Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Qytetarë dhe deputetë të opozitës janë mbledhur ditën e sotme para godinës së bashkisë së Tiranë për të vijuar me mosbindjen e tyre civile. • Qytetarët kërkojnë dorëheqjen e kryebashkiakut, Erjon Veliaj pas aferës së dosjes "5D". • Protestuesit kësaj herë nuk kanë hedhur vezë dhe molotov drejt godinës po kanë gjetur një ide të re. • Edhe nga pamjet nga vendngjarja duket protestuesit me kuti në duar teksa brenda ka sapunë. • Ata i kanë hedhur në drejtim të bashkisë ndërsa kanë vijuar me thirrjet e tyre. • Eksperti i ekonomisë në PD, Dorian Teliti ka mbajtur fjalën e tij në protestë ku tha se teksa opozita proteston, qeveritarët vazhdojnë e grabisin, tjetërsojnë prona private për interes të miqve të tyre, vazhdojnë të vjedhin buxhetin e shtetit siç kanë planifikur edhe për vitin e ardhshëm. • Gjithashtu në protestën ka mbajtur fjalën e tij edhe nënkryetari i Partisë së Lirisë, Tedi Blushi. • Ai tha se Shqipëria është sot në kushtet e emergjencës. • Ai akuzoi kryeministrin Edi Rama se po shpopullon vendin, për të ndërtuar një "narko-shtet". • Blushi ka theksuar se liderët opozitarë Sali Berisha e Ilir Meta u burgosën pa fakte e pa dëshmi. • Po ashtu fjalën e tij e ka mbajtur edhe koordinatori i rajonit të Tiranës në Partinë Demokratike, Klevis Balliu ndërsa u shpreh se jeta e qytetarëve në kryeqytet është bërë shumë e shtrenjtë. • Sipas tij taksat në Tiranë janë dyfishuar ndërsa thekosi se pushtetarët sot janë pushtetarë të shoqatës. • Edhe avokatja e Aleancës për Mbrojtjen e Teatrit Kombëtar, Adriana Kalaja ka marrë pjesë në protestë ndërsa u shpreh se ata për javë të tëra po bëjnë detyrën e tyre ndaj Shqipërisë. • Ajo theksoi se kryebashkiaku, Erjon Veliaj dhe kreyministri, Edi Rama duan të shpërbëjnë Shqipërinë pa i bezdisur askush. • Kalaja shtoi se fitorja e Donald Trump u tregoi se qëndruar pa u tërhequr në të drejtat dhe se duhet të përballen me krimin e të besosh në fitore që ta meritosh. • Ajo theksoi se këtë po bëjnë edhe ata që nga 19 maji.
5 artikuj për këtë temë.
TIRANË- Avokatja e Aleancës për Mbrojtjen e Teatrit Kombëtar, Adriana Kalaja ka marrë pjesë ditën e sotme në protestën e radhës para bashkisë së Tiranës. Gjatë fjalës së saj Kalaja është shprehur se ata për javë të tëra po bëjnë detyrën e tyre ndaj Shqipërisë. Ajo theksoi se kryebashkiaku, Erjon Veliaj dhe kreyministri, Edi Rama duan të shpërbëjnë Shqipërinë pa i bezdisur askush.
Kalaja shtoi se fitorja e Donald Trump u tregoi se qëndruar pa u tërhequr në të drejtat dhe se duhet të përballen me krimin e të besosh në fitore që ta meritosh. Ajo theksoi se këtë po bëjnë edhe ata që nga 19 maji. Kalaja më tej tha se ata kanë dëshirën dhe forcën për ta bërë realitet rrëzimin e qeverisë që po drejton Shqipërinë.
"Sot vijmë sërish këtu për javë të tjera dhe nuk bëjmë asgjë më shumë se detyrën tonë ndaj Tiranës, ndaj Shqipërisë, ndaj familjeve tona. Që ky bastard (Veliaj) dhe ai bastard që drejton Shqipërinë (Rama), donin ta shpërbënin. Donin të shpërbënin familjen, të shpërbënin Tiranën dhe Shqipërinë, pasi donin të drejtonin të qetë, pa i bezdisur askush.
Çfarë tregoi fitorja e Trump, se duhet të qëndrosh pa u tërhequr në të drejtën që ke. Se duhet të përballesh me mafien dhe krimin, se duhet ta besosh fitoren, që ta meritosh atë. Edhe ne këtë po bëjmë çdo ditë, që nga 19 maji kur këta bastardë shpallën “non grata” një burrë shteti si Sali Berisha. Shpallën “non grata” një burrë shteti që na anëtarësoi në NATO, një burrë shteti që hoqi vizat, një burrë shteti që ka parësore familjen, atdheun, kombin.
Kjo ishte ideologjia e Sorrosit dhe sot nuk fitoi vetëm Donald Trump, por fituam ne kundër anti vlerave. Këtë regjim bastardësh, mafiozësh, nuk e rrëzon Donald Trump, por duhet ta rrëzojmë ne. Dhe ne e kemi dëshirën dhe forcën për ta bërë realitet rrëzimin e kësaj qelbësire që po drejton Shqipërinë,” tha ajo.
TIRANË- Koordinatori i rajonit të Tiranës në Partinë Demokratike, Klevis Balliu ka marrë pjesë ditën e sotme në protestën e radhës para bashkisë së Tiranë. Gjatë fjalës së tij Balliu tha se jeta e qytetarëve në kryeqytet është bërë shumë e shtrenjtë.
Sipas tij taksat në Tiranë janë dyfishuar ndërsa thekosi se pushtetarët sot janë pushtetarë të shoqatës. Balliu i bëri thirrje qytetarëvë të punojnë dhe luftojnë së bashku për të fituar këtë betëjë.
"Taksat në Tiranë janë dyfishuar. Këta janë pushtetarë të shoqatës e jo të pushtetit. Kemi nevojë për zyrtarë të shtetit shqiptar e jo për zyrtarë që shesin Shqipërinë tek McGonigal. Të punojmë bashkë, të luftojmë bashkë dhe do fitojmë bashkë," tha Balliu.
Pjesë nga fjala e Balliut:
Për shumë kohë kemi dëgjuar një lumë akuzash se si ata të cilët protestojnë për liri për drejtësi, ish sigurimsa te shtetit i akuzonin si ati amerikanë. Ndërkohë që ne bënim po të njëjtën gjë që bëri populli amerikan, luftuam për të mbrojtur familjen nga ata të cilët e përdhosin atë institucion. Luftojmë për të mbrojtur vlerat dhe parimet që na karakterizojnë si popull. Dhe Erion Veliaj dhe Edi Rama janë kërcënuesit kryesorë të atyre parimeve. Ne qoftë se duam të dimë se çfarë është të jesh proamerikan është të luftosh dhe të votosh për parimet demokratike, njësoj siç bënë në Amerikë të bëjmë edhe ne këtu. Të mbështetësh mbi parime, mbi vlera dhe jo mi pagesa të Mgonigalëve të Edi Ramës.
Akuzat për kapjen e drejtësisë nga armiku i njerizimit Soros nuk i ka bërë vetëm PD por i ka bërë Trump në Amerikë. Për prokurorë të blerë në Amerikë nga Soros. Po pse atje është një fat këtu na e quani konspiracion. Pse këtu na quhet konspiracion kur ajo reformë është e financuar, e kontrolluar, e promovuar nga Soros. Ai është armiku jonë. Ai është armik i shtetit tonë. Është armik i demokracisë. Është armik i familjes. Është armik i traditës. Është armik i të drejtës.
TIRANË- Në protestën para bashkisë Tiranë ka mabjtur fjalën e tij edhe nënkryetari i Partisë së Lirisë, Tedi Blushi. Ai tha se Shqipëria është sot në kushtet e emergjencës.
Ai akuzoi kryeministrin Edi Rama se po shpopullon vendin, për të ndërtuar një "narko-shtet". Blushi ka theksuar se liderët opozitarë Sali Berisha e Ilir Meta u burgosën pa fakte e pa dëshmi.
“Veliaj është kthyer në simbolin më të urryer të korrupsionit dhe krimit të organizuar. Sot është ditëlindja e SPAK, dita më e zezë për kombin shqiptar. Sot është ditëlindja e Arben Krajës, Altin Dumanit, për të instaluar me dhunë diktaturën, që shërbejnë si vrasës me pagesë të opozitës. Faktet për korrupsionin e përditshëm të Ramës dhe Veliajt janë në dritë të diellit, janë këto kulla droge, që SPAK nuk i sheh, fakt është firma e Veliajt, që i hapi rrugë inceratorit të Tiranës, që Altin Dumani nuk i sheh, faktet janë rrugët e florinjta që gllabërojnë miliona euro. Meta e Berisha u burgosën pa fakte e pa dëshmi. Po asgjësohet opozita. Sot Shqipëria është në kushtet e emergjencës. Rama ka agjendë për shpopullimin e vendit, kemi ndërtuar një narko-shtet. T’ju thyejmë dhëmbët këtyre banditëve, që burgosin qytetarët e lirë, ata patriotë që luftojnë në mbrojtje të interesit kombëtar”, tha Blushi.
TIRANË- Qytetarë dhe deputetë të opozitës janë mbledhur edhe këtë të premte para godinës së bashkisë së Tiranë teksa vijojnë protestën e tyre disa mujore. Qytetarët në protestën e tyre kërkojnë dorëheqjen e kryebashkiakut, Erjon Veliaj pas aferës së dosjes "5D".
Protestuesit kësaj herë nuk kanë hedhur vezë dhe molotov drejt godinës po kanë gjetur një ide të re. Edhe nga pamjet nga vendngjarja duket protestuesit me kuti në duar teksa brenda ka sapunë. Ata i kanë hedhur në drejtim të bashkisë ndërsa kanë vijuar me thirrjet e tyre.
TIRANË - Para bashkisë së Tiranës po mbahet protesta e radhës e organizuar nga Aleanca për Mbrojtjen e Teatrit dhe Partia Demokratike.
Eksperti i ekonomisë në PD, Dorian Teliti ka mbajtur fjalën e tij në protestë ku tha se teksa opozita proteston, qeveritarët vazhdojnë e grabisin, tjetërsojnë prona private për interes të miqve të tyre, vazhdojnë të vjedhin buxhetin e shtetit siç kanë planifikur edhe për vitin e ardhshëm.
"Nuk u mjaftuarn që këtë vit vodhën 17 milionë euro për PPP e sterilizimit, e cila sot nuk është në hetim, por është në gjykim, vitin tjetër do vjedhin 19 milionë euro.", u shpreh Teliti ndër të tjera. Ai shtoi se mosbindja civile duhet të udhëheqë çdo protestë për t'i dhënë fund vjedhjeve nga qeveria.
FJALA E PLOTË E TELITIT:
Qëndrestarë me qytetari në shpirtin tuaj që kurrë nuk u dorëzuat para çdo presioni të pushtetit të veshur edhe me petkun e kapeleve policore.
Rezistenca jonë tashmë është bërë simbol në çdo bisedë familjare, qytetare, takime apo tryeza flitet për këtë qëndresë të qytetarëve të Shqipërisë deri në largimin e Veliaj, Ballukut e shefit të tyre politik, Edi Ramës.
Ndërkohë që ne protestojmë çdo ditë e javë në rrugë e Shqipërisë apo para bashkisë së Tiranës, fatkeqësisht në krye të punëve ato vazhdojnë e grabisin, tjetërsojnë prona private për interes të miqve të tyre, vazhdojnë të vjedhin buxhetin e shtetit siç kanë planifikur edhe për vitin e ardhshëm.
Nuk u mjaftuan me këtë vit, që grabitën e vodhën 12 milion euro me një incinerator që nuk ekziston, por vitin që vjen do vjedhin 13 milionë euro.
Nuk u mjaftuarn që këtë vit vodhën 17 milionë euro për PPP e sterilizimit, e cila sot nuk është në hetim, por është në gjykim, vitin tjetër do vjedhin 19 milionë euro.
Ndërkohë për 62 mijë familje me ndihmë ekonomike zero fonde shtesë, zero shtesë për familjet që në gjirin e tyre kanë persona me aftësi të kufizuar. Dhanë një lëmoshë edhe për pensionistët me një retorikë që tashmë duhet të marrë ndëshkimin e merituar.
Gjendja e mjerueshme po vazhdon ende, mësimi me dy turne në shkolla, mungesa e kopshteve e çerdheve këtu në Tranë, vazhdon të rëndohet gjithmonë e më shumë trafiku e ajri, vazhdon të dëmtohet biznesi siç kanë ardhur me mijëra gjoba ndaj tyre. Po vazhdon të rëndohet jetesa jonë, sepse këta nuk e kanë mendjen t’i shërbejnë Tiranës e Shqipërisë, por e kanë mendjen që tu shërbehet miqve të tyre, dhe bashkëpunëtorëve të tyre.
Kjo gjë duhet të shkojë drejt fundit, duhet të veprojmë me çdo mjet, mosbindja civile duhet të udhëheqë çdo protestë, sepse ndonëse ne flasim (me të drejtën e zotit e me fakte), ata që janë ende në krye të punës Rama-Veliaj-Balluku vazhdojnë të bëjnë kërdinë.
