Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Kryetari i Partisë Demokratike, Sali Berisha është paraqitur ditën e sotme në Prokurorinë e Posaçme në zbatim të masës së sigurisë "detyrim paraqitje". • Kjo është paraqitja e disatë e kryedemokratit në SPAK në lidhje me çështjen e privatizimit të ish-kompleksit sportiv “Partizani”. • Sikurse dhe në ditët e tjera kur Berisha është paraqitur në SPAK, demokratët, mbështetës të tij, janë mbledhur para ambienteve të Prokurorisë së Posaçme. • Pas daljes nga ambientet e SPAK, Berisha dha një deklaratë të shkurtër për mediat, ku tregoi dhe shënimin e lënë sot për kryeprokurorin Altin Dumani. • Ai ka ndarë me gazetarët dhe një dokument që sipas tij vërteton se Irena Gjoka është dënuar dhe dëbuar nga shteti i Greqisë. • Berisha shprehet më tej se gjyqtarja publikisht e ka mohuar që ka pasur gjëra të tilla, ndërkohë ka marrë prokurë për t’i hequr këto masa. • Ai ka ka deklaruar se emigrantët shqiptarë kanë votuar masivisht për PD-në në këto zgjedhje, ndërsa theksoi se vota e tyre është manipuluar si në Korenë e Veriut. • I pyetur nëse do e drejtojë ai seancën e parë të Kuvendit në shtator si deputeti më i vjetër që është, Berisha tha se kjo nuk do të ndodhë ndonjëherë. • Ndërkohë që më tej, Berisha ka theksuar se do të vazhdojnë betejën ndaj vjedhjes së zgjedhjeve. •Ai u pyet gjithashtu nëse ka pasur komunikim me drejtuesin politik të fushatës, amerikanin, Chris LaCivita në 72 orët e fundit. • Beriha nuk dha një përgjigje konkrete por u shpreh se e falenderon për kontributin që ai ka dhënë Partisë Demokratike, ndërsa e konsideroi këtë si një çështje private. • Berisha ka komentuar mos futjen e doktor Ilir Alimehmetit në Kuvend. • Gjatë fjalës për gazetarët nga SPAK, Berisha ka deklaruar se Alimehmeti është një luftëtar i çmuar dhe i shquar i PD-së, ndërsa theksoi se Kuvendi është vetëm një përfaqësim nga shumë përfaqësime që ka PD-ja. • Kryedemokrati u pyet gjithashtu lidhur me incidentin që ndodhi në protestën e fundit të PD-së mes deputetëve demokratë dhe gazetarëve. • Në komentin e tij mbi këtë, Berisha vlerësoi gazetarët për kontributin e tyre në denoncimin e asaj që ai e quan "farsë elektorale", ndërsa u shpreh se cilido politikan duhet të ketë një kujdes të veçantë në marrëdhëniet me gazetarin. Ndërkohë tha po ashtu se në protesta situata është më delikate dhe se mund të krijohen shpejt gjaknxehtësira dhe gjëra të papëlqyera.
9 artikuj për këtë temë.
TIRANË- Kryetari i PD-së, Sali Berisha tha se gjatë fushatës elektorale ka dorëzuar 15 padi për krime elektorale, por shtoi se do amnistohen nga kreu i SPAK, Altin Dumani. Këtij të fundit Berisha i është referuar si shërbëtor i ministrit, Ulsi Manja dhe Arben Rakipit. Më tej kreu i PD-së tha se për të mbrojtur Dumanin, bëjnë fajtor për të gjitha prokurorin Ols Dado.
"PD ka dorëzuar gjatë fushatës elektorale mbi 15 padi, të cilat natyrisht do kenë fatin e të gjitha padive të tjera, sepse në krye të amnistisë së krimit elektoral, qëndron ai që amnistoi dosjet 184 dhe 339, qëndron vetë Altin Dumani, shërbëtor i shpifur i Ulsi Manjës dhe Arben Rakipit, i keqpërdorur në shkallë ekstreme nga Edi Rama.
Ne kemi dorëzuar edhe gjatë fushatës me dhjetëra padi. ...Prokurorët e tjerë kanë një drejtues dhe ti e pe rastin e Erion Veliajt, se ti e njeh këtë strukturë këtu. Nuk të bëri përshtypje se si i arrestuari me firmë të Altin Dumanit për këtë gjë u bë fajtor Olsi Dado. Se unë i kisha kërkuar njëherë... paçka se djalin e ka pasur kandidat për deputet të PS.
Me një fjalë, për të mbrojtur Dumanin, ia veshën të gjitha ato që kishte bërë Dumani, Olsi Dados. Çfarë mendon ti, se nuk nxjerrin mësim prokurorët nga ai akt që ndodhi? Nxjerrin, pra detyrohen të heshtin. Edhe po të kenë vullnet, me provën që u bë, ata do heshtin.", tha Berisha.
TIRANË- Kryetari i Partisë Demokratike në deklaratën për mediat jashtë SPAK u pyet lidhur me incidentin që ndodhi në protestën e fundit të PD-së mes deputetëve demokratë dhe gazetarëve.
Në komentin e tij mbi këtë, Berisha vlerësoi gazetarët për kontributin e tyre në denoncimin e asaj që ai e quan "farsë elektorale". Më tej u shpreh se cilido politikan duhet të ketë një kujdes të veçantë në marrëdhëniet me gazetarin.
Ndërkohë u shpreh gjithashtu se në protesta situata është më delikatë dhe se mund të krijohen shpejt gjaknxehtësira dhe gjëra të papëlqyera.
"Tani, meqë më pyet, personalisht siç e di, kam falënderuar me sinqeritet, në mënyrë të përsëritur gazetarët për kontributin që kanë dhënë për denoncimin e farsës elektorale. Ai ka qenë kontribut i çmuar dhe unë e vlerësoj shumë. Ato kronika të tyre kanë qenë dhe janë jashtëzakonisht të çmuara. Nga ana tjetër meqë më pyet, të sugjeroj miqësisht të lexosh raportet e OSBE-së se çfarë thonë për mediat në Shqipëri. Ato thonë se mediat u sollën si në diktaturë. Kjo, absolutisht jo gazetarët e kronikës, ja këtu unë i përjashtoj.
Unë i përjashtoj këtu gazetarët e kronikës nga ky klasifikim, pasi ka prej tyre që kanë rrezikuar shumë veten me raportimet që kanë bërë me guxim dhe trimëri. Por në tërësi gjendja e medieve është shëmbëlltyrë e medieve në diktaturë. E thotë raporti, unë nuk kam lexuar ndonjë raport të tillë tjetër. Tani vijmë tek episodi, unë nuk e kam parasysh të gjithë, por jam absolutisht për respektimin e gazetarëve. Dhe ju, në qoftë se në anën tjetër në 3 muaj, nuk bënit dot një pyetje, në këtë anë keni bërë çfarë pyetje dhe keni marrë përgjigje për çfarë keni dashur.
Por cilido politikan duhet të ketë një kujdes të veçantë në marrëdhëniet me gazetarin. Sikundër në protesta, kur ka një kauzë, besoj se gazetari duhet të ketë në qoftë se nuk e mbështet protestën dhe nuk ka asnjë detyrim të mbështesë protestën, nuk duhet të marrë porosi dhe të zbatojë porosi të cilat nuk është vendi për t’i zbatuar aty se mund të krijojë gjaknxehtësira dhe gjëra të papëlqyera. Por marrëdhëniet me PD ju i keni pasur në tërësi më normale se me çdo forcë politike.", tha Berisha.
TIRANË- Kryedemokrati Sali Berisha ka komentuar mos futjen e doktor Ilir Alimehmetit në Kuvend. Gjatë fjalës për gazetarët nga SPAK, Berisha ka deklaruar se Alimehmeti është një luftëtar i çmuar dhe i shquar i PD-së. Ndërkohë që theksoi se Kuvendi është vetëm një përfaqësim nga shumë përfaqësime që ka PD-ja.
"E vërteta është se nuk e humbi fare. Ai është një luftëtar i çmuar dhe i shquar i PD-së dhe tregoi shkallën e lartë të pëlqyeshmërisë që kanë qytetarët për të. Natyrisht listat mund të ishin në disa lloje, por fakti që ai mblodhi ato vota, dëshmoi se ai është një veprimtar shumë i respektuar dhe i çmuar. Unë nuk besoj se vetëm parlamenti është përfaqësim, një parti ka shumë përfaqësime. Shumë mirë që e morët zotin Ilir shembull. Vërtet ai është një intelektual me pëlqyeshmëri të lartë dhe reputacion shumë të mirë," tha Berisha.
TIRANË- Kryedemokrati Sali Berisha është pyëtur nga gazetarët sot nëse ka pasur komunikim me drejtuesin politik të fushatës, amerikanin, Chris LaCivita në 72 orët e fundit.
Beriha nuk dha një përgjigje konkrete por u shpreh se e falenderon për kontributin që ai ka dhënë Partisë Demokratike, ndërsa e konsideroi këtë si një çështje private.
"Dua ta falenderoj për punën e bërë. Çështjet e privatësisë, Sali Berisha sado që është njëriu më publik që qarkullon, ka dhe ai privatësinë e tij. Ndaj dhe po mjaftohem me falenderimet për kontributin dhe ndihmën që na ka dhënë. Ju ftoj që të bëheni avoketër të interes publik të qytetarëve shqiptar. Ky është misioni i opozitës dhe mediave.", tha Berisha.
TIRANË- Kreu i Partisë Demokratike Sali Berisha është pyetur nëse do e drejtojë ai seancën e parë të Kuvendit në shtator si deputeti më i vjetër që është. Gjatë fjalës së tij, Berisha thekson se kjo nuk do të ndodhë ndonjëherë. Ndërkohë që më tej, Berisha ka theksuar se do të vazhdojnë betejën ndaj vjedhjes së zgjedhjeve.
"Kjo pyetja e ka përgjigjen, nuk do të mund të ndodhë ndonjëherë ajo. Unë vazhdoj betejën kundër kësaj vjedhje më monstruoze të 32 viteve në historinë e zgjedhjeve pluraliste. Kjo vjedhje ka qenë e paralajmëruar. Ne vazhdojmë betejën tonë, gjer në rikthimin e votës së lirë të shqiptarëve. Mos mendojë njeri se intimidohemi. Vjedhja ka ndodhur publikisht me vendime qeverie pa e fshehur fare. Kemi besim se do t’ia dalim”, tha Berisha.
TIRANË- Kreu i PD-së, Sali Berisha ka folur për mëdiat jashtë ambienteve të Prokurorisë së Posaçme. Berisha ka akuzuar sërish për mashtrim, gjyqtaren Irena Gjoka.
Ai ka ndarë me gazetarët dhe një dokument që sipas tij vërteton se Irena Gjoka është dënuar dhe dëbuar nga shteti i Greqisë. Berisha shprehet më tej se gjyqtarja publikisht e ka mohuar që ka pasur gjëra të tilla, ndërkohë ka marrë prokurë për t’i hequr këto masa.
"Tani, kreu i Gjykatës speciale, pseudogjykatësja me pesë mbiemra, është një mashtruese ordinere dhe delinkuente, e paturp, e pacipë, subjekt i ligjit. Ndërsa deklaron në formularët e saj, që i ka dorëzuar motrës së Lubi Ballukut, se nuk ka marrë ndonjëherë dënim në ndonjë vend, siç kërkon formulari.
A jeni dënuar me burgim me vendim gjyqësor jopërfundimtar nga ndonjë autoritet? Jo, thotë. A është marrë ndonjëherë masë dëbimi nga shteti i huaj? Jo, thotë Irena me 5 mbiemra. Por këtu shqiptarët duhet të mësojnë se kjo delinkuente, me datën 31.03.2013, ka firmosur tek noteri Fejzo Behaj, prokurën për vete, duke u paraqitur edhe si bashkëshortja e Stefan Gjokës. Në fakt, certifikatën e martesës e ka tre vite mbrapa.
Pra, autorizon të drejtë përfaqësimi Andon Ikonomu, avokat me siguri, të paraqesë çdo lloj prove të nevojshme dhe të nënshkruajë, të marrë në dorëzim çdo akt që është i nevojshëm për heqjen e masës së dhënë. Ne, thotë, të përfaqësuarit Stefan Gjoka, Irena Maneku, bashkëshortja e Stefan Gjokës, mashtrim me certifikatë, autorizojmë zotin Andon Ikonomu me banim në Patra, Aleksandër Ispilandi, të na përfaqësojë me pranë Ministrisë së Rendit publik në Athinë dhe çdo institucion tjetër të nevojshëm në lidhje me heqjen e masës së ndalimit të dhënë ndaj nesh në mënyrë të paligjshme.
Ky dokument vërteton se ajo është dëbuar nga shteti grek. Vërteton se ajo është dënuar nga shteti grek. Vërteton se ajo ka mashtruar shtetin shqiptar qoftë për dënimin, qoftë për dëbimin. Ajo publikisht e ka mohuar që kurrë nuk kam pasur gjëra të tilla, ndërkohë ka marrë prokurë për t’i hequr këto masa. Nuk mund të ketë mashtrim më ordiner dhe më të dënueshëm se ky. Se këtu ka një formular, të cilën sigurisht ia mbyll Lubia. Ndërkohë unë solla këtu para jush me vulë apostile dokumentin e gjykatës së Janinës se ajo është dënuar me tre muaj burg. Pra, siç e shihni, gjykata speciale kryesohet nga kriminelë specialë. Dhe që e vërteta , nuk është e vetmja.", tha Berisha.
TIRANË- Kreu i Partisë Demokratike Sali Berisha ka deklaruar se emigrantët shqiptarë kanë votuar masivisht për PD-në në këto zgjedhje. Gjatë fjalës së tij, Berisha theksoi se vota e tyre është manipuluar si në Korenë e Veriut. Në fund të fjalës së tij, Berisha shtoi se do të marrin përgjigjen më ekzemplare nga diaspora.
"Diaspora votoi masivisht për PD, por kutitë dhe votat e tyre janë manipuluar si në Korenë e Veriut. Diaspora do të thotë fuqishëm faljen e saj, sepse përdhosja që u bë do të marrë përgjigjen nga shqiptarët jashtë vendimit. Ata që menduan se do të tallnin diasporën, do të marrin përgjigjen ekzemplare," tha Berisha.
TIRANË- Kryetari i Partisë Demokratike, Sali Berisha është paraqitur ditën e sotme në Prokurorinë e Posaçme në zbatim të masës së sigurisë "detyrim paraqitje".
Ashtu si herët e tjera, Berisha dha një deklaratë për mediat pas daljes nga SPAK, ku tregoi dhe shënimin e lënë sot për kryeprokurorin Altin Dumani.
"Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama. Kjo është deklarata që unë i lashë kreut të Skapit.", tha Berisha.
TIRANË- Kryetari i Partisë Demokratike, Sali Berisha është paraqitur ditën e sotme në Prokurorinë e Posaçme në zbatim të masës së sigurisë "detyrim paraqitje". Kjo është paraqitja e disatë e kryedemokratit në SPAK në lidhje me çështjen e privatizimit të ish-kompleksit sportiv “Partizani”.
Sikurse dhe në ditët e tjera kur Berisha është paraqitur në SPAK, demokratët, mbështetës të tij, janë mbledhur para ambienteve të Prokurorisë së Posaçme.
Herën e fundit që Berisha u paraqit në SPAK, ai tha për gazetarët se ardhja e tij aty shërben si dëshmi e "keqpërdorimit të drejtësisë nga kryeministri Edi Rama për luftuar kundërshtarë politikë". Kryedemokrati tha se çështja kundër tij është dëshmi e standardit të dyfishtë të SPAK që sipas tij sulmon opozitën pa asnjë fakt. Ai tha se Prokuroria e Posaçme nga ana tjetër po mbulon vjedhjet dhe korrupsionin qeveritar.
