Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Seanca plenare e ditës së sotme në Kuvend ka zgjatur vetëm 20 minuta ku nuk munguan pamjet nga aksioni i opozitës, i ndërmarrë prej disa muajsh. • Në rendin e ditës ishte votimi i ligjit që do të rikthente pas 5 vitesh bastet online, por ky i fundit u hoq nga rendi i ditës gjatë seancës. • Përveç opozitës, vëmendje mori dhe një protestë e qytetarëve, para parlamentit, kundër marrëveshjes Rama-Meloni për emigrantët. • Teksa Garda i pengonte të futeshin në sallën e Kuvendit, deputeti opozitar, Flamur Noka ka shkuar me miell me vete dhe ua ka hedhur atë në fytyrë punonjësve të gardës. • Nga ana tjetër, deputeti Dashnor Sula u shfaq ndryshe në Kuvend, i veshur me pankarta bastesh online dhe në sallë u hodhi para false ministrave dhe deputetëve socialist, në shenjë proteste kundër ligjit për bastet online. • Ndërsa deputeti tjetër opozitar, Edi Paloka dogji në sallë rregulloren e Kuvendit dhe jashtë shtroi në shkallë disa viza të bardha me miell. • Deputeti Flamur Noka i ka reaguar ashpër deputetit Lulzim Basha, kur ky i fundit ka dalë nga seanca plenare duke e quajtur atë mercenar dhe të pabesë.
19 artikuj për këtë temë.
TIRANË- Deputeti i Partisë Demokratike Dashnor Sula ka paralajmëruar përshkallëzim të aksionit parlamentar. Në një intervistë për News24, Sula thotë se e kanë cuar parlamentin në këtë derexhe. Ai thotë se ia vlen që të bëjnë grevë urie për demokracinë.
"E kanë cuar parlamentin në këtë derexhe. Nuk kemi kërkuar asgjë më shumë se cna jep Kushtetuta, të drejtat tona. Nuk na konsiderojnë fare si opozitë. Na thonin merrnin rrogën mbyllni gojën dhe ikni në shtëpi. Nëse doni të lëpiheni për ndonjë tender hajdeni. Tani ka një opozitë të vërtetë, më mirë rebelë. Do të bjerë numri i lejeve të ndërtimit sepse paratë e paligjshme do të pastrohen përmes lojërave të fatit. Ne do vijomë aksionin opozitar, unë jam mësuar me grevë urie. Ja vlen të bëjmë grevë urie për demokracinë. Edhe sikur të vdes ja vlen për shqiptarët," tha Sula.
TIRANË- Deputeti demokrat Edi Paloka i ka drejtuar një mesazh kryeministrit Edi Rama gjatë seancës së sotme plemnare. Në fjalën e tij në foltoren e Kuvendit, u shpreh se fundi i Ramës do të jetë ai i diktatorëve dhe i Enver Hoxhës. Paloka i bëri thirrje deputetëve të mazhorancës që të mos i shkojnë pas, por theksoi se nuk do të ketë normalitet në Kuvend deri në rikthimin e të drejtave kushtetuese të opozitës.
"Fjalët i kisha për atë që nuk ka ardhur sot. Thjesht doja t’i kujtoja diçka, atij të parit, se më 20 shkurt 1991 unë kam qenë në grevë urie. Nga një televizor që kishim aty, ndiqnim se çfarë bëhej në Tiranë. Pasdite erdhën qytetarët, sollën copat që kishin tërhequr zvarrë, të diktatorit dhe kokën e tij. Ne dolëm nga greva dhe unë doja të bëja një fotografi me ato copat e diktatorit, po për fat të keq nuk arrita sepse njerëzit përveçse i kishin copëtuar dhe hequr zvarrë, edhe kishin përmjerë mbi të dhe qelbte erë.
Ky, që mendon sot se është i fortë, se ka arrestuar Sali Berishën dhe ka përjashtuar opozitën, ka marrë ca kukulla aty që u jep urdhër Taulant Balla edhe se kur të vijnë në parlament, ta ketë të qartë se, unë nuk e di se kur, s’jam i sigurt se kur, por jam i sigurt që kur t’i vijë dita, edhe ai era shurrë do të vijë!
Dhe ju që i shkoni as, mendojeni fundin e tij dhe tuajin, por uroj që para se t’i vijë fundi atij, t’ju ketë marrë me radhë të gjithë juve siç ka bërë me ata që ka pasur më afër. Zonjë! Ky nuk është parlament dhe ju e dini shumë mirë këtë. Vetëm pamja flet boll. Nëse ju gënjen mendja se kështu do të ecni me këta që keni marrë këtu për turpin dhe faqen e zezë të këtyre, e keni gabim. Diktatorët një fund kanë! Lërini ta mbulojë shurra shefin tuaj! Mos i shkoni pas! Nuk ka parlament këtu derisa të vendoset normaliteti, t’i jepen të drejtat kushtetuese opozitës. Hajdeni në ora 8, në 7 të mëngjesit, kur t’ju japin urdhër, por parlament normal harrojeni se keni," tha Paloka.
TIRANA- Pas përfundimit të seancës plenare, e cila zgjati jo më shumë se 20 minuta, e karakterizuar nga kaosi i aksionit opozitat, deputeti Gazment Bardhi i bëri thirrje kryetares së Kuvendit, Lindita Nikollës, që të heqë dorë nga ato që ai i cilëson veprime të paligjshme. Bardhi tha se për përjashtimin e tij i kishte kërkuar llogari Nikollës.
Ai shprehu keqardhje për kolegët e tij opozitarë, që sipas Bardhit, iu bindën maxhorancës dhe shkuan 1 orë para në Kuvend.
“Edhe sot e patë se me urdhër të paligjshëm, pjesa dërrmuese e opozitës nuk u lejuan që të futen në sallë. Përsëri grupi parlamentar i PD vijoi aksionin për t’i sqaruar shqiptarëve se ky nuk është kuvendi normal. I bëj apel Nikollën, që të shoh kërkesën për komisionet dhe të heqë dorë nga arroganca dhe masat, përmes përjashtimeve masive. Unë u përjashtova nga Kuvendi se nuk u lejova që të futem në seancën plenare. I kërkova llogari kryetares për pengesën që mu bë. Keqardhje për disa kolegë opozitarë që iu bindën maxhorancës dhe shkuan 1 orë para në Kuvend”, tha ai.
TIRANË- Deputeti Flamur Noka në mbyllje të seancës plenare ka qëlluar me vezë makinën e Ministrit të Brendshëm Taulant Balla. Makina e tij u sulmua me vezë teksa eskorta po largohej nga Kuvendi.
Ndërkohë, me vezë u sulmua edhe makina e Sekretarit të Përgjithshëm të Kuvendit, Genc Gjonçaj.
TIRANË- Deputeti demokrat Flamur Noka ka i ka reaguar ashpër deputetit Lulzim Basha, kur ky i fundit ka dalë nga seanca plenare. Noka e ka quajtur Bashën mercenar dhe të pabesë.
“Tradhtar, i pabesë, mercenar i paburrë”, i tha Noka.
Ndërkohë që Basha u largua nga Kuvendi pa reaguar fare ndaj fjalëve të Nokës.
TIRANA- I karakterizuar nga debatet dhe kaosi është mbyllur dhe seanca e ditës së sotme në prlament. Aksioni i opozitës ka vijuar si në seancat e shkuara ku spikatën ditën e sotme veprime kundërshktuese si ai i deputetit Dashnor Sula, i cili u paraqit në kuvend i veshur me pankarta të basteve online, kundër rikthimit të tyre që ishte parashkikuar të bëhej në rendin e ditës.
Po ashtu deputeti Flamur Noka u pa të hidhte miell në fytyrat e punonjësve të gardës në hyrje të Kuvendit apo deputeti tjetër Edi Paloka i cili u pa të digjte rregulloren e Kuvendit brenda sallës. Seanca e sotme plenare ka zgjatur vetëm 20 minuta dhe pas disa përplasjesh mes deputetëve është mbyllur. Kujtojmë që Partia Socialiste ka hequr nga rendi i ditës, projekligjin për bastet online.
TIRANË- Deputeti Flamur Noka pas aksionit me miell kundër garditëve, ka shkruar disa viza në shkallët e Kuvendit. Noka ka shtruar miell në formën e vizave të kokainës në shkallët e Kuvendit, që sipas tij tregon se ky është narkoshtet.
TIRANË- Partia Socialiste ka hequr nga rendi i ditës, projekligjin për bastet online. Kjo pasi ishte propozuar që ky ligj të mos diskutohej ditën e sotme nga kreu i grupit socialist, Bledi Çuçi.
Ndërkohë që ligjet e tjera janë miratuar me shpejtësi nga mazhoranca, duke përdorur forcën e kartonit.
TIRANA- Deputeti opozitar, Dashnor Sula është paraqitur sot në Kuvend veshur me pankarta bastesh online për të kundërshtuar ligjin për kthimin e tyre. Në sallën e parlamentit, Sula u pa duke hedhur para false drejt ministrave e deputetëve socialistë.
Më parë Sula u shpreh se miratimi i ligjit për kthimin e basteve online është diçka e tmerrshme, ndërsa shtoi se qytetarëve që kanë ves bastet, qeveria do ua marrë dhe ato para që kanë.
“Sepse para pak vitesh ju kujtohet deklarata e kryeministrit që tha i i japim fund marrëzisë, ndërsa sot ka nisur dita e çmendurisë. Përfunduan pastrimi i parave me kullat e ndërtuara dhe sigurisht, krimi i organizuar trafikimi do të investoheshin në ndërtim dhe tani e kanë gjetur që pastrimi i parave do të bëhet në sektorin e lotove. Do të justifikojnë paratë politikanët. Kjo është e tmerrshme. Të jeni të sigurt që çdo prind, e re apo i ri që e kanë një ves të tillë, këta do t’jua marrin dhe paratë e fundit që kanë”, tha Sula.
TIRANË- Partia Socialiste ka rrëzuar dy propozimet e deputetit Lulzim Basha. Një prej propozimeve që Basha kishte dërguar në Kuvend ishte për t'i dhënë 50 milionë dollarë ndihmë Kosovës.
Por deputetet socialistë i rrëzuan propozimet e tij, duke përdorur forcën e kartonit. Më pas Basha ka dalë nga salla dhe është larguar nga Kuvendi.
TIRANË- Deputeti demokrat Edi Paloka ka vijuar aksionin opozitar brenda seancës plenare në Kuvend. Me një çakmak, ai ka marrë rregulloren e Kuvendit dhe i ka vënë flakën.
Ndërkohë që më pas e ka hedhur atë nga kryetarja e Kuvendit dhe nga kabineti qeveritar. Po ashtu deputetët e tjerë po i bien bilbilave, duke krijuar zhurmë.
TIRANË- Seanca plenare ka nisur ditën e sotme, pas disa minutash me vonesë. Deputetët e opozitës që kanë mundur të futen në Kuvend, kanë vazhduar aksionin e tyre opozitar.
Ndërkohë që garda ka rrethuar foltoren për të mos lejuar deputetët e opozitës të vazhdojnë aksionin e tyre.
TIRANË- Deputeti demokrat Dashnor Sula është shfaqur ditën e sotme i veshur me pankarta bastesh online në Kuvend. Siç shihet në videon e mëposhtme, Sula ka mbuluar të gjithë xhaketën e tij me pankarta, ndërkohë që sot votohet ligji për bastet online në Kuvend. Sula u shpreh se miratimi i këtij ligji është diçka e tmerrshme, ndërsa shtoi se qytetarëve që kanë ves bastet, qeveria do ua marrë dhe ato para që kanë.
“Sepse para pak vitesh ju kujtohet deklarata e kryeministrit që tha i i japim fund marrëzisë, ndërsa sot ka nisur dita e çmendurisë. Përfunduan pastrimi i parave me kullat e ndërtuara dhe sigurisht, krimi i organizuar trafikimi do të investoheshin në ndërtim dhe tani e kanë gjetur që pastrimi i parave do të bëhet në sektorin e lotove. Do të justifikojnë paratë politikanët. Kjo është e tmerrshme. Të jeni të sigurt që çdo prind, e re apo i ri që e kanë një ves të tillë, këta do t’jua marrin dhe paratë e fundit që kanë”, tha Sula.
TIRANA- Përpara parlamentit, ditën e sotme, po mbahet një protestë nga qytetarët undër marrëveshjes së emigantëve me Italinë. Protestuesit thonë se marrëveshja është antikushtetuese. Një nga protestuesit tha para mediave se Shqipëria drejtohet nga disa njerëz që janë mbi interesat e popullit dhe kanë dalë mbi Gjykatën Kushtetuese situatë e cila, sipas tij, e ka ulur legjitimitetin e gjykatës.
Ai shtoi duke bërë thirrje që të mos e kthejnë Zadrimën dhe Drinin në kanal ujërash të zeza.
“Ne protestuam dhe te Gjykata Kushtetuese sa i përket këtij ligji, sot Shqipëria drejtohet nga disa njerëz që janë mbi interesat e popullit dhe kanë dalë mbi këtë gjykatë situatë e cila e ka ulur shumë legjitimitetin e GJK. Njerëzit dhe populli që i voton këta njerëz duhet të reflektojë sepse ata rrisin pagat e tyre i dyfishojnë ndërsa 99.9% e njerëzve vuajnë. Do mbani mbi shpatulla turpin e historisë nëse do të votohet ai. Mos e ktheni Zadrimën në hale dhe Drinin në kanal të ujërave të zeza”, tha protestuesi.
TIRANË- Deputeti demokrat Flamur Noka ka deklaruar para Parlamentit ishte mazhoranca ajo që e nisi padrejtësinë ndaj tyre. Sipas tij, ata janë aty për të përfaqësuar opozitën dhe nuk janë për t'i bërë fasadë Ramës.
"Në narko-parlamentin e këtij regjimi ka dy rrugë. Shihni përfaqësuesit, kë përfaqësojmë ne? Popullin opozitar. Kush e nisi këtë padrejtësi? Ne na mohuan fjalën. Ata tentuan që të zhbëjnë opozitën. Po për ca jemi zgjedhur ne? Ti bëjmë fasadë Ramës? Ne jemi për të përfaqësuar opozitën, ata që duan lirinë," tha Noka.
TIRANË- Opozita është mbledhur ditën e sotme para Kuvendit për të vazhduar aksionin e tyre opozitar. Sot situata është përshkallëzuar, duke bërë që deputetët e opozitës të marrin masa shtesë që tu dëgjohet zëri i tyre.
Ka qenë deputeti demokrat Flamur Noka, i cili ka shkuar në Kuvend me miell me vete dhe ua ka hedhur atë në fytyrë punonjësve të gardës. Kjo pasi këta të fundit nuk i lejojnë që të futën në sallë të Kuvendit.
TIRANA- Kuvendi i Shqipërisë do të mblidhen sot ku pritet që të votohet ligji që do të rikthejë pas 5 vitesh bastet online me PS-në e cila i ka votat për të kaluar këtë ligj, pasi kërkon shumicë të thjeshtë. Pas kaosit që kanë krijuar në Kuvend, 23 deputetët të opozitës janë të përjashtuar dhe nuk do të lejohen që të marrin pjesë në seancën plenare mes tyre Gazment Bardhi dhe Flamur Noka. Deputetët e grupit Bardhi-Berisha kanë paralajmëruar se do të vijojnë me skenarët për bllokim.
Në rendin e ditës është futur edhe ligji për Dekoratat, i cili ishte kthyer më herët nga presidenti Bajram Begaj.
DEPUTETËT E PËRJASHTUAR
1-Albana Vokshi
2-Sorina Koti
3-Elda Hoti
4-Lindita Metaliaj
5-Isuf Cela
6-Tritan Shehu
7-Lefter Geshtenja
8-Helidon Bushati
9-Xhelal Mziu
10-Edmond Spaho
11-Oerd Bylykhashi
12-Ervin Salianji
13-Saimir Korreshi
14-Kasem Mahmutaj
15-Ramadan Likaj
16-Kastriot Piroli
17-Qani Xhafa
18-Lodovik Hasani
19-Luan Baçi
20-Bledion Nallbati
21-Asllan Dogjani
22-Flamur Noka
23-Gazmend Bardhi
