pako kanabis me peshë 30.6 kg.
Ndërkohë që më pas kanë rënë në pranga dhe dy të tjerë me 15 kilogramë heroinë. Personat e arrestuar më 2 qershor të vitit 2021 janë Pirro Çapi dhe Shpëtim Pjeshka. Më tej në 3 gusht është arrestuar edhe Besnik Ruçi, i cili u kap në vijën e dytë të kontrollit në pikën doganore të Muriqanit me 14.7 kg kokainë.
Ndërkohë që në vitin 2020 është arrestuar Leonard Nergjoni, i cili tentoi që të kalonte 32 kg kanabis në Maqedoninë e Veriut. Tomi Hila është i arrestuari tjetër, i cili u kap në Korçë me 600 kg kanabis në vitin 2014. Ndërkohë që në fund është dhe Edmond Kabashi, i cili u arrestua në vitin 2015 në Greqi për transportimin e 240 kilogramë kanabis.
TIRANË- Ditën e sotme prokurori i Strukturës së Posaçme kundër Korrupsionit dhe Krimit të Organizuar, Vladimir Mara dha detaje rreth operacionit ku u godit një grup kriminal, që merrej me trafikun e drogës. Mes 20 personave të arrestuar për trafikun e lëndëve narkotike nga Siria drejt Shqipërisë dhe vendeve të BE-së, është edhe një efektiv i policisë kufitare në Shkodër.
Marash Gjoni, polic i kufirit në Shkodër, i cili dyshohet se është korruptuar nga anëtarët e grupit kriminal gjatë transportit të një sasie të lëndëve narkotike ka gjithashtu biseda telefonike me anëtarët e grupit kriminal. "OraNews" ka zbardhur edhe disa bisedat telefonike që anëtarët e grupit bënin me njëri-tjetrin për të mundësuar edhe kalimin e lëndës narkotike.
Dosja hetimore për këtë operacion përbëhet nga 105 faqe ku përfshihen dhjetëra biseda të transkriptuara mes anëtarëve të strukturuar të grupit kriminal.
TIRANË- SPAK ka publikuar pamjet e opeacionit të koduar ‘Coast to Coast’, në kuadër të të cilit u arrestuan 11 persona, mes tyre një efektiv policie i Policisë Kufitare të Shkodrës. Sipas Prokurorisë se Posaçme kundër Korrupsionit dhe Krimit të Organizuar, nëse droga e sekuestruar do të dilte në treg, ajo do të kapte vlerën e 2.7 milionë eurove.
Gjatë aksionit, janë dokumentuar edhe më pamje, bashkëbisedimi mes anëtarëve të bandës, të cilët nuk e kishin pikasur që ishin në "rrjetën" e Policisë dhe SPAK.
TIRANË- Prokurori i Strukturës së Posaçme kundër Korrupsionit dhe Krimit të Organizuar, Vladimir Mara ka dalë në një konferencë për shtyp lidhur me 21 urdhër arrestet e lëshuara ditën e sotme ndaj anëtarëve të një grupi kriminal që merreshin me trafikimin e lëndëve narkotike.
Gjatë konferencës për shtyp u bë me dije se në bashkëpunim me autoritetet italiane dhe Europol, SPAK ka dokumentuar veprimtarinë kriminale të grupit që merrej me trafik të lëndëve narkotike, nga Siria drejt Turqisë, Shqipërisë dhe më pas drejt vendeve të tjera të BE. Sipas Marës, janë vendosur gjithsej 21 masa të sigurimit personal, ndërsa 20 janë ekzekutuar, ndërsa një person është shpallur në kërkim ndërkombëtar. Gjithashtu bëri me dije se mes 20 personave të arrestuar për trafikun e lëndëve narkotike nga Siria drejt Shqipërisë dhe vendeve të BE-së, është edhe një efektiv i policisë. Bëhet fjalë për Marash Gjonin, polic i kufirit në Shkodër, i cili dyshohet se është korruptuar nga anëtarët e grupit kriminal gjatë transportit të një sasie të lëndëve narkotike.
"Janë vendosur 21 masa sigurie. Janë sekuestruar mjete luksoze, pajisje kompjuterike etj. Më e rëndësishmja është që të gjithë sekuestrimet e lëndëve narkotike janë kthyer në territorin e Shqipërisë. Kemi bërë edhe hetim pasuror për të gjithë anëtarët e grupit kriminal. Ka edhe persona që i është komunikuar edhe një masë e dytë sigurie sepse kanë qenë të prangosur. Hashashi ishte me origjinë nga Siria, heroina nga Turqia; ndërsa kokaina nga vendet e origjinës, me destinacion vendet e BE. Nuk kemi konstatuar episode kultivimi kanabisi në vendin tonë. Kush e ka drejtuar grupin? Organizatorët nuk janë kapur në momentin e parë, janë kapur pjesëtarët në flagrancë. Organizatorët kanë vijuar aktivitetin e tyre. Drogërat vinin me kamion që transportonin sende të ligjshme. Droga futej në vende të fshehura brenda në mjet që nuk kapeshin as nga skenari. Punonjësi i Policisë së Shtetit ishte pjesë e drejtorisë kufitare të Shkodrës, është korruptuar nga trafikantët. Hetimi është kryer me Prokurorinë e Firences. Roli i shqiptarëve ka qenë i transportuesëve, shpërndarësve dhe porositësve. Këta kanë qenë personat që kanë bërë porositjen dhe shpërndarjen në vendet e BE,"-tha prokurori i SPAK, Vladimir Mara.
TIRANË- Zbulohen detaje të reja nga operacioni i Prokurorisë së Posaçme kundër Korrupsionit dhe Krimit të Organizuar në bashkëpunim me autoritetet italiane ndaj një grupi të strukturuar kriminal. Gjithsej 24 urdhër arreste të lëshuara janë ekzekutuar 14 prej tyre.
Emrat:
Endrit Bakiu
Suko Pajo
Artur Sulaj
Arian Tola
Fadjon Çami
Viron Lekaj
Artan Agalliu
Shpëtim Pjeshka
Jani Çavo
Kudret Rustemaj
Besnik Ruçi
Pirro Çapi
Jani Meçja
Edmond Kabashi
Tomi Hila
Leonard Nergjoni
Artin Kurti
Astrit Miska
Ervis Çilo
Mirash Gjoni
Sonila Sula (arrest shtëpie)
TIRANË- Prokuroria e Posaçme kundër krimit dhe korrupsionit (SPAK) ka lëshuar 20 urdhër arreste për trafik narkotikesh në kuadër të grupit të strukturuar kriminal. Operacioni është zhvilluar në bashkëpunim me autoritetet italiane, në disa qytete si Tiranë, Durrës, Elbasan, Vlorë e Korçë.
Në lidhje me këtë në orën 13.30, pranë ambienteve të SPAK, do të mbahet konference per shtyp lidhur me Krimin e Organizuar, në bashkëpunim me autoritete të huaja./Dosja.al
