Operacioni antiterror në Pukë/ Vetëdorëzohen dy të armatosurit pas 6 orësh, sfiduan RENEA-n me britma “Allahu Ekber”! Dyshohet se kanë qenë më parë në Siri (EMRAT)

pamje nga vendngjarja

OROSH- Detaje të reja janë zbardhur nga ngjarja në Orosh, ku u vetëdorëzuan Julian Çumaraku dhe Arben Uka, dy personat e armatosur që prej mëngjesit. Bëhet me dije se Arben Uka, i njohur si Hamza Uka, njëri prej të armatosurve që iu dorëzuan policisë mbrëmjen e sotme rezulton të jetë i plagosur.

Por, ende nuk është e qartë se si është plagosur pasi policia dhe RENEA nuk kanë shtënë drejt banesës ku po fshiheshin prej muajsh Hamaza Uka dhe Julian Cumraku. Policia e ka nisur aksionin që në orët e para të ditës në fshatin Orosh, që i përket njësisë administrative Qafë Mali, ku uniformat blu kanë rrethuar një banesë të braktisur prej vitesh.

Më pas, Policia e Pukës ka kërkuar mbështetjen e forcave speciale RENEA, pasi brenda banesës ndodhen Juljan Cumrraku dhe Arben Uka, i njohur si Hamza Uka./Dosja.al

pamje nga vendngjarja

OROSH- Julian Çumaraku dhe Arben Uka, dy personat e armatosur që prej mëngjesit që qëndruan të izoluar në një banesë të braktisur në fshatin Orosh të Fushë-Arrëzit, janë vetëdorëzuar pas disa orësh negociatash. Fillimisht, forcat e rendit tentuan kontaktin përmes vëllait dhe më pas motrës së njërit prej të rrethuarve, duke arritur t’i bindin që të dalin paqësisht nga objekti ku ishin strehuar.

Arben Uka dhe Julian Çumraku thuhet se kanë qenë më parë në Siri dhe i përkasin organizatave terroriste. Arben Uka i njohur edhe si Hamza Uka sipas informacionëve ka qenë edhe Komando në Ushtrinë shqiptare.

Policia e ka nisur aksionin që në orët e para të ditës në fshatin Orosh, që i përket njësisë administrative Qafë Mali, ku uniformat blu kanë rrethuar një banesë të braktisur prej vitesh. Më pas, Policia e Pukës ka kërkuar mbështetjen e forcave speciale RENEA, pasi brenda banesës ndodhen Juljan Cumrraku dhe Arben Uka, i njohur si Hamza Uka./Dosja.al

pamje nga vendngjarja

OROSH- Vijon prej shumë orësh rrethimi i banesës së braktisur në Orosh, ku po fshihen dy persona të kërkuar, të cilët janë të armatosur rëndë. Bëhet me dije se pas vëllait, policia ka dërguar për negociatat motrën e njërit prej të izoluarve, pasi ata refuzojnë të dorëzohen.

Julian Cumraku dhe Arben Uka kanë refuzuar të dorëzohen në polici dhe kanë kërcënuar se do të qëllojnë me armë zjarri. Madje njëri prej tyre, 24-vjeçari Julian Cumraku bëri thirrje “Allahu Ekber””. Njëri nga dy të armatosurit që ndodhet brenda banesës dyshohet se është nip i tij, i identifikuari si Julian Cumraku, 24 vjec.

Ndërkohë, banesa e rrethuar nga Policia është në pronësi të Mhill Jakut. Policia e ka nisur aksionin që në orët e para të ditës në fshatin Orosh, që i përket njësisë administrative Qafë Mali, ku uniformat blu kanë rrethuar një banesë të braktisur prej vitesh.

Më pas, Policia e Pukës ka kërkuar mbështetjen e forcave speciale RENEA, pasi brenda banesës ndodhen Juljan Cumrraku dhe Arben Uka, i njohur si Hamza Uka. Të dy ketë persona dyshohet se kanë qenë më herët në Siri, dhe dyshohet si pjesë e grupeve terroriste./Dosja.al

pamje nga vendngjarja

OROSH- Prej më shumë se pesë orësh vijon rrethimi i banesës së braktisur në Orosh, ku po fshihen dy persona të kërkuar, të cilët janë të armatosur rëndë. Bëhet me dije se policia ka marrë vëllanë e një prej tyre, Julian Cumrakut, për t’i bërë thirrje dhe për ta bindur atë të dorëzohet.

Brenda në banesë ndodhen dy persona të kërkua, Juljan Cumrraku dhe Arben Uka, i njohur si Hamza Uka. Të dy ketë persona dyshohet se kanë qenë më herët në Siri, dhe dyshohet si pjesë e grupeve terroriste./Dosja.al

pamje nga vendngjarja

OROSH- RENEA dhe Policia kanë identifikuar edhe personin e dytë, i cili ndodhet i armatosur në banesën e braktisur në fshatin Orosh të Fushë Arrëzit. Ai është Arben Uka, person i cili ka qenë më parë në ndjekje nga antiterrori.

Uka ndodhet së bashku me 24-vjeçarin Julian Cumraku. Ky i fundit, nuk ka pranuar të dorëzohet dhe i ka bërë thirrje policisë dhe forcave RENEA se do të qëllojë në rast se ata nuk largohen. Gjithashtu sipas informacioneve paraprake të dy personat kanë qenë më parë në Siri. Po ashtu 24-vjeçari i izoluar në banesë bën thirrje “Allahu Ekber”.

Prej mëngjesit të sotëm, plicia ka nisur aksionin në fshatin Orosh, pjesë e njësisë administrative Qafë Mali në bashkinë Fushë-Arrëz, ku është rrethuar banesa e braktisur prej kohësh. Policia e Pukës ka kërkuar edhe mbështetjen e forcave speciale RENEA, pasi brenda banesës ndodhen dy personat e armatosur dhe me rrezikshmëri të lartë./Dosja.al

pamje nga vendngjarja

OROSH- Janë publikuar pamjet nga banesa në Orosh, e cila është rrethuar prej orëve të paradites nga policia e Pukës dhe Forcat RENEA, pasi dyshohet se në të janë fshehur dy persona me rrezikshmëri të lartë.

Brenda në banesë dyshohet se ndodhen dy persona të kërkuar, ku një prej tyre është identifikuar si Juljan Cumrraku.24-vjeçari dyshohet se është i lidhur me grupe terroriste.

Ndërsa personi tjetër ende nuk është identifikuar. Gjithashtu ende nuk është bërë ndërhyrja për arrestimin e dy personave./Dosja.al

foto ilustruese

FUSHË-ARRËZ- Një nga personat e armatosur që gjendet brenda banesës në fshatin Orosh të Fushë Arrëzit është identifikuar. Bëhet me dije se 24-vjeçari Julian Cumraku, ka kërcënuar se do qëllojë me armë. Siç raportohet, i riu i cili është izoluar në banesë bën thirrje “Allahu Ekber”.

Policia prej mëngjesit të sotëm ka nisur aksionin në fshatin Orosh, pjesë e njësisë administrative Qafë Mali në bashkinë Fushë-Arrëz, ku është rrethuar një banesë e braktisur prej kohësh.

Më pas, Policia e Pukës ka kërkuar mbështetjen e forcave speciale RENEA, pasi dyshohet se brenda banesës ndodhen 2 persona të armatosur dhe me rrezikshmëri të lartë. Për shkak të largësisë së zonës dhe mungesës së valëve telefonike, informacionet mbeten të kufizuara, ndërsa forcat e rendit po vijojnë kontrollet me kujdes të shtuar./Dosja.al

Foto ilustruese

SHKODRA- Forca të shumta të RENEA-s kanë mbërritur në fshatin Orosh në Pukë, pas urdhrit për të ndihmuar policinë e Shkodrës në një operacion të koduar që ka nisur që prej mëngjesit. Policia ka rrethuar një banesë të pabanuar, ku dyshohet se janë fshehur dy persona të armatosur, të cilët sipas burimeve qëndrojnë aty prej më shumë se një muaji.

Banesa në fjalë rezulton në pronësi të Mehill Jakut, ndërsa njëri nga të dyshuarit është nipi i tij.

Deri më tani identiteti i plotë i të dyshuarve nuk është bërë i ditur, ndërsa autoritetet kanë kryer disa thirrje publike për dorëzim. Megjithatë, nuk ka pasur asnjë reagim nga objektivat. Forcat e RENEA-s vazhdojnë të qëndrojnë në vendngjarje.

Foto ilustruese

PUKA- Dy persona të armatosur janë  futur dhe po qëndrojnë në një shtëpi të pabanuar në fshatin Orosh. Policia lokale po vepron në vendngjarje, ndërsa RENEA është nisur menjëherë nga Tirana drejt Pukës për të ofruar mbështetje.

Sakaq mësohet se personat e armatosur janë fshehur prej dy muajsh dhe nuk i janë bindur urdhrit të policisë për dorëzim.

RENEA

PUKË- Një aksion i policisë është ndërmarrë ditën e sotme në Pukë. Kjo për shkak se dyshohet se një person i shpallur në kërkim është lokalizuar në një banesë. 

Mësohet se personi i shumëkërkuar është subjekt i antiterrorit, por emri i tij ende nuk dihet se cili është. Për shkak të rrezikshmërisë së lartë, nga Tirana drejt Pukës janë nisur forcat RENEA.

Po ashtu janë nisur dhe forcat e anti-terrorit nga Shkodra. Pritet që Policia të dalë më një njoftim zyrtar për ngjarjen./Dosja.al