Sot Dita e Rinisë/ Rama: Të rinjtë sot punojnë për një Shqipëri të transformuar! Ambasada amerikane: SHBA qëndron me rininë në rrugën drejt anëtarësimit në BE

Edi Rama

TIRANA- Kryeministri Edi Rama ka dhënë mesazhin e tij me rastin e 8 Dhjetorit, Ditës së Rinisë. Me anë të një postimi në rrjetet sociale, Rama thotë se të rinjtë sot punojnë nën traditën e prindërve, por me energjinë dhe me vizionin për të ardhmen. Rama shton se ata punojnë, ndërtojnë e frymëzojnë për një Shqipëri të transformuar në anekënd.

POSTIMI:

Respekt në këtë Ditë të Rinisë me mishërimin e qartë të forcës së shembullit të qindra e mijëra të rinjve të sotëm, që nën traditën e prindërve, por me energjinë dhe me vizionin për të ardhmen, punojnë, ndërtojnë e frymëzojnë për një Shqipëri të transformuar në anekënd.

Ilir Meta

TIRANA- Presidenti i Partisë së Lirisë, Ilir Meta ka dhënë një mesazh nga burgu lidhur ne 8 Dhjetorin, Ditë Kombëtare të Rinisë. Meta shprehet besimplotë se të rinjtë do të marrin në dorë fatet e tyre dhe të vendit. Në mesazhin e shpërndarë në rrjetet sociale, Meta thotë se pluralizmi politik, liria dhe demokracia janë nën agresionin e një regjimi të dhunshëm.

“Gëzuar 8 Dhjetorin, Ditën Kombëtare të Rinisë! Mirënjohje të veçantë ndaj Lidershipit Heroik të Azem Hajdarit, të gjithë djemve dhe vajzave, që 34 vite më parë, duke vrarë frikën i prinë me guxim, kurajë e patriotizëm Lëvizjes Studentore që e futi Shqipërinë në rrugën e Lirisë dhe të Demokracisë.

Unë besoj shumë në shpirtin energjik të të rinjve të Shqipërisë për të marrë në dorë fatet e tyre dhe të mbarë vendit, sot më shumë se kurrë, kur pluralizmi politik, liria dhe demokracia janë nën agresionin e një regjimi të dhunshëm. Kjo është rruga për të ndaluar shpopullimin dhe garantuar një Shqipëri që u përket të rinjve”, thuhet në mesazhin e Metës.

ambasada amerikane

TIRANË- Ambasada amerikane në Tiranë ka uruar sot Ditën e Rinisë. Në postimin e ambasadës thuhet se sot shënohen 34 vjet që kur studentët dhe të rinjtë shqiptarë u ngritën kundër një prej regjimeve më të ashpra komuniste të Europës, duke shënuar rënien e tij dhe duke formësuar të ardhmen e kombit.

Më tej thuhet se rinia e sotme vazhdon të formësojë të ardhmen e Shqipërisë dhe Shtetet e Bashkuara qëndrojnë me ta në rrugën drejt anëtarësimit në BE.

POSTIMI I PLOTË I AMBASADËS: 

Sot, Shqipëria feston Ditën Kombëtare të Rinisë, duke shënuar 34 vjet që kur studentët dhe të rinjtë shqiptarë u ngritën kundër një prej regjimeve më të ashpra komuniste të Europës, duke shënuar rënien e tij dhe duke formësuar të ardhmen e kombit. Më 8 dhjetor kujtojmë ata që luftuan për demokraci. Rinia e sotme vazhdon të formësojë të ardhmen e Shqipërisë dhe Shtetet e Bashkuara qëndrojnë me ju ndërsa ecni përpara në rrugën tuaj drejt anëtarësimit në BE.

tedi blushi

TIRANË- Sekretari i Përgjithshëm i Partisë së Lirisë, Tedi Blushi ka shpërndarë një video në rrjetet sociale ku të rinjtë e të rejat e LRI-së urojnë 8 dhjetorin, ditën kombëtare të Rinisë.

Blushi shkruan se sot më shumë se kurrë është koha për një angazhim historik të të rinjve dhe të rejave në mbrojtjen e Lirisë dhe Demokracisë.

POSTIMI I PLOTË: 

Gëzuar 8 Dhjetorin, Ditën Kombëtare të Rinisë, me këtë mesazh frymëzues të drejtuesve të mrekullueshëm të Lëvizjes Rinore për Integrim!

Më shumë se kurrë është koha për një angazhim historik të të rinjve dhe të rejave në mbrojtjen e Lirisë dhe Demokracisë. Mesazhet e të rinjve të LRI, në videon me rastin e 8 Dhjetorit:

"Sot, më 8 Dhjetor, ne, te rinjte e Levizjes Rinore per Integrim, ftojmë të gjithë të rinjtë të marrim në dorë fatet tona dhe të së ardhmes së vendit për një Shqipëri si gjithë Europa!"
---
1:
"8 Dhjetori eshte nje dite simbol e guximit rinor, e ndryshimit dhe e forces qe kane te rinjte per te ndikuar. Por sot, Shqiperia eshte larg endrrave te brezit tone sepse Rinia eshte detyruar te jete larg saj."
---
2:
"Rinisë i është vrarë shpresa, mundësitë dhe shanset e barabarta. Të braktisur, të pa mbështetur, me një sistem arsimor të degraduar, të papunë apo të keqpaguar, detyrohen te largohen nga vendi per nje jete me te mire."
---
3:
"Eshte koha që t'i themi ndal axhendes antikombetare te shpopullimit dhe te luftojme per qe shqiponjet te kthehen ne folene e tyre dhe te fluturojne lart, ku e meritojne endrrat e tyre"
---
4:
"Arsimi yne nuk na pergatit per tregun e punes. Ne kerkojme arsim cilesor, pune te mirepaguar dhe politika qe mbeshtesin rinine si forca e se ardhmes
---
5:
"Nuk mund te heshtim me! Te ngrihemi per te rrezuar ata qe vrane endrrat tona. Zeri yne meriton te degjohet dhe te respektohet!"
---
7:
"Kerkojme mundesi per te jetuar dhe punuar me dinjitet ne Shqiperine tone. Kjo eshte e drejta jone! Partia e Lirise eshte Partia e Rinise.

postimi i blushit

Dita e Rinisë kujton një nga ngjarjet më të rëndësishme të historisë së saj, kur 34 vite më parë nisi Lëvizja Studentore që solli demokracinë në vend dhe rrëzoi komunizmi

foto ilustruese

TIRANË- Dita e sotme shënon Ditën Kombëtare të Rinisë. 8 dhjetori kujton një nga ngjarjet më të rëndësishme të historisë së saj, kur 34 vite më parë nisi Lëvizja Studentore që solli demokracinë në vend dhe rrëzoi komunizmin.

Më 8 dhjetor 1990, një grup studentësh e pedagogësh të Universiteteve të Tiranës, u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë.

Lëvizja Studentore e vitit 1990 është e vetmja Lëvizje paqësore që ndryshoi historinë e Shqipërisë. Akti i tyre publik, sa qytetar aq edhe politik, i dha fund në mënyrë paqësore epokës të gjatë të vetëizolimit dhe të sundimit ideologjik, duke i hapur kështu rrugën e ekonomisë së tregut dhe shoqërisë së hapur.

Prej vitit 2009, me vendim të marrë nga Kuvendi i Shqipërisë, kjo datë përkujtohet si festë kombëtare në nderim të të gjithë studentëve të Dhjetorit 1990 dhe gjithë rinisë shqiptare.