Plagosje me armë zjarri në Tiranë/ 34-vjeçari emër i njohur për policinë, në 2018 i shpëtoi atentatit nga Santiago Malko

Juxhin Hamajesi

TIRANË- Detaje të reja janë zbardhur nga plagosja e 34-vjeçarit në Tiranë, i cili u paraqit rreth orës 23:55 në spital me plagë plumbi në këmbë. Për autoritetet, Juxhin Hamajezi alias Juxhin Mumajesi tha se ishte një konflikt çasti për motive të dobëta, por emri i tij ka qarkulluar në media edhe më parë. 

Hamajesi nuk është i panjohur për policinë. Ai ka mbetur i plagosur në vitin 2018 pasi u qëllua me armë zjarri nga ish-efektivi Santiago Malko në lokalin “Enea” në zonën e Kinostudios. 34-vjeçari rezulton të jetë arrestuar edhe në qershor 2021 i dyshuar për trafik klandestinësh sirinaë.

Si ndodhi plagosja e Juxhin Hamajezi alias Juxhin Mumajesi në 2018?

Ngjarja ndodhi në mesnatën e 27 qershorit. Mbi 15 të shtëna u raportua nga banorët e zonës se u dëgjuan asokohe në zonën e Kinostudios në Tiranë. Nga të shtënat mbetën të plagosur Rivelino Mumajesi dhe Juxhin Mumajesi, asokohe 24 vjeç. I plagosur ka mbetur edhe Ibrahim Durollari, i cili ishte në gjendje të rëndë për jetën. Policia asokohe shoqëroi 23 persona, por jo ish-policin Santiago Malko.

Ai u përfol në media, si personi që shtiu me armë dhe plagosi dy vëllezërit për prishje të pazareve të drogës, por kurrë s’u arrestua. Dyshohet se dy vëllezërit Juxhin dhe Rivelino Mumajesi i kanë pasur një shumë të konsiderueshme borxh disa personave të tjerë, por asokohe u raportua se policia po hetonte edhe për pistën e prishjes së pazareve të drogës mes dy grupeve rivale./Dosja.al

foto ilustruese

TIRANË- Një plagosje me armë zjarri ka ndodhur pak para mesnatës në kryeqytet, në rrugën “Aleksandër Moisiu”. Blutë bëjnë me dije se 34-vjeçari Juxhin Hamajezi është paraqitur në spital rreth orës 23:55 për ndihmë mjekësore me plagë në në këmbë.

Nga veprimet e para hetimore dyshohet se plagosja ka ndodhur gjatë një konflikti të çastit për motive të dobëta. Ndërkohë grupi hetimor nën drejtimin e Prokurorisë po vijon punën për zbardhjen e rrethanave, identifikimin dhe kapjen e autorit/ve.

Njoftimi i policisë:

Tiranë/Informacione paraprake

-Më datë 26.05.2026, rreth orës 23:55, është paraqitur  në spital për ndihmë mjekësore, i plagosur në këmbë, dyshohet me armë zjarri, shtetasi J. H., rreth 34 vjeç, i cili ndodhet jashtë rrezikut për jetën.

Nga veprimet e para hetimore dyshohet se plagosja ka ndodhur në rrugën “Aleksandër Moisiu” gjatë një konflikti të çastit për motive të dobëta.

Grupi hetimor nën drejtimin e Prokurorisë po vijon punën për zbardhjen e rrethanave, identifikimin dhe kapjen e autorit/ve./Dosja.al