Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Ditën e sotme në GJKKO po mbahet seanca për dosjen “Plumbi i artë”. • Gjatë kësaj seance po dëshmon bashkëpunëtori i drejtësisë Skerdi Tase. • Më herët kanë dëshmuar në këtë proces të penduarit Nuredin Dumani dhe Erion Alibej. • Skerdi Tasi dha shpjegime para gjykatës për njohjen e tij me Henrik Hoxhajn. • Si edhe për atentatin e dështuar nga Agim Boriçit. • Tasi tha se me Henrik Hoxhajn u takua për herë të parë në vitin 2017 për të vrarë Agim Boriçin, që sipas tij u porosit nga Viron Tavanxhi. • Gjithashtu Skerdi Tasi zbuloi me detaje se si dështoi plani për vrasjen e Agim Boriçit. •Tase thotë se ka qëlluar me breshëri plumbash në drejtim të tij dhe është larguar me idenë që e kishte vrarë. • Skerdi Tase thekson gjithashtu se Bashkë me Henkrik Hoxhajn janë larguar dhe armën e hodhën në lumin Gjanica. • Sipas tij pas është kuptuar se tregtari i naftës nuk kishte vdekuar ka nisur debati me Henrikun. • Tase gjithashtu shprehet se Henrik Hoxha qëndronte gjithmonë i armatosur, pinin alkool bashkë dhe takoheshim shpesh, disa herë mund të hapte dhe xhamin e makinës dhe qëllonte në ajër, e kam parë duke qëlluar. • Ai ka treguar edhe për veten e tij kur ka punuar teknik në një televizion në Fier për 1 vit. • I pandehuri i drejtësisë Skerdi Tase ka rrëfyer edhe detaje mbi planifikimin dhe ekzekutimin e Emiliano Ramazanit në Elbasan, në korrik të vitit 2020. • Sipas tij, në fillim kishte një tjetër objektiv, por grupi vendosi të përqendrohej te Ramazani, për të cilin u ra dakord me pagesë 130 mijë euro. • Skerdi Tase gjithashtu tregoi se për atentatin përdorën një makinë të marrë nga Nuredini, të cilën e kishin përdorur edhe më herët për një tjetër tentativë vrasjeje. • Ai theksoi se automjeti ishte ruajtur në një magazinë në Bradashesh, që i përkiste Arben Lazës. Tase rrëfeu se pas krimit makina dhe dy armë u dogjën, ndërsa armët që përdori i mori me vete dhe i fshehën pranë Peqinit, “tek ca betoniere”.
5 artikuj për këtë temë.
TIRANË- Skerdi Tase ka rrëfyer në GJKKO atentatin e dështuar ndaj Gim Boriçit, ku shkuan për ta vrarë së bashku me Henrik Hoxhaj. Tase gjithashtu ka rrëfyer se shkuan për ta kërkuar në spital shënjestrën e tyre pasi kishin marrë informacion se ndodhej aty, por nuk e gjetën. Më pas i shkuan në lokal, ku Gim Boriçi ndodhej së bashku me të vëllanë, ndërsa Henrik Hoxhaj iu drejtua “aq më mirë”, duke shtuar “sipas tij, nëse i vrisnim të dy ishte më mirë për porositësin”.
Skerdi Tasi tregoi se qëlloi drejt shënjestrës dhe të vëllait nga brenda mjetit tip Renault ku ndodheshin, por iu bllokua arma. Skerdi Tasi gjithashtu tregoi se Gim Boriçi dhe i vëllai arritën të shpëtonin duke ikur drejt banesës që e kishin afër lokalit, ndërsa së bashku me Henrikun u larguan për të djegur mjetin.
Pjesë nga dëshmia e Skerdi Tasit
Teksa kërkonim Gim Boriçin, mësuam se e kishin parë tek spitali. Shkuam atje me një makinë “Renault Clio”. Nuk e gjetëm tek spitali. I shkuam tek lokali i tij. Gim Boriçi ishte duke pirë kafe më vëllanë. Henriku tha, ‘aq më mirë’. Sipas tij, nëse i vrisnim të dy ishte më mirë për porositësin. U afruam nga rrugicat drejt tyre. Unë kisha një kallash ndërsa Henriku një pistoletë “Glock”. U afruam dhe qëllova, por pas një breshërie më ngeci arma. Henriku vazhdonte qëllonte dhe më tha, “qëllo se na ikën”. “Nuk kam ça bëj”, i thashë se mu bllokua.
Ne i qëlluam nga brenda makinës. Unë isha në sediljen mbrapa, ndërsa Riku në timon. Kishim vendosur të ishim të dy ekzekutorë, pasi nuk e dinim se ku do e qëllonim, në lëvizje, në parakalim a nuk e di. Nëse do zbrisnim, ai do isha unë. Ne qëlluam nga 5 metër largësi.
Pamë që ata u ngritën dhe ikën drejt shtëpisë, se ishte ngjitur. Ne nuk dolëm nga makina. Pastaj ikëm tek vendi ku do digjnim makinën. Kur dogjëm makinën, u dogja dhe vetë. Patëm një çakmak, që kishte avulluar. Patëm një shkrepëse, por kishim pak fije. Kur u afrova që i vura flakën zjarri më dogji mjekrën, flokët. U largova, por më morën flakë edhe dorezat.
Dorezat që i hoqa ishin gjetur nga policia. Viron Tavanxhi më tha se kishin gjetur një provë, por kishte një kushëri tek ekspertiza. Më tha që ‘do flas’ dhe që duheshin kaq lekë, por e kuptova që donte ta bënte këtë, që të mos i kërkoja më lekë. Henriku më tha se Renato Saliaj i kishte thënë të ishim të qetë se nuk kishim asnjë provë që mund të na zbulonte.
TIRANË- Bashkëpunëtori i drejtësisë Skerdi Tase ka rrëfye në GJKKO detaje nga tentativa e dështuar për të vrarë Bujar Çelën, vëllanë e Talo Çelës. Tase tha se porositësi i vrasjes së Bujar Çelës ishte Erion Alibej dhe se ai bashkë me mikun e tij, Henrik Hoxhaj (Riku) morën kapar prej 5 mijë eurosh për vrasjen e Bujar Çelës. Tasi tha se ditën që ishin nisur për të vrarë Çelën dikush kishte raportuar targën e tyre si makinë e dyshimtë, e për këtë arsye ata anuluan ekzekutimin.
Pjesë nga dëshmia e Skerdi Tasi
Më tha që veç tyre kishin në plan të vrisnin edhe Bujar Çelën, vëllanë e Talo Çelës. Unë e takova Rikun tek shtëpia në Tiranë, që e kishte në bllok. Të nesërmen takuam Nuredinin. Aty ramë dakord për ekzekutimin. Tek Nuredini Riku më prezantoi si nipçe. Biseduam për kushtet dhe këta tregonin dhe atentatet e Durrësit. Aty morëm dhe një kapar, nja 5 mijë euro. Më vonë e mora vesh se porositësi ishte Erion Alibej. Bujar Çela lëvizte me një Benz. Na tregoi shtëpinë, lokalin. Por ne e anashkaluam. Riku nuk donte që ta vrisnim. Ne edhe e kemi parë, por nuk donim që ta vrisnim. Një herë u bëmë gati. Morëm makinën për atentatin. Por dikush kishte raportuar targën, si makinë e dyshimtë.
TIRANË- I pandehuri i drejtësisë Skerdi Tase gjatë dëshmisë së tij në GJKKO për dosjen “Plumbi i Artë”, ka rrëfyer edhe detaje mbi planifikimin dhe ekzekutimin e Emiliano Ramazanit në Elbasan, në korrik të vitit 2020. Sipas tij, në fillim kishte një tjetër objektiv, por grupi vendosi të përqendrohej te Ramazani, për të cilin u ra dakord me pagesë 130 mijë euro.
Skerdi Tase gjithashtu tregoi se për atentatin përdorën një makinë të marrë nga Nuredini, të cilën e kishin përdorur edhe më herët për një tjetër tentativë vrasjeje. Ai theksoi se automjeti ishte ruajtur në një magazinë në Bradashesh, që i përkiste Arben Lazës. Tase rrëfeu se pas krimit makina dhe dy armë u dogjën, ndërsa armët që përdori i mori me vete dhe i fshehën pranë Peqinit, “tek ca betoniere”.
Pjesë nga dëshmia
Për Emiljano Ramazanin jepeshin 130 mijë euro, këtë kohë shkonim përditë në Elbasan, përdornim makina me qira. Makinën e atentatit e kishte siguruar Erion Alibej me Nuredin Dumanin kishim 4 armë, 2 kallash dhe 2 pistoleta. Ditën e ngjarjes jemi nisur herët për Elbasan, na vinin informacione nga Nuredini ‘është në palestër, është këtu është atje’. Në palestër nuk na u duk e përshtatshme për ta vrarë, dhe e lamë kur të vinte tek shtëpia, e pritëm tek pallati. Sapo e parkoi, zbrita nga makina. Henriku ishte shofer, iu afrova dhe e qëllova disa herë në kokë e qafë me pistoletë. Dogjëm makinë dhe u larguam me makinën me qira që kishim ardhur nga Tirana. I ramë nga Rrogozhina. Armët e krimit e lamë në një vend rrugës që e dinte Nuredini pasi do vendosej diku për të akuzuar një person tjetër. Kam marrë 23 mijë euro për vrasjen, edhe pse sipas muhabeteve, na binte nga 60 mijë. Lekët i ka sjellë një grua, Klara. Henriku më tha emrin e saj.
TIRANË- Ditën e sotme në GJKKO po mbahet seanca për dosjen “Plumbi i artë”. Gjatë kësaj seance po dëshmon bashkëpunëtori i drejtësisë Skerdi Tase. Në dëshminë e tij Tase ka dhënë më shumë detaje lidhur me atentatin ndaj tregtarit të naftës Aredin Behari, ai thotë se ka qëlluar me breshëri plumbash në drejtim të tij dhe është larguar me idenë që e kishte vrarë.
Skerdi Tase thekson gjithashtu se Bashkë me Henkrik Hoxhajn janë larguar dhe armën e hodhën në lumin Gjanica. Sipas tij pas është kuptuar se tregtari i naftës nuk kishte vdekuar ka nisur debati me Henrikun. Tase gjithashtu shprehet se Henrik Hoxha qëndronte gjithmonë i armatosur, pinin alkool bashkë dhe takoheshim shpesh, disa herë mund të hapte dhe xhamin e makinës dhe qëllonte në ajër, e kam parë duke qëlluar. Ai ka treguar edhe për veten e tij kur ka punuar teknik në një televizion në Fier për 1 vit.
Pjesë nga dëshmia e Skerdi Tase:
Kam punuar edhe teknik ne një televizion në Fier për 1 vit. Shokët që kisha, ishin banakier e kamerierë mes tyte Ishte dhe Armando Mita. Kam patur shokë fëmijërie që jam rritur. Pas atentatit ndaj Abedinit, bëmë debate me Henrikun, se personi që e kishte porositur ishte thirrur në polici, Henriku më thoshte ç’punë ka ai kur ne se kryem dot. Quhej Albert Pashaj, me sa menduam më vonë se në atë kohë se dija. Henriku ishte pyetur për këtë gjë. Personi që iu bë atentati kishte treguar se ku dyshonte.
Me Henrikun pothuajse takohesha përditë. Deri në ato momente nuk dija asgjë për Henrikin, Vironi më kishte treguar që merret me atentate. Vironi në atë kohë ishte në kërkim për një vrasje në Itali. Dija që merrej me prostitucion me drogë. Vironi edhe pse ishte në kërkim nga Interpoli, nuk ruhej aq shumë sepse kishte njohjet e veta në policinë e shtetit të cilat e njoftonin.
Te lokali i Gent Xhaferrit takoheshim me Vironin. Vironi kërkonte të më takonte, deri në 2016 ndodhesha në Itali, ishte koha e hashashit dhe më kërkon Vironi. Kam qëndruar diku te 3-4 muaj në Itali. Nuk pata bërë punë atje. Kam qenë tek një shok. Vironi kërkonte kontakt te shtëpia ime. Vajta për të bërë letrat por si bëra dot. U ktheva se Vironi kishte shkuar te shtëpia ime dhe më kishte kërkuar ta ndihmoja për një punë. Kur u ktheva, më tha më ndihmo se kishte mbjelle kanabis. Mora vesh qe Henriku kishte marrë porosi edhe nga një person tjetër, Renato Çami, për Gim Boriçin që kemi ndenjur 8 muaj duke e ruajtur. Qëllova një breshëri tek Aredin Behari, mendova e kapen fishekët, pastaj u largova me priste “riku” 100 metra me larg, un mendova e kam vrare, kaluam mbi lumin Gjanica aty ku hodhëm dhe armen scorpion.
Debatuam me Henrikun që nuk u krye vrasja, me tha pse e more përsipër kur se beje dot, pasi Aredini kishte thëne emrin e porositësit në polici. Henrik Hoxha qëndronte gjithmonë i armatosur, pinim alkool me të, takoheshim shpesh, disa herë mund të hapte dhe xhamin e makinës dhe qëllonte në ajër, e kam parë duke qëlluar, unë nuk mbaj mend të qëlloja ndonjëherë në prezencë të tij. Henriku donte të më vinte në provë nëse jam i aftë të kryeja vrasje para se të shkonim tek Agim Boriçi. Kishim rënë dakord që edhe Henriku nëse do duhej do ishte gati për të vrarë Aredin Beharin, edhe nëse do qëllonim nga makina në makinë.
TIRANË- Bashkëpunëtori i drejtësisë Skerdi Tase ka dëshmuar këtë të martë për herë të parë para trupit gjykues për “Plumbi i Artë”. Më herët kanë dëshmuar në këtë proces të penduarit Nuredin Dumani dhe Erion Alibej. Tase u pyet nga prokurori i SPAK, Behar Dibra, lidhur me atentatin e dështuar ndaj tregtarit të naftës, Aredin Behari, ngjarje e ndodhur në vitin 2017 në Fier. Ai gjithashtu tregon se me Henkrik Hoxhajn është njohur nga një shok i përbashkët.
"Me Henkrik Hoxhaj jam njohur nga një shok i përbashkët, ky shtetas Viron Tavanxhiu na foli për një atentat që do i bëhej një personi në Fier. Henriku kishte siguruar një makinë, armët dhe i ishin vënë në ndjekje këtij personi. Ditën e ekzekutimit Henriku me tha se porositësi e kishte marrë në telefon dhe i kishte thënë pse po e vononi atë punë.
I shkuam në lokal për ta qëlluar por u fut poshtë tavolinës e me pas brenda në lokal, nuk u futa më tej se isha pa doreza. Vironi me ka kontaktuar edhe për të bërë vrasjen e Agim Boriçit, po në qytetin e Fierit. U realizuan veprimet ne vitin 2018. Me Henrikun takoheshim përditë për të bere planet, Riku më tha se kishte marrë dhe një punë tjetër për Aredin Beharin," tha Skerdi Tase.
