Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Ambasadori i Bashkimit Europian, Luigi Soreca i ka dorëzuar sot zëvendëskryeministres Belinda Balluku progres raportin e vitit 2023 për Shqipërinë të Komisionit Europian. • Soreca tha se kjo paketë e Raportit të Komisionit Europian bazohet në dy zhvillime shumë të rëndësishme politike, si zgjerimi në agjendën politike të BE dhe konvergjenca ekonomike. • Gjatë fjalës së tij në konferencën e prezantimit të Progres Raportit të KE për Shqipërinë, Soreca vlerësoi edhe punën e SPAK. • Gjithashtu ai tha se autoritetet e drejtësisë do të kenë mbështetjen e Bashkimit Europian. •Ambasadori foli edhe për marrëveshjen mes Shqipërisë dhe Italisë, ku tha se mes vendeve anëtare të BE dhe vendeve jo anëtare, mund të ketë një marrëveshje që i përmbahen legjislacionit europian. •Zëvendëskryeminstrja, Belinda Balluku tha se progres raporti i KE për Shqipërinë, tregon ecurinë e mirë të reformave të ndërmarra. •Balluku foli edhe për marrëveshjen e firmosur me Italinë për emigrantët, ku u shpreh se do të kalojë në parlament dhe nuk është në fazën përfundimtare.
5 artikuj për këtë temë.
TIRANË- Ambasadori i BE në Shqipëri, Luigi Soreca në konferenën e dorëzimit të progres raportit të KE për Shqipërinë, u pyet për marrëveshjen Shqipëri-Itali për kampet e emigrantëve.
Ai tha se momentalisht është herët të japim një vlerësim për dokumente që kanë më shumë vlerë politike dhe jo ligjore. Soreca tha se mes vendeve anëtare të BE dhe vendeve jo anëtare, mund të ketë një marrëveshje që i përmbahen legjislacionit europian.
“Ne e kemi marrë tekstin dy ditë më parë dhe e kuptojmë se ky tekst është vetëm një hap i parë. Për momentin është e parakohshme të japim një vlerësim për dokumente që kanë më shumë vlerë politike dhe jo ligjore. Në çdo rast BE dhe vendet anëtare mund të bashkëpunojnë me vendet e tjera duke respektuar legjislacionin e BE”- tha Soreca.
TIRANË- Marrëveshja e firmosur me Italinë për emigrantët do të kalojë në parlament dhe nuk është në fazën përfundimtare. Kështu u shpreh ditën e sotme zëvendës kryeministrja Belinda Balluku, ndërkohë ambasadori Soreca tha se ka marrë tekstin e marëveshjes para dy ditësh dhe po bëjnë vlerësimin.
“Marrëveshja e firmosur nga kryeministri në Romë ka kaluar në qeveri të gjithë procesin e parashikuar dhe do të shkojë në parlamentin shqiptar për tu ratifikuar. Nuk është marrëveshje e cila ka përfunduar rrugëtimin e saj. Kryeministri ka bërë të qartë dhe askush nuk duhet të shqetësohet as për qëllimin dhe as kornizën juridike të saj pasi respekton të drejtën ndërkombëtare dhe detyrimin e palëve. Si do të funksionojë prona, kush do ta administrojë dhe sa do të zgjasë. Ne jemi një vend që na ndan 70 milje dhe kur vjen fjala për solidaritet jemi solidar me një vend strategjik dhe të pazëvendësueshëm si shteti Italian. Na vjen keq që merren me ngjyrën e lëkurës së emigrantëve. Është rrugë e gjatë. Do ta shkojë në parlament. Do ta dëgjoni në komisione. Do jetë transparente dhe secili mund ta lexojë” tha zv/kryeministrja Balluku në konferencë për median.
TIRANË- Ambasadori i Bashkimit Europian në Tiranë, Luigi Soreca gjatë fjalës së tij në konferencën e prezantimit të Progres Raportit të BE për Shqipërinë, ka vlerësuar punën e SPAK.
Ai tha se SPAK ka arritur hetime serioze në hetimin e disa çështjeve të nivelit të lartë, dhe tha se duhet t’i jepet fund pandëshkueshmërisë, ndërsa premtoi se autoritetet e drejtësisë do kenë në krah Bashkimin Europian dhe se sipas tij objektivi kryesor duhet të jetë ndjekja e parave.
"Korrupsioni është një fushë që sjell shqetësime serioze. SPAK ka arritur hetime serioze në çështje të nivelit të lartë. Të vazhdohet me luftimin e kulturës së pandëshkueshmërisë. Autoritetet e drejtësinë do kenë BE në krah të tyre. Ndjekja e parave duhet të jetë objektivi kryesor", tha Soreca.
TIRANË- Ambasadori Luigi Soreca, i Ngarkuari me Punë i Delegacionit të BE-së, i ka dorëzuar sot zëvendëskryeministres Belinda Balluku progres raportin e vitit 2023 për Shqipërinë të Komisionit Europian.
Soreca u shpreh në konferencën për mediat se kjo paketë e Raportit të Komisionit Europian bazohet në dy zhvillime shumë të rëndësishme politike, si zgjerimi në agjendën politike të BE dhe konvergjenca ekonomike. Ai citoi Presidenten e Komisionit Evropian Ursula von der Leyen, e cila tha se duhet t’i përgjigjemi thirrjes për zgjerim dhe të punojmë për përshpejtimin e zgjerimit të BE dhe plotësimin e bashkimit.
“Faleminderit që e pranuat sot raportin që Komisioni Europian prezantoi dje. Kjo paketë ndodh në një kontekst të veçantë që bazohet në dy zhvillime shumë të rëndësishme politike. Së pari, zgjerimi është kthyer sërish në agjendën politike të BE dhe në një mjedisin jopolitik që ndryshon shpejt, për të cilin BE ka punuar fuqimisht bashkë me partnerët më të rëndësishëm, duke përfshirë veçanërisht Shqipërinë. Ka tashmë konsesus të ripërtërirë që një zgjerim i besueshëm në bazë meritash është shtytësi kryesor për transformimin, duke rritur sigurinë kolektive dhe mirëqënien tonë socio-ekonomike. Siç e tha Von Der Leyen dje kur prezantoi paketën për zgjerim, që ne duhet t’i përgjigjemi thirrjes për zgjerim dhe të punojmë për përshpejtimin e zgjerimit të BE dhe plotësimin e bashkimit. Shtytësi i dytë kryesor është konvergjenca ekonomike, një element thelbësor që ka Shqipëria dhe vendet e tjera”, tha Soreca.
Ndryshe nga vitet e tjera raporti nuk i dorëzohet në dorë kryeministrit por zv/kryeministres, pasi Rama është nisur në Paris me ftesë të presidentit francez Emmanuel Macron.
TIRANË- Zëvendës kryeministrja Belinda Balluku e ka cilësuar progres-raportin e Komisionit Europian për Shqipërinë si më pozitivin.
Balluku tha për mediat se raporti tregon ecurinë e mirë të reformave të ndërmarra nga qeveria dhe rezultatet e tyre konkrete në forcimin e shtetit të së drejtës dhe sundimit të ligjit.
“Me kënaqësi të madhe konstatojmë se ky raporti është më pozitiv i hartuar ndonjëherë për vendin tonë dhe që përfaqëson në mënyrë të drejtpërdrejtë ecurinë shumë të mirë të reformave të thella që ne kemi ndërmarrë dhe rezultatet e tyre konkrete në forcimin e shtetit të së drejtës, luftës kundër krimit të organizuar dhe sundimit të ligjit. Ky raport është një vlerësim real, i drejtë dhe krejtësisht i pavarur i asaj që Shqipëria ka arritur përmes reformave ligjore, institucionale dhe ekonomike, efektet e të cilave janë në sytë e qytetarëve tanë por që marrin një rëndësi edhe më të madhe kur certifikohen nga BE që së bashku me SHBA, janë partnerët tanë kryesorë strategjikë. Nga korriku i vitit 2022 dhe deri më tani, Shqipëria dhe Komisioni Evropian kanë zhvilluar fazën e parë përgatitore pas çeljes së negociatave, atë të shqyrtimit analitik të BE-së. Sikurse evidentohet edhe në raport, nën koordinimin e krye negociatores dhe strukturave të reja të reformuara për negociatat e BE-së, institucionet shqiptare kanë mobilizuar burime të konsiderueshme për t’u angazhuar aktivisht në procesin e shqyrtimit dhe për t’u përgatitur për hapat e ardhshme të negociatave të anëtarësimit”, u shpreh Balluku.
