Blerina Bala zgjidhet kryebashkiake e komanduar në Himarë/ Banorët shkaktojnë tensione në mbledhje, një prej tyre pështyn Tavon
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 ME 15 vota pro,...
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 ME 15 vota pro,...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
•Maturatët anulojnë protestën që kishin organizuar në orën 10.00 para Ministrisë së Arsimit. •Shkak është teza e biologjisë që sipas tyre nuk ishte bazuar programi dhe se pyetjet ishin me kleçka. •Provimit të biologjisë iu nënshtruan 29.775 maturantë, ku 1144 prej tyre kanë ngelur. •Ndërkohë, vetëm 128 maturantë kanë arritur të marrin notën 10.00, duke rezultuar ekselentë. •Kalueshmëria për këtë provim është 96.16%, ndërsa nota mesatare është 7.52. •Mesa duket këto nota kanë kënaqur nxënësit, duke anuluar dhe tubimin. •Pas pretendimeve të nxënësve se provimi ka pasur probleme, ministrja Evis Kushi është përgjigjur. •Ajo u shpreh se tezën e kanë vlerësuar me një grup ekspertësh dhe mësuesish dhe kanë dalë në përfundimin se nuk ka gabime shkencore në hartimin e saj. •Në protestë në mbështetje të nxënësve do të jenë edhe figura nga Partia Demokrtike.
5 artikuj për këtë temë.
Fotoja e saj me emrin dhe mbiemrin e pozicionin është shpërndarë në rrjete sociale me thirrjet ‘Le ta vrasim’.
Maturantët që kishin zgjedhur biologjinë mes 11 programeve në listën e lëndëve me zgjedhje, inatin dhe pakënaqësitë për pyetjet që pretendojnë se janë jashtë programit, i kanë shprehur me mllef online.
Përveç ankesave për keqformulimin e ushtrimeve dhe paralajmërimin për protestë të hënën përpara Ministrisë së Arsimit për të kërkuar ripërsëritjen e provimit, të rinjtë virtualisht teksa zbulojnë të dhënat e mësueses që ka përgatitur provimin e biologjisë, e kërcënojnë atë me jetë.
Komentet bullizuese në rrjetet sociale si TikTok, Instagram dhe Facebook janë të shumta, si dhe shumë adoleshentë me fytyrë nuk ngurrojnë të ofendojnë hartuesit e provimeve.
Ministria e Arsimit u sinjalizua nga Top Channel për përmbajtjen e videos të publikuar në TikTok apo Instagram, por nuk mori asnjë reagim deri pasditen e së dielës.
Teksa, edhe vetë Ministrja e Arsimit, Evis Kushi është përballur në numrin e saj të telefonit me mesazhe fyerjeje ku fajësohet për dështim të hartimit të provimeve si dhe lejimit të kopjimit e mbajtjes së telefonave për nxënësit me mik.
Por i vetmi reagim i saj është në ditën e provimit, ku po virtualisht me një status në Facebook shkruante se i ka ndjekur me vëmendje shqetësimet e maturantëve e se po vlerësohej sërish cilësia e testit./Marre nga Top Channel
TIRANË- Maturantët kanë anuluar protestën që kishin paralajmëruar se do të mbahej ditën e sotme në orën 10 para Ministrisë së Arsimit. Protesta u njoftua se do të mbahej në orën 10:00. Edhe pse ka kaluar ora e paracaktuar për tubim, asnjë maturant nuk është parë për të protestuar para Ministrisë së Arsimit.
Para daljes së notave dhe vlerësimit sot, maturantët kërkuan që testi i lëndëve me zgjedhje të ripërsëritej, teksa pretendonin se kishte pyetje jashtë programit në biologji. Në lidhje me këtë sqaroi edhe ministrja e Arsimit, Evis Kushi teksa tha se pyetjet ishin hartuar siç duhej dhe se s'kishte asgjë gabim.
TIRANË- Ministrja e Arsimit, Evis Kushi deklaron se testi i biologjiksë nuk ka pasur asnjë gabim shkencor. Përmes një video mesazhi, ministrja u drejtohet maturantëve të cilët janë revoltuar për testin që kryen disa ditë më parë. Kushi shprehet se pyetjet u hartuan sipas niveleve të vështirësisë, për të diferencuar secilën notë, e për të mos penalizuar as nxënësit e shkëlqyer, por për të vlerësuar të gjithë sipas punës e meritës.
MESAZHI I EVIS KUSHIT:
Të dashur maturantë, Siç ju premtuam, menjëherë pas provimit të biologjisë u angazhuam maksimalisht me mësuesit dhe ekspertët më të mirë, për të vlerësuar testin dhe për të marrë të gjitha masat e nevojshme që secili prej jush të ketë vlerësim të drejtë, sipas nivelit të arritjeve. Ju konfirmoj që testi nuk ka asnjë gabim shkencor dhe pyetjet janë hartuar sipas niveleve të vështirësisë, për tëdiferencuar secilën notë, e për të mos penalizuar as nxënësit e shkëlqyer, por për të vlerësuar të gjithë sipas punës e meritës.
Nisur nga shqetësimet tuaja, kemi punuar ditë e natë me mësuesit vlerësues për të garantuar shpalljen e rezultateve, me cilësi të lartë dhe në kohë sa më të shpejtë.
Jam shumë e kënaqur që shumë prej jush kanë shkëlqyer, madje edhe përtej pritshmërive, duke vërtetuar që testi ka qenë një matës i mirë i përgatitjes së gjithsecilit. Tashmë rezultatet janë të publikuara në faqen zyrtare të Qendrës së Shërbimeve Arsimore dhe secili prej jush mund të gjejë vlerësimin e testit të tij. Sot gjatë ditës do të publikoj edhe disa teste të maturantëve që janë përgjigjur saktë dhe kanë marrë pikët maksimale. Ju uroj të gjithëve shumë suksese në vazhdimin e rrugëtimit tuaj drejt dijes!
Maturantët paralajmëruan protestë ditën e sotme për shkak të testit të Biologjisë, mirëpo kjo u anulua pak orë më pas. Mesa duket, rezultatet e provimit të Biologjisë, bënë që të rinjtë të reflektonin e të kuptonin se rezultatet e tyre nuk ishin dhe aq të këqija. Kalueshmëria për këtë provim është 96.16% ndërsa nota mesatare është 7.52.
TIRANË- Janë bërë publike rezultatet e provimeve të lëndëve me zgjedhje. Sipas rezultateve, provimin e lëndës me zgjedhje e kryen në total 29775 maturantë. 1144 maturantë ngelën duke marrë notën 4.00, ndërsa 128 maturantë kanë arritur të marrin notën 10.00, duke rezultuar ekselentë. Kalueshmëria për këtë provim është 96.16% ndërsa nota mesatare është 7.52.
Biologji
Mesatarja e provimit te biologjise: 7.74
Me note 10.00: 59
Me note 4.00 (ngeles): 125
Totali i maturantëve që kanë bërë biologjinë: 5975
Ekonomi
Mesatarja e provimit te biologjise: 8.29
Me note 10.00: 18
Me note 4.00 (ngeles): 112
Totali i maturantëve që kanë bërë ekonominë: 7321
Fizikë
Mesatarja e provimit te biologjise: 8.42
Me note 10.00: 44
Me note 4.00 (ngeles): 33
Totali i maturantëve që kanë bërë fizikën: 1361
Qytetari dhe Psikologji
Mesatarja e provimit te biologjise: 7.15
Me note 10.00: 1
Me note 4.00 (ngeles): 380
Totali i maturantëve që kanë bërë qytetarinë dhe psikologjinë: 9750
Filozofi dhe Sociologji
Mesatarja e provimit te biologjise: 7.13
Me note 10.00: 1
Me note 4.00 (ngeles): 40
Totali i maturantëve që kanë bërë filozofinë dhe sociologjinë: 291
Gjeografi
Mesatarja e provimit te biologjise: 6.52
Me note 10.00: 0
Me note 4.00 (ngeles): 77
Totali i maturantëve që kanë bërë gjeografinë: 523
Kimi
Mesatarja e provimit te biologjise: 8.57
Me note 10.00: 5
Me note 4.00 (ngeles): 2
Totali i maturantëve që kanë bërë kiminë: 160
Histori
Mesatarja e provimit te biologjise: 6.66
Me note 10.00: 0
Me note 4.00 (ngeles): 23
Totali i maturantëve që kanë bërë historinë: 233
Ministrja e Arsimit, Evis Kushi, përmes një mesazhi publik, sqaron se testi nuk kishte asnjë gabim shkencor e se pyetjet janë hartuar sipas niveleve të vështirësisë duke diferencuar secilën notë. Ajo shprehet e kënaqur me rezultatet e maturantëve duke thënë se rezultatet ishin përtej pritshmërive.
TIRANË- Maturantët do të ngrihen ditën e sotme në protestë. Në orën 10:00 ata kanë paralajmëruar se do të mblidhen përballë Ministrisë së Arsimit në Tiranë. Revolta e tyre, lidhet me hartimin e pyetjeve të tezës së provimeve.
'Ora 10:00 tek ministria e Arsimit. Hartimet e tezave skandaloze'- shkruhet në thirrjen e ndarë në rrjetet sociale.
Pak ditë më parë maturantët protestuan për tezën e Biologjisë, duke pretenduar se ajo që ra në provimin e Maturës Shtetëore nuk kishte lidhje me literaturën që ishin konsultuar.