Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Kuvendi i Kosovës do të mbajë dy seanca plenare gjatë kësaj jave. •Në seancën e sotme u shqyrtuan pikat e mbetura pezull nga seanca e kaluar ku pati përplasje të dhunshme mes maxhorancës dhe opozitës. •Në fillim të kësaj seance u votuan gjashtë amendamente të Projektligjit për trajtimin e ndërtimeve pa leje. •Amendamentet kaluan me 65 vota për, asnjë kundër dhe asnjë abstenim. •Pas kësaj u hodh në votim në lexim të dytë i Projektligjit nr.08/L-184 për ndryshimin dhe plotësimin e Ligjit nr. 06/L-024 për trajtimin e ndërtimeve pa leje. •Projektligji u miratua me 64 vota pro, asnjë kundër dhe asnjë abstenim. •Kuvendi ka miratuar gjithashtu projektligjin për sekamt pensionale, me 76 veta pro asnjë kundër dhe asnjë abstenim. Në mungesë të kuorumit, Kuvendi i Kosovës nuk arriti që në seancën e sotme të miratojë në lexim të parë Projektligjin për ndryshimin dhe plotësimin e Ligjit për zyrtarët publikë, i ndryshuar dhe plotësuar me Ligjin nr.08/L-128. •Në votim morën pjesë vetëm 59 deputetë dhe dy të tjerë që ishin të pranishëm. Ndërsa opozita e mbështeti këtë projektligj, kritik dhe kundër ishin deputetët opozitarë nga LDK-së dhe AAk-së. •Ashtu siç u paralajmërua nga seanca e kaluar, opozita bojkotoi sot votimin e disa projektligjeve. PDK është larguar nga salla.
6 artikuj për këtë temë.
KOSOVË- Në mungesë të kuorumit, Kuvendi i Kosovës nuk arriti që në seancën e sotme ta miratojë në lexim të parë Projektligjin për ndryshimin dhe plotësimin e Ligjit për zyrtarët publikë. Kryetari i Kuvendit të Kosovës, Glauk Konjufca, ka konstatuar se s’ka kuorum meqë në votim kanë marrë pjesë vetëm 59 deputetë.
“Vetëm 59 deputetë morën pjesë në votim. Dy deputet s’morën pjesë. Kështu që s’ka kuorum”, ka deklaruar Konjufca pas votimit.
Gjithashtu, përveç që nuk ka pasur kuorum, vetë Konjufca ka abstenuar. Kryetari i Kuvendit ka thënë se Ligji i njejtë mund të vendoset për votim në një seancë tjetër kurdo që mund të organizohet.
Derisa mazhoranca e mbështeti këtë projektligj, kritik dhe kundër ishin deputetët opozitarë nga Lidhja Demokratike e Kosovës dhe ata të Aleancës për Ardhmërinë e Kosovës. Deputetët e opozitës këtë projektligj e cilësuan si tentim për kapjen e administratës shtetërore.
KOSOVË- Asociacioni i Gazetarëve të Kosovës (AGK), e ka kundërshtuar vendimin e Kuvendit të Kosovës për vendosjen e një shiriti kufizues në hapësirën prej nga raportojnë mediat gjatë një seance parlamentare më 27 korrik.
Në hapësirën lart prej nga mediat raportojnë, sipas AGK-së, është vendosur një shirit që ua pamundëson mediave të marrin pamjen e plotë të sallës së Kuvendit dhe të deputetëve. Kjo ndodhi gjatë një seance plenare ku u miratua në lexim të parë projektligji për ndryshimin dhe plotësimin e ligjit për skemat pensionale të financuara nga shteti.
"AGK-ja e kundërshton fuqishëm këtë vendim, që ka për tentim vështirësimin e raportimit profesional dhe të plotë nga Kuvendi. Ky vendim gjithashtu nuk i kontribuon transparencës për punën e të zgjedhurve të popullit”, thuhet në një reagim të AGK-së.
Gazetarët, kameramanët dhe fotoreporterët që raportojnë nga Kuvendi i Kosovës, janë ankuar se në seancën e së enjtes janë ballafaquar me “kufizim të dukshëm” të kryerjes së detyrave nga hapësira e Kuvendit të Kosovës.
AGK-ja i ka bërë thirrje kryesisë së Kuvendit të marrë masa për ta lehtësuar punën e gazetarëve “pasi raportimi i tyre nga Kuvendi është në interes të publikut”. Si pasojë e këtij vendimi, gazetarët në fund të seancës së sotme janë larguar nga punimet e Kuvendit.
Marrë nga REL
KOSOVË- Projektligji për skemat pensionale ka kaluar në Kuvendin e Kosovës. Sipas mediave të Kosovës, 76 deputetët e pranishëm në sallë votuan pro, asnjë votë kundër dhe asnjë abstenim.
Të pranishëm në votim ishin edhe deputetët e LDK-së të cilët edhe dhanë votën pro për këtë projektligj. Kryetari i Kuvendit, Glauk Konjufca, kërkoi që ky projektligj të shqyrtohet e pastaj të sillet sërish në Kuvend sipas afateve.
Paraprakisht, ministri i Financave, Punës dhe Transfereve, Hekuran Murati u shpreh sot se projektligji për ndryshimin dhe plotësimin e Ligjit për Skemat pensionale të financuara nga shteti njëherë e përgjithmonë e rregullon çështjen e skemës pensionale. Sipas tij, projektligji në fjalë heq padrejtësinë, me të cilët janë ballafaquar punëtorët që në vitet e 90’ta që janë larguar nga punë në mënyrë të dhunshme.
KOSOVË- Deputetët e Grupit Parlamentar të Partisë Demokratike të Kosovës (PDK) kanë bojkotuar seancën e sotme parlamentare. Ata janë larguar nga salla, gjatë kohës që ishte duke u votuar për dy anëtarë të bordit të RTK-së.
Shefi i Grupit Parlamentar të PDK-së, Abelard Tahiri ditë më parë kishte thënë se nuk do të marrin pjesë në asnjë votim. Mazhoranca ka kuorumin e nevojshëm për të kaluar pikat e rendit të ditës.
Kuvendi ka votuar Projektligjin për trajtimin e ndërtimeve pa leje. Në seancën e sotme do të hidhet në votim edhe propozim-rezuluta për punën dyvjeçare të Qeverisë së Kosovë.
KOSOVË- Në seancën e sotme në Kuvendin e Kosovës po diskutohen pikat e mbetura nga seancat e kaluara. Në fillim të kësaj seance janë votuar gjashtë amendamente të Projektligjit për trajtimin e ndërtimeve pa leje.
Amendamentet kaluan me 65 vota për, asnjë kundër dhe asnjë abstenim. Pas kësaj është hedhur në votim në lexim të dytë i Projektligjit nr.08/L-184 për ndryshimin dhe plotësimin e Ligjit nr. 06/L-024 për trajtimin e ndërtimeve pa leje.
Edhe Projektligji u miratua me 64 vota për, asnjë kundër dhe asnjë abstenim. Në votim përveç deputetëve të LVV-së, morën pjesë edhe disa nga deputetët e LDK-së. Në votim nuk morën pjesë fare deputetët e PDK-së dhe AAK-së.
KOSOVË- Partia Demokratike e Kosovës do të marr pjesë në seancën e sotme të Kuvendit të Kosovës. Shefi i Grupit Parlamentar të PDK-së, Abelard Tahiri ka thënë se do jenë të pranishëm në seancën e sotme, por nuk do të marrin pjesë në votimin e ligjeve dhe marrëveshjeve ndërkombëtare.
“Patjetër se do të marrim pjesë. Ne seancat nuk I bojkotojmë. Ne nuk do të marrim pjesë në votimin e ligjeve dhe marrëveshjeve ndërkombëtare që I sjell qeveria. Ne nuk I bojkotojmë asnjëherë seancat plenare”, tha ai.
Ne seancën e fundit të Kuvendit të Kosovës më 13 korrik të këtij viti pati përplasje fizike në mes të deputetëve dhe të ministrave. Ndërsa kryeministri Kurti ishte duke folur në foltoren e Kuvendit ka shpërthyer dhuna.
Në fjalën e tij, Kurti ishte duke folur për policinë në Veri dhe për Milan Radojiçiç. Përleshja nisi kur deputetja e PDK-së Ganimete Musliu vendosi karikaturë të Kurtit si 'pinoku'. Më pas zëvendëskryeministri Besnik Bislimi e hoqi fotografinë, gjë që çoi në reagimin e deputetit të PDK-së Mërgim Lushtaku, i cili i gjuajti me ujë kryeministrin Kurti. Më pas zëvendësi i tij Bislimi e gjuajti me shishe Lushtakun. Këtu reagoi ministri Hekuran Murati, i cili mori edhe disa goditje gjatë përleshjes.
