Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Ditën e sotme është mbajtur seanca e parë në themel e gjyqit ndaj kryebashkiakut të Tiranës, Erion Veliaj. • Seanca është zhvilluar në orën 9:30 ku kryesuese ka qenë gjyqtarja Ëngjëllushe Tahiri, ndërsa dy relatoret ishin Alma Kodraliu dhe Rudina Palloj. • Bëhet me dije se gjatë seancës, Trupa gjykuese, kryesuar nga Engjëllushe Tahiri, dhe me anëtare Alma Kodraliu e Rudina Palloj vendosi që kryebashkiakut t’i jepet dosja e plotë hetimore në ngarkim të tij. • Mijëra faqe në 61 fashikuj, do t’i dorëzohen përmes një oficeri të Byrosë Kombëtare të Hetimit brenda një afati të shkurtër në paraburgimin e Durrësit, ku Veliaj ndodhet prej më shumë se një viti. • Ndërkohë, kryebashkiaku nuk u paraqit në seancën e parë të gjyqit ndaj tij, duke u përfaqësuar nga avokatja e caktuar kryesisht Valentina Teodoresku. • Por, përmes një deklarate pretendoi se nuk është zhvilluar ende seanca paraprake dhe sipas tij, procesi nuk mund të jetë në fazën e gjykimit në themel. Pra, sipas Veliajt, gjyqtarja Etleva Deda i ka mohuar të drejtën për një mbrojtje efektive. • Gjithashtu në gjyq mungoi edhe bashkëshortja e Veliajt, Ajola Xoxa, përfaqësuar nga avokati Maks Haxhia, i cili informoi gjykatën se ajo është shtatzënë dhe mjeku i ka ndaluar lëvizjen për arsye shëndetësore. • Po ashtu munguan në seancë munguan edhe të pandehurit e tjerë, Klotilda Bushka, Meriman Palushi, Fatmir Bektashi dhe Sokol Kryeziu, por u përfaqësuan nga avokatë. • I vetmi i pandehur që u paraqit fizikisht në seancë ishte biznesmeni Elman Abule, i cili deklaroi se do të jetë i pranishëm edhe në vijim të procesit. • Për shkak të mungesës së Gentian Sulës dhe faktit që ai nuk përfaqësohej nga avokati, pasi rezulton të jetë jashtë vendit, si dhe nga mungesa e avokatit të kompanisë “Fusha”, zhvillimi normal i seancës u bë i pamundur dhe për këtë arsye, gjykata vendosi shtyrjen e seancës për datën 24 mars.
4 artikuj për këtë temë.
TIRANË- Ditën e sotme është mbajtur seanca e parë në themel e gjyqit ndaj kryebashkiakut të Tiranës, Erion Veliaj. Seanca është zhvilluar në orën 9:30 ku kryesuese ka qenë gjyqtarja Ëngjëllushe Tahiri, ndërsa dy relatoret ishin Alma Kodraliu dhe Rudina Palloj. Gjykata e Posaçme kaloi për gjykim çështjen e Veliajt dhe 28 personave të tjerë që janë pjesë e dosjes, më 9 shkurt.
Gjatë kësaj seance gjyqësore, prokurori Ols Dado ka folur për mungesta e të pandehurve në seancë. Ai u shpreh se Gentian Sula dhe Shkëlqim Fusha edhe pse kanë marrë dijeni për zhvillimin e seancës, po bëhen pengesë për vijim e gjykimit. Sula dhe Shkëlqim Fusha po bëhen pengesë për vijimin e gjykimit. Dado tha se procesi të vijojë në mungesë të tyre.
Prokurori Ols Dado për mungesat e të pandehurve në seancë: Gentian Sula dhe Shkëlqim Fusha edhe pse kanë marrë dijeni bëhen pengesë për vijim e gjykimit. Në lidhje me kërkesën e Veliajt, qëndrimi i SPAK-ut është se Veliaj është njohur me aktet, si avokatët edhe vetë i pandehuri. Në lidhje me ato që kanë marrë dijeni dhe nuk janë në sallë gjykata të vijojë edhe në mungesë të tyre./Dosja.al
TIRANË- Ajola Xoxa, bashkëshortja e Erion Veliajt nuk është paraqitur sot në GJKKO për gjyqin. Mësohet se Xoxa ka dërguar në sallë avokatin Maks Haxhia. Ai ka deklaruar se, Xoxa nuk mund të marrë pjesë në seancë pasi ia ka ndaluar mjeku të shkojë për shkak se është shtatzënë.
"Klientja është në pamundësi shëndetësore, është shtatzënë, ia ka ndaluar mjeku që të vijë, i kam kërkuar të sjellë aktin e mjekut.", tha Haxhiu./Dosja.al
TIRANË- Biznesmeni Elman Abule është paraqitur diten e sotme në GJKKO. Abule ndodhet në gjyq në lidhje me dosjen e kryebashkiakut të Tiranës Erion Veliaj.
Në media qarkullon një foto e tij nga viti 2019, në aeroportin e Romës, në shoqërinë e kryetarit të Bashkisë së Tiranës. Besohet se Veliaj dhe Abule kanë njohje të konsiderueshme dhe se udhëtimi i tyre mund të ketë qenë për qëllime turistike./Dosja.al
TIRANË- Mbahet sot seanca e parë në themel e gjyqit ndaj kryebashkiakut të Tiranës, Erion Veliaj. Mësohet se seanca do të zhvillohet në orën 9:30 ku kryesuese do të jetë gjyqtarja Ëngjëllushe Tahiri, ndërsa dy relatoret do të jenë Alma Kodraliu dhe Rudina Palloj. Gjykata e Posaçme kaloi për gjykim çështjen e Veliajt dhe 28 personave të tjerë që janë pjesë e dosjes, më 9 shkurt.
Për çfarë akuzohet Veliaj?
SPAK ka përfunduar hetimet dhe ka dërguar për gjykim në Gjykatën e Posaçme të Shkallës së Parë dosjen e kryebashkiakut Erion Veliaj. Në dosjen e kopsitur nga SPAK 13 akuza që rëndojnë mbi Veliajn dhe 12 akuza që rëndojnë mbi bashkëshorten e tij, Ajola Xoxa. Në përfundim të hetimeve paraprake, ka rezultuar se Veliaj dhe Xoxa, në bashkëpunim mes tyre, në 9 raste të veçanta, kanë marrë përfitime të parregullta në formën e shumave monetare dhe pasurive të paluajtshme, nga subjekte tregtarë dhe organizata jofitimprurëse, të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.
Nga hetimi penal janë grumbulluar të dhëna konkrete, të cilat provojnë se Veliaj, në cilësinë e Kryetarit të Bashkisë Tiranë, me nënshkrimin e tij ka miratuar në çdo rast shpërndarjen e këtyre fondeve, të cilat më pas kanë përfunduar tek OJF-të e kontrolluara nga bashkëshortja e tij dhe individë të afërt me të. Gjithashtu, këta të pandehur, për shkak të funksionit që kryen Veliaj, kanë përfituar në mënyrë të parregullt edhe pasuri të paluajtshme në vlerë të konsiderueshme nga subjekte tregtarë që kanë marrë fonde publike dhe leje ndërtimi nga Bashkia Tiranë.
Në të gjitha këto episode të pandehurit, në bashkëpunim me njëri tjetrin, kanë konsumuar elementët e veprës penale të parashikuar nga neni 260 i Kodit Penal. Shoqëritë me përgjegjësi të kufizuar si edhe organizatat jofitimprurëse të lartpërmendura, duke dhënë përfitime të parregullta për shkak të detyrës që kryen i pandehuri Erion Veliaj, kanë konsumuar elementët e parashikuar nga neni 245 i Kodit Penal./Dosja.al
