Seancë plenare në Kuvendin e Kosovës/ Debate mes deputetëve të LDK-s dhe LVV-së! Kurti për takimin në Bruksel: Vetëm neni 10 i planit është problem

Albin Kurti

KOSOVË- Kryeministri i Kosovës Albin Kurti sot ka raportuar në Kuvend për dialogun Kosovë-Serbi. Ndër të tjerash, ai tregoi se çfarë u ka thënë pesë emisarëve për njohjen “de fakto” mes dy Gjermanive. Sipas Kurtit, Kosova është një komb me dy shtete me Shqipërinë dhe jo Serbinë.

”Unë u kam thënë pesë emisarëve, po e them shumë hapur, unë e kuptoj idenë e tyre, për njohjen ‘de facto’ midis dy Gjermanive. Por konteksti historik dhe raportet janë krejtësisht të tjera. Unë ua kam thënë në secilin takim atyre, se nëse janë duke menduar gjermano-gjermane Kosova me Serbinë, unë filloj të ndjehem menjëherë francez. Kjo ka qenë fjala ime, nëse ju besoni gjermano-gjermane Kosovë-Serbi, unë filloj të ndjehem francez, sepse dy shtete, një komb, jemi me Shqipërinë, jo me Serbinë. Por, formulimet që merren legalo-juridike dhe futen në këtë propozim, unë i trajtoj të dekonteksualizuara historikisht edhe ata nuk ia kanë vënë titullin mbi bazën e modelit të dy Gjermanive sepse ka edhe gjëra të ndryshme siç dihet”, tha ai.

Kryeministri i Kosovës, Albin Kurti dhe presidenti i Serbisë, Aleksandër Vuçiç, u takuan më 27 shkurt në Bruksel, me ndërmjetësimin e shefit të politikës së jashtme të Bashkimit Evropian, Josep Borrell dhe të dërguarit të BE-së për dialogun Kosovë-Serbi, Mirosllav Lajçak. Në përfundim të takimit nuk u arrit asnjë marrëveshje dhe bisedimet për çështjen u shtynë më 18 Mars në Maqedoninë e Veriut. Paraprakisht, dy udhëheqësit u takuan veç e veç me zyrtarët evropianë. Kurti dhe Vuçiç takuan edhe të dërguarin e SHBA-së për Ballkanin Perëndimor, Gabriel Escobar, përpara takimit të përbashkët. Blloku evropian e konsideron takimin e sotëm mes tyre  të gjashtin me radhë si më të rëndësishmin. Propozimi, i cili u është dorëzuar atyre që në fund të verës, përkrahet edhe nga Shtetet e Bashkuara. Propozimi evropian nuk e përmend në mënyrë specifike Asociacionin, por përfshin zotimin e të dyja palëve për t’i zbatuar të gjitha marrëveshjet e arritura në kuadër të dialogut për normalizimin e marrëdhënieve, e ku bën pjesë edhe ajo për Asociacionin.

Lumir Abdixhiku dhe Albin Kurti

KOSOVË- Kryetari i Lidhjes Demokratike të Kosovës, Lumir Abdixhiku ka deklaruar se insistimi i mazhorancws pwr tw ndaluar fjalwn e LDK-sw wshtw pwr tw ardhur keq. Nga foltorja e Kuvendit Abdixhiku tha se frika e mazhorancës nga fjala është dëshmi e të vërtetës së LDK-së.

“Frika e mazhorancës nga fjala jonë është dëshmi e të vërtetës tonë, dhe mungesë e guximit politik e intelektual te përfaqësuesit e shumicës për ta trajtuar në mënyrë të pavarur e guximshme një temë jetike si dialogu. Kjo frikë nga kjo qasje dëshmon mungesën e plotë jo vetëm të unitetit tonë në dialog, por edhe vullnetit të mazhorancës për ta ndërtuar këtë unitet”, ka thënë Abdixhiku.

Ai ka shtuar se kjo nuk është hera e parë që qeveria ulet përballë me Vuçiçin, duke thënë se kryeministri Kurti gjithmonë në mendje ka pasur luftën e brendshme politike në Kosovë.

“Sikur ta kishte në mendje përballjen me Vuçiçin e jo luftën e brendshme politike në Kosovë, ndoshta do ta kuptonte më mirë marrëveshjen që e ka pranuar më 27 shkurt. Ajo çfarë po sjell ky kryeministër është pranimi i Asociacionit përkundër kundërshtimit disavjeçar që ka bërë”, tha Abdixhiku.

Ai kërkoi nga Kurti të tregoj se çfarë ka përfshirë në marrëveshjen e dakorduar në Bruksel. 

“Meqenëse na thotë se është i zoti në dialog të na tregoj se çfarë ka përfshirë në këtë marrëveshje nga platforma e tij”, u shpreh Abdixhiku.

Albin Kurti

KOSOVË- Kryeministri Albin Kurti ka dhënë detaje lidhur me takimin e 27 shkurtit në Bruksel me presidentin serb Aleksandër Vuçiç dhe dy zyrtarët e BE-së Josep Borrell dhe Miroslav Lajçak. Ai tregoi se me këtë datë ka zhvilluar dy lloje të takimeve, fillimisht atë bilateral me ndërmjetësuesit e Bashkimit Evropian, Josep Borrell dhe Miroslav Lajçak dhe pastaj atë trilateral ku i pranishëm ka qenë edhe presidenti serb, Aleksandër Vuçiç. Në takimin e fundit Kurti tha se BE-së i ka ofruar nënshkrimin zyrtar të marrëveshjes me Serbinë, por sipas tij ishte Vuçiç që e refuzoi i pari. 

“Qëndrimi i përfaqësuesit Borrell është që ky dokument nuk do të diskutohet më. Ka një format të finalizuar dhe prandaj është publikuar në faqen zyrtare të BE-së. Refuzimi për ta nënshkruar këtë marrëveshje nga ana e Serbisë tregon se ata nuk janë darkord me përmbajtjen. Presidenti Vuçiç po refuzon ta pranojë marrëveshjen si kuadër i detyrimeve ndërkombëtare të obligueshme për palët. Arsyet e refuzimit të tij nuk meritojnë komentim nga ana ime”, u shpreh kreu i ekzekutivit kosovar.

Ai gjithashtu tha se marrëveshja bazë mes Kosovës dhe Serbisë përbën hap të rëndësishëm në rregullimin e marrëdhënieve të jashtme ndërkombëtare ndërmjet dy shteteve të pavarura. Sipas tij, ajo bazohet në parimin e barazisë së sovranëve, respektin për integritetin territorial, heqjen dorë nga pengesat për anëtarësim të Kosovës në organizata ndërkombëtare, njohjen e simboleve shtetërore, pasaportave etj. Poashtu Kurti tha se i vetmi nen ku ka një problem në këtë marrëveshje është ai që lidhet me obligimet e trashëguara e për të cilat ka një konsensus ndërkombëtar që ato duhen zbatuar.

“Është neni 10 i marrëveshjes, fjalia e fundit. Përmban normën që të gjitha marrëveshjet e Brukselit duhen zbatuar. Këtë duhet ta kuptoni si një detyrim ndaj tërësisë dhe paqartësisë që e shoqëron në tërësi e jo si diçka të veçantë ndaj një elementi të një marrëveshje, natyrisht e kam fjalën për marrëveshjen Thaçi-Daçiq të 19 prillit 2013 e të ratifikuar në këtë Kuvend e të zgjeruar me marrëveshjen Mustafa-Vuçiq më 25 gusht 2015 mbi Asociacionin. Pra, marrëveshja bazë nuk i veçon elementet, por i vendos ato në një normë të tipit kategori”, u shpreh mes tjerash kryeministri.

Takimi në Bruksel 27 shkurt

Kryeministri i Kosovës, Albin Kurti dhe presidenti i Serbisë, Aleksandër Vuçiç, u takuan më 27 shkurt në Bruksel, me ndërmjetësimin e shefit të politikës së jashtme të Bashkimit Evropian, Josep Borrell dhe të dërguarit të BE-së për dialogun Kosovë-Serbi, Mirosllav Lajçak. Në përfundim të takimit nuk u arrit asnjë marrëveshje dhe bisedimet për çështjen u shtynë më 18 Mars në Maqedoninë e Veriut. Paraprakisht, dy udhëheqësit u takuan veç e veç me zyrtarët evropianë. Kurti dhe Vuçiç takuan edhe të dërguarin e SHBA-së për Ballkanin Perëndimor, Gabriel Escobar, përpara takimit të përbashkët. Blloku evropian e konsideron takimin e sotëm mes tyre  të gjashtin me radhë si më të rëndësishmin. Propozimi, i cili u është dorëzuar atyre që në fund të verës, përkrahet edhe nga Shtetet e Bashkuara. Propozimi evropian nuk e përmend në mënyrë specifike Asociacionin, por përfshin zotimin e të dyja palëve për t’i zbatuar të gjitha marrëveshjet e arritura në kuadër të dialogut për normalizimin e marrëdhënieve, e ku bën pjesë edhe ajo për Asociacionin.

Mblidhet Kuvendi i Kosovës

KOSOVË- Deputetët e pranishëm në seancën e sotme plenare të Kuvendit të Kosovës kanë votuar pro mocionit të Lidhjes Demokratike të Kosovës për raportimin e kryeministrit Albin Kurti lidhur me dialogun Kosovë-Serbi dhe dakordimin për planin evropian, nga takimi i 27 shkurtit në Bruksel. Kryeministri Albin Kurti do të flasë para deputetëve në Kuvend lidhur me këtë çështje në orën 13:00  dhe do të ndajë detaje të tjera nga takimi në Bruksel.

Pro mocionit votuan edhe deputetët e mazhorancës, pasi morën konfirmim nga kryeministri se mund të flasë nga ora 13:00 deri në orën 16:00. “Ashtu siç deklaruam që në fillim, kryeministri është i gatshëm të jetë në seancë, të debatojë me deputetët. Disponueshmëria e tij kohore është nga ora 13:00 deri në 16:00, kur mund të debatojmë bashkërisht rreth kësaj çështje”, ka thënë shefja e Grupit Parlamentar të Lëvizjes Vetëvendosje, Mimoza Kusari-Lila.

Kryeministri i Kosovës, Albin Kurti dhe presidenti i Serbisë, Aleksandër Vuçiç, u takuan më 27 shkurt në Bruksel, me ndërmjetësimin e shefit të politikës së jashtme të Bashkimit Evropian, Josep Borrell dhe të dërguarit të BE-së për dialogun Kosovë-Serbi, Mirosllav Lajçak. Në përfundim të takimit nuk u arrit asnjë marrëveshje dhe bisedimet për çështjen u shtynë më 18 Mars në Maqedoninë e Veriut. Paraprakisht, dy udhëheqësit u takuan veç e veç me zyrtarët evropianë. Kurti dhe Vuçiç takuan edhe të dërguarin e SHBA-së për Ballkanin Perëndimor, Gabriel Escobar, përpara takimit të përbashkët. Blloku evropian e konsideron takimin e sotëm mes tyre  të gjashtin me radhë si më të rëndësishmin. Propozimi, i cili u është dorëzuar atyre që në fund të verës, përkrahet edhe nga Shtetet e Bashkuara. Propozimi evropian nuk e përmend në mënyrë specifike Asociacionin, por përfshin zotimin e të dyja palëve për t’i zbatuar të gjitha marrëveshjet e arritura në kuadër të dialogut për normalizimin e marrëdhënieve, e ku bën pjesë edhe ajo për Asociacionin.

Mimoza Kusari-Lila

KOSOVË- Është shoqëruar me debate seanca e sotme në Kuvendin e Kosovës. Shefja e Grupit Parlamentar të Lëvizjes Vetëvendosje, Mimoza Kusari-Lila i është përgjigjur, kryetarit të Lidhjes Demokratike të Kosovës, Lumir Abdixhiku i cili kërkoi që si pikë e parë e rendit të ditës në seancën e Kuvendit të enjten të hyjë raportimi i kryeministrit Albin Kurti për marrëveshjen e arritur në Bruksel më 27 shkurt 2023. Kusari-Lila tha se nga Abdixhiku s’kanë dëgjuar të bëjë analizë kooperative të marrëveshjeve të nënshkruara nga subjekti i tij në vitin 2015 dhe 2020. Ndërsa e ka konsideruar si të pavend fjalimin e tij në nisje të seancës, ajo ka kërkuar se këto deklarata Adixhiku duhet t'i bëjë në selinë e LDK-së. 

“Fjalimin patetik të z. Abdixhiku para deputetëve të Kuvendit ia rekomandoj ta bëjë në selinë e Lidhjes Demokratike të Kosovës. Kjo për arsye se z. Abdixhiku jo që filloi të diskutojë për rëndësinë e mocionit, por filloi të bëjë analizë të marrëveshjes, gjë që nuk e kishim dëgjuar të bëjë analizë kooperative të marrëveshjeve të nënshkruara nga subjekti i tij në vitin 2015 dhe pastaj në 2020-tën dhe dëmet apo regresin në procesin e dialogut”, ka thënë shefja e deputetëve të LVV-së.

Sipas saj, Abdixhiku para se të ngrejë alarmin për një marrëveshje të dakorduar në parim, nga e njëjta foltore ka dal dhe ka akuzuar kryeministrin Kurtin për izolim të Kosovës, për mos bashkërendim të veprimeve dhe vendimeve me aleatët ndërkombëtarë, gjë që sipas saj asnjëra nuk po ndodh. 

Mimoza Kusari-Lila

KOSOVË- Është shoqëruar me debate nisja e seancës së sotme plenare në Kuvendin e Kosovës. Mediat kosovare raportojnë se teksa kryetari i Lidhjes Demokratike të Kosovës ishte duke folur nga foltorja në të cilën kërkonte që kryeministrti Albin Kurti të jepte më tepër detaje mbi dakordërsinë që ai dha lidhur me marrëveshjen e propozuar nga BE për normalizmin e marrëdhënieve mes dy vendeve, deputetja nga radhët e Lëvizjes Vetëvendosje (LVV), Mimoza Kusari-Lila dhe deputeti i LDK-së, Arben Gashi zhvilluan një debat nga karrigia. 

Siç shihet edhe në foto, Gashi i tregon librin e Kushtetutës së Republikës së Kosovës deputetes së LVV-së, Mimoza Kusari-Lilës. Ndërkaq, Lidhja Demokratike e Kosovës ka kërkuar që në seancën e sotme të Kuvendit të Kosovës, si pikë e parë e rendit të ditës të hyjë raportimi i kryeministrit Albin Kurti për marrëveshjen e arritur në Bruksel më 27 shkurt 2023. Propozimin e mocionit procedural e bëri kryetari i LDK-së, Lumir Abdixhiku.

Memli Krasniqi

KOSOVËS- Kryetari i Partisë Demokratike të Kosovës, Memli Krasniqi ka marrë fjalën në Kuvendin e sotëm të Kosovës ku siç duket qendra e diskutimeve nga foltorja do të jetë pranimi i marrëveshjes së propozuar nga BE në takimin e 27 shkurtit në Bruksel. Krasniqi ka kritikuar vendimin e kryeministrit Kurti për t'u prajtuar me këtë marrëveshje, duke thënë se nga qëllimi shtetëror për marrëveshje finale me njohje në qendër, procesi i degradua në marrëveshje të përkohshme me Asociacion në qendër. Krasniqi para deputetëve të Kuvendit të Kosovës tha se është dita e katërt që është pranuar marrëveshja dhe tërë këto ditë po flitet për pasojat e marrëveshjes në mungesë të qartësimit.

“Një politikan i përgjegjshëm pa e ftuar hiq do t’i ishte drejtuar qytetarëve për marrëveshjen…por kryeministri i Kosovës nuk është këtu as sot… Sinqerisht nuk e kuptoj se çfarë pune më të rëndësishme ka se me ardh në Kuvend e me ju drejtu qytetarëve….”, tha ai, raporton Telegrafi.

I pari i PDK-së, deputeti i Kuvendit të Kosovës tha se po flasin për një marrëveshje që sipas tij preambula specifikon neutralitetin ndaj statusit, ku neni 10 thekson se pa njohjen e ndërsjellë e pranon Asociacionin, neni 7 jep mundësi krijimin e një sistemi autonomist për serbët e Kosovës, e që sipas tij të mos flitet për nenin 11, për aneksin që hap shumë pikëpyetje. Sipas tij, një marrëveshje e tillë nuk mund të hyjë në fuqi pa ratifikim në Kuvend.

Kuvendi i Kosovës

KOSOVË- Seanca e sotme plenare në Kuvendin e Kosovës ka nisur me fjalën e partisë Lidhja Demokratike e Kosovës, e cila k akërkuar si pikë të rendit të ditës të hyjë raportimi i kryeministrti Albin Kurti për marrëveshjen e arritur në Bruksel më 27 shkurt 2023. Propozimin e mocionit procedural e bëri kryetari i LDK-së, Lumir Abdixhiku. 

“Propozoj mocion procedural që si pik e parë e rendit të ditës të ndodh raportimi i kryeministrit  pas procesit dialogues konfrom rezolutave paraprake të nxjerra në Kuvend”, tha Abdixhiku.

Nga foltorja e Kuvendit, kryetari i LDK-së, tha se kjo marrëveshje është e dëmshme.

“Këtë javë më 27 shkurt në takimin e nivelit të lartë mes Kosovës dhe Serbisë me ndërmjetësimin e BE-së është arritur dakordim për një marrëveshje drejt normalizimit të marrëdhënieve. Marrëveshja e pa prezantuar në Kuvendin e Kosovës por e dakorduar në Bruksel u prezantua po në natën e 27 shkurtit. Kjo marrëveshje kishte 11 nene, një parathënie dhe një aneks të pa bërë publik që palët janë zotuar ta respektojnë sipas nenit 11 të marrëveshjes. U vërtetuan brengat tona të ngritura. Nuk ishte finale e as nuk përmbante njohjen e ndërsjellë në qendër të saj…”, tha Abdixhiku.

Ai shtoi se ajo  që merr vëmendjen në këtë marrëveshje ishte parathënia e saj që sipas tij është mbajtur fshehtë nga kryeministri në raportimin e fundit të bërë në këtë Kuvend.

“Parathënien e gjen në dy formulime skandaloze të rënda dhe me dëme historike për Kosovën. E para ka të bëjë me tejkalimin e trashëgimisë së të kaluarës, dhe i dyti ka të bëjë me pajtimin e  palëve mbi çështjen e statutit. Në vend të ballafaqimit të Serbisë me të kaluarën kryeministri dakordohet për tejkalim të trashëgimisë”, tha Abdixhiku.

Kryeministri i Kosovës, Albin Kurti dhe presidenti i Serbisë, Aleksandër Vuçiç, u takuan më 27 shkurt në Bruksel, me ndërmjetësimin e shefit të politikës së jashtme të Bashkimit Evropian, Josep Borrell dhe të dërguarit të BE-së për dialogun Kosovë-Serbi, Mirosllav Lajçak. Në përfundim të takimit nuk u arrit asnjë marrëveshje dhe bisedimet për çështjen u shtynë më 18 Mars në Maqedoninë e Veriut. Paraprakisht, dy udhëheqësit u takuan veç e veç me zyrtarët evropianë. Kurti dhe Vuçiç takuan edhe të dërguarin e SHBA-së për Ballkanin Perëndimor, Gabriel Escobar, përpara takimit të përbashkët. Blloku evropian e konsideron takimin e sotëm mes tyre  të gjashtin me radhë si më të rëndësishmin. Propozimi, i cili u është dorëzuar atyre që në fund të verës, përkrahet edhe nga Shtetet e Bashkuara. Propozimi evropian nuk e përmend në mënyrë specifike Asociacionin, por përfshin zotimin e të dyja palëve për t’i zbatuar të gjitha marrëveshjet e arritura në kuadër të dialogut për normalizimin e marrëdhënieve, e ku bën pjesë edhe ajo për Asociacionin.