Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Presidenti i Izraelit, Isaac Herzog ndodhet në Tiranë, ku ka zhvilluar takime me krerët e shtetit. • Herzog u prit në një takim nga kryeministri Edi Rama, të cilët zhvilluan më pas një konferencë për mediat. • Presidenti izraelit gjatë fjalës së tij ka deklaruar se Shqipëria është radhitur në krahur e duhur të historisë duke mbështetur Izraelin kundër luftës me Hamasin. • Herzog theksoi se shqiptarët dhe hebrenjtë i bashkon historia, ndërsa shtoi se është i kënaqur që është Presidenti i parë izraelit që ka vizituar vendin tonë. • Gjatë fjalës së tij, kryeministri Rama ka deklaruar se Shqipëria është një mbështetëse e madhe e armëpushimit mes Izraelit dhe Hamasit. • Ai tha se vendi jonë është gati të presë të gjithë izraelitet që duan të vijnë dhe të jetojnë në Shqipëri. • Më tej shtoi se kemi qenë dhe do vijojmë të jemi kundër çdo forme antisemitizmi apo paragjykimi kundër hebrenjve. • Më herët, presidenti i Izraelit u prit nga homologu shqiptar, Bajram Begaj. • Bashkëpunimi dypalësh, zhvillimet në rajonin e Ballkanit Perëndimor, Kosova, situata në Lindjen e Mesme dhe çështjet e sigurisë kibernetike ishin në fokus të bisedës kokë më kokë. • Sipas informacioneve presidenti izraelit do të takohet me pasardhës të qytetarëve shqiptarë që kanë punuar për të shpëtuar hebrenjtë gjatë periudhës së Holokaustit. • Mësohet se Herzog do ta mbyllë vizitën e tij me një ceremoni në memorialin e Holokaustit, në përkujtim të shpëtimit të hebrenjve në Shqipëri, me ftesë të kryebashkiakut të Tiranës, Erion Veliaj, me pjesëmarrjen e komunitetit hebre.
3 artikuj për këtë temë.
TIRANË- Presidenti izraelit Isaac Herzog ka deklaruar se Shqipëria është radhitur në krahur e duhur të historisë duke mbështetur Izraelin kundër luftës me Hamasin. Gjatë një deklarate për mediat me kryeministrin Rama, Herzog theksoi se shqiptarët dhe hebrenjtë i bashkon historia. Ndërkohë që ka shtuar se është i kënaqur që është Presidenti i parë izraelit që ka vizituar vendin tonë.
"U bë një vit nga sulmi brutal i Hamasit. Shqipëria ka treguar që qëndron pranë Izraelit, ndërsa ne luftojmë për të mbrojtur vendin tonë. Shqipëria është radhitur në krahun e duhur të historisë. Pengjet mbahen mizorisht në Gaza, duke shkelur normat ndërkombëtare, duhet të bëjmë gjithçka që t’i sjellim në shtëpi ata. Shqiptarët dhe hebrenjtë i bashkon historia. Jam tepër i kënaqur që ndodhem këtu dhe që eksplorojmë rrugë të reja të forcimit të raporteve tona”, tha Herzog.
TIRANË- Kryeministri Edi Rama ka deklaruar se Shqipëria është një mbështetëse e madhe e armëpushimit mes Izraelit dhe Hamasit. Gjatë një deklarate me presidentin izraelit Isaac Herzog, Rama deklaroi se Shqipëria është gati të presë të gjithë izraelitet që duan të vijnë dhe të jetojnë në Shqipëri. Ndërkohë që shtoi se kemi qenë dhe do vijojmë të jemi kundër çdo forme antisemitizmi apo paragjykimi kundër hebrenjve.
“Jemi krenarë që paraardhësit tanë qofshin myslimanë apo të krishterë, kapërcyen cdo lloj kufizimi dhe paragjykimi fetar dhe mbrojtjen hebrenjtë dhe asnjë nuk iu dorëzua nazistëve. Shqipëria u bë një vend ku ndryshe nga të tjerë, hebrenjtë nuk largoheshin por vinin e gjenin miqësi dhe mbrojtje. Lidhje historie, që gjithmonë kemi qenë dhe do të jemi të pritur ta forcojmë. Nga ana tjetër, kemi qenë dhe do të vazhdojmë të jemi përherë në mënyë të palëkundur kundër cdo forme antisemitizmi dhe cdo lloj shprehjeje intolerance apo paragjykimi kundër hebrenjve. Ne jemi sigurisht të vetëdijshëm se ajo cfarë po ndodh në territoret ku populli i Izraelit dhe i Palestinës jetojnë, është e rëndë dhe absolutisht dicka që duhet të marrë fund sa më shpejt. Nga ana tjetër, jemi të vetëdijshëm se kjo është më e lehtë të thuhet dhe të bëhet dhe se lufta dhe fitorja kundër terrorit është më e vështirë sesa cmund të duket nga larg. Nga ana tjetër, Shqipëria ka qenë mbështetëse e madhe e armëpushimit dhe cdo përpjekjeje të mundshme për të sjellë në shtëpi pengjet dhe nisur një proces të ri për të mirën e të gjithë njerëzve. Jam shumë i prirur të theksoj se ndërkohë që këto janë kohë të vështira për Izraelin, popullin e tij dhe të gjithë popujt që jetojnë në atë kënd të botës, e ardhmja do të jetë me siguri një e ardhme e një Izraeli më të fortë, të sigurt dhe pa asnjë dyshim në një rajon më të begatë dhe të paqtë," tha Rama.
TIRANË- Kryeministri Edi Rama ka pritur në takim ditën e sotme presidentin e Izraelit, Isaac Herzog. Kreu i qeverisë ka publikuar pamjet e pritjes në kryeministri.
“Kënaqësi të mikpres Presidentin e Izraelit, Isaac Herzog”, shkruan Rama.
Më herët, presidenti i Izraelit u prit nga homologu shqiptar, Bajram Begaj. Bashkëpunimi dypalësh, zhvillimet në rajonin e Ballkanit Perëndimor, Kosova, situata në Lindjen e Mesme dhe çështjet e sigurisë kibernetike ishin në fokus të bisedës kokë më kokë.
Sipas informacioneve presidenti izraelit do të takohet me pasardhës të qytetarëve shqiptarë që kanë punuar për të shpëtuar hebrenjtë gjatë periudhës së Holokaustit. Mësohet se Herzog do ta mbyllë vizitën e tij me një ceremoni në memorialin e Holokaustit, në përkujtim të shpëtimit të hebrenjve në Shqipëri, me ftesë të kryebashkiakut të Tiranës, Erion Veliaj, me pjesëmarrjen e komunitetit hebre.
