Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Reshjet e dëborës dhe të shiut kanë nisur gjatë natës në zonat veriore dhe juglindore të vendit. • Mësohet se, në disa segmente, si Libonik–Rëmbec–Plasë dhe Korçë–Voskopojë, pas reshjeve të shiut kanë nisur reshjet e borës. • Ndërsa, në aksin Maliq–Kufi Gramsh, reshjet e shiut gjatë natës kanë sjellë dalje të dy përrenjve me inerte në rrugë. • Gjithashtu, reshje bore janë regjistruar edhe në aksin Ersekë–Tre Urat, por pa ndikuar në qarkullim. • Në akset Korçë–Ersekë, Zemblak–Goricë dhe Bilisht–Miras, reshjet janë me intensitet të ulët dhe mesatar. • Ndërkohë, Autoriteti Rrugor Shqiptar me anë të një njoftimi, ka renditur të gjitha zonat me prani të reshjeve të dëborës, ku e bllokuar mbetet vetëm Qafë Thora për shkak të rënies së ortekëve. • Gjithashtu ARRSH bën me dije se veç këtij aksi, qarkullimi vijon normalisht në segmentet e tjera rrugore. • Në terren vijon puna për pastrimin e rrugëve dhe shpërndarjen e kripës.
4 artikuj për këtë temë.
SHKODËR- Korporata Elektroenergjike Shqiptare (KESH), ka nisur shkarkime të kontrolluara nga hidrocentralet në kaskadën e Drinit, Hidrocentrali i Fierzës, Hidrocentrali i Komanit dhe Hidrocentrali i Vau i Dejës. Prefektura e Qarkut Shkodër ka informuar mbi situatën aktuale të motit dhe prurjeve në territor, ku që prej pasdites së djeshme është konstatuar rritje e niveleve të lumenjve Drin dhe Bunë, si edhe e Liqenit të Shkodrës.
Ndërkohë, aksi rrugor që lidh fshatin Obot me rrugën kryesore, është evidentuar prezencë uji kryesisht në tokat bujqësore, në nivelin 40–50 cm, duke vështirësuar qarkullimin e mjeteve të vogla. Në terren ndodhen 2 mjete të kalueshmërisë së lartë dhe 10 efektivë nga Forcat e Armatosura të Shqipërisë, të cilët janë në gatishmëri të plotë për çdo nevojë emergjente.
Në aksin Bogë-Theth, reshjet intensive të borës vijojnë të ndikojnë qarkullimin, ndërsa Qafa e Thorës mbetet e bllokuar në zonën e tuneleve për shkak të orteqeve. Në aksin Hani i Hotit- Vermosh raportohen reshje të dendura dëbore mbi kuotën 1000 metra, ku qarkullimi lejohet vetëm me goma dimërore dhe me asistencë të mjeteve borëpastruese./Dosja.al
TIRANË- Reshjet e dëborës kanë nisur gjatë natës në zonat veriore dhe juglindore të vendit. Autoriteti Rrugor Shqiptar me anë të një njoftimi, ka renditur të gjitha zonat me prani të reshjeve të dëborës, ku e bllokuar mbetet vetëm Qafë Thora për shkak të rënies së ortekëve. Gjithashtu ARRSH bën me dije se veç këtij aksi, qarkullimi vijon normalisht në segmentet e tjera rrugore. Ndërkohë, në terren vijon puna për pastrimin e rrugëve dhe shpërndarjen e kripës.
Njoftimi i ARRSH:
Gjatë natës ka pasur reshje shiu me intensitet mesatar dhe në orët e para të mëngjesit ka filluar dëbora në zonën veriore në lartësi mbi 800m, si dhe në juglindje të vendit.
Reshje dëbore ka pasur në: Bajram Curri–Valbonë, Ura e Bujanit–Qafë Morinë, Fierzë–Bajram Curri, Kukës–Krumë, Kukës–Shishtavec, Hani i Hotit-Vermosh, Bogë-Theth, Qukës-Qafë Plloçë, Korçë-Voskopojë, Korçë-Ersekë, Ersekë-Tre Urat.
Përveç zonës së Qafë Thorës, e cila vijon të jetë e bllokuar prej rënies së vazhdueshme të ortekëve, të gjitha akset janë të hapura dhe qarkullimi vijon normalisht.
Kontraktorët me mjete dhe punëtorë janë në terren po punojnë me pastrimin e akseve rrugore dhe shpërndarjen e kripës për të evituar ngricat.
Drejtuesit e mjeteve të kenë kujdes të shtuar gjatë drejtimit të mjetit, të pajisen me goma dimërore dhe zinxhir kur udhëtojnë drejt akseve rrugore me prezencë dëbore./Dosja.al
BURREL- Reshjet e dendura të shiut gjatë natës kanë shkaktuar rrëshqitje masive gurësh dhe inertesh në aksin nacional Burrel–Skuraj, duke u përqendruar kryesisht në sektorin C dhe zonën e Shkopetit. Kjo situatë ka krijuar rrezik të lartë për drejtuesit e mjeteve që udhëtojnë nga qarku i Dibrës dhe Maqedonia e Veriut drejt bregdetit dhe veriut të vendit.
Përveç bllokimit të rrugës, segmenti mbetet tejet problematik për shkak të mungesës së sinjalistikës dhe mbrojtëseve anësore, gjë që shton rrezikun e rënies së mjeteve në liqenin e Shkopetit. Mësohet ekipet e mirëmbajtjes “Abazi shpk”, janë angazhuar në terren për pastrimin e rrugës dhe normalizimin e qarkullimit në të gjithë segmentin deri në Milot. Autoritetet u bëjnë thirrje drejtuesve të mjeteve të tregojnë kujdes maksimal dhe të ulin shpejtësinë gjatë kalimit në këtë aks./Dosja.al
KORÇË- Moti i keq ka shkaktuar problematika në disa akse rrugore. Mësohet se, në disa segmente, si Libonik–Rëmbec–Plasë dhe Korçë–Voskopojë, pas reshjeve të shiut kanë nisur reshjet e borës. Ndërsa, në aksin Maliq–Kufi Gramsh, reshjet e shiut gjatë natës kanë sjellë dalje të dy përrenjve me inerte në rrugë.
Gjithashtu, reshje bore janë regjistruar edhe në aksin Ersekë–Tre Urat, por pa ndikuar në qarkullim. Në akset Korçë–Ersekë, Zemblak–Goricë dhe Bilisht–Miras, reshjet janë me intensitet të ulët dhe mesatar. Grupet e mirëmbajtjes po vijojnë punën për pastrim dhe kriposje, pa raportime për vështirësi në lëvizje. Në segmentin k/Boboshticë–Dardhë (Lapidari i Podgories) po operojnë dy mjete borëpastruese për të garantuar kalueshmërinë. Qarkullimi rekomandohet vetëm me goma dimërore.
Situata sipas bashkive:
Bashkia Korçë – Nuk raportohen problematika.
Bashkia Pustec – Gjatë natës ka pasur reshje shiu me intensitet të lartë, ndërsa në orët e mëngjesit intensiteti ka rënë. Nuk raportohen probleme.
Bashkia Kolonjë – Ka pasur reshje dëbore. Nga komunikimi me strukturat vendore nuk raportohen problematika.
Bashkia Maliq – Nuk raportohen problematika deri në këto momente.
Bashkia Pogradec – Përveç reshjeve të pakta të dëborës në zonën e tuneleve, nuk raportohen probleme. Niveli i lumenjve paraqitet në prurje normale, pa rrezik për përmbytje.
Bashkia Devoll – Nuk raportohen problematika deri në këto momente.
Situata në akset rrugore
Sipas raportimit të Autoritetit Rrugor Shqiptar – Drejtoria Qendër-Lindje:
Aksi Libonik–Rëmbec–Plasë dhe Korçë–Voskopojë ka pasur reshje shiu, ndërsa nga km 14 reshje dëbore (rreth orës 06:00). Rruga po pastrohet dhe kriposet. Qarkullimi vijon normal me goma dimërore.
Aksi Maliq–Kufi Gramsh – Gjatë natës reshje shiu me intensitet. Dy përrenj kanë dalë në rrugë duke sjellë inerte. Ka nisur edhe reshja e dëborës, pa krijuar probleme për momentin. Po punohet për pastrim.
Aksi Ersekë–Tre Urat: kanë nisur reshjet e dëborës, pa probleme në qarkullim.
Akset Korçë–Ersekë, Zemblak–Goricë, Bilisht–Miras: Reshje dëbore me intensitet të ulët dhe mesatar. Nuk raportohen probleme. Po vijon pastrimi dhe kriposja.
Segmenti k/Boboshticë–Dardhë, k/Lapidari Podgorie – Në segmentin e Dardhës ka reshje dëbore. Po punohet me dy mjete borëpastruese për pastrim dhe kriposje. Qarkullimi kryhet me goma dimërore.
Furnizimi me energji elektrike
Sipas raportimit të OSHEE – Dispeçeria Rajonale Korçë:
Fideri Cervenak, NST “Guri i Kuq” – Raportohet defekt. Rezultojnë pa energji elektrike 12 abonentë. Grupet e punës ndodhen në terren për evidentimin dhe riparimin e defektit. Strukturat e Mbrojtjes Civile dhe institucionet përgjegjëse vijojnë monitorimin në terren dhe janë në gatishmëri të plotë për përballimin e çdo situate të mundshme. Për çdo përditësim të mëtejshëm, do t’ju mbajmë të informuar./Dosja.al
