Moti i keq/ Pezullohet mësimi në Shkodër, 26 familje të evakuuara, 2 rrugë të pakalueshme në Lezhë

Foto ilustruese

DURRËS- Moti i keq që ka pushtuar vendin vijon të krijojë probleme në daljen e mjeteve lundruese në det të hapur. Kapiteneria e Durrësit ka njoftuar se krahas mjeteve të tonazhit të vogël dhe peshkarexhave, sonte nuk do të lundrojnë as tragetet e linjës Durrës-Bari.

Sipas të dhënave, “Rigel III” dhe “Af Marina”, parashikuar për t’u nisur rreth orës 23:00 të kësaj të marte, do të nisen pas orës 05:00 të së mërkurës. Megjithatë pasagjerët do të imbarkohen sonte dhe do të mbeten në pritje për t’u nisur drejt Italisë në orët e para të mëngjesit.

Por ndërkohë nuk do të pezullohet lundrimi në krahun tjetër të Adriatikut. “Rigel VII” dhe “GNV Blue” do të nisen sonte nga porti i Barit në orën 22:00 dhe parashikohet të mbërrijnë nesër rreth orës 07:00.

Pamje nga Maliqi

MALIQ- Njësia administrative e Libonikut ka patur këtë mbrëmje probleme me energjinë elektrike. Vetëm pak minuta reshje shiu kanë bërë që energjia të ndërpritet në Bashkinë e Maliqit.

Që nga nisja e reshjeve të shiut, fshatrat Vlocisht, Libonik, Drithas, Vashtemi dhe Poceste momentalisht ndodhen në errësirë.

Përmbytjet në Lezhë

LEZHË- Situata në Shqipëri vijon të mbetet e rënduar për shkak të reshjeve të dendura të shiut. "Abc" sjell foto nga ajri, ku duket e gjithë zona nga ajri dhe pjesët e tokës që janë nën pushtetin e ujit, që deri më tani raportohet se 4 hektarë tashmë janë përmbytur.

Edhe pse Emergjencat Civile pretendojnë se situata po përmirësohet, duket se kjo nuk është në plan të ndodhë, sepse moti parashikohet të sjellë sërish rrebeshe shiu që shtojnë rrezikun për përmbytje.

Haki Çako

TIRANË- Kreu i Emergjencave Civile, Haki Çako tha se në situatën aktuale të përmbytjeve në veri të vendit nuk plotësohet asnjë kriter për shpalljen e gjendjes së fatkeqësisë natyrore. Në një lidhje direkte, Haki Çako tha për Euronews Albania se për sa kohë përmbytjet janë të menaxhueshme, të gjitha kapacitete e shtetit janë në dispozicion. Madje shtoi se situata është drejt përmirësimit nuk ka asnjë arsye për ta shpallur gjendjen e fatkeqësisë natyrore.

“Në rastin aktual nuk jemi në asnjë kriter për sa kohë përmbytjet janë të menaxhueshme, të gjitha kapacitetet e shtetit, të pushtetit vendor janë në dispozicion. Ajo që është më pozitivja që situata është drejt përmirësimit, niveli në Drin, Bunë, Gjadër dhe Kir është në rënie. Ligji i ka të qarta kriteret për shpalljen e gjendjes së fatkeqësisë dhe zotërinjtë deputetë i njohim mirë se e kanë votuar vetë ligjin. Edhe një element tjetër; të gjitha dispozitat e BE kanë të specifikuar mënyrën si funksionin shteti, njësitë e pushtetit vendor,”- tha Çako.

Pamje nga përmbytjet

DURRËS- Kur kanë kaluar 48 orë situata nga përmbytjet që përfshinë qarkun e Durrësit duket e qetë. Uji është tërhequr nga tokat bujqësore ndërsa lumejtë Erzen dhe Ishëm kanë shkuar në shtratin e tyre. Prefekti i qarkut Durrës Emiljan Jani shprehet se të gjitha strukturat e emergjencës janë në gatishmëri teksa shton se gjatë ditës së sotme ka pasur reshje me intensitet të ulët. 

Në Bashkinë Durrës reshjet kanë rënë më intensitet të ulët duke bërë që të ketë një normalizim të situatës. Niveli i ujit të lumit Erzen është në rënie. Niveli në Hidrovirin e Porto-Romanos është -1m, kurse tek Hidrovori i Hamallajt është -1.2m. Ndërkohë bëhet me dije se në banesat në të cilat kishte prezencvë uji tashmë situata është e qetë.

Në bashkinë Krujë prurjet e lumit Ishëm kanë rënë duke bërë të mundur dhe tërheqjen e ujit nga tokat bujqësore. Sipërfaqja e prezence uji është përgjysmuar, rreth 70 ha. Ndërsa në akset rrugore nuk ka prezencë uji dhe qarkullimi i automjeteve vazhdon normalisht.

Dhe në bashkinë Shijak situata ditën e sotme paraqitet e qetë. Reshjet e shiut kanë rënë me intensitete të ulët dhe duke bërë që lumi Erzen të rikthehet në shtratin e tij. Bëhet e ditur se të gjitha strukturat janë në gatishmëri nëse do të ketë sërish një përkeqësim të kushteve të motit gjë që mund të djellë daljen e lumejve nga shtratet dhe rrezikimin e banesave dhe qytetarët. 

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive. Në Durrës situata duket e qetë dhe gjatë ditës së sotme nuk është raportuar për raste problematike.

Greta Bardeli

TIRANË- Deputetja e Partisë Demokratike Greta Bardeli është shprehur se gjendja e në qarkun e Shkodrës për shkak të përmbytjeve mbetet e paqëndrueshme. Sipas Bardelit kjo ka ndodhur nga rebeshi i korrupsionit qeveritar. Deputetja demokrate tha se deri më tani reth 1 mijë e 458 hektarë tokë bujqësore është nën ujë si dhe 86 familje janë evakuuar në Njësinë Administrative Guri i Zi. Në fund të fjalës së saj ai u bëri thirrje qytetarëve që të dalin në protestën e thirrur nga opozita më 6 dhjetor. 

"Me fondin e Emergjencës Civile të përdorur për kopshte të varura ne oborrin e korrupsionit dhe fasadat pa fund, qeveria jo vetëm i mbyt qytetarët e saj, por as nuk përgjigjet ne kohe duke i lënë në përmbytje qytetarët e Shkodrës! Një popull që paguan taksa për zyrtarët që e drejtojnë por që mbytet nga keqqeverisja për 30 minuta, është një popull i vjedhur në mënyrë kriminale dhe i përbuzur nga arroganca dhe cinizmi. Si shqiptarë dhe europianë, duhet të bëhemi bashkë me 6 dhjetor. Shqipëria na kërkon që t’i dalim zot", tha ajo.

DEKLARATA E PLOTË:

Si deputete e Shkodrës, dua jo vetëm të raportoj për gjendjen në territorin e Bashkisë, por edhe të solidarizohem me të gjithë ata bashkëqytetarë të mitë shkodranë, që u përmbyten kur qeverisë së Edi Ramës i doli jashtë kontrollit rrebeshi i korrupsionit. Nga monitorimet në terren sot, deri në orën 10, gjendja e përmbytjeve dhe lëvizja e ujërave në të gjitha basenet e Shkodrës është e paqëndrueshme. Hidrometrat e liqenit të Shkodrës dhe lumit Drin shënjojnë afër kapaciteteve maksimale. Në disfavor të gjendjes është edhe fakti se reshjet vazhdojnë, dhe po ashtu hapja e digave të dy hidrocentraleve të kaskadës së Drinit.

Në bashkinë Shkodër ka një sipërfaqe totale të përmbytur rreth 1 mijë e 458 Ha. Familje të evakuara gjithsej janë 86 dhe vijnë nga njësitë administrative të Gurit të zi, Bërdicë, lagjet 1 dhe 2. Duhet patur parasysh fakti se ky numër nuk përfshin shumicën tjetër të banorëve që nuk pranojnë të largohen duke ruajtur pronën dhe pasurinë e tyre dhe janë të zhvendosur në katet e dyta të ndërtesave. Shumica e të evokuarve janë të akomoduar te të afërmit, ndërsa në konvikte 3 familje.

Falenderoj Bashkinë Shkodër dhe kryetarin Spahia, që kanë qenë dhe janë në gatishmëri me të gjithë kapacitetet njerëzore, logjistike dhe akomoduese për t’i ardhur në ndihmë popullatës të rrezikuar nga përmbytjet. Dua të falenderoj gjithashtu me gjithë zemër Forcat e Armatosura të Republikës së Shqipërisë, që po bëjnë një punë atdhetare. Ata janë të vetmit në frontin e betejës, duke u munduar të menaxhojnë me përkushtim papërgjeshmërinë e një qeverie që i lë në mëshirën e ujit e te baltës nënshtetasit e vet pa paralajmërim!

Me fondin e Emergjencës Civile të përdorur për kopshte të varura ne oborrin e korrupsionit dhe fasadat pa fund, qeveria jo vetëm i mbyt qytetarët e saj, por as nuk përgjigjet ne kohe duke i lënë në përmbytje qytetarët e Shkodrës! Një popull që paguan taksa për zyrtarët që e drejtojnë por që mbytet nga keqqeverisja për 30 minuta, është një popull i vjedhur në mënyrë kriminale dhe i përbuzur nga arroganca dhe cinizmi. Si shqiptarë dhe europianë, duhet të bëhemi bashkë me 6 dhjetor. Shqipëria na kërkon që t’i dalim zot.

Lindita Metaliaj

LEZHË- Deputetja e Partisë Demokratike Lindita Metaliaj ka vizituar ditën e sotme zonat e përmbytura në Gjkadër të Lezhës. Sipas Metaliajt situata në zonën e Lezhës është mjaft kritike pasi afro 24 banesa janë ende nën ujë si dhe 1400 hektarë tokë bujqësore janë në 'pushtetin' e ujit. Metaliaj u shpreh se e gjithë kjo situatë u shkaktuar nga hapja e menjëhershme e kaskadës së Drinit. Deputetja demokrate bëri thirrje për shpalljen e menjëhershme të gjendjes së emergjencës dhe të nisë dëmshpërblimi i banorëve të prekur. Metaliaj i bëri thirrje qeverisë që të lërë udhëtimet dhe t'i thërrasë mendjes pasi situata është e rëndë dhe banorët kanë nevojë për ndihmë.

 DEKLARATA E PLOTË:

Siç shihet tashmë jemi në ditën e tretë të reshjeve të dendurave dhe situata po përkeqësohet çdo ditë e më shumë, madje mund të themi se nga ora në orë po shikohet një situatë mëse e rënduar. Aktualisht nga po flasim jemi në Gjadër dhe situata nga pamjet shikohet që është teje shqetësuese, në fakt. Banorët ndodhen në situatë kritike, aktualisht janë afro 24 banesa që ndodhen të përmbytura, 1400 ha tokë bujqësore dhe të mbjella janë nën ujë dhe padyshim qytetarët po apelojnë për ndihmë dhe kërkojnë mbështetjen e institucioneve shtetërore që t’ju gjenden pranë kryesisht dhe me ushqime, në këto momente. Duke qenë se reshjet do të jenë të vazhdueshme gjatë gjithë javës, padyshim kërkohet që institucionet të mobilizohen, të lënë propagandën politike, pasi sot nuk është dita për të bërë politikë, përkundrazi është dita që të gjendemi pranë qytetarëve.

Përmbytja nuk është e vërtetë që erdhi nga reshjet, padyshim që natyra bën punën e saj por edhe institucionet kanë përgjegjësi dhe duhet të bëjnë të sajën. Ajo erdhi si rezultat i hapjes së menjëhershme të portave në kaskadën e Drinit , ku u përmbytën Shkodra, Lezha dhe madje deri në Krujë ka vërshuar uji dhe kjo ndodh për shkak të abuzimit të kësaj qeverie e cila në fakt blen shtrenjtë dhe shet shumë lirë energjinë elektrike, ndërkohë që mund të prodhojë gjatë gjithë kësaj periudhe. Kur është thatësirë ankohen se nuk ka reshje. Ndërkohë që kur ka reshje çfarë bëjnë? Hapin portat përmbysin qytetarët, banesat, qindra e mijëra hektarë me tokë bujqësore nën ujë dhe derdhin në det 2000 metër kub ujë në sekondë. Ndërkohë që e gjitha kjo mund të prodhojë energji elektrike. Edi Rama e ka bërë kontratën me 10 milionë euro me energjinë elektrike, duke e blerë 220 megavatin në bursë.

E gjitha kjo ka të bëjë pikërisht me abuzimin e kësaj qeverie në kurriz të qytetarëve shqiptarë, por siç shihet në kurriz të qytetarëve të Lezhës dhe Shkodrës sepse jemi të dy qarqet në situatë shqetësuese. Apeli im është që qeveria t’i thirr mendjes t’i leje udhëtimet se ndërkohë që i gjithë shteti është në ajër qytetarët ndodhen nën ujë. Të shpallë gjendjen e emergjencës së jashtëzakonshme t’ju vij pranë qytetarëve, t’i verifikojë me sy të gjitha dëmet që po bëhen në mënyrë që t’ju sigurohet mbështetje për banesë, për ushqime dhe për të gjitha prodhimet bujqësore që ndodhen nën ujë. Ka shumë familje të cilat janë të rrethuar nga uji. Nga ajo se çfarë patë ju ose keni konstatuar për çfarë kanë më shumë nevojë këta banorë për momentin? Aktualisht që flasim ato kanë nevojë për ushqime por edhe për ilaçe. Një pjesë tjetër dhe për veshmbathje se aktualisht janë nën ujë por edhe gjëja e gjalla kanë nevojë për ushqime sepse janë totalisht të mbuluar me ujë.

Në këto moment problematik është dhe lumi Gjadër i cili është në kuota kritike, lumi Drin po ashtu në kuota kritike dhe e gjitha kjo ndodh se dhe pse hapen kanale kulluese nuk është e mjaftueshme përsa kohë që nuk investohet në thellimin e lumit Gjadër dhe lumit Drin që nga vitet 2008-2009 që ishte koha e qeverisjes së Partisë Demokratike. Dhe një shqetësim tjetër që e sqaruan shumë dhe specialistët kërkohet një hidrovor i ri në Balldren, i cili tashmë projekti është që në 2011 dhe nuk zbatohet sepse po abuzohet me këto fonde. Dhe ndërtimi i një hidrovori të ri në Gjadër dhe riparimi i hidrovore aktuale kryesisht të Gocaj i cili funksionon në mënyrë të ndërprerë për shkak të mungesës së energjisë elektrike dhe mungesës së furnizimit me burim të dytë të energjisë elektrike. Ushtria është për t’u falënderuar sepse gjendet pranë qytetarëve por abuzimi nuk mund të mbulohet me prezencën e ushtrisë. Nuk mund të mbulohen dhjetëra, mijëra, milionë euro që abuzohet në kurriz të qytetarëve shqiptarë sidomos në këto kushte.

Masivi i dheut që ka rrëshkitur

LEZHË- Qarku i Lezhës edhe pas 48 orësh përmbytje nuk po gjen qetësi. Raportohet se një masiv dheu në fshatin Rraboshtë ka rrezikuar jetën e familjarëve të Gjergj Kamberit dhe shtëpinë pasi ka shembur murin rrethues të banesës, i cili kishte një gjatësi 40 metra dhe lartesi 3 metra. 

Masivi i dheut që ka rrëshkitur

Siç shihet edhe në foto masivi i dheut është i madhe dhe ka rrezikuar familjarët dhe banesën. Fatmirësisht nuk ka pasur të lënduar pasi askush nuk ishte pranë murit apo në oborrin e shtëpisë. Pritet të ndërhyhet me një fadromë për largimi e dheut.

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive.

çifti i të moshuarve

LEZHË- Pamje të trishta vijnë nga një fshat i Lezhës, ku dy të moshuar janë izoluar në banesën e tyre pasi është rrethuar nga uji. Siç shihet edhe në video, nuk ka asnjë mundësi për të dalë nga banesa. Prej tre ditësh çifti i të moshuarve kanë mbetur pa ngrënë, pa energji elektrike dhe të vetmuar në shtëpinë e tyre që ndodhet nën ujë dhe siç thonë dhe ata, askush nuk ka shkuar për t'i ndihmuar. 

"Kjo periudhë për ne është shumë e vështirë. Jemi dy pleq 80- vjeç. Kam pas me marrë pensionin dje, vetëm 5 mijë lekë të vjetra, pas tre ditëve sot më ka ardhur buka. Sot më erdhën 3 bukë edhe nuk ka më për këta pleq. Nuk kemi patur asnjë ndihmë, vetëm po të mbytemi në ujë. çfarë të bëjmë? Vetëm ne të dy jemi këtu. Gjatë natës kemi ndenjtur kështu. Jemi edhe të sëmurë me barna e me të tëra të zezat jemi", tha i moshuari nga bensa e tij e rrethuar me ujë. 

Rreth 1300 ha tokë janë nën ujë në Lezhë, e ndërsa 1 familje është evakuuar. Në njoftimin zyrtar nga Bashkia e Lezhës, bëhet me dije se 2 rrugë, ajo që lidh fshatin Blinisht-Superstradë (Lezhë-Shkodër) dhe në fshatin Piraj janë të pakalueshme. Rrugët nacionale janë të qarkullueshme normalisht. Gjatë mbrëmjes ka pasur rënie inertesh dhe gurësh si dhe bllokime të kanaleve shkarkuese./ Dosja.al

Niko Peleshi

TIRANË- Ministri i Mbrojtjes, Niko Peleshi ka dhënë përditësimin e fundit nga situata që është vendi nga përmbytjet. Ai është shprehur se në orët e fundit vetëm 4 banesa janë ende nën ujë, nga 24 që ishin një ditë më parë. Ministri tha se 1300 hektarë sipërfaqe janë përmbytur.

Peleshi tha se bashkitë kanë në dispozicion fondin e emergjencave prej 10 mln euro, i ndarë në proporcion me buxhetet e bashkive. 

DEKLARATA E PLOTË E PELESHIT:

Gjatë orëve të fundit kemi pasur një përmirësim të konsiderueshëm të situatës nga reshjet intensive që përfshinë vendin duke nisur nga data 20 Nëntor. Menjëherë pas marrjes së të dhënave mbi parashikimin e motit nga IGJEUM dhe Shërbimi Meterologjik Ushatrak, Agjencia e Mbrojtjes Civile ka njoftuar pushtetin vendor, veçanërisht bashkitë më të rrezikuara nga reshjet e shiut që kanë qenë të një sasie të konsiderueshme.

Në cilësinë e Kryetarit të Komitetit të Mbrojtjes Civile thirra edhe mbledhjen e Komitetit ku të ftuar ishin edhe kryetarët e bashkive, Prefektët e zonave me risk, me të cilët rakorduam planin e masave për të përballuar pasojat.

Që prej ditës së parë janë angazhuar në terren:
1. 570 Forca të Armatosura
2. 495 Forca Zjarrfikëse
3. 400 Forca nga Policia Shtetit
4. 315 Forca Vullnetare
5. Ekipet e Shërbimit Mjekësor
Sipas të dhënave të fundit nga Qendra Kombëtare Operacionale e Emergjencave Civile në AKMC, reshjet e shiut kanë vazhduar me intensitet të ulët gjatë natës dhe të lokalizuara.
- Ka rënë ndjeshëm sipërfaqja e tokës e mbuluar nga uji në qarkun e Shkodrës. Sot janë 1685 hektarë tokë nën ujë dhe vazhdon tërheqja, nga 4346 ha që ishte dje në darkë

- Aktualisht janë vetëm 26 familje me 99 anëtarë të evakuuar, nga 52 familje dhe rreth 318 banorë që ishin dje. Të tjerët janë kthyer në banesat e tyre. Në Bashkinë e Lezhës ka pasur gjithashtu përmirësim:
- Ka prani uji vetëm në 4 banesa nga 24 që ishin dje
- 1300 hektarë sipërfaqe e përmbytur
 
RRUGET

Përgjithësisht rrugët në rajonin e veriut të vendit janë të kalueshme, veç pak segmenteve.
Janë pastruar dhe ka qarkullim normal në segmentet që lidhin Tropojën, në aksin Hani i Hotit-Tamarë-Vermosh dhe Bogë- Theth. Në akset Kukës - Krumë, Kukës - Ura Zapodit, në aksin Kukës – Bushtricë.
Po punohet dhe shumë shpejt do të jenë të lira edhe disa akse si:
Lezhë- Vau i Dejës, Qafa e Malit-Fierzë, Ura e Matit - Lezhë
Nuk ka pasur probleme sa i përket lëvizjes në akset e rrugëve në rajonin qendror dhe jugor të vendit.
Janë të lira akset rrugore nacionale dhe turistike
Njëkohësisht po bëhet një kontroll i urave pas situatës së krijuar nga shirat.
 
NIVELI I LUMENJVE

Niveli i lumenjve Drin (5.9 nga 7.5), Buna (7.6 nga 8.7) është aktualisht poshtë nivelit kritik.
Në Hidrovoret Droje, Shllinze, Tale, Ishull Shengjin, Gryke Zeze, Gocaj, Balldre nivelet e ujit janë nën kuotat kritike.
Po monitorohet situata pa ndërprerje.
Në të gjithë pjesën tjetër të vendit, në Bashkitë Durrës, Kukës, Dibër situata paraqitet normale

BASHKITË

Të gjitha bashkitë kanë patur dhe kanë në dispozicion fondin e emergjencave prej 10 mln euro, i ndarë në proporcion me buxhetet e bashkive. Fond i cili është parashikuar edhe në buxhetin e vitit të ardhshëm.

Sipas VKM 414 ky buxhet mund të përdoret për:
1. Shërbime të ndërhyrjes së menjëhershme në shpëtimin e jetës së shtetasve, pronës private e publike.
2. Akordimin e ndihmës financiare për familjet, banesat e të cilëve janë dëmtuar nga përmbytjet, në aspektin ndërtimor dhe orendi shtëpiake.
3. Marrjen e masave rehabilituese në objektet infrastrukturore që përbëjnë një kërcënim serioz për jetën e njerëzve, pronat e tyre dhe mjedisin, të cilat ndikojnë në rikthimin e jetës normale për komunitetin e veprimtaritë e tij ekonomike.
4. Shpenzime të kryera për blerje karburanti dhe pjesë ndërrimi për automjete dhe makineri, të cilat përdoren për përballimin e situatave emergjente.
5. Mbulimin e shpenzimeve të tjera operative të kryera gjatë përballimit të ngjarjeve dhe situatave të emergjencës civile;
6. Blerje materialesh të ndryshme, që i shërbejnë veprimtarisë së strukturave të emergjencës civile në nivel vendor.
7. Mbajtjen në gatishmëri të infrastrukturës së ujitjes, të kullimit, të mbrojtjes nga përmbytja dhe digat e rezervuarëve në administrim të tyre

Ashtu siç kemi bërë gjatë këtyre tri ditëve, Forcat e Armatosura, ato Zjarrfikëse, Forcat e Policisë së Shtetit, ekipet e shërbimit mjekësor do të vijojnë të jenë në gatishmëri për të qenë pranë qytetarëve për çdo nevojë.
Përsërisim thirrjen drejtuar të gjithë banorëve të zonave të rrezikuara të bëjnë kujdes me lëvizjet e tyre edhe në orët në vijim, pasi sipas parashikimit të motit pritet një tjetër sasi e konsiderueshme reshjesh. Ju lutemi në çdo rast nevoje njoftoni pa vonesë autoritetet vendore.

Durrës

DURRËS- Qyteti i Durrësit është duke vuajtur pasojat e motit të keq, që prej dy ditë radhazi shkaktoi përmbytje masive në këtë qark dhe jo vetëm. Zona e Gjirit të Lalzit dhe Sukthi aktualisht nuk furnizohen me ujë pasi reshjet intensive të shiut kanë shkaktuar probleme në stacionin e pompave në Fushë Kuqe.

Që prej ditës së premte banorët e këtyre zonave nuk janë furnizuar me ujë në rubinetat e tyre. Sipas ujësjellës kanalizimeve në Durrës, sot pritet që defekti të riparohet, për të bërë të mundur furnizimin me ujë të depove dhe gjatë ditës, në varësi të orarit, në të dyja zonat. 

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndërsa në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive./ Dosja.al

foto nga përmbytjet në Shkodër

SHKODËR- Shtëpi të mbushura me ujë, xhamia pothuajse e fundosur, banorë të veshur me çizma dhe mushama që çajnë ujin mes për mes për të shpëtuar veten dhe familjarët, kjo është panorama që shoqëroi për 3 ditë rradhazi qarkun e Shkodrës pas përmbytjeve nga moti i keq, që u mori jetën tragjikisht dy personave. 

Pamjet të cilat janë shkrepur nga Florian Goga, tregojnë situatën me të cilën përballen dhjetëra banorë të Shkodrës pothuajse çdo vit, ku dëmi që u shkaktohet është kolosal, sidomos të ardhurat, pasi 70% e sipërfaqes së tokës në këtë qark "pushtohet" nga uji. Edhe këtë vit, Shkodra kryesonte në qarqet më të prekura nga përmbytjet, por ajo që e bën më të rëndë situatën është fakti se si pasojë e motit të keq dy anëtarë të një familjeje babë e bir, Petrit dhe Jason Rushaj humbën jetën tragjikisht në Bogë pasi, nuk mundën të 'luftonin' kundër rrymës së ujit.

Më 20 nëntor, Rushaj u nis me djalin e tij, Jason Rusha, 14 vjeç e me vajzën e mitur për të parë nëse dy shtëpizat e drurit që kishte ngritur bashkë me të vëllanë, kishin marrë dëmtime nga moti i keq. Ai mori me vete edhe dy fëmijët e tij, pa e ditur se ky do të ishte udhëtimi i fundit që do të bënin bashkë. Pikërisht në zonën e njohur si “Grykë Lugje”, iu ndërpre rruga. Uji mori makinën përpara dhe 50-vjeçari zbriti vajzën e i tha së shkonte në fshatin më të afërt për të marrë një kavo për ta tërhequr. Më pas doli edhe vetë bashkë me djalin nga mjeti. Por, kur një vrull i fuqishëm uji nga “Përroi i Thatë” i rrëmbeu djalin nga duart, Rushaj u hodh ta shpëtonte. Por, për fat të keq, të dy ndërruar njetë. Vajza u ndihmua nga një banor i zonës. Trupat e babë e bir u gjetën 16 orë më vonë./ Dosja.al

Banori në Durrës

DURRËS- Në kushte të vështira jetese pas përmbytjeve, banorët e ish-kënetës protestuan mëngjesin e sotëm duke u shprehur se bashkia nuk ka marrë parasysh ankesat e tyre për dëmet që u janë shkaktuar në banesa, të cilat ndodhen ende në ujë.

Ujërat e shiut janë përzier me ujërat e zeza, duke u kthyer në burim infeksionesh në zonë. Një nga banoret shprehet se situata është shumë e rëndë, pasi shtëpia e saj ndodhet në ujë dhe nuk ka mundësi të kujdest për burrin invalid dhe fëmijët e saj.

"Uji lart nuk vjen, burrin e kam të sëmurë me cfarë të laj me cfarë të shplaj. është me të meta mendore, si t'ia bëj atij unë. Kam folur në bashki dhe asnjë zgjidhje asnjë, asnjë gjë s'po bëjnë. Tre fëmijë i kam invalida në shtëpi dhe burrin katër, si do jetoj unë me këtë situatë kështu. Rroga nuk më del se me 150 mijë lekë që marr unë ato s'më dalin, t'i ble bebelina burrit, a të paguaj drita, a të paguaj ujë e qira e krejt të gjitha. Ka tre ditë uji këtu, të futem në garazh, nuk futem dot", tha banorja. 

Po ashtu një banor tjetër është shprehur se qeveria nuk është treguar serioze për të zgjidhur situatën e përmbytjeve në këtë zonë dhe se ky problem është ngritur disa herë në derën e bashkisë nga ata, por nuk kanë marrë asnjë zgjidhje.

"Jemi duke jetuar një jetë, sikur me qenë para 2000 vjetëve. Jemi shumë të shqetësuar, me dashtë qeveria nuk na lë kështu. Ka qenë një zakon që kur ankoheshin njerëzit e shtëpisë, anëtarët e familjes i zoti i shpisë i merrte masat dhe e zgjedhite problemin. Jo se nuk është duke punuar qeveria, qeveria është duke punuar po nuk e ka seriozisht. Se po ta merrte seziosht nuk rrinim këtu në ujë dhe më falni për shprehjen edhe në fekale. Ne kemi halle, nuk dimë si t'ia bëjmë. Disa herë e kemi bërë problem, çdo vit e kemi bërë problem dhe nuk kanë bërë asgjë. Derisa i bleva çizmat nëpër ujë shkoja", tha banori./ Dosja.al

Ervin Salianji

TIRANË- Deputeti demokrat Ervin Salianji ka deklaruar në fillim të Komisionit për Sigurinë Kombëtare se sot duhej që të diskutohej mbi përmbytjen e Shkodrës dhe Lezhës. Gjatë fjalës së tij, Saliaji ka theksuar se kalimi i projektligjeve nen për nen bëhet vetëm sa për të hequr vëmendjen nga ngjarjet e përditshme. Po ashtu Salianji ka ironizuar duke thënë se ata bëjnë ligje kot për mbrojtjen e informacionit, pasi të gjitha informacionet e klasifikuara i ka Irani. Salianji në fund të fjalës theksoi se kjo qeveri po vjedh hapur, duke nisur që nga energjia deri te Porti i Durrësit.

"Në ditën ku një prej dikastereve që është në mbikëqyrjen tonë, që është Ministra e Mbrojtjes që është në terren, ky komision duhet të niste edhe këtë çështje, përmbytjet dhe vëmendjen që ka Parlamenti dhe Komisioni i Sigurisë qoftë për ti dhënë mbështetje qoftë trupave me uniformë dhe pa uniformë që përballen me përmbytjen e shkaktuar nga qeveria drejtëpërdrejtë, për shkak të babëzisë për të vjedhur. Së dyti, projekligjet vijnë dhe kalojnë dy muaj para dhe pastaj kalojnë nen për nen sipas interesit të qeverisë për të zhvendosur vëmendjen nga ngjarjet e ditës. Çfarë bëjmë ligje kot ne dhe bëjmë projektligje kot për mbrojtjen e informacionit të klasifikuar ku të gjitha sekretet shtetërore të Shqipërisë i kanë iranianët i ke në publik të gjitha. E pyetëm drejtuesin e SHIK a ka rrjedhje jo tha por dolën të gjitha e-mailet e drejtorit të përgjithshëm dhe të drejtuesve të SHIK në publik. Ju keni arritur për herë të parë, sekretin e vjedhjes e keni bërë publike. Po vjedh hapur ai, po vjedh me energjinë, me Portin e Durrësit prandaj po rrjedhin të gjitha të dhënat hapur. Ne nuk mund të bëjmë kot për të bërë diskutime të kota," tha Salianji.

Gruaja

SHKODËR- Qytetarët shqiptarë në shumë rajone të vendit po vazhdojnë të vuajnë nën ujë, ndërkohë që ende nuk po gjendet asnjë zgjidhje për to. Zonat më të prekura nga përmbytjet janë në Shkodër dhe Lezhë. Banorët po përdorin metoda nga më të ndryshmet për të mbijetuar. 

Këtë radhë, një banore ka zgjedhur të kalojë ujin që ka pushtuar oborrin e saj me karrige e jo me varka, siç bëjnë disa nga bashkëfshatarët e saj. Në mungesë të ndihmës, banorja përdor karriget, për të kaluar. 

'Avash avash' dëgjohet ti thotë banorja tjetër e cila po e filmon. 

Pamje nga përmbytjet në Shkodër

LEZHË- Përmbytje e shkaktuara nga reshjet e dendura që përfshinë vendin në 48 orët e fundit kanë sjellë përmbytje masive në pothuajse gjithë qarkun e Lezhës. Fshati Torovicë përpos përmbytjeve kanë hasur sot në një vështirësi të rëndë pasi për shkak të përmbytjeve nuk mund t'i jepnin dot lamtumirën e fundit një të vdekuri.

Për shkak të lartësisë së ujit e cila arrin deri në 1 metër familjarët e kanë pasur të vështirë të nxjerrin trupin nga banesa dhe ta varrosnin. Sipas Ora News për këtë ata kanë kërkuar ndihmën e forcave të ushtrisë të cilët kanë marrë trupin e të njderit me varkë për ta përcjellë në banesën e fundit dhe për të kryer të gjitha procedurat mortore.

Deri më tani në fshatin Torovicë rreth 500 hektarë janë nën ujë. Lartësia e ujit vijon të jetë e lartë duke i lënë të rrethuara banesat dhe duke e bërë të pamundur lëvizjen e banorëve.

Enkelejd Alibeaj

TIRANË- Deputeti i Partisë Demokratike, Enkelejd Alibeaj kërkon nga Qeveria që të shpallë gjendjen e emergjencës në Shkodër, Lezhë dhe Durrës. Në një konferencë për mediat, deputeti së bashku me kolegë të tjerë, shprehen se situata në vend është mjaft problematike e se në disa zona është akoma më e rëndë. Ai shton se po dëmtohen jetët e njerëzve, duke përmendur këtu edhe vdekjen e dy personave nga moti i keq në Malësinë e Madhe. 

DEKLARATA E ALIBEAJT:

Situata e reshjeve të ditëve të fundit ka shkaktuar problematika të rënda në zona të ndryshme të qarqeve Shkodër, Lezhë dhe Durrës. Si pasojë e përmbytjeve janë dëmtuar arat me të mbjella, bagëtitë, shtëpitë e qytetarëve, pasuri të trashëgimisë kulturore, si rasti i Urës së Bahcallëkut në Shkodër. Por, ajo që e bën më të rëndë situatën është dëmtimi i shëndetit dhe jetës së qytetarëve, sic ishte rasti i tragjik i humbjes së jetës së dy qytetarëve, babë e bir, në Malësinë e Madhe. Nisur nga ky bilanc tragjik për shëndetin, jetën, pronat dhe pasuritë e qytetarëve të këtyre zonave, ne vlerësojmë se përmbushen kriteret kushtetuese dhe ligjore për shpalljen e gjendjes së fatkeqësisë natyrore.
 
Konkretisht, neni 174 i Kushtetutës përcakton se “Për parandalimin ose mënjanimin e pasojave të një fatkeqësie natyrore ose aksidenti teknologjik, Këshilli i Ministrave mund të vendosë, për një periudhë jo më të gjatë se 30 ditë, gjendjen e fatkeqësisë natyrore, në një pjesë ose në të gjithë territorin e shtetit.”. Kushtetuta nuk përmban ndonjë përkufizim për situatën e fatkeqësisë natyrore, por ai jepet në nenin 3, pika 9 të ligjit nr. 45/2019 “Për mbrojtjen civile”. Kjo dispozitë përcakton se fatkeqësitë natyrore janë fatkeqësitë që shkaktohen nga dukuri natyrore ekstreme, që lidhen me tërmetet, përmbytjet dhe vërshimet e ujit, temperaturat ekstreme dhe të tejzgjatura, rrëshqitjet artitektonike, ortekët, erërat e forta në tokë dhe det etj.
 
Më tej, ligji përcakton përgjegjësitë e Këshillit të Ministrave. Në nenin 18, gërma “ç” përcaktohet se Këshilli i Ministrave mund të vendosë për një periudhë jo më të gjatë se 30 ditë gjendjen e fatkeqësisë natyrore në një pjesë ose në të gjithë territorin e vendit. I njëjti parashikim gjendet edhe në nenin 39 të këtij ligji. Ndërsa, neni 40 përcakton kategoritë e emergjencave sipas shtrirjes së tyre, përkatësisht në: (i) emergjenca vendore, kur shtrihet brenda një bashkie; (ii) emergjenca rajonale, kur shtrihet në bashki apo qarqe të ndryshme; dhe (iii) emergjenca kombëtare, kur shtrihet në të gjithë territorin. Neni 42 përmban në mënyrë të detajuar masat që merren nga institucionet publike, strukturat operacionale të mbrojtjes civile, subjektet private dhe shtetasit për përballimin e situatës së fatkeqësisë natyrore.
 
Duke u kthyer në rastin konkret, rezulton se kemi të bëjmë me një situatë të shkaktuar nga përmbytjet dhe vërshimet e ujit, të cilat hyjnë në fushëveprimin e konceptit të fatkeqësisë natyrore, sipas përkufizimit të nenit 3, pika 9 të ligjit nr. 45/2019 “Për mbrojtjen civile”. Në këtë kuptim, Këshilli i Ministrave, në përputhje me detyrimet e saj që rrjedhin nga neni 174 i Kushtetutës dhe nenet 18, 39 të ligjit nr. 45/2019, duhet të vendosë shpalljen e gjendjes së fatkeqësisë natyrore. Për shkak se përmbytjet dhe vërshimet e ujit janë të përhapura në bashki të ndryshme të qarqeve Shkodër, Lezhë dhe Durrës, Këshilli i Ministrave, në përputhje me nenin 40, duhet të shpallë gjendjen e emergjencës rajonale, si dhe të përcaktojë masat e nevojshme për institucionet, strukturat, subjektet private dhe qytetarët, në përputhje me nenin 42 të ligjit nr. 45/2019.
 
Prandaj, duke pasur parasysh sa më sipër, me qëllim përballimin në mënyrë sa më efikase të situatës së krijuar nga përmbytjet dhe vërshimet e ujit, në funksion të mbrojtjes së shëndetit, jetës, pronave dhe pasurive të qytetarëve, në mbështetje të nenit 174 të Kushtetutës, nenit 39 të ligjit nr. 45/2019 “Për mbrojtjen civile, dhe nenit 10 të ligjit nr. 8550, datë 18.11.1999 “Statusi i Deputetit”, në cilësinë e deputetëve të Kuvendit të Shqipërisë, përfaqësues të zonave të përmbytura, kërkojmë shpalljen e fatkeqësisë natyrore në qarqet Shkodër, Lezhë dhe Durrës, si dhe marrjen e masave të nevojshme.

Majlind Angoni

SHKODRA- Prefektja e Shkodrës Majlinda Angoni ka dhënë detaje në lidhje me situatën në fshatrat e Shkodrës pas përmbytjeve masive që përfshinë qarkun. Angoni tha se fshatrat më të prekur janë Oblik, Kuç dhe Kërdica, ku janë evakuuar 24 familje, të cilat janë vendosur në konvikte ose tek familjarët e tyre. Ndër të tjera ajo tha se sot situata paraqitet e qetë. Prefektja u shpreh se prioritet ka qenë jeta e njerëzve ndërsa shtoi se në të gjitha zonat ka energji ekektrike. Deklaratat prefektja e Shkodrës i bëri gjatë një interviste në 'fax Neës'.

Majlinda Angoni: Lumi Kir ka sjell dëme në Kuç. Bërdica, fshati Kuç, Oblik, këto janë zonat më të prekura por në këto momente nuk kemi prezencë jo në shtëpia por as në oborre. Deri tani prioritet ka qenë jeta e njerëzve, jemi akoma në situatën e menaxhimit të dëmeve. Di që kemi 23 familje të evakuuara nga 26 që kemi pasur në orën 8. Sipas IGJEUM pritet intensitet i reshjeve nga mbasditja por renia e kuotave është favorizuese. Jemi të informuar për masat që do merren nëse do kemi kalim të kapacitetit. E gjithë bashkia dhe qarku është me energji elektrike edhe rrugët janë të gjitha të kalueshme. Duke patur parasysh se ka pasur shumë rënie dherash, e rëndësishme në këto momente, është të sigurojmë jetën e njerëzve dhe gjesë së gjallë. Familjet janë akomoduar në konviktin e akomodimit të studentëve ndërsa një pjesë tjetër te familjarët e tyre. Kushtet janë optimale. Ne kemi patur bashkëpunim me bashkinë, nuk dua që ky moment të përdoret politikisht. Kapaciteti që ka bashkia dhe ndihmat ne jemi atashuar dhe kemi qenë forca mbështetëse.

Edi Rama

TIRANË- Kryeministri Edi Rama ka reaguar pas akuzave të Partisë Demokratike, se qyteti i Durrësit është përmbytur e ka dëme masive nga reshjet. Në një postim të bërë në 'Tëitter', kryeministri thotë se qytetarët vetëm po helmohen nga lajmet e rreme që po dalin. Ai nënvizon se kryetarja e Bashkisë së Durrësit është në krye të detyrës dhe pranë njerëzve. 

POSTIMI I RAMËS:

Mjerë kush hyn në këto kanale, lexon r kujton se informohet, po veç helmohet me gënjeshtra të trasha, jashtënxjerrje e neveritshme e helmit që verbon e nxit urrejtjen… Kryetarja e bashkisë Durrësit në krye të detyrës, pranë njerëzve me tërë punonjësit, ndërsa këta të paudhë:

Bore

KORÇË- Reshjet e para të borës kanë rënë edhe në Korçë. Mësohet se zonat më malore në Korçë janë zbardhur gjatë natës. Deri më tani fatmirësisht nuk ka dalë asnjë problematikë në akset rrugore. Fshati turistik i Dardhës gjithashtu edhe mbrëmjen e djeshme është prekur disa minuta nga bora.

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive.

Protesta

DURRËS-Banorët e zonës së ish-Kënetës në Durrës janë përmbytur. Ata kanë dalë në një protestë për të theksuar dhe kanë pasur prej shumë kohësh shqetësim për ujin i cili futet në oborret e tyre. Ata theksojnë se uji është një përzierje e ujërave të shiut me ujërat e zeza. 

Ata tregojnë se tubacionet nuk kanë kapacitet për të përballuar fluksin e ujërave të shumta si dhe ujërat e zeza për t’i përcjellë në kanal. Ndërkohë shqetësimet e tyre përcillen me indiferencë nga pushteti lokal. Edhe kur vijnë përfaqësuesit zyrtarë, ata përsëri nuk zgjidhin problem, thonë banoret. Shirat kanë rifilluar dhe ankthi i banorëve që bashkëjetojnë me ujërat në oborre dhe banesa, duket se do të vazhdojë gjatë.

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive./Dosja.al

Përmbytje në Durrës

DURRËS- Një nga lagjet kryesore të plazhit në Durrës ndodhet ende në "pushtetin" e ujit. Prej më shumë se 71 orësh 30 familje në këtë lagje janë izoluar si pasojë e përmbytjeve të shkaktuara gjatë ditës së djeshme në qarkun e Durrësit. Banorët e kësaj lagjeje që ndodhet vetëm 5 metra nga rruga kryesore e kanë të pamundur të dalin nga shtëpitë e tyre për shkak të prezencës së shtuar të ujit. 

Në Portin e Durrësit, anijet e peshkimit nuk kanë vijuar aktivitetin e tyre deri në një urdhër të dytë për përmirësim të kushteve të motit. Përmirësimi i kushteve të motit pritet pas orës 10:00 të datës 23 nëntor 2022 dhe deri atëherë autoritetet do të jenë në monitorim të vazhdueshëm të situatës deri në rikthimin në normalitet./ Dosja.al

Pamje nga përmbytjet në Shkodër

SHKODËR- Shkodra është një nga qarqet më të prekura nga përmbytjet e dy ditëve të fundit që përfshinë vendin për shkak të reshjeve të shiut. Për momentin situata paraqitet e qetë por dëmet janë kolosale në banesat e fshatit Kuç, i cili ishte dhe më i prekuri ditën e djeshme pasi lartësia e ujit arriti deri në 1 metër dhe rrugët ishin të kalueshme vetëm me varka dhe zetorë. 

Banorët e fshatit shprehen të shqetësuar për situatën dhe kërkojnë ndihmën e shtetit. Ata thonë se në vitin 2010 ishin paralajmëruar paraprakisht për përmbytjet që do të shkaktoheshin ndërsa tani ata u gjenden përballë një situatë të re dhe uji vërshoi me shpejtësi drejt banesave të tyre duke shkatërruar gjithçka.

“Dëmet që janë shaktuar tek ne janë të pa llogaritshme, mobiljet e paisjet, divanë frigoriferë e ushqimet të gjitha. Na ka bastisur uji për një orë e gjysëm, ka hyre rreth 6-7 cm ujë në shtëpi. Nuk ka ardhur asnjë të na sjelli ndihma. Kemi dalë prej këtu kemi lënë shtëpitë prej dy ditësh. Bagëtitë i kemi në ujë. Në vitin 2010 ka ardhur më gradualisht, jemi lajmëruar ndërsa këtë radhë për një orë e gjysëm ka hyrë uji në shtëpi. Apeli jonë për shtetin është të vinë të na ndihmojnë sepse kemi mbaruar", tha një banor.

“Dëmet janë shumë, nuk e dinim kur do vinte uji, na ka ardhur për dy orë dhe ka përmbytur çdo gjë. Përveç kryetarit bashkisë nuk ka ardhur asnjë njeri të na sjelli një bukë apo një shishe ujë. Kanë ardhur dhe me makina ushtarake të nxjerrin njerëzit por kemi nevojë për ujë, për bukë, na është mbytur çdo ushqim i bagëtive. Hidrocentrali ndikoi në përmbytje përderisa erdhi uji për dy orë. Apeli im për shtetin është që ti vinë në ndihmë komunitetit, kanë ardhur me makina të ushtrisë por për sa i përket emrgjencave ne duam ushqime, duam ujë sepse është përmbytur çdo gjë. Çdo mbeturinë, çdo banjë, çdo gjë ka dalë jashtë. Vijnë ata për të paguar dritat, si vjen kur unë dy herë kam prishur 20 milionë lekë mall. Ky është realiteti”, tha një tjetër banor.

Deri më tani përllogaritet se rreth 1600 hektarë tokë bujqësore është në ujë në Qarkun e Shkodrës. Dëmi në banesa përllogaritet të jetë i lartë dhe banorët i kanë sytë nga shteti për ndihmë. Uji ka nisur të tërhqiet por rreziku vijon të jetë ende ekzistent ndërkohë që tashmë dëmi është bërë.

Debore

TIRANË- Autoriteti Rrugor Shqiptar ka treguar se si është situata me rrugët në vend, pas reshjeve të shiut dhe përmbytjeve. ARRSH shkruan se sot ka pasur një rënie të intesitetit të shirave. Në Malësinë e Madhe vetëm aksi Dedaj-Razëm vazhdon devijimin për në rrugën alternative. ARRSH u ka bërë apel shoferëve që të udhëtojnë me kujdes dhe të ulin shpejtësinë.

NJOFTIMI I ARRSH:

“Gjatë natës dhe në orët e para të mëngjesit ka rënë intensiteti i reshjeve të shiut në të gjithë vendin duke sjellë një qetësim të situatës
Për momentin vetëm në aksin Dedaj-Razëm vazhdon devijimi për në rrugën alternative.
Kontraktorët me mjete e punëtorë janë në terren  për të mbajtur qarkullimin në normalitet 
Tregoni kujdes të shtuar gjatë drejtimit të mjetit në kohë me shi, ulni shpejtësinë, respektoni sinjalistikën dhe udhëzimet e Policisë Rrugore  …

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive.

Bulqiza

BULQIZË- Reshjet e dëborës kanë prekur edhe rrethin e Bulqizës. Në zonat mbi 700 metra mbi nivelin e detit gjatë natës së sotme kanë nisur reshjet e para të borës duke e zbardhur vendin. Për shkak të borës që ka rënë, autoritetet kanë bërë thirrje që të bëjnë kujdes në qarkullim, pasi rrugët janë të rrëshqitshme. 

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive.

Permbytje

DURRËS- Situata nga reshjet e shiut është stabilizuar në Durrës. Bashkia bën të ditur se është ulur niveli i ujit në lumin Erzen dhe Ishëm e për pasojëështë tërhequr uji nga tokat bujqësore. Ndër të tjera, bëhet e ditur se uji është larguar nga 8 banesa në rajonin numër 6. Po ashtu, gjatë mbrëmjes intensiteti i reshjeve ka qënë i ulët.

NJOFTIMI I BASHKISË:

“Sektori i Planifikimit, Përballimit të Emergjencave Civile dhe Krizave. Në vijim të raportimit për situatën deri tani, nga komunikimi me strukturat përgjegjëse vendore të mbrojtjes civile, si dhe strukturat e gadishmërisë së përhershme, situata është e qetë.

●Niveli në Hidrovorin e Porto-Romanos është 1m, kurse në Hidrovorin e Hamallajt është 1.2m;
●Niveli i ujit në lumin Erzen dhe Ishëm është ulur me rreth 2m, dhe për pasojë është tërhequr uji nga tokat bujqësore në Njësinë Administrative Bubq, Bashkia Krujë;
●Pas punës me intensitet të lartë nga ana e strukturave përgjegjëse është larguar uji nga 8 banesat me prezencë uji në Rajonin Nr.6, qyteti Durrës;
●Të gjitha akset rrugore janë pa probleme dhe janë të kalueshme normalisht;
●Intensiteti i reshjeve ka qenë shumë i ulët;
●Strukturat vendore janë në gadishmëri të plotë dhe monitorim çdo moment.

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive./Dosja.al

Përmbytjet në Kukës

KUKËS- Rezervuari i Zherkës në Tropojë paraqet rrezik për këtë zonë pasi në rast reshjes intensive ai mund të dalë nga shtrati, edhe pse deri më tani sipas parashikimit të motit situata në këtë qark mëngjesin e sotëm, duket e qetë. Rezervuari është duke u monitoruar nga bashkia e Tropojës që në rast përmbytjesh, si pasojë e motit të keq të neutralizohen banesat që ndodhen pranë këtij rezervuari. 

Deri më tani raportohet se disa zona kanë mungesë të energjisë elektrike. Më konkretisht zonat Grykë- Çajë dhe Arra e Kukësit. Ndërsa furnizimi me ujë të pijshëm është normal. Sakaq në disa akse rrugore, po punohet për të larguar inertet dhe gurët nga subjektet kontraktore që merren me pastrimin dhe mbajtjen funksionale të rrugëve. Deri më tani raportohet se rrugët në inventarin e bashkive Kukës, Tropojë e Has janë të qarkullueshme./ Dosja.al

Foto Ilustruese

LEZHË- Bashkia Lezhë ka bërë bilancin e gjendjes së tanishme nga përmbytjet. Me anë të një njoftimi bëhet me dije se në Lezhë janë 1300 hektarë tokë të përmbytura si dhe dy fëshatra komplet të izoluar për shkak të përmbytjes së rrugëve. Po ashtu në Lezhë hidrovoret pu punojnë pa ndërprerje pasi rritja e nivelit të ujit është alarmante. 

Njoftimi i Bashkisë Lezhë:

Situata në territorin e Qarkut Lezhë ora 8:00, datë 22.11.2022. Në territorin e qarkut gjatë mbrëmjes deri sot në mëngjes kemi patur rreth 20 mm reshje. Situata e deritanishme paraqitet si mëposhtë: Në njësinë administrative Dajç, bashkia Lezhë, kemi ulje të nivelit të ujit me rreth 20 cm. Ura që lidh fshatin Gjadër me Zojs-Gramsh është e kalueshme dhe për mjetet e vogla. Rruga që lidh fshatin Blinisht-Superstradë (Lezhë-Shkodër) vazhdon të jetë e pakalueshme si rezultat I prezencës së ujit në trupin e rrugës, kurse rruga që lidh fshatin Blinisht-Baqel është e kalueshme plotësisht. Kemi rritje të nivelit në trupin e rrugës në fshatin Piraj, e cila është bërë e pakalueshme nga mjetet.

Nga ana e Kryqit të Kuq, dega Lezhë janë dhënë ndihma ushqimore për 1 familje të evakuar në fshatin Mabë. Në fshatin Kakarriq vazhdon të kemi prezencë në 4 banesa, edhe pse niveli I ujit po vazhdon të ulet. Kemi 500 ha sipërfaqe toke të përmbytura në fshatin Torovicë, njësia administrative Balldre, 800ha në njësinë administrative Dajç dhe Blinisht, bashkia Lezhë. Hidrovoret po punojnë me kapacitet të plotë dhe pandërprerje. Konkretisht Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike dhe hidrovori Balldre rreth -1.2 m. Lumi Drin është në kuotën +1.15 m nga +2.0 m kuote kritike. Lumi Gjader ka kuota të larta, ndërsa lumi Mat ka rritje të kuotave por të papërfillshme. Në bashkinë Mirditë dhe Kurbin nga strukturat e MC nuk raportohen problematika. Mbetemi në kontakt.

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive.

Shkoder

SHKODËR- Sipërfaqja totale e përmbytur si pasojë e motit të keq në Shkodër është 1685 Ha. E përmbytur momentalisht është rruga e Obotit, ndërsa ujësjellësi ‘Oblika 1’ ka dalë jashtë funksionit. Deri më tani janë 26 familje të evakuara nga Guri i Zi, Bërdica, Lagja 4 dhe Lagja 1. Në 5 banesa në Ajasem ka prezencë uji.

 Zonat më problematike u raportuan në Shkodër dhe Lezhë, me toka dhe banesa të përmbytura.

NJOFTIMI I BASHKISË:

Sipas të dhënave të fundit nga Qendra Kombëtare Operacionale e Emergjencave Civile në Agjencinë e Mbrojtjes Civile gjatë orëve të fundit ka patur një përmirsim të situatës së krijuar nga reshjet në Shkodër. Nga 2425 Ha sipërfaqe e përmbytur dje, sot rezulton vetëm 1685 Ha, 26 familje të evakuuara dhe 5 shtëpi me prezencë uji.

Nga monitorimi në terren ditën e sotme datë 22.11.2022,ora 08.00, situata e përmbytjeve në terren vazhdon të jetë si më poshtë:

• Hidrometri i Liqenit të Shkodrës në orën 08.00,shënon kuotën 7.67 m.(Kuota max 8.70 m).

• Hidrometri i lumit Drin në orën 08.00,shënon kuotën 5.90m. (Kuota max 7.50 m).

Bashkia Shkodër

Siperfaqe totale e përmbytur 1685Ha

Nj.A. Ana e Malit

1. Sipërfaqja e tokës bujqësore e përmbytur vlerësohet në 900 Ha, kryesisht në fshatrat Obot, Muriqan,Oblikë

2. Rruga e Obotit - Niveli i ujit mbi rrugë arrin rreth 40 cm.

3. Ujësjellësi Oblika 1,si pasojë e përmbytjeve është jasht funksionit

 Nj.A Dajç

1.Sipërfaqja e tokës bujqësore e përmbytur vlerësohet në 150 Ha, kryesisht në fshatrat Mushan, Shirq, Pentar.

2. Rruga Darragjat-Shirq në vendin e quajtur Urrelat e Shirqit ka mbi 15cm ujë

Nj.A.Velipojë

Sipërfaqja e tokës bujqësore e përmbytur vlerësohet në 135 Ha.kryesisht fshatrat Baks, Luarz. Ças.

Nj. A. Guri i Zi

Sipërfaqja e tokës bujqësore e përmbytur vlerësohet në 300 Ha, kryesisht në fshatrat Kuç dhe Rrenc.

Nj.A.Bërdicë

Sipërfaqja e tokës bujqësore e përmbytur vlerësohet në 200 Ha, konkretesht në fshtrat Trush,Berdicë e Siperme,Berdice e Mesme, Beltoje.

Familje të evakuara:

Janë 26 familje të evakuara, gjithsej 99 persona, kryesisht nga Njësitë Administrative :

Nj. Administrative Guri I Zi, 19 familje (77 persona),po evakuohen 30 krerë gjë e gjallë,të imta.

Nj. Administrative Bërdicë, 2 familje (8 përsona)

Lagja Nr.4,  3 familje (7 përsona)

Lagja nr. 1,  2 familje ( 7 përsona)

Të akomoduar në konvikt 3 familje ( 12 përsona), ndërsa pjësa tjetër tek të afërmit.

Shtëpi me prezencë uji në oborre dhe në brendësi të banesave gjithsej 5 banesa:

tek Lagja Nr.4, 5 banesa (Ajasem)

Ishëm

LEZHË- Niveli i ujit në Ishëm ka rënë, pas reshjeve intensive gjatë dy ditëve më parë, megjithatë siç duket edhe nga pamjet e siguruara nga dosja.al tokat bujqësore janë kthyer në pellgje me ujë si pasojë e përmbytjeve dhe prurjeve të shumta. Ende vijon të ketë rreth 30 cm ujë në to.

Krahasuar me një ditë më parë situata në këtë zonë duket se është e qetë dhe rruga e bllokuar e fshatit Mirqine është e kalueshme për mjetet, megjithatë jo nga këmbësorët. 

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive./ Dosja.al

Debore

TROPOJË- Dita e sotme nis me një pamje të bukur në male. Këtë mëngjes Maja e malit të Gjallicës, Koretnikut dhe bjeshkët e larta malore janë zbardhur nga dëbora.

Rrugët nacionale janë të qarkullueshme normalisht, edhe pse ka patur rënie inertesh dhe gurësh si dhe bllokime të kanaleve shkarkuese. Bashkia Tropojë po punon për hapjen e rrugëve të dëmtuara, apo aty ku ka pasur rrëshqitje dherash.

Mëngjesin e sotëm situata pas përmbytjeve të djeshme duket më e qetë në disa qarqe të vendit, ndëra në disa të tjera vijon të ketë prezencë të ujit në toka bujqësore apo në disa banesa të cilat më të prekura kanë qenë ato të qarkut Shkodër. Deri në një moment kur situata nga përmbytjet në rrugë të jetë e sigurt, Ministrja e Arsimit dhe Sportit ka vendosur pezullimin e mësimit në 14 shkolla kryesisht në zonën e Shkodrës, për shkak të vështirësive të krijuara nga përmbytjet masive./ Dosja.al

Reshje

TIRANË- Moti do të jetë me vranësira dhe reshje shiu me stuhi intensitet të lartë pasdite dhe në mbrëmje në zonën veriperëndimore dhe Jugperëndimore. Temperaturat minimale do të luhaten 4-11 gradë, temperaturat maksimale do të jenë me rënie 10-11°C në veri, 15-17°C në zonën e ulët dhe bregdet.

Era do të jetë me drejtim Jug-Lindje me shpejtësi 15-20 m/sek dhe dallgëzim të forcës 5 -6 ballë në det të hapur.