Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Holanda mbështet Shqipërinë në çeljen e negociatave por në rast se gjërat shkojnë keq, edhe në ndarjen nga Maqedonia e Veriut. • Lajmin e dha kryeministri Edi Rama në një konferencë për shtyp me homologun e tij, Mark Ruttë. • Rutte tha se dy vendet po planifikojnë që të kenë një nismë të përbashkët anëtarësimin në familjen Europiane. • Megjithatë Rutte u shpreh optimist se Maqedonia e Veriut do ta pranojë propozimin francez. •Nga ana tjetër, Rama tha se Shqipëria është me këmbë në tokë dhe nuk kërkon menjëherë integrimin në Bashkimin Europian, por vetëm çeljen e negociatave. •Sipas tij, kjo gjë ndihmon në demokracinë e vendit. • Lidhur me "Open Ballkan", Rutte shprehu dakordësinë e tij, Rama tha se ishte i nevojshëm për të mbajtur Serbinë e orientuar nga BE, jo nga Rusia.
9 artikuj për këtë temë.
HOLANDË- Kryeministri Edi Rama u shpreh se bashkëpunimi Shqipëri-Holandë është i mirë duke shtuar se Holanda është vendi me investimet më të mëdha në Shqipëri. Gjatë fjalës së tij në konferencën e përbashkët me Rutte, Rama tha se në fillim të vitit të ardhshëm po presin një lajm të mirë për energjinë.
"Ne shohim më shumë nga Holanda në vendin tonë. Holanda renditet mes investuesve më të mëdhenj në Shqipëri, kemi Shell, me shpresë presim një lajm të mirë, në fillim të vitit, falë një kërkimi të Shell në vendin tinë, nëse do jetë kështu do kemi mundësi të festojmë për energjinë dhe burimet e reja", tha Rama.
HOLANDË- Kryeministri Edi Rama dhe homologu i tij, Mark Rutte kanë diskutuar lidhur me luftën ndaj korrupsionit. Në konferencën e përbashkët me kryeministrin holandez, Edi Rama vlerësoi marrëdhëniet Shqipëri-Holandë, ndërsa Rutte tregoi edhe detaje nga përballjet e tyre më parë.
PJESË NGA KONFERENCA:
Pyetje: Kur vjen fjala për korrupsionin, Shqipëria ka një problem të madh, keni folur për këtë sot, e konsideroni problem?
Rutte: Shqipëria ka hedhur hapa të jashtëzakonshëm dhe ne po kontribuojmë në proces. Jam krenar për këtë proces. Është një gjë që e kemi diskutuar për shumë vite, e kam diskutuar dhe me Edin në samitit e BE-së në Sofie, ku gati u kapëm fizikisht me njëri-tjetrin. por Shqipëria ka punuar për këtë çështje. Shqipëria nuk ka arritur ku duhet por ka bërë hapa të jashtëzakonshëm.
Rama: Nëse nuk do kishim probleme me korrupsionin, tani do thoshim që ne duhet të jemi në BE. Ka ende shumë për tu bërë. Gjej rastin të shpreh mirënjohjen e vërtetë për Holandën, për qëndrimin e tyre të rreptë, me mbështetjen e tyre në terren përmes një programi Matra, që ka bërë ndryshimin në çuarjen para të reformës në drejtësi, që ka forcuar marrëdhënien tinë, në fund ne kuptuam që Holanda ishte serioze lidhur me kritikizmin e saj, por edhe Holanda e kuptoi që ne ishim seriozë në përmbushjen e detyrimeve tona. Jam mirënjohës Markut, për përpjekje për ta shtyrë Ballkanin drejt europës. Në një farë mënyrë Marku më mësoi që mund ta duash BE, por do jetë dashuri e ashpër.
HOLANDË- Kryeministri i Shqipërisë Edi Rama dhe ai i Holandës, Mark Rutte, kanë mbajtur një konferencë të përbashkët për mediat pas takimit të tyre në Amsterdam, ku edhe kanë komentuar çështjen e çeljes së negociatave me Bashkimin Europian.
Rama dhe Rutte thanë se ku ishte shansi i fundit për Republikën e Maqedonisë së Veriut dhe Shqipërinë, duke kërkuar që të marrin vendimin e duhur në takimin e nesërm. Ndryshe mund të jetë shumë vonë.
Pjesë nga konferenca:
Rama: Suedia dhe Finlanda janë një ndihmë shumë e vlefshme për NATO-n, jo vetëm që të jenë anëtarë të rinj, por anëtarë ekselencë. Integrimi i plotë në BE nuk është e njëjta gjë, pasi kjo kërkon të nxitë vende si ne, ti bëjë ato të rriten më pas ti bëjnë pjesë të tyre. Sa i takon asaj që i përket Maqedonisë së Veriut, dua të përfitoj nga ky rast se Macron, Michel dhe Marku kanë punuar 48 orë për të arritur një propozim final që trajtonte shqetësimet që kishte RMV. Propozimi përfundimtar është një propozim i ri i presidentit francez, Charle Michel dhe po ashtu e Markut që i dha një shtysë. Do të ishte në fakt për tu ardhur keq, nëse kjo do të haste pengesa. Besoj se parlamenti duhet ta bëjë këtë gjë, se nëse jo do të duhet shumë vite pritje. Sa i përket Shqipërisë në Këshillin e Sigurisë jemi shumë krenarë që jemi atje. Ndihemi të përulur shumë për fjalët e mira që dëgjojmë për misionin tonë, nuk kemi asnjë dyshim për qëndrimin tonë, jemi në përputhje me atë që vendoset në nivelin e BE-së. E kemi të lehtë të jemi aty sëbashku me SHBA-të dhe si europianë krenarë.
Rutte: Keni bërë më shumë se sa të këndoni këngën e BE-së, keni qenë kyç në shumë çështje për ti bërë vendet bashkë, për shkak të diplomacisë shqiptare.
HOLANDË- Kryeministri holandez Mark Rutte u shpreh optimist se Maqedonia e Veriut do ta pranojë propozimin francez të hartuar nga presidenti Emmanuel Macron. Por shtoi se nëse do të jetë e nevojshme, do të bien dakord për ndarjen e dy vendeve. Ai tha se nëse negociatat bllokohen edhe njëherë, liderët e BE mund të bien dakord që të nisin bisedimet veçmas me Shqipërinë.
“Kurrë nuk kemi qenë në favor të qenit të ndara të Shqipërisë dhe Maqedonisë. Ka një mendim të gjerë se ato nuk duhet të shkëputen, janë bërë shumë gjëra. Ka një optimizëm që Maqedonia e Veriut të pranojë kompromisin francez, gjithkush fiton dhe humbet diçka, por së paku është një rezultat i drejtë. Nëse dhe shpresoj që jo, kjo të mos marrë mbështetjen e Maqedonisë, do të marrë mbështetje në Evropë që të nisin bisedimet veç për Shqipërinë. Le të shpresojmë që të mos jetë e nevojshme. Nëse ndodh që ata nuk e pranojnë, besoj që kolegët e mi mund ta shohin më pozitivisht ndarjen e tyre. Për Ukrainën, mendoj që nuk e kanë prioritet për t'u futur në NATO. Ambicia e tyre ka qenë për PPE, jo për NATO,”- tha Rutte.
HOLANDË- Kryeministri Edi Rama mbrojti nga Holanda procesin e “Open Balkan”, duke nxjerrë një arsye të re pse është i rëndësishëm. Gjatë një konference në krah të kryeministrit holandez Mark Rutte, Rama tha se Ballkani është pjesa më e cënueshme e zinxhirit të Evropës në lidhje me ndikimin e luftës në Ukraine. Ndaj dhe sipas tij, procesi është i nevojshëm që ta mbajnë Serbinë në anën evropiane dhe të mos kalojë në anën e Rusisë.
“Ballkani është pjesa më cënueshme zinxhirit në Evropë që mund të preket dhe që larg qoftë mund të thyhet si pasojë e luftës në Ukrainë, sepse Rusia ka një influencë të qartë brenda ka disa lidhje tradicionale, ndaj unë besoj që duhet ta marrim Serbinë me ne dhe mos ta lëmë nga ana tjetër. Ballkani i Hapur ka ndihmuar në këtë proces që të harmonizohet me sanksionet,”- tha Rama.
HOLANDË- Kryeministri i Holandës, Mark Rutte ka dalë hapur pro 'Open Balkan', sipas së cilit është një nismë që ndihmon në përshpejtimin e anëtarësimit të BE, duke ia faturuar të gjithën Edi Ramës. Gjatë një konferencë për shtyp me Ramën, Rutte nuk i shpëtoi dot pa i thurur lavde kryeministrit Edi Rama, duke e uruar disa herë edhe për ditëlindjen.
"Gjithçka që mund të bëhet, dhe Rama është një ndër udhëheqësit më me përvojë në raport, dhe për shkak të brishtësisë së marrëdhënieve të rajonit, nën udhëheqjen e tij fakti që kjo nismë ka ecur përpara është pozitive, do e rekomandoja që shumë vende të diskutojnë çështjet e interesit të përbashkët, për të ecur në një strukturë të përbashkët ekonomike dhe kjo përshpejton edhe anëtarësimit dhe që tensionet të mos bëhen të papërballueshme. 'Ballkani i Hapur' dhe nisma të tilla kërkon lidership, dhe drejtuesi më me përvojë që ka marrëdhënie të mira me të gjithë është ky burri që ka ditëlindjen,"- tha Rutte.
PJESË NGA KONFERENCA:
Pyetje: I keni dhënë mbështetje të plotë bisedimeve për anëtarësim dhe BE, por edhe Open Ballkan, si mendoni që do ndihmojë në rajon? Procesi i Ballkanit të Hapur është thënë gjithmonë se rajoni është i rrezikuar nga forca të ndryshme, si mendoni se do ndikojë?
Rutte: Ne morëm ca kohë që Shqipëria dhe RMV të anëtarësoheshin në Europë. është në fakt diçka e jashtëzakoshme. Siç e thashë, shpresojmë që kjo të ndodhë. Duke pasur parasysh sa larg kemi shkuar duam që të ulemi me njëri-tjetrin për nismën Ballkani i Hapur. E kemi diskutuar gjatë se çfarë po ndodh në rajon. Mendoj që nën udhëheqjen e tij kjo nismë ka ecur para dhe është pozitive. Kjo është mënyra për të diskutuar. Mendoj se ideja është për të ecur në një zonë të tillë të përbashkët. Ndihmon që tensionet mos të bëhen të papërballueshëm. Jo se e kam në krah por personi që kam në krah është ky zotëria që ka ditëlindjen, ka marrëdhënie të mira me të gjithë.
HOLANDË- Kryeministri holandez Mark Rutte ka deklaruar se do të mblidhen posaçërisht për të biseduar për anëtarësimin e Shqipërisë dhe Maqedonisë së Veriut. Gjatë fjalës së tij në konferencën përshtyp, Rutte përmendi gjithashtu dhe nismën e 'Ballkanit të Hapur', për të cilën tha se ka ecur përpara dhe se është një ide e mirë për tregtinë mes vendeve të Ballkanit Perëndimor.
"Është në fakt gjithcka e jashtë zakonshme. Po situata mes Bullgarisë dhe RMV-së nuk e ka bërë të mundshme anëtarësimin. Nuk është BE-ja që po fton Shqipërinë dhe RMV-në, por jemi të gjithë ne, që do mblidhemi bashkë për të vendosur. Sa për Ballkanin e Hapur, kjo nismë ka ecur përpara. Mendoj që ideja është për të ecur në një zonë tregtare mes vendeve në Ballkanin Perëndimor. Kjo kërkon lidership, Rama është lideri që ka përvojë më shumë se të gjithë," tha Rutte.
Edi Rama: Ne punojmë në NATO, dhe falë tij mendoj se theva rekordin për fjalimin më të shkurtër. Ai tha fjalë për fjalë çfarë do thoja unë. U bëra xheloz në fakt, por thënë kjo dua që të shkoj më tej dhe të shpreh mirënjohjen për Holandën, qeverinë. Holanda ishte serioze me kritikat e saj, por edhe ata e kuptuan se ne ishim seriozë në detyrimet tona. Në këtë raport dypalësh shohim më shumë në vendin tonë. Kemi SHELL-in, me shpresë presim një lajm të mirë në fillim të vitit tjetër.
HOLANDË- Kryeministri i Holandës Mark Rutte ka uruar homologun e tij shqiptar, Edi Rama për ditën e tij të lindjes, në 58-vjetorin e tij. Urimi i Rutte erdhi gjatë konferencës së përbashkët për mediat që dy kryeministrat po mbanin në Amsterdam, ndërsa Rama e pranoi urimin me të qeshura. Duke zbuluar se më pas do të konsumonte një darkë me Rutten.
PJESË NGA KONFERENCA:
Mark Rutte: Është kënaqësi që e kam këtu Edi Ramën, e kam mik të mirë, e njoh prej vitesh. Kënaqësi që e kemi këtu për ditëlindjen e tij. Urime dhe edhe shumë vite të mira.
Edi Rama: Faleminderit është dhuratë e vërtetë të jem këtu. Pres me padurim darkën me Markun, ka më pak vite, por është më i mënçur.
