Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
•Kim Jong Un dhe Vladimir Putin kanë zhvilluar një takim në kozmodromin Vostochny në lindjen e largët të Rusisë. •Gjatë bisedimeve Kim tha se gjithmonë do të mbështesin vendimet e Presidentit Putin, duke treguar mbështetje edhe për luftën kundër Ukrainës. •Ndërkohë Putin njoftoi se Rusia do ta ndihmojë Korenë e Veriut të ndërtojë satelitë, pasi Koreja e Veriut dështoi dy herë këtë vit për t'i lëshuar. •Dyshohet gjithashtu se të dy diskutuan një marrëveshje armësh për të ndihmuar pushtimin e Ukrainës nga Rusia. •Zëdhënësi i Kremlinit Dmitry Peskov, theksoi se bashkëpunimi ndërmjet Rusisë dhe Koresë së Veriut do të vazhdojë në fushën e sigurisë dhe atë ushtarake, pavarësisht sanksioneve të OKB-së. •Në fund të takimit dy udhëheqësit ngritën dollipër miqësinë mes dy vendeve.
5 artikuj për këtë temë.
RUSI- Vladimir Putin ka ngritur gotën e tij dhe ka bërë dolli për Kim Jong Un të Koresë së Veriut gjatë një drekë zyrtare në një samit që po zhvillohet në Rusi, raporton BBC.
"Dëshiroj të propozoj një dolli për forcimin e bashkëpunimit dhe miqësisë mes vendeve tona. Gëzuar zoti President dhe të gjithë anëtarët e delegacionit. Ne punojmë për mirëqenien dhe paqen e vendeve tona. Rrobat e reja janë të bukura, por miqtë duhet të jenë të vjetër dhe për ne një mik i vjetër është më i mirë se një i ri", tha Putin.
Gjithashtu edhe Kim ka ngritur një dolli për "fitoret e reja për Rusinë" dhe miqësinë midis Moskës dhe Phenianit.
RUSI- Udhëheqësi i Koresë së Veriut i tha Putinit se ai mbështet pushtimin e Rusisë në Ukrainë, raportojnë mediat e huaja.
"Rusia u ngrit për të mbrojtur sovranitetin dhe sigurinë e saj. Ne kemi mbështetur gjithmonë dhe do të vazhdojmë të mbështesim të gjitha vendimet e Putinit dhe ato të qeverisë ruse. Unë shpresoj se do të jemi gjithmonë së bashku në luftën kundër imperializmit dhe në ndërtimin e një shteti sovran",- tha Kim.
Të dy ushëheqësit e filluan takimin e tyre me një turne në një objekt të lëshimit të raketave hapësinore Soyuz-2. Takimi mes Putinit dhe Kim ishte vizita e parë e liderit të Koresë së Veriut në Rusi në katër vjet.
Ndërkohë analistët thonë se Koreja e Veriut mund të ketë dhjetëra miliona predha artilerie dhe raketa të vjetra bazuar në dizajnet sovjetike që mund t'i japin një shtysë të madhe ushtrisë ruse në Ukrainë.
RUSI- Bisedimet ballë për ballë të Kim dhe Putin në një port hapësinor rus sapo kanë përfunduar, raporton BBC. Më herët, Kremlini theksoi se sanksionet e OKB-së ndaj Koresë së Veriut nuk do të pengojnë lidhjet e saj me Phenianin.
I pyetur për sanksionet e gjata kundër Koresë së Veriut, zëdhënësi i Kremlinit Dmitry Peskov tha: "Rusia ruan pozicionin e saj në Këshillin e Sigurimit të OKB-së, por kjo nuk mund dhe nuk do të pengojë zhvillimin e mëtejshëm të marrëdhënieve ruso-koreane."
RUSI- Gjatë takimit mes dy liderëve, Putini i tregoi Kim-it rreth portit hapësinor rus dhe lideri i Koresë së Veriut u pa duke nënshkruar librin e vizitorëve të qendrës. Mesazhi është zbardhur nga BBC, ku Kim shpreh lavdi për Rusinë, si një nga vendet e para pushtuese të hapësirës.
Ai shkroi: "Lavdia për Rusinë, e cila lindi pushtuesit e parë të hapësirës, do të jetë e pavdekshme".
RUSI- Udhëheqësi i Koresë së Veriut, Kim Jong Un dhe presidenti rus Vladimir Putin u takuan në lindjen e largët të Rusisë të mërkurën, përpara bisedimeve të parashikuara për armët dhe vetëm disa orë pasi Koreja e Veriut lëshoi dy raketa balistike në ujërat jashtë Gadishullit Korean, raporton CNN.
"Më vjen mirë që ju shoh”, tha Putin ndërsa i shtrëngoi dorën Kim-it për rreth 40 sekonda. “Ky është kozmodromi ynë i ri.”, shtoi ai.
Ndërkohë lideri i Koresë së Veriut e falënderoi për ftesën dhe për pritjen e tij të ngrohtë. I pyetur nëse Moska do ta ndihmonte Phenianin në ndërtimin e satelitëve, Putin tha se “kjo është arsyeja pse erdhëm në kozmodromin Vastochny”, duke shtuar se “ne do të diskutojmë gjithçka”. Gjatë një ndalese në qytetin kufitar Khasan të martën, ku Kim u mirëprit nga zyrtarët rusë, udhëheqësi i Koresë së Veriut tha se udhëtimi i tij në Rusi ishte një "manifestim i qartë" i Koresë së Veriut "duke i dhënë përparësi rëndësisë strategjike" të marrëdhënieve Moskë-Phenian.
Takimi ballë për ballë në kozmodromin Vostochny, shihet si një zhvillim i rëndësishëm, duke bërë së bashku dy liderë që janë gjithnjë e më të izoluar në skenën botërore dhe që vijnë mes luftës së zgjatur të Rusisë ndaj Ukrainës dhe sanksioneve të OKB-së.
