Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Partia Demokratike (edhe ajo e vulës) është e përçarë. • Pas mbledhjes maratonë të Kryesisë së PD-së, ku u vendos për mbajtjen e zgjedhjeve për kryetar, kanë nisur reagimet. • Të gjitha ishin të fokusuara tek dhuna që u ushtrua ndaj deputetëve të PD-së që menduan ndryshe nga të tjerë dhe nuk e mbështetën ish-kryedemokratin Lulzim Basha, por edhe tek gazetarët që po ndiqnin zhvillimet në selinë e marrë me qera. • I pari që reagoi ishte një nga deputetët që u sulmua nga mbështetësit e Bashës, Gazment Bardhi. • Bardhi tha se dhuna verbale, presioni dhe shantazhi ndaj deputetëve të PD që mendojnë ndryshe nuk janë mjete politike. Sipas tij, kjo sjellje do sjellë pasoja në besimin e qytetarëve tek PD. • Reagoi edhe kryedemokrati Sali Berisha. • Ai dënoi sulmet ndaj gazetarëve dhe deputetëve, duke i cilësuar si akte të një politike dhune të turpshme që ka në origjinë skenarët e kryeministrit Edi Rama. • Edhe Lulzim Basha foli. • Në rrjetet e tij sociale, por edhe në një takim me të rinjtë në Elbasan tha se nuk mund të ketë një bashkim, proces që për të është e njëjtë si të hapësh "një vrimë në ujë". • Megjithatë ka pasur edhe reagime nga demokratë të tjerë, e dorëheqje nga Kryesia e PD-së, pas përsekutimit për mendimin kundër. • Ndërkohë Jorida Tabaku, e cila i hapi rrugë zgjedhjeve të reja në PD, ka zgjedhur që të heshtë. • Tani duket se për Partinë Demokratike shqetësim kryesor tashmë nuk është riorganizimi i partisë dhe analiza e humbjes së zgjedhjeve lokale të 14 majit. • Aktualisht janë të fokusuar tek 29 korriku, e cila u vendos si data e zgjedhjeve për kreun e ri të PD-së.
5 artikuj për këtë temë.
TIRANË- Deputeti i Partisë Demokratike, Flamur Hoxha është larguar nga posti i tij si Sekretar Organizativ i PD-së. Dorëheqjen nga posti i tij e dha pas mbledhjes së djeshme, e cila u zhvillua për më shumë se 10 orë. Pas vendimit për të lënë të lirë postin që ai mbante, Flamur Hoxha me nota ironie ka deklaruar se nuk është në nivelin e asaj kryesie.
“Dorëheqjen si sekretar organizativ rrjedhimisht dorëheqje nga kryesia si anëtar kryesie nga posti i sekretarit organizativ pasi nuk jam në lartësinë e asaj kryesie,”-deklaroi ai.
Po ashtu, bashkë me të nga Kryesia u dorëhoq edhe deputetja tjetër Ori Nebijaj është dorëhequr nga Kryesia, ndërsa më herët Jorida Tabaku dha dorëheqjen nga posti i nënkryetares së PD-së.
TIRANË- Kryetari i Partisë Demokratike Sali Berisha komentoi dhunën e ushtruar nga mbështetësit e Lulzim Bashës mbi gazetarët dhe deputetët në mbledhjen e kryesisë së PD-së së vulës. Berisha u shpreh se dhunë kanë ushtruar gangsterë dhe rrugaçë, të cilët kanë kërcënuar dhe fyer gazetarët dhe deputetët. Po ashtu Berisha u shpreh se ky ishte një skenar i Ramës.
“Dënoj me forcën më të madhe gangsterët që kanë kërcënuar gazetarët të cilët kanë ndjekur gjithë natën një takim ku ka pasur deputetë dhe jo deputetë dhe në vend që të falënderohen për sakrificën e tyre, gazetarët janë përballur me sharje, me kërcënime rrugaçësh për fajin e vetëm se po bënin me sakrifica të vërteta detyrën e tyre. Nuk jam që tu sugjeroj cilin lajm do të ndjekin, por ata në asnjë rrethanë as nuk mund të fyheshin, as nuk mund të kërcënoheshin. Ata që mendojnë se do mbyllin problemet duket fyer dhe kërcënuar gazetarët janë gangsterë, rrugaçë. Po kështu dënoj kërcënimet që u janë bërë deputetëve, akte këto të një politike dhune të turpshme që ka në origjinë skenarët e Edi Ramës”, tha Berisha.
TIRANË- Ish-kryetari i Partisë Demokratike Lulzim Basha ka komentuar përplasjet që kanë ndodhur në mbledhjen e kryesisë së PD-së ditën e djeshme. Me anë të një postimi në Twitter, Basha shkruan se ata janë një familje politike dhe se mendimet ndryshe duhen respektuar. Ndërkohë që për dhunën e shkaktuar nga mbështetësit e tij, Basha ka dënuar çdo përpjekje për tensionim të situatës.
Fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike. Nuk ka gjë më demokratike se mendimet e ndryshme në një forum politik. Debatet dhe mendimi ndryshe duhen respektuar nga të gjjthë. Vlerat demokratike që na drejtojnë në këtë rrugëtim të vështirë për ne demokratët nuk mund të cënohen nga asnjë individ. Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas.
3/3 Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas.
— Lulzim Basha (@lulzimbasha_al) June 7, 2023
TIRANË- Kryetari i Grupit Parlamentar të Partisë Demokratike të vulës, Gazment Bardhi ka reaguar pas mbledhjes së kryesisë mbrëmjen e kaluar për të vendosur mbi fatin e partisë. me anë të një postimi në Twitter, Bardhi ka shpjeguar edhe arsyet se përse ka ikur nga mbledhja para se të përfundonte, duke theksuar se dhuna verbale, presioni dhe shantazhi nuk janë mjete politike. Po ashtu Bardhi ka dënuar dhunën dhe ofendimet kundër deputetëve të PD-së nga mbështetësit e Lulzim Bashës.
Postimi i Bardhit:
Dhuna verbale, presioni dhe shantazhi ndaj deputetëve të PD që mendojnë ndryshe nuk janë mjete politike. Kjo sjellje prej grupimi paramilitar hedh në erë bashkëjetesën brenda kësaj force politike dhe dërrmon në mënyrë përfundimtare besimin e qytetarëve tek PD. Duke dënuar me forcë aktet e dhunës kundër deputetëve të PD, anëtarëve të Kryesisë dhe gazetarëve, u kërkoj secilit kolegë të distancohen publikisht prej tyre. Përmes dhunës, presionit dhe shantazhit nuk ndërtohet asgjë afatgjatë, në interes të demokratëve dhe të Shqipërisë.
1/2. Dhuna verbale, presioni dhe shantazhi ndaj deputetëve të PD që mendojnë ndryshe nuk janë mjete politike. Kjo sjellje prej grupimi paramilitar hedh në erë bashkëjetesën brenda kësaj force politike dhe dërrmon në mënyrë përfundimtare besimin e qytetarëve tek PD.
— Gazment Bardhi (@GazmentBardhi) June 7, 2023
TIRANË- Mbledhja e kryesisë së Partis Demokratike të vulës është shoqëruar me debate dhe përplasje të shumta. E për rrjedhoj dy deputetë kanë vendosur që të japin dorëheqjen e tyre në postet që mbajnë brenda PD-së.
Fillimisht ka qenë Flamur Hoxha, i cili ka dhënë dorëheqjen nga posti i tij si Sekretar Organizativ i PD-së po kështu dhe nga funksioni që kishte në Kryesi. Pas tij ka dhënë dorëheqjen nga funksioni në kryesi edhe Oriela Nebiaj.
