Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
• Reshjet e shiut dhe borës gjatë natës kanë shkaktuar probleme në disa akse rrugore të vendit. • Mësohet se në disa akse rrugore nacionale në Qarkun Kukës ka pasur rrëshqitje gurësh dhe inertesh. • Ndërsa disa fshatra, si njësitë administrative Surroj, Topojan, Shishtavec, Zapod, Kolsh dhe fshati Shemri janë pa energji elektrike. •Gjithashtu akset më të prekura nga moti i keq janë Koplik–Bogë, Dedaj–Razëm dhe Bogë–Theth. • Në këtë të fundit, reshjet e shiut të përziera me borë kanë nxitur autoritetet të vendosin në qarkullim dy mjete borëpastruese për pastrimin e rrugës. • Po ashtu probleme ka pasur edhe në aksin Ura e Shtrejtë–Prekal, në vendin e quajtur “Shkallë Logje”, ku sipasojë e reshjeve të dendura ka pasur rrëshqitje të dheut. • Ndërkohë në Bashkinë Fushë-Arrëz reshjet e shiut vijojnë me intensitet të lartë, ku janë shënuar rënie gurësh dhe dherash në rrugët rurale. •Si pasojë e motit të keq, pa energji elektrike prej më shumë se 24 orësh kanë mbetur fshatrat e njësive administrative Iballë dhe Fierz.
3 artikuj për këtë temë.
SHKODËR- Moti i keq vijon të shkaktojë probleme në disa vende. Në qarkun e Shkodrës, raportohet se është evidentuar shembje e rrugës në aksin Ura e Shtrejtë–Prekal, në vendin e quajtur “Shkallë Logje”.
Si pasojë, aksi është bllokuar për të shmangur çdo rrezik, ndërsa theksohet se po punohet për vlerësimin e dëmtimit dhe normalizimin e qarkullimit të lëvizjes së mjeteve.
Ndërkohë në disa njësi, konkretisht në bashkinë e Vaut të Dejës, ka patur shkëputje të energjisë elektrike. Gjithashtu në bashkinë Fushë Arrëz, si pasojë e reshjeve të shiut me intensitet të lartë, ka pasur rënie gurësh dhe dherash në rrugët rurale./Dosja.al
TIRANË- Autoriteti Rrugor Shqiptar ka reaguar lidhur me situatën në vend pas reshjeve të shiut, dëborës dhe temperaturave të ulëta gjatë natës. Me anë të një njoftimi në rrjetet sociale, ARRSH njofton se reshjet e dëborës kanë pushuar, ndërsa aktualisht vendi është përfshirë nga reshje shiu me intensitet të ulët deri në mesatar, të shoqëruara me rritje të temperaturave.
Sipas ARRSH, Grupet e punës me mjetet borëpastruese kanë qenë në terren gjatë gjithë natës, duke punuar për pastrimin e rrugëve nga gurët dhe inertet, si dhe për shpërndarjen e kripës në akset ku ka pasur rrezik për ngrica. Gjithashtu ARRSH bën me dije se qarkullimi i mjeteve vijon normalisht në të gjitha akset rrugore të vendit.
Njoftimi i ARRSH:
Gjatë natës reshjet e dëborës kanë pushuar. Vendi është përfshirë nga reshjet e shiut me intensitet të ulët deri në mesatar. Temperaturat kanë pësuar rritje. Grupet e punës me mjetet borëpastruese kanë qenë në terren përgjatë gjithë natës, për pastrimin e rrugëve nga rënia e gurëve apo inerteve dhe për shpërndarjen e kripës për të shmangur ngricat në akset rrugore ku ka pasur nevojë. Qarkullimi vijon normalisht në të gjitha akset. Drejtuesit e mjeteve të kenë kujdes, të pajisen me goma dimërore dhe zinxhir kur udhëtojnë për në zonat malore me prezencë dëbore./Dosja.al
KUKËS- Moti i keq ka 'mbërthyer' vendin, duke shkaktuar situata problematike në disa qytete dhe akse rrugore. Mësohet se në disa akse rrugore nacionale në Qarkun Kukës ka pasur rrëshqitje gurësh dhe inertesh.
Ndërkohë, subjektet kontraktore kanë qenë në terren gjatë gjithë kohës duke kryer pastrimin dhe kriposjen e rrugëve, pa penguar qarkullimin. Aktualisht, të gjitha akset rrugore nacionale janë të qarkullueshme. Nga bashkitë Kukës, Has dhe Tropojë nuk raportohet asnjë problematikë emergjente.
Sa i përket energjisë elektrike, pjesa më e madhe e Qarkut Kukës furnizohet normalisht, ndërsa pa energji mbeten: Njësitë administrative Surroj, Topojan, Shishtavec, Zapod, Kolsh dhe fshati Shemri (bashkia Kukës); Nj.Adm. Lekbibaj (bashkia Tropojë); Fshatrat Vlahën, Cahan (Nj.Adm. Qendër Krumë) dhe Nj.Adm. Fajza (bashkia Has)./Dosja.al
